رواية خدعتني ولكني أحبك الحلقة الأولى 1 بقلم ندى حافظ

 رواية خدعتني ولكني أحبك الحلقة الأولى 1 بقلم ندى حافظ 

رواية خدعتني ولكني أحبك الحلقة الأولى 1 بقلم ندى حافظ

رواية خدعتني ولكني أحبك الحلقة الأولى 1 بقلم ندى حافظ 

_ يعنى اى اتجوز واحد معرفوش واحد مبحبهوش وهو نفسه مبيحبنيش ، هتجوز جواز صالونات ازايييى يا اميره 

_ عادى يا ندى امى و امك و امه و ام عم ابراهيم اتجوزو جواز صالونات

_ انا غير انا مش موافقه مش هقابل حد انا ، العريس اترفض انا رفضته خلاص 

كلمتى مش هتنزل الأرض ابدا ، ومش هاعد معه اصلا و هرفضه من غير ما اشوفه زيى اللى قبله ..

_ احم يا انسه 

_ ندى ، أسمى ندى انسه دى تبقى ، بلاش احسن 

رفع حاجبه و بصلى بحده _ انا احمد 33 سنه خريج كليه  تربيه و شغال فى شركه *** و عندى شقه و عربيه و المرتب كويس و…

_ بص يا 

_ احمد 

_ بص يا احمد انا مبيفرقش معايا الكلام ده خالص ده يفرق مع امى و امك ابويا و ابوك لكن مش انا 

حط رجل على رجل و بصلى بسخريه _ يبقى اللى يهمك الحب و الروايات و عايزه مكتبه فى الشقه و يهمك أننا ناعد مع بعض فى البلكونه مع فنجان القهوه و صوت ام كلثوم حوالينا

وااو ده عارف انا عايزه ، انا هوافق ده اى القمر ده يا ربى 

عدل أعدته و قرب وشه منى _ وانى اكون بحبك من زمان و براقبك فى صمت ، اللى يهمك الكلام الفارغ ده صح 

بعدت عنه بـ صدمه ، كلام فارغ الحب كلام فارغ انا لازم ارفض المتخلف ده 

_ موافقه يا ماما 

_ لولولولى مبروك هروح اقول لابوكى يا حبيبتى 

وافقت ليه معرفش ، من غير ما احس قررت انى اوفق رغم أن كلامه ده يخليه يترفض من غير تفكير 

_ بصى انا بفكر نعمل ركن زيى مسجد كده علشان منكسلش عن الصلاه و علشان اولادنا يطلعو بيصلو و العربيه اغيرها اى رايك و كمان بفكر أن أعمل مشروع جنب شغلى فى الشركه دى و استنى خليكى هنا 

دى اول خروجه لينا بعد خطوبتنا اللى مش شهر لاول مره نخرج انا وهو بس ..

_ اتفضلى 

_ الله ، ورده 

_ عارف انكم البنات بتحبه الكلام الفارغ ده 

_ كلام فارغ تانى ، على عموم ميرسى 

هو معقد اكيد معقد الحب كلام فارغ و الورد كلام فارغ و اى تانى يا احمد هيطلع كلام فارغ 

_ فى اى يا احمد متصل زيى دلوقت ليه 

_ مفيش كنت سهران و اعد على الفيس و اتكلمت مع بنت فى الكومنتات و عجبتنى و علشان انا خطبك قررت اقفل و اكلمك انتى احسن بدل ما ..

_تحبها هى يعنى و كده

_ انا مش هحب انا خوفت تكون بنت تافهه بتومن بالحب زيك و زيى كل البنات

_ تافهه !! ، طب عجبتك ليه ؟؟

_ أنها خليتنى اتكلم معاها و ندخل و نتناقش ده شئ ذكر جدا منها انا …

_ مش سهل حد يكلمك ؟؟

_ مش كده اقصد اى واحد فى الليل الشيطان بيخليه يكلم بنات حلوه علشان الكلام بينهم يدخل فى مواضيع مش حلوه وانا مبحبش اتكلم فى المواضيع دى ا…

_ علشان بتخاف من ربنا صح ؟؟ 

_ بتسالى كتير 

_ من طبيعى هسال كتير انا معرفكش فلازم اسال 

_ بتحبى المانجا 

_ بعشقها

_ مش عايزه تاكلى

_ لا ، انا عايزه انام 

_ تمام سلام 

قفل !!! ، قفل فى وشى طيب يا سى زفت ، 

_ مال عينك يا ندى انتى كنتى بتعيطى ؟؟

_ لا يا اميره انا كويسه 

_ عليا انا برده 

_ مش مبسوطه يا اميره ، نفسى احب و اتحب زيى ما بشوف على نت و حد يقولى كلام حلو و كل يوم الصبح يقولى بحبك و قبل ما ينام يقولى بحبك و لما يقلق يقولى بحبك و هو بياكل يقولى بحبك  ” سكت شويه وبعدين مسكت أيدها ” هو انا متحبش يا اميره ؟؟

_ ليه بتقولى كده يا ندى ، انتى تتحبى و و …

_ و طيبه و جميله و لطيفه دايما نفس الكلام بسمعه منكم ، لكن فى الحقيقه انا متحبتش يا اميره ، لو كنت اتحب كنت اتحبيت من ولد ايام الدراسه او ابن الجيران أو حد يبعتلى جوابتات من غير ما اعرفه أو كان هيبقى فى حد زيى ضياء بيحبك و طلب ايدك علشان عايزك علشان بيحبك ومش عايز غيرك انتى ، انا مش غيرانه منك يا اميره لكن كان نفسى اتحب 

حضنتنى وانا عيطت ، عيطت لسبب هيبقى تافهه و كلام فارغ لـاحمد  ..

_ مالك ؟؟

_ مفيش يا بابا 

_ والله ، اومال الابتسامه مش على وشك الجميل ده ليه يا جميلتى

ابتسمت _ انا بحبك اوى يا بابا 

حضنى و باس خدى _ متزعليش انك هتتجوزى جواز صالونات يا حبيبتى ، انتى عارفه كويس انك حبيبتى و مش محتاجه حد يحبك لانك حبيبتى انا و بس ، عارفه بفكر اخليكى فى حضنى لحد ما اموت لكن عايز اشوف احفادى الحلوين اللى زيك 

شديت على حضنه اكتر و الدموع اتجمعت فى عيونى ، 

كنت طالعه من باب العماره و بعدل كم الفستان وبعدين بصيت لقيته بيبصلى ، فنزلت راسى لحد ما اوصلتله ..

_ يلا اركبى 

_ اوكى

فتح ليا الباب و دخلت و هو ركب و ساق ، أعد يحكيلى على إلى. حصل معه امبارح إلى. انا عارفه اصلا و بدأ يحكى اللى. حصل معه قبل ما اركب معه و ، ياربى ده رغايى اوى لكن لطيف .

_ اى رايك فى تلفزيون ده 

_ امم حلو 

_ طب التلاجه دى 

_ لا لونها وحش دى احلى 

_ دى سوده 

_ ما انا بحب اللون الاسود هاا اى تانى 

رغم تفكيره المعقد إلا أنه شخص كويس طيب و حنين و لطيف و انا قادره احس معه فى الامان ، حقيقى هو شخص كويس جدا جدا …

_ محبتش قبل كده ؟؟

_ لا كنت بحب أو كنت مومن بالكلام الفراغ ده زمان و …

_ خانتك ولا ماتت ولا اتجوزت غيرك ولا اى هااا 

_ ولا حاجه من دى ،هو  مكناش فاهمين بعض فقررت اسيبها و بس 

_ تعرف انا بقى كان نفسى احب و اتحب و و ، الو احمد انت قفلت طيييب يا احمد 

الوقت بقا بيجرى بسرعه رهيبه و كل شويه معاد الفرح بيقرب ولسه احمد مش مقتنع بالحب ، لكن انا بقا فحبيت احمد بجد ، قدر يخطف قلبى و يوقعنى فى شباك حبه ، لكن مفيش اى استجابه منه و لسه شايف أن الحب كلام فارغ ، سنه و نص مخطوبين كل يوم بحبه عن اللى قبله ، و فرحنا كمان يومين و الخوف بقا مسيطر عليا اوى ، بابا يجى يطمنى و ماما و اميره و اخويا و حماتى ، لكن اول ما بشوفه بطمن و بحس بـ امان مش طبيعى ..

_ يعنى اى عايزه فستان تانى غير اللى اشترنا ، مش هو كان عاجبك ، عايزه رجعى ده و تجيبى غيره ليه يا بقره براس كلب انتى 

_ ماما فى اى مش ده اليوم اللى فى العمر مش من حقى ألبس حاجه حبها 

_ و هنقول اى لـ خطيبك 

_ انا هقولو 

_ ندى بطلى هبل 

_ واطى صوتك بتصل بـ احمد ، الو يا احمد بص البس و تعالى علشان هرجع الفستان ده و اجيب غيره

_ و قوليو ليه هتعملى كده 

قفلت السكه و دخلت اوضتى و عيطت ، هى مش المفروض امى هو فى أم بتعمل كده معه بنتها …

_ انت اى اللى جابك يا احمد 

_ واحد و جاى يشوف مراته 

_ لسه مبقتش 

_ مكتوب كتابنا ولا نسيتى 

_ و ده يخليك تدخل اوضتى يعنى 

_ بتعيطى ليه 

_ مش بعيط 

مسك ايدى و أعدنى جنبه _ قوليلى زعلتى ليه من طنط لما طلبت انك تقوليلى ليه عايزه تغيرى الفستان 

_ …

_ طب افكر انا ؟ ، امم ممكن علشان حبيبتى تخنت شويه و كل شويه تلبس الفستان و حاسه انه شكله وحش و هو فى حقيقه حلو جدا و …

_ حبيبتك ؟؟

_ كويس انك لبسه يلا هاتى الفستان علشان نغيره 

_ طيب 

هو قال حبيبته و ملاحظ انى تخنت و عارف انى كل شويه اشوف الفستان هو ازاى حلو كده هو ازاى خله قلبى يحبه كده هو قمر كده ليه يرخبيت حلاوتك …

روحت رجعت الفستان و جبت واحد تانى و كان اجمل من التانى بكتير و عجبنى جدا و عجب احمد ، 

_ بصى يا ندى الطرحه دى 

_ امم حلوه 

_ طب بصى الفستان ده 

_ حلو 

_ و الجزمه دى 

_ لطيفه 

_ طب الشنطه دى 

_ اه حلوه

_ تخيلى لو لبستهم هيبقى شكلهم حلو عليا 

_ طب ما احنا فيها البسيهم

_ لا لا انا لسه البسهم انتى تخيلى بس 

_ طيب ، شكلك روعه يابت 

_ انتى بتضحكى عليا 

_ لا طبعا 

_ احمد اتصل بيا النهارده 

_ نعم احمد جوزى اتصل بيكى ليه 

_ أهدى كان يسأل على شويه حاجات تخصك 

_ ايه هى 

_ قالى مقولكيش 

_ اه وبعدين

_ بصى سالنى …

طبعا لان اميره حبيبتى بتسمع الكلام ، وهو قالها متقوليش فقالتلى ،

قررت اروح اعمل مفاجاه لـ احمد و ارحلو الشغل لانه رايح ياخد اجازه علشان بكره الفرح و كنت مبسوطه جدا طبعا علشان هشوفه ، روحت سالت على مكتبه و قررت مخبطش لانه مش حد غريب ده جوزى يا جماعه ، فتحت الباب براحه لقيت احمد و واحده ، احمد و بنت فى حضنه !!! 

يتبع..

لقراءة الحلقة الثانية : اضغط هنا

لقراءة باقي حلقات الرواية : اضغط هنا

نرشح لك أيضاً رواية عاشق المحامية للكاتبة منه وائل.