روايات
رواية يوم عرافات الفصل الأول 1 بقلم Hikaro Shani
رواية يوم عرافات الفصل الأول 1 بقلم Hikaro Shani
رواية يوم عرافات البارت الأول
رواية يوم عرافات الجزء الأول
رواية يوم عرافات الحلقة الأولى
مريم/بابا انت بتقول ايه انا مش هجوزه! دا واحد معرفش عنه حاجة ولا شوفته اصلا ازاي تعمل كده!
بتتكلم مريم وهي منهارة من العياط فـ بيرد والدها جمال بعصبية
جمال/انتي اتجننتي يابت بترفعي صوتك عليا؟ بكرا كتب كتابك على عمر وانتهى النقاش يلا روحي اوضتك!
بتعيط مريم اكتر وبتجري على اوضتها وبتقفل الباب وراها وكل دا تحت انظار نسمة اختها الزعلانة عليها فبتروح على والدها
نسمة/بابا مش ممكن تفكر تاني ممكن تلاقي حل غير جوازتها منه هنقدر نسدد الديون متقلقش!
جمال/ازاي بس يا بنتي انا ذات نفسي مش عاوزاها تتجوز بس مقدرش ادخل السجن واسيبكو لمين انتم ملكمش حد غيري انا اموت فيها والله يا نسمة
بتنزل دموع نسمة وبتحضنه وبتطبطب عليه
نسمة/بعيد الشر عليك يا بابا متقولش كدا
جمال/يلا روحي نامي يا بنتي بكرا جمعتك ومتفكريش في الموضوع ده تاني
نسمة/تصبح على خير يا بابا
جمال/وانتي من اهل الخير يا عيون بابا
بتروح نسمة فعلا تنام وبيجي اليوم الموعود ومريم بيجهزوها في اوضتها وصحابها بيهونو عليها فبتدخل نسمة اختها
نسمة/خلصتم؟ العريس وصل بسرعة
بصت مريم لـ نسمة بقهرة والدموع مش مفارقة عينيها فبتروحي تحضنها وتهون عليها وهي كمان بتعيط
نسمة/معلش يا قلبي والله انا مبقاش فيها روح خلاص من ساعة مسمعت الخبر هتروحي وتسبيني متقلقيش هما الخمس اشهر اللي هتقعديهم مع الراجل ده وهتطلقي منه متفقديش الامل
مردتش مريم عليها من الحسرة اللي هيا فيها وبيلبسوها اخر حاجة طرحتها وبيزوقوها وبتطلع الصالون..