رواية غرام الفصل العاشر 10 بقلم سلمى هاني

رواية غرام الفصل العاشر 10 بقلم سلمى هاني

رواية غرام البارت العاشر

رواية غرام الجزء العاشر

رواية غرام الحلقة العاشرة

غرام بدموع الكلام ده كله كدب انا مليش عيلة وهي كانت فين العيلة دي من زمان انت جاي دلوقتي وتقولي ليا عيلة ومن بين كل الناس تطلع انت ابن عمي لا ده مستحيل
ادهم ببرود انا متفاجئ زيي زيك واكيد مكنتش حابب ان واحدة زيك تكون بنت عمي بس نعمل ايه دي الحقيقة جدي الله يرحمه ويسامحه مكنش موافق ان عمي يتجوز واحدة اقل منه ولما ابوكي صمم انه يتجوز الي بيحبها جدي حرمه من انه يكون ليه عيلة وحرمه من فلوسه بس لما تعب الفترة الي فاتت قالنا ان كان لينا عم وكان نفسه يشوفه عشان يطلب منه يسامحه بس اتوفي قبل ما يعرف وانا من كام يوم كلفت حد يدور ع عمي بس اكتشفت انه مات للاسف مصدقتش ودورت تاني لغاية ما اتأكدت انه فعلا مات وانك بنتي عمي من النهاردة انتي مسئولة مني ومش محتاجة تشتغلي عشان تصرفي ع نفسك وانا هاخدك دلوقتي واوديكي ع القصر عشان تتعرفي ع عيلتك ومفيش طلوع من القصر غير ع المحاضرات وانا هكلف سواق عندي يوصلك ويرجعك كل يوم
غرام بصدمة اجي معاك فين انا قولتلك مليش عيلة وان كان ع الشغل اطمن انا مش هكمل شغل معاك واعتبرني مستقيلة من دلوقتي
ادهم بعصبية لما اكون بطلب رأيك يبقا من حقك تقرري تيجي او لأ انا بعرفك انك هتيجي معايا وعايزك تتأكدي ان حياتك الي فاتت كلها كوم والي جاي كوم تاني خالص وغصب عنك هتحترمي نفسك وتبعدي عن الواد الصايع الي كنتي ماشية معاه والله أعلم كنتي عايشة معاه ولا عايشة عند مين الفترة الي فاتت
غرام بعصبية لغاية هنا وكفاية انا مش هسمح لواحد زيك يشكك ف اخلاقي مش معني انك كده وانت فاهم قصدي كويس أنك تفتكر ان كلام الناس زيك

 

 

 

ادهم لولا انك بنت كنت عرفتك قيمتك كويس ومن غير كلام كتير جهزي نفسك عشان كلها ساعة وهاخدك معايا واتفضلي خلصي شغلك وجهزي نفسك عشان نمشي
غرام قولتلك مش هروح معاك ف مكان
ادهم خليكي قاعده لحد م بابا يجي وانا هكلمه دلوقتي
يتصل ادهم ع ابوه
ادهم بابا انا اتكلمت مع غرام بس هي مش متقبلة ان ليها عيلة ومش عايزة تيجي معايا حاولت معاها كتير ومفيش فايدة
محمد خليها قدام عينك دلوقتي انا مش عايزها تضيع مننا بعد ما لقيناها انا شوية وهكون عندك وهحاول اقنعها انا
ادهم حاضر يا بابا مع السلامه وبيقفل ادهم مع ابوه خمس دقايق وبابا هيجي وهو ال هيكلمك علشان انا زهقت منك تسكت غرام متردش عليه
وبعد خمس دقايق بيوصل محمد الشركه
ويدخل مكتب ادهم واول ما يدخل بيشوف غرام قاعدة بتعيط
محمد انتي شبه مايا بالظبط انا حاسس ان الي واقفة قدامي دلوقتي مايا مش بنتها ادهم سيبني شوية مع بنت عمك
ادهم حاضر ويخرج من المكتب
وبعد خروج ادهم

 

 

 

محمد انا عارف انك مصدومة اكيد مش سهل عليكي بعد ده كله تكتشفي ان عندك عيلة بس يا غرام انا لسه عارف قريب ان أخويا مات انتي متخيلة اني بدور عليه من ٢٣ سنة ويوم ما اسمع خبر عنه الاقيه مات احمد ده مكنش مجرد اخ ليا ده كان كل حاجة بالنسبالي وابويا الله يرحمه ويسامحه بعده عننا انا خسرت أخويا يا غرام ومفيش غير انتي الي فضلالي من رحيته ومش مستعد اخسر الحاجة الوحيدة الي فضلالي من أخويا ياريت تيجي تعيشي ف القصر معانا انا مش هقدر اسيب بنت أخويا تعيش بعيد عننا
غرام ببكاء انا هسمع كلامك وهاجي اعيش معاكوا بس ينفع تسيبني النهاردة بس عشان الم حجاتي واعرف ندي اني هعيش معاكوا
محمد الي يريحك يا غرام هسيبك النهاردة براحتك وبكرة هبعت السواق يجبيك بس عايزك تسيبي عنوانك ورقم تليفونك لأدهم
غرام حاضر وتدي غرام رقم تلفونها وعنوانها لادهم
غرام استئذن انا ولسه هتطلع بينادي عليها عمها
والد ادهم غرام استني ممكن احضنك
غرام بتجري عليه وتحضنها وتقولها حضنك دافي ذي بابا
محمد من النهارده هتعتبريني ابوكي واي حاجه تحتجيها تيجي تقوليلي وهتكون عندك
غرام ربنا يخليك ليا
والد ادهم ويخليك يابنت الغالى يلا روحي شوفي شغلك
غرام حاضر استئذن انا وتروح ل ندا علشان تحكيلها
عند مكتب معاذ
ندا غرام مستر ادهم كان عاوز اي
غرام اسكتي يا ندا مش هتصدقي ال حصل

 

 

 

ندا خير يا غرام
وبتحكي غرام ل ندا ال حصل معاها
ندي بصدمة وهزار ف نفس الوقت انا حاسة إني بسمع فيلم هندي ادهم طلع ابن عمك يا بختك عندك ابن عم مز كده لا وكمان الشركة الي بنشتغل فيها تطلع شركتك
غرام انتي بتقولي ايه يا ندي ده وقت هزارك وبعدين يا ستي انا مش عايزة ده كله وادهم ده بالذات انا مش بطيقه وف الاخر يطلع ابن عمي وهقول لحمزة ايه دلوقتي وازاي هيوافق اني اعيش مع ادهم ف نفس البيت
ندي انا مقدرة صدمتك بس مع الوقت هتعرفي ان دي حاجة كويسة وليكي سند ف الحياة واكيد ادهم معاملته هتتغير معاكي بعد ما عرف انك بنت عمه وان كان ع حمزة اكيد هيتفهم كل ده المهم عنده انك تكونى مبسوطة يلا روحي كملي شغلك عشان نخلص ونروح نجهز حجاتك
غرام ماشي
وف صباح اليوم التالي
ندي بس كده اخيرا خلصنا كل حاجة
غرام انا قلقانة اوي من الي هيحصل النهاردة عمي باين عليه طيب وحسيت حنين بس ادهم ده انا مش عارفة هعيش معاه ف بيت واحد ازاي وكمان لسه معرفش اخته او امه هيتعاملوا معايا ازاي
ندي متقلقيش اكيد عمك هيقف جمبك ومش هيسمح لحد يغلط فيكي
غرام ربنا يسترها
ويرن تليفون غرام برقم غريب
غرام اكيد ده السواق الي هيوصلني يمكن يكون وصل
ندي ردي عليه وشوفيه طيب
غرام ايوة مين

 

 

 

ادهم انا ادهم يا غرام خلصتي ولا لسه انا مستنيكي برا
غرام وليه تيجي انت مبعتش السواق ليه
ادهم انجزي يا غرام انا مستني
غرام حاضر انا خلصت وطالعة اهو
وتقفل غرام معاه وتودع ندي عشان تمشي
ندي بدموع هتوحشيني اوي يا غرام خلي بالك من نفسك وطمنيني عليكي متنسيش
غرام حاضر يا ندي وبعدين يا بنتي ايه الاوفر ده احنا هنشوف بعض ف الكلية
ندي بس هتوحشيني بردو انا اتعودت عليكي معايا ف البيت
غرام وانتي كمان هتوحشيني يا ندي كفاية كده خليني امشي عشان ادهم مش ناقصة مشاكل معاه انتي عارفة
ندي خلاص ماشي
وتطلع غرام لأدهم
ادهم دي كل حجاتك
غرام ايوة
ادهم طب يلا اطلعي ويفتح ليها باب العربية
غرام وهي مصدومة ادهم انت كويس
ادهم اركبي يا غرام ونتكلم ف العربية
غرام حاضر
وف الطريق
ادهم غرام كنت عايز اتكلم معاكي ف موضوع كده قبل ما نوصل
غرام خير

 

 

 

ادهم ايه رأيك ننسي كل المشاكل والخناقات الي بينا احنا دلوقتي ولاد عم وانا عن نفسي نسيت كل حاجة فاتت وهبدأ معاكي من اول وهتلاقي ادهم غير الي عرفتيه قبل كده بس طبعا مش عايز غلطة منك
غرام لا انت مش طبيعي النهاردة بس آسفة انا مش هقدر انسي كلامك الي قولته ولا هنسي معاملتك ليا مش معني انك بقيت ابن عمي اني اقدر انسي ده بسهولة انت ظلمتني كتير يا ادهم
ادهم معاكي حق يمكن متقدريش تنسي دلوقتي بس انا متأكد انك مع الوقت هتنسي وانا هعمل كل الي اقدر عليه عشان تنسي الي فات يلا وصلنا
وتدخل غرام القصر وهي متوترة وتجد الجميع ف انتظارها
محمد غرام تعالي يا حبيبتي اعرفك دي ثريا مراتي
ثريا بقرف اهلا
ودي بنتي انجي
انجي بصدمة انتي

 

 

 

غرام انتي تعرفيني
انجي بتوتر هاا لا بس بشبه عليكي
محمد غرام هطلع ارد ع الموبايل واسيبكوا تتعرفوا
وبعد خروج محمد
ثريا بحقد نتي عمرك ما هتكوني من العيلة دي ومش عشان قدرتي تضحكي ع محمد بكلمتين انا هسيبك تعيشي ف القصر اوعدك قريب اوي هرميكي ف الزبالة الي جيتي منها
ادهم بعصبية ماما القصر ده بتاع غرام زي ما هو بتاعنا انا هعدي الي سمعته ده ومش عايز اسمع انك غلطتي ف غرام تاني عشان متصرفش تصرف مش هيعجبك
ثريا ادهم انت واخد بالك بتقول ايه انت بتكلمني كده عشان دي
ادهم دي بتكون بنت عمي يا ماما ومش عايز كلام ف الموضوع ده
انجي طلعي غرام اوضتها عشان تستريح

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية غرام)