رواية خلف أسوار القلب الفصل الثامن 8 بقلم سهيلة عبد الجواد

رواية خلف أسوار القلب الفصل الثامن 8 بقلم سهيلة عبد الجواد

رواية خلف أسوار القلب البارت الثامن

رواية خلف أسوار القلب الجزء الثامن

رواية خلف أسوار القلب الحلقة الثامنة

في النادي…
نادين: الو يا رودينا تعالي بسرعه عاوزاكي ضروري
رودينا وصلت وقعدت معاها: ايه يبنتي فيه ايه
نادين: انتي مش قلتي ان يوسف سافر ومحدش عارفله طريق
رودينا: ايوا
نادين: انا بقي شوفته النهاردة
رودينا بفرحه: ايه دا بجد شوفتيه فين
نادين : بصي انا شوفته في المول
رودينا: بس كدا ..طيب احنا هنعرف مكانه منين
نادين: اكيد هيتعرفله طريق مش هيفضل كدا وفيه حاجه تانيه
رودينا: قولي
نادين: يوسف ورنا مفركشين ورنا اتخطبت يعني انتي كدا الكورة في ملعبك وانتي وشطارتك
رودينا بفرحه: خدي بوسه” وباستها في خدها”
نادين بضحك: يلهوي علي جنانك
_____________________
احمد: الو ياسلمي عامله ايه
سلمي: الحمدلله
احمد: انا هجيلك دلوقت انا وماما ونور وحبيبه
سلمي: تنوروا
_____________________
مروان: نور تعالي ننزل نجيب حاجات
نور: رايحه مشوار كدا دلوقت مش هينفع
مروان: بقالك مدة كل اما اقولك حاجه تقولي مش هينفع
نور : معلش بقا يلا سلام عشان نازلين “وقفلت معاه”
_____________________
في الشركة
محمود: ايه يا سناء فيه حاجه
سناء : فيه بنت يا فندم عاوزة تقابل حضرتك
محمود: خليها تتفضل
محمود: اتفضلي يابنتي اقعدي
اسراء : شكرا لحضرتك
محمود: ايه بقا فيه ايه
اسراء : انا عاوزة اشتغل في الشركه وحبيت اني اقابل حضرتك شخصيا
محمود: تمم قدمتي ورقك
اسراء بحزن: قدمته واترفضت
محمود: طيب ليه
اسراء: عشان لسه متخرجه جديد ومعنديش خبرة
محمود : طيب وريني ورقك كدا
اسراء : اتفضل
محمود: ماشاء الله باين انك كنتي طالبه متفوقه
اسراء :حضرتك جربني وانا عندي اقتراحات وافكار كتير اوي كمان
محمود: طيب يبنتي انتي اتقبلتي في الشغل وهتشتغلي بس في القسم التاني من الشركه اللي هو خاص بالتصميم وكدا انما انا القسم بتاعي بتاع ادوات البنا والكلام دا
اسراء بفرحه: شكرا جدا لحضرتك
محمود: تعالي يا سناء عاوزك
محمود: خدي سناء ووديها لابراهيم هتشتغل هناك
سناء: حاضر
_____________________
في بيت سلمي…
سهير: نورتونا والله
هبه: دا نورك يا حببتي
سلمي وهي بتقدم العصير: اتفضلي اشربي يا طنط
هبه: تسلميلي
احمد: سلمي تعالي عاوز اكلمك
سلمي: طيب تعالي البلكونه
احمد: بتاخدي ادويتك
سلمي بحزن : اه
احمد: طيب خلي بالك من نفسك
سلمي : حاضر
____________________
في الشركه..
ابراهيم: بص يا محمد هو التصميم تمم بس الجزء دا محتاجه تظبيط
محمد: طيب تمم عن اذنك
“وهو بيخرج خبط في اسراء”:
اسراء: مش تحاسب ياعم انت
محمد: انتي اللي مبتشوفيش
اسراء: ماتلم نفسك يبني آدم انت
محمد: انتي اللي مين وايه اللي جابك هنا اصلا
ابراهيم” خرج علي صوتهم” : ايه يا محمد فيه ايه ومين البنت دي
اسراء: انا استاذ محمود باعتني عشان اشتغل هنا
ابراهيم: طيب خلاص يلا يا محمد علي شغلك وانتي يبنتي تعالي المكتب
_____________________
مروان:الو يانور ايه فينك
نور: انا تحت البيت بركن وطالعه اهو
مروان: انتي كنت فين اصلا
نور: في مشوار كدا مع ماما واحمد
مروان: طيب خليكي في العربيه وانا هنزل ونتمشي شويه بيها
نور: ماشي مستنياك سلام
نور طانت سرحانه وبتكلم نفسها: يا تري هتفضلي خايبه كدا وماشيه ورا الاوهام دي ولا ايه نظامك
مروان: انا جيت يلا بقا انزلي انا اللي هسوق
نور: حاضر
مروان: ساكته يعني فيه ايه مالك
نور: مليش
مروان: كنتي فين صحيح
نور: رحت مع ماما واحمد. عند سلمي عشان نطمن عليها اصلها اغمي عليها امبارح وهي مع احمد ولما كشفوا عليها طلع عندها كانسر
مروان: ربنا يشفيها
عدا وقت وهما ساكتين
مروان: برضو سكتي تاني يبنتي مش متعود علي كدا انتي فيه ايه مضايقك
نور: ولا حاجه بس عاوزة اروح
مروان: ليه طيب
نور: تعبانه حبتين..دقيقه رنا بتتصل
نور: الو
رنا:….
نور: كان ورايا كام مشوار كدا
رنا:…
نور: طب سلام دلوقت
مروان :فيه ايه
نور: لا كانت بتقولي مرحتش الكليه ليه
مروان: وانتي مرحتيش ليه
نور : مليش مزاج ها هتروحني ولا هنفضل نلف كدا كتير
مروان: هروحك اهو خلاص
_____________________
في بيت عبدالرحمن…
عبدالرحمن: ايه يارنا انتي لسه جايه
رنا: ايوا يابابا
عبدالرحمن: طب تعالي عاوز اكلمك
رنا : حاضر
عبد الرحمن: لسه بتعاملي ايهاب بنفس الطريقه
رنا: دا خطيبي مش جوزي يعني المعامله معاه تبقي علي اضيق حدود وبعدين انا معرفهوش اصلا يعني فجأه كدا اعرف ان ليك اخ تاني من مامتك واعرف ان ليا ابن عم ف دا لوحده يخليني اعامله زي اي حد غريب
عبدالرحمن بيأس: ربنا يهديكي يبنتي
رنا: يارب بس فهم ايهاب ان مليش في جو المخطوبين والو كل شويه وحب ودباديب والكلام دا ماشي يابابا
عبدالرحمن: حاضر
_____________________
مروان: عاوزين نبدأ نجهز في الشقه بقا
نور: طيب
مروان: انتي مش فرحانه ليه دا شكل واحده هتبدأ تجهز في شقتها
نور : معلش بقا نصيبك تقع في واحده زيي عن اذنك ” وطلعت”
_____________________
في شركه شوقي…
شوقي: الو يا عمرو تعالي
عاوزك….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية خلف أسوار القلب)