رواية اصبحت شخصا اخر بعد رؤيتها الفصل الثاني 2 بقلم ندى سامي

رواية اصبحت شخصا اخر بعد رؤيتها الفصل الثاني 2 بقلم ندى سامي

رواية اصبحت شخصا اخر بعد رؤيتها البارت الثاني

رواية اصبحت شخصا اخر بعد رؤيتها الجزء الثاني

رواية اصبحت شخصا اخر بعد رؤيتها الحلقة الثانية

سليم : بصى يا منه يا بنتى انا عارف انك اكيد مش موافقه ع الجوازه دى بس صدقينى انا مش لاقى غيرك الى هتكون مناسبه ل ابنى
منه بأستغراب : ازاى يعنى
سليم : انتى الوحيده إلى هتقدرى تصلحيه هو اه بيرجه كل يوم وش الفجر و شارب و حالته بايظه و مش بيروح الشغل غير كل فين و فين بس انا واثق انك هتغيريه انا عايزك تغيريه للاحسن يا منه بايمانك و ثقتك في ربنا هو محتاج حد يبقى جمبو و يفهمو بس هو مش متقبل منى اى حاجه و انا عملت كده عشان اوقف المهزله اللى بتحصل انا واثق فيكى .. خليه يحبك و يثق فيكى و هو ساعتها أن شاء الله يتغير
منه : بس اللى فيه طبع وحش مستحيل يتغير
سليم : لو خلتيه يقرب من ربنا و وقفتى معاه أن شاء الله بربنا و بيكى هيرجع زى الاول و احسن
منه : طب هو ايه السبب أنو يبقى كده
سليم : دى حاجه بأيدك انتى لو وثق فيكى هيحكى كل حاجه ف قلبو لان انا نفسى مش عارف السبب
منه : معلش اخر سؤال
سليم : اتفضلى
منه : هو ايه الى خلى حضرتك تثق فيا اوى كده
سليم : عشان انا عارف باباكى الله يرحمه و معاشره كان صديقى من ايام الجامعه و كنت عارفك من و انتى صغيره بس بعد كده بعدنا بلا سبب و انا عارف اخلاقك كويس عشان كده وثقت فيكى و صدقينى لو حصل حاجه هكون اول واحد يقف جمبك
منه بابتسامه : أن شاء الله ابقى قد الثقه

خلصنا كلام و خرجنا برا و قعدت مع احمد
احمد: اولا كده عشان نبقى ع نور مفيش خروج م البيت من غير ازن ولا حتى تسألينى جى منين و رايح فين انا بس الى اسأل و ملكيش دعوه بالبنات اللى اعرفها و برجع ف نص الليل و دى حاجه تخصنى ملكيش دعوه لأن احنا اصلا مش متجوزين عن حب ولا انا عايز اتجوز اصلا
منه ببرود تام : مقولتش ثانياً !
بصلى بذهول ف كملت : حوار البنات ده ف انا ليا دعوه لانى هبقى مراتك المفروض يبقى ليا احترامى و ع فكره انا مش هسمع كلامك عشان خايفه منك ولا حاجه انا هسمع كلامك بس عشان المفروض هتبقى جوزى مش اكتر و حوار ترجع ف نص الليل دى ف براحتك عشان انا اصلا مش عايزه اشوفك
احمد : طب كويس اوى احسن برضو
فضلنا قاعدين ساكتين لحد م دخلو علينا
حسنيه : ها يا ولاد خلصتو كلام
منه : من بدرى
سليم : انا بقول نعمل الفرح و الخطوبه يوم الخميس الجى
منه : بس ده بدرى اوى
حسنيه بتجز ع سنانها : خير البر عاجله يا حبيبتى
سليم : ها ايه رايك يا منه
منه : تمام اللى تشوفوه
~~~~~~~~ بعد م مشيو
اسراء : هو ايه ده وافقتى بسرعه كده
حكيتلها كل حاجه ف قالت : شاطره والله انا كنت حاسه اصلا ان فى حاجه ورا كده
منه : بس انا خايفه
اسراء : متخافيش طول م معاكى ربنا يبقى اطمنى
رن تليفون اسراء و كان باباها
اسراء : طب يا منون همشى انا بقى عشان بابا
منه : ماشى يا روحى توصلى بالسلامه خلى بالك من نفسك
اسراء بضحك : حاضر
_______________________

تانى يوم نزلما جبنا الشبكه .. بعدها ب يومين
اسراء : سلام يا منه انتى دلوقتى عشان وصلت الشركه هكلمك لما اخلص
منه : ماشى ربنا معاكى متتوتريش
اسراء بابتشامه : حاضر باى
و هى داخله وقفها السيكيورتى : حضرتك رايحه فين
اسراء : انا كنت جايه عشان انترفيو الشغل الى هنا
السيكيورتى : مظنش هيوافقو بس ماشى ادخل
اسراء دخلت و هى مستغربه و فضلت مستنيه لحد م جه دورها
خبطت ع الباب ف رد عليها الى جوا : ادخل
اسراء : السلام عليكم
لف الى جوا بالكرسى و بصلها و قال : اتفضلى
اسراء : انا كنت جايه اقدم ع شغل السكرتيره هنا
_ اه عارف هاتى ال cv بتاعك
اسراء باحراج : اتفضل
_ حلو مش وحش بس هتواظبى ع الشغل و مش هتيجى تقولى اصل كذا ولا مش عارف ايه و عايزه اجازه عشان كذا
اسراء : لا أن شاء الله
_ الشغل هنا قبل م تمضى ع الورق ليه شروط كتير و فى حاجات ممكن تحصل تضايقك و ده بيحصل ف اى شغل ف الكلام ده كلو موجود في الورقه دى اقرأيها و بعدين امضى
قرات الورق و بعدين سابته و مضت و هى ساكته
_ قرأتى عن ابن صاحب الشركه !!
اسراء : اه
_ تمام تقدرى تروحى تشوفى شغلك هتلاقى البنت إلى برا دى هى إلى هتوديكى
اسراء : تمام شكرا
فضل باصص شويه بعد م خرجت و بعدين دخل عليه احمد!
احمد باستغراب : هى مين إلى برا دى
_ …

احمد : انت يبنى بكلمك
_ ها ايه
احمد : ايه ايه مين إلى برا دى
_ السكرتيره بتاعتى
احمد : منقبه يا كريم !!
كريم : ايه المشكله يعنى
احمد : المشكله ف أنها منقبه
كريم : دى مش مشكله يا صاحبى و انت إلى عاملها مشكله اظن النقاب ده مش هيمنعها تشتغل يعنى بالعكس أنا شايف انها ممكن تبقى احسن واحده بتشتغل هنا و عندها امانه اكتر
احمد : بعد كده لما تشغل حد ياريت تقولى يا كريم
كريم ببرود : استاذ سليم باباك الى قالى امسك الحوار ده من أوله ل اخره و انى ابقى مسؤل عن إلى اجيبه
مشى احمد بعصبيه و خرج من الشركه و لسه هيروح لصاحبه و يشرب افتكر كلام سليم
Flash back
سليم بعصبيه و زعيق : العيال دى مشوفكش معاهم تانى انت سامع
احمد : لا دول صحابى و هفضل معاهم
سليم ضربه بالقلم و قال : أقسم بالله لو عرفت انك قربت منهم و شربت تانى ولا روحت مكان م الاماكن دى تانى لكون مبلغ عنك و مش هيهمنى حاجه
احمد بعصبيه : بلغ عنى و اخلص انا من امتى هامك اصلا
سليم : اعقل يا غبى انا كل إلى بعمله ده ليك و ف مصلحتك انا عمرى م فكرت أذيك انا كل م اقرب منك انت إلى تصدنى إلى بتعمله ده اكبر غلط يا احمد و مش ده إلى هيصلح الدنيا إلى هيصلح كل ده هو ربنا مش الشرب صحابك دول هما إلى بيأذوك ودوك ل اوس*خ طريق و انت مشيت معاهم
Back
فاق ع صوت موبايلو و هو بيرن برقم حد من صحابو
صاحبه : ايه يا معلم اتأخرت ليه
احمد : مش هاجى مشغول انهارده
صاحبه : مش هتيجى ازاى يعنى ده انا كنت مظبط الدنيا و كلو فل و جبت اجدد نوع حش*يش
احمد : بقولك ايه انا مش ناقص وجع دماغ قولت مش هاجى
مستناش يرد عليه و قفل ف وشو و راح يقعد ع البحر يفكر في كل حاجه حصلتلو و هو بيشرب سجارة
_______________________

عند منه
منه : ها يا بنتى عملتى ايه
اسراء : استلمت الشغل الحمدلله و بدأت من انهارده
منه بفرحه : بجد مبروك يا روحى
اسراء : الله يبارك فيكى .. انتى فين ايه صوت العربيات ده
منه : رايحه اقعد ع البحر شويه قرفت م الست إلى معايا ف البيت دى
اسراء : معلش يا حبيبتى استحملى كلها يومين و تمشى من وشها البومه ده
منه : هه م انا هدخل ع هم تانى يختى
اسراء : والله يا بنتى انا حاسه انو هيتغير أن شاء الله بقى ف ربنا
منه : أن شاء الله
اسراء : سلام انا بقى دلوقتى عشان الشغل
منه : ماشى سلام
قفلت و لسه بدور ع مكان اقعد فيه شوفت حد حاجه انى اعرفه
منه ف نفسها : مش ده احمد !!
لما اتاكدت روحت و لقيته ماسك سجاره و سرحان ف شديت منو السجاره و رميتها ع الأرض
احمد بعصبيه : ايه ده مين إلى سمحلك تعملى كده
منه بهدوء : انا
احمد : ونبى .. انتى عايزه ايه و جايه هنا ليه
منه : مش عايزه حاجه مكنتش جايه عشانك اصلا كنت جايه اقعد ع البحر
احمد : طب روحى اقعدى بعيد عنى بقى
فعلا مشيت و روحت اقعد بس قعدت قريب منو شويه ف بصلى ب لا مبالاه و سرح تانى
منه : انت جيت هنا ليه مش عندك شغل
احمد بفصلان : يا ستى انتى مالك ايه ده م تسيبينى ف حالى
منه : احسن برضو انا غلطانه انى بتكلم
بعدت بالكرسى و بقى فى مسافه شبه كبيره بينا و لقيتو حط السماعات تقريبا عشان ميسمعنيش لو اتكلمت !! طلعت الروايه بتاعتى و قعدت اقرأ ف هدوء لحد م جه ولدين !

ولد 1 و هو بيشد الروايه : روايه ايه دى يا قمر ورينى كده
منه بعصبيه : ايه ده انت عبيط هات الكتاب
ولد 2 : مالك بس كده اهدى احنا بنهزر معاكى
منه : وانتو تعرفونى عشان تهزرو معايا هات
ولد 1 بغمز : و مالو نتعرف يا جميل
ضربتو بالقلم و لقيتو اتعصب فجأه و لسه هيمد ايدو لقيت حد ماسك ايدو لحظه ده احمد !! هو مش كان حاطط السماعه عشان ميسمعنيش سمع ازاى و كمان كان مغمض عينو قاطع تفكيرى احمد و هو بيشتمه و نزل فيهم ضرب لحد م الناس اتلمت لحد م فكو بينهم و الولاد جريو و الناس مشيت
احمد : اتفضلى عشان تروحى
مشيت قدامه و لسه هوقف تاكسى لاقيته بيشدنى من الكم
منه : ايه ده انت اهبل ابعد ايدك
احمد : بقولك ايه مش عايز اتعصب اكتر و اهو ايدك اهى روحى اركبى
منه : مش هركب معاك انا
بصلى بصه ساعتها الصراحه خوفت منها ف روحت عشان اركب كده كده احنا فرحنا كمان كام يوم و اصلا عمو قال لو حصل حاجه انا موجود و هو اكيد مش هيعمل حاجه
قال و هو بيركب العربيه : شاطره اسمعى الكلام ع طول بقى
منه ف نفسها : بنى ادم مستفز و رخم وربنا
_______________________
بليل ف الشركه
راحت اسراء تخبط ع مكتب المدير بتاعها
_ ادخل
اسراء : احم استاذ …

اسراء ف نفسها : ايه ده انا معرفش اسمو هو ايه ده
_ كريم اسمى كريم
اسراء : احم اه استاذ كريم انا خلصت كل الشغل و الورق اهو
كريم : تمام تقدرى تروحى كده كده لو فى شغل تانى كلو هيمشى دلوقتى
اسراء : تمام شكرا
كريم : انا ماشى دلوقتى لو تحبى اوصلك عشان الوقت اتأخر
اسراء : لا شكرا انا هروح لوحدى
_______________________
يوم الخميس ف الاوتيل بتاع الفرح
حسنيه : …

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اصبحت شخصا اخر بعد رؤيتها)