رواية قدري الأجمل الفصل الخامس 5 بقلم شاهندة إمام

رواية قدري الأجمل الفصل الخامس 5 بقلم شاهندة إمام

رواية قدري الأجمل البارت الخامس

رواية قدري الأجمل الجزء الخامس

رواية قدري الأجمل الحلقة الخامسة

في مكان أول مره نروحو بيت رقية …
منال: أنا مش عارفه هي عايزه تشتغل ليه وكمان مُصره علي الشُغل
حسين والدها بهدوء: هي عارفه مصلحتها هي مش صغيره
منال: لا صغيره طالما عايزه تتعب نفسها في الشُغل يبقي هي مش عارفه مصلحتها
حسين: واحده وعايزه تشتغل يبقي حُره
منال: وتتعب نفسها ليه ما شغل البيت والتعب جاي ليها أنا مش رضيت اتكلم معاها عشان متزعلش
حسين: مش تتكلمي معاها هي مش بتقول الست اللي بتشتغل عندها دى كويسه دا غير إنى واثق فى تربيتي ليها
منال: بس أنا متأكده إن في حاجه هي مخبياها عليا قلبي بيقول كده
حسين: مفيش حاجه بس انتِ مكبره الموضوع يمكن عشان هي أخر سنه فحابه تشتغل
منال: يارب يكون كده
حسين: طب هروح الجامع أنا عشان الحق الصلاه سلام
منال: مع السلامه يا أبو رقية

_في قصر بدر
في اوضه كاميليا
رقية بتعب: كفايا كده يا كوكى احنا لعبنا كتير اوى
كاميليا: لا تعالي نلعب تاني
قاطع كلامهم صوت تليفون رقية بيرن وكان يوسف
رقية: طب يا كاميليا أنا هتكلم في التليفون ثانيه وأجيلك
كاميليا وهى بتلعب: ماشي متتأخريش
رقية: حاضر
_رقية دخلت البلكونه تكلم يوسف
رقية: الو يا يوسف
يوسف: ازيك يا رقية عامله ايه
رقية: انا الحمدلله بخير وانت
يوسف: كويس وحشتيني
رقية بتغير موضوع: وايه اخبار عمي شاكر ومراتو
يوسف بضيق: احنا تمام بقولك وحشتيني
رقية: مفيش داعي للكلام دا يا يوسف
يوسف: ليه مفيش داعي هااا
رقية: عشان احنا مفيش بينا حاجه رسمي فمينفعش تقول ليا كده احنا عيال عم بس
يوسف: هو أنا كُل ما أكلمك تقولي ليا احنا عيال عم

رقية: عشان احنا كده مفيش بينا حاجه ولا عمرها هتبقي في
يوسف: أنا مش فاهم انتِ متغيره معايا ليه كُل دا عشان زلت لسان لما اتكلمت على الفلوس
رقية: زلت لسان ااااه زلت اللسان دى مره او اتنين لاكن انت كُل مره في كلامك معايا بتقول نفس الجمله
يوسف: وخلاص اعتذرت هفضل اعتذر طول حياتي
رقية بسخريه: صح أنا ليه مكبره الموضوع اوى
يوسف بإنفعال: سلام يا رقية سلااااام
قفل يوسف في وش رقية وهي اتنهدت بحُزن
_عند يوسف
صاحبو: مالك يا يوسف
يوسف: مفيش يا كريم مخنوق شويه
كريم: طب خد خلص الورق دا أصل المدير بيلف علي البنك كلو بدل ما ياجي ويخنقك اكتر
يوسف: هات ياعم بس روح اطلب ليا واحد قهوه وابعتهالى هنا
كريم: ماشي تمام
_عند رقية
كاميليا راحت لها: رقية اتأخرتي ليه
رقبة: معلش يا حببتى
كاميليا: هو انتِ زعلانه
رقية: لا يا حببتى مش زعلانه مش يلا عشان نكمل لعب
كاميليا: يلا

_في الجامع عند أبو رقية
بعد الصلاه
شاكر: ازيك يا ابو رقية عامل اية
حسين: الحمدلله يا أبو يوسف اخبارك انت ايه
شاكر: الحمدلله هو الواحد مش يشوفك غير في الجامع والمدرسه
حسين: الدنيا مشاغل يا ابو يوسف محدش فاضي بس لو عايز تزورنى بيتي مفتوح لك في اي وقت
شاكر وهو بيخبط على كتف اخوه: هو دا العشم يا ابو رقية
حسين: يلا بينا يا ابو يوسف
شاكر: يلا
_بدر خلص شغلو ورجع البيت ودخل اوضه كاميليا وكانت رقية معاها
كاميليا بفرحه: بابي
بدر وهو بيشلها: حبيبه بابي عامله ايه اوعي تكوني زعلتي رقية
كاميليا: لا أنا هاديه خالص يا بابي حتي أسأل روكا
بدر وهو بيبص لرقية: صح يا رقية
رقية ابتسمت: ايوه يابدر بيه صح هي مش بتتعبنى خالص
بدر: شطوره عشان كده أنا عندى ليكِ مفاجأه عارفه ايه هي
كاميليا بضحك طفولى: أكيد شوكلاته
بدر بيطلع الشكولاته من جيبه: أحلي شكولاته لأحلي كاميليا
كاميليا بفرحه: شُكراً يا بابي
بدر: العفو يا حبيبه بابي

_‌بدر بيطلع واحده تاني من جيبو
بدر لرقية: اتفضلي يا رقية
رقية: لا شُكراً يا بدر بيه
بدر بإبتسامة: انا جبتها خلاص اعتبريها هديه صُلح مني
رقية ابتسمت وأخدتها: شُكراً يا بدر بيه
بدر:بلاش بدر بيه دى
رقية: أمال اقول لحضرتك ايه
بدر: تقولي بدر من غير بيه
رقية: لا أنا مش هقدر اقول كده
بدر بيهرش في دقنه: رقية ايه رأيك نبقي اصحاب
رقية: نبقي أصحاب
بدر: ايوه يعني أنا اقولك رقية وانتِ تقولى ليا بدر بس
رقية بتوتر: لا أنا مش هقدر اقول لحضرتك كده
بدر: لا هتقدرى أنا مش عايزك تقولي بدر بيه تانى اتفقنا
رقية: لا رد
بدر: هاا يا رقية اتفقنا
رقية بتوتر: اتفقنا يا….
بدر: يا ايه
رقية: يا بدر

بدر ابتسم: شاطره
_قاطع كلامهم تليفون رقية وكانت نهال
رقية: الو يا نهال
نهال: ايوه يا رقية مجتيش ليه النهارده
رقية وهى بتبص لبدر: لا أنا هروح على الامتحانات
نهال: علي العموم أنا كتبت ليكِ المحاضرات اللى فاتك
رقية: شكراً يا نهال أنا مش عارفه اشكرك ازاي
نهال: بابنتى احنا اخوات عادى يعنى
رقية: طب ممكن تجيبيها على قصر بدر بيه اللي بشتغل عندو
نهال: ماشي معنديش مانع بس ايه العنوان
رقية: خُدى بدر بيه اهو وهو هيقولك العنوان
_رقية أدت التليفون لبدر

بدر بذوق: الو يا أنسه نهال ازيك عامله ايه
نهال: انا الحمدلله بخير
بدر: هو انتِ فين وابعتلك السواق
نهال: لا شكراً حضرتك قول العنوان وأنا هوصل
بدر: طيب زى ما تحبى العنوان *********
نهال: أنا عرفت العنوان ونص ساعه كده أو اقل وهوصل سلام
بدر: سلام
_نهال قفلت مع بدر
رقية بابتسامة: شكراً
بدر ابتسم: العفو أنا مش عملت حاجه يعنى
بعد أقل من نص ساعه بدر ورقية سمعو صوت عالي بره ووو……

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية قدري الأجمل)