رواية أجمل ما رأيت الفصل الثاني 2 بقلم رنا مصطفى

رواية أجمل ما رأيت الفصل الثاني 2 بقلم رنا مصطفى

رواية أجمل ما رأيت البارت الثاني

رواية أجمل ما رأيت الجزء الثاني

رواية أجمل ما رأيت الحلقة الثانية

* اتفضل معايا على البوكس … معايا أمر بالقبض عليك
اتصدمت و قولت
” ليه ؟ أنا عملت ايه ؟
* تعالى على القسم و هتعرف
” لا مينفعش … مينفعش اسيب مراتي لوحدها
* ده ميهمنيش اللي يهمني إنك تتفضل معايا على البوكس
” يا حضرة الظابط أنا ….
* يا عساكر الامن تعالوا خدوه !!
جم العساكر اخدوني جوه البوكس و مشينا
طلبت تليفون من العسكري قعدت كتير اتحايل عليه لغاية ما اخيرا وافق
* تخلص بسرعة أنا مش عايز مشاكل مع الظابط
” حاضر
أخدت التليفون و اتصلت على أختي نوران
‘ ألو مين معايا ؟
” أنا مراد يا نوران
‘ مراد ؟؟؟ بتكلمني ليه من رقم غريب … في ايه ؟
” أنا مطلوب القبض عليا في قضية
‘ ليه عملت ايه ؟

 

 

” معرفش والله لما اعرف هقولك … المهم تتحركي من المكان اللي انتي فيه حالاً و تروحي على بيتي خليكي جمب رنا أوعى تسبيها لغاية ما تيجي الدكتورة نور
‘ رنا مالها يا مراد ؟ أنا مش فاهمة حاجة ما تفهمني !!
” اعملي اللي بقولك عليه بس دلوقتي يلا بسرعة يا نوران روحي على بيتي
‘ حاضر
قفلت معاها و رجعت التليفون للعسكري …
نوران راحت على بيت مراد زي ما قالها … لقيت الباب مفتوح ف دخلت وقفلته وراها و قعدت تنادي على رنا ف مردتش عليها
ف دخلت أوضة النوم لقيت رنا نايمة على السرير و متغطية عادي
‘ طيب ماله مراد قالي ليه كده ما اهي كويسة و نايمة … لحظة بس هي إزاي فضلت نايمة و البوليس جه ياسين من هنا ؟؟
حاولت تصحيها لكن مصحيتش
رن جرس الباب … نوران فتحت لقيت الدكتورة نور
دخلوا لرنا هم الإتنين
الدكتورة كشفت على رنا و ركبت جهاز أكسجين ليها
‘ يا دكتورة هي مالها ؟
* جاتلها صدمة عصبية شديدة أدت إلى فقدان وعيها … نامت وهي مضايقة يعني … أنا اديتها حقنة مهدئة و هي هتصحى بعد شوية و كتبت شوية أدوية تمشي عليها لمدة شهر و هتبقى كويسة بإذن الله
‘ الحمد لله
* استأذن أنا بقا لإني سايبة المستشفى لوحدها … عن إذنك
‘ سلام

 

 

مشيت الدكتورة و نوران قعدت جمب رنا مستنياها تصحى و عايزة تعرف هي اضايقت من ايه لدرجة إنها نامت و مصحيتش !!
في القسم ،،،،،
” قضية سر*قة 150 مليون دولار ايه !! انا مسر*قتش حاجة والله !!
* الفلوس إزاي اتحولت لحسابك في نفس الوقت اللي الفلوس اتسرقت من خزنة شركة آسر ماهر محمد ؟؟؟
” معرفش !!
* انتوا الإتنين كنتوا شركاء … بعد كده اتفصلت شراكتكم مع بعض ، صح ؟
” أيوة صح
* يبقى شركتك و شركته اتفصلوا و اتحولتوا لأعداء يبقى ده مبرر كبير يدفعك إن تسر*قه
” أيوة منكرش فيه ما بينا عداوة بس مأخدتش منه جنيه حتى لو سر*قت كنت قولت بنفسي و ….
* شششش اخرس … كلامك ده ملهوش لازمة هنا أنت هتدخل الحجز و بعد ما التحقيق يبدأ تقول اللي عايزه
* يا عسكري تعالى خد الأستاذ مراد الحجز عشان يرتاح شوية
جه العسكري دخلني أوضة الحجز و قفل الباب
على قد ما القضية اللي واقع فيها كبيرة كنت شايل هم واحد وهو رنا حتى نسيت أجيب المحامي بتاعي كل تفكيري كان عليها هي وبس
” يا ترى صحيت ولا لا ؟
رنا صحيت و استغربت لما شافت جهاز الأكسجين متركب عليها
جات تقوم ف نوران منعتها و قالت
‘ لا لا خليكي مرتاحة
– هو ايه اللي حصل ؟

 

 

‘ فقدتي وعيك بس إنتي الحمد لله كويسة اهو … ثواني هروح اعملك كوباية عصير
– اه … ماشي
دخلت نوران المطبخ ،،، رنا استغربت إن مراد مش موجود ف قالت في سرها
– واضحة اهي مش قادر يبص في وشي ف مشي و جاب أخته هنا عشان يريح ضميره … مش عارفة كان عقلي فين لما اتجوزتك !!
جات نوران و ادتها كوباية العصير
‘ اتفضلي
– اشكرك
بعد ما شربت رنا العصير قالت نوران
‘ هو إنتي متعرفيش البوليس ليه جه و أخد مراد ؟؟
– أخده ليه ؟
‘ معرفش من ساعة كده اتصل عليا من رقم غريب تقريبا ده تليفون حد من العساكر … مقالش ايه اللي بيحصل بالظبط بس قالي اجيلك بسرعة
قالت رنا بلامبالاة
– ماشي
‘ مش عيزاكي تتضايقي من سؤالي بس … هو انتوا متخاصمين ؟
رنا مردتش عليها ف قالت
‘ آسفة على سؤالي … بس كنت عايزة اعرف ليه جاتلك صدمة عصبية
– صدمة عصبية ؟!!

 

 

‘ أيوة هي كانت سبب في اغمائك عشان كده سألتك
قالت رنا و الدموع في عيونها
– اه فعلا احنا متخاصمين بس ده بقا عادي بالنسبالي … اخوكي بيتخانق معايا على اتفه سبب … بيحط حواجز بنفسه ما بينا و بعد كده يجي يحاسبني أنا … مكنتش برد عليه اصلا بس آخر خناقة زودها أوي … بقا زي غيره بيحاسبني على شىء مش بإرادتي ومليش ذنب فيه … كل ده عشان و أنا صغيرة عملت حادث اتسبب إني مبقاش أم … بيحاسبني على شىء مش بإيدي !!
‘ خلاص متعيطيش أنا هتكلم معاه
– لا متتكلميش معاه … أنا مش عايزة افتح المواضيع دي تاني كفاية لغاية كده … أنا قولتلك بس لإني مش لاقية حد احكي معاه … حتى أهلي بطلوا يكلموني من فترة معرفش ليه … كأنهم مش عايزيني في حياتهم و ما صدقوا خلصوا مني !!
نوران حضنتها و قالت
‘ وقت ما تحبي تحكي أنا موجودة … يلا امسحي دموعك
– حاضر
رن تليفون نوران ف لقيت نفس الرقم اللي رن عليها ف عرفت إنه مراد ف ردت
‘ ألو يا مراد … ها قولي أنت في القسم ليه ؟
” قضية سر*قة سيبك مني دلوقتي … رنا صحيت ؟
‘ أيوة صحيت
” اديها التليفون
‘ حاضر
مدت نوران التليفون ناحية رنا عشان تاخده … لكن رنا مأخدتهوش
ف خرجت نوران بره الأوضة و اتكلمت بصوت واطي مع مراد
‘ مرضيتش تاخده

 

 

قولت بنبرة حزن
” طيب حاولي تاني قوليلها إن عايز اكلمها و افتحي مكبر الصوت
‘ ماشي
رجعت نوران عند رنا و فتحت مكبر الصوت و قالت ل رنا
‘ مراد اتصل عايز يكلمك يا رنا
– مش عايزة أكلم حد خصوصاً هو … قوليله صحيت بس عشان ضميره يرتاح ما هو كده دايما لازم يرضي ضميره في أي حاجة … و قوليله كمان لو لسه فيه خناقة تاني لسه متخنقهاش معايا يأجلها شوية كده عشان مصدعة
لما سمعت كده منها زعلت جدا !!
” ماشي سلام يا نوران دلوقتي
‘ هبعتلك محامي و هرن على مصطفى يجيلك
” ماشي
قفلت معاها و رجعت التليفون للعسكري
قعدت على الأرض مضايق من نفسي و من اللي عملته فيها
” أنا السبب … كل ده بسببي … وجعتها و كسرتها لدرجة الله أعلم باللي حساه جواها … استاهل اللي أنا فيه دلوقتي … اوووف
‘ أنا لازم امشي دلوقتي يا رنا … عشان هجيب محامي ل مراد بس لو احتاجتي أي حاجة رني بس عليا و هرد عليكي على طول
– ماشي … اشكرك إنك جيتي هنا شكرا جدا
‘ العفو ، يلا سلام
– سلام
حضنتها نوران و مشيت

 

 

رنا مسكت تليفونها فتحت الفيس
كان الفيس مقلوب على خبر القبض على رجل الأعمال الشهير “مراد السيد عامر ” في قضية سر*قة 150 مليون دولار من خزنة شريكه السابق ” آسر ماهر محمد ”
و كانت الأخبار كتيرة نازلة عليه :
( هل يا ترى فعلا رجل الأعمال مراد السيد عامر سر*ق المبلغ ده من شريكه السابق … ؟ )
( الفلوس اتحولت لحساب شركة مراد السيد عامر في نفس الوقت اللي اتسحبت من خزنة شركة آسر ماهر محمد )
( أخبار كتير عن أصحاب شركات تمويل البترول حصلت سر*قة من شركة آسر ماهر محمد بمبلغ كبير لا يستوعبه العقل كمان بالدولار !! )
( مرت سنتين على انفصال الشركتين لسبب غامض ليس معروف حتى هذا الوقت و كان تصريحهم بعد الإنفصال هي عدوات أدت لذلك و نتفاجىء جمعينا اليوم ببلاغ من آسر ماهر محمد على مراد السيد عامر بتهمة السر*قة )
( عداوات كتير بين أصحاب شركات التمويل أدت إلي فسخ عقد الشراكة بين الشركتين و انفاصلهم عن بعض بعد ما كانوا قوة متحدة من سنتين هل العداوة دي اتسببت في دفع مراد السيد عامر للسر*قة لإنتقام من شريكه السابق … ؟ )
قفلت رنا التليفون و فضلت تفكر
– يعني بعد ما انفصلت شراكتهم جه عمل عقد شراكة جديد مع شركة بابا !!
– أنا مالي بالحوارات دي كلها مفيش موقع و إلا جايب الخبر ده … كنت اتجوزت واحد مثلا خريج فنون جميلة عشان يرسمني
– بس هو مين آسر ماهر محمد ؟ أول مرة اسمع اسمه !!
فتحت رنا تليفون و بحثت عنه لغاية ما لقيت صفحته الرسمية و فضلت تتفرج عليها لغاية ما عرفت شوية عنه
جه مصطفى صديقي القسم و دخل الحجز

 

 

* مراد مواقع التواصل الإجتماعي مقلوبة عليك أنت و آسر … الزفت آسر هو اللي قدم بلاغ ضدك
* مراد أنا جبت المحامي بتاعك هو بره بتكلم مع الظابط عشان يعرف التفاصيل
* لغاية دلوقتي منعرفش إزاي الفلوس دي كلها اتحولت لحسابك !!
* التحقيق هيبدأ معاك بكره
* مراد أنت سامعني ؟؟
* مراد !!
” أيوة سامعك اهو
* أنت مش معايا خالص يا مراد بقولك اتحول لحسابك 150 مليون دولار إمبارح الفجر الفلوس طلعت ل آسر … عارف لو مفوقتش من سرحانك ده و ركزت في اللي أنت فيه دلوقتي … لو لزقت فيك التهمة هتتسجن 16 سنة حتى لو رجعنا الفلوس واخد بالك ولا أقول مرة كمان ؟
” عارف
* مالك مضايق كده ليه ؟ متقلقش هطلعك من هنا و هسمح كل الأخبار اللي عنك على النت
” أنا مش مضايق لإني هتسجن أنا مضايق من حاجة تاني
* ايه هي ؟
” متشغلش بالك المهم أول حاجة اعملها ترجع الفلوس دولا دولار اللي وصلوا ل حسابي لمروان و بعد كده هشوف إزاي أثبت أني برىء في التحقيق
* حاضر … اجبلك حاجة تأكلها ؟
” بعدين روح اعمل اللي قولتلك عليه
* ماشي
خرج مصطفى و رجعت اقعد زي ما كنت و كل تفكيري في رنا
حاطط عيوني على الباب على أساس تيجي لكن مجتش و بتكلم مع نفسي و بقول

 

 

” مستنيها ليه مين قالك إنها هتيجي ولا هتبص في وشك حتى … أنت تستحقق كل اللي بيجرالك ده ذنبها هي … كل دمعة نزلت من عيونها بسببك سواء بقصد أو من غير بتتحاسب عليها اهو … أنت شخص وحش يا مراد … وحش جدا
رنا راحت غسلت وشها و لبست و خرجت
أثناء ما هي ماشية في الشارع طلعت تليفونها و اتصلت على ” آسر ماهر محمد ” … جابت رقمه من صفحته
رنت أربع مرات … مردش عليها ف المرة الخامسة رد
– أستاذ آسر معايا ؟
* لا أنا مدير أعماله
– حضرتك أنا عايزة أكلم أستاذ آسر لو سمحت ؟
* أستاذ آسر مشغول دلوقتي أظن بما إنك تعرفيه يبقى عرفتي اللي حصل في شركته
– اه عرفت … عشان كده أنا اتصلت … أنا عايزة اساعده عندي الحل !
* ماشي هقوله لما يجي الشركة هتصل عليكي
– تمام
قفلت رنا معاه و قعدت في كافيه كانت عايزة تروح القسم ل مراد بس مش راحت عنده
– لا مش هروح مش هستحمل ولا امسك أعصابي لو قال كلمة مش كويسة عليا … إنتي غبية يا رنا !! عايزة تروحي لواحد شك في شرفك لمجرد إنك ماسكة التليفون كتير ؟؟ شك فيكي من غير دليل حتى ؟؟ أهانك بطريقة وحشة جدا و قال عليكي كلام مفروض ميتقالش أساسا … و كل ده عشان اتسجن كام ساعة عايزة تروحيله !! لا أنا هقعد هنا مش هروحله يكفي بس إني اساعده يخرج … ويبقى كده عملت اللي عليا بزيادة أوي … وحدة غيري بعد اللي قاله عليا كانت قت*لته من زمان !! و غير كده هو عنده أخته و صديقه و أهله كل دول جمبه اما أنا معنديش حد … أنا هقعد هنا
– واحد كابتشينو لو سمحت ؟
* حاضر يا فندم
في القسم ،،،،،،،

 

 

العسكري قال
* مراد السيد عامر عندك زيارة
” ماشي
دخل واحد قعد جمبي مباشرةً كان لابس كاب
” أنت مين ؟
رفع الكاب و قال بإبتسامة
‘ معقولة نسيتني !! أنا آسر يا مراد … لا بجد اعاتب عليك مش عشان عدى سنتين مشوفناش بعض تنساني نهائي كده … ده احنا كان بينا ملايين الدولارات زمان … نسيت كل حاجة يا مراد ؟؟
‘ لبست الكاب بس عشان الصحافة يبطلوا يجروا ورايا … حلو شكل الكاب صح ؟ … دي غالية أوي … جبتها من فرنسا من حوالي شهر كده
اتفاجئت جدا و قولت
” آسر أنت هتشلني والله يعني مقدم فيا بلاغ سر*قة و جاي تقولي نسيت كل حاجة كانت ما بينا !!
‘ اعمل ايه يعني ؟؟ المبلغ كبير الصراحة ولو مرجعش شركتي … هيحصلي إفلاس … يرضيك الناس يقولي آسر شركته بقا مفيهاش جنيه حتى ؟؟
” تقوم تسجني أنا !!
‘ مكنتش هقربلك غير لما عرفت إن حسابك حصله زيادة كبيرة جدا جدا جدا في نفس الثانية اللي اختفت فلوسي من عندي
” والله !! آسر … أنت أكتر واحد على الكوكب كله عارف و متأكد مليون في المية إني مش بسر*ق جنيه واحد من حد ولا باخد أي حاجة مش من حقي
‘ الكلام ده ملهوش أي لازمة فلوسي لسه موجودة في حسابك
” هرجعهم لك زي ما هم … و تاخد زيادة عليهم كمان تمن الشوشرة اللي حصلت
ضحك بصوت عالي وقال ببرود
‘ أنت فاكرني أنا عامل الهيصة دي كلها عشان الفلوس ترجعلي بس !!! أنت صدقت الهبل اللي أنا قولته في الأول ؟ إن هيحصلي إفلاس و كده ؟ … قد ايه أنت غبي و هتفضل طول عمرك غبي اللي دخلك مجال رجال الأعمال والله ظلمك
‘ يا حبيبي أنا ميهمنش ابدا ال 150 مليون دولار خليهم عندك مش عايزهم أنت عارف كويس أوي إني أقدر أعمل ضعفهم خلال شهرين بس !!

 

 

” و يا ترى هتعمل ضعفهم إزاي ؟ بالحر*ام كالعادة صح ؟ بتقول عليا غبي لإني مش نصا*ب زيك … أنا عندي اعيش و أموت و أنا غبي أحسن من إني اعيش زيك في عالمك القذ*ر
‘ أنا مش عارف دماغي كانت فين لما دخلت شراكة معاك ! بص يا مراد من الآخر كده أنا عايزك تتسجن تعرف ليه ؟
قرب مني وقال وهو بيبصلي في عيوني
‘ لإني بكرهك … عمري ما كرهت حد قدك كده … فضلت سنتين كاملين بدور على طريقة اسجنك بيها و لما فصلت شراكتك معايا بسبب إن مش عجبتك طبيعة شغلي و حاولت تبلغ عني أكتر من مرة … لما اتفصلنا اتعصبت منك جدا مشيت بعد ما خسرتني سُمعتي كأنك بتقولي اسجني يا آسر … فأنا عملت كده اهو … مهما حاولت تخرج مش هتخرج … مهما جبت ألف محامي مش هتخرج … مهما حاولت تدافع عن نفسك مش هتخرج برضو … هتعفن هنا في السجن لبقية عمرك !!
” أنت بتتكلم كده بشجاعة عشان فيه الناس اللي أنت شغال معاهم أنت في حمايتهم بس أنا بتكلم بشجاعة عشان ربنا بيحميني
‘ مش خايف على أهلك مني ؟
” لا … أهلي عارفينك كويس ولو كنت ناوي تأذيهم كنت عملت كده من زمان بس مش هتقدر تقرب منهم لأنهم كلهم مع بعض
‘ اممممم عندك حق أنت صح
” اطلع بره
‘ عنيا حاضر
رجعت قعدت مكاني و خرج آسر وقف وراء القضبان و قالي بإستفزاز
‘ بس أنا يا حبيبي يا مراد مش قصدي على أهلك اللي هم مامتك و باباك و أختك و الناس دول أنا قصدي على الفرد الجديد اللي دخل العيلة من كام شهر !
اتفاجئت من كلامه و قومت وقفت
” قصدك على مين ؟؟؟
لِبس الكاب و قالي بإبتسامة
‘ مراتك !! … قصدي على مراتك اسمها رنا على ما اعتقد ؟ زعلت أوي منك لما معزمتنيش على فرحك … بس شوفتها كان شكلها تحفة بالفستان الأبيض
اتعصبت جدا و مسكته من رقبة الجاكت وقولت بعصبية
” إياك تقربلها !! دي لا يا آسر … مراتي لا … حسابك معايا مش معاها … اعمل فيا اللي أنت عايزه لكن متدخلهاش في أي حاجة ولا تنطق بإسمها حتى !!
‘ بس هي عجباني … عليها ملامح كيوت و جميلة جداً !!
صرخت وقولت و أنا بخنق فيه
” قسماً عظماً لو بس سمعت إنك قربتلها مش هبلغ عنك لا …. هقت*لك بإيدي !!

 

 

كنت ماسكه من رقبته و بدوس عليها بإيدي وهو كان هيتخنق …. جم العساكر منعوني و حطوا الكلبشات في ايدي
لما سيبته فضل يكح وشه قَلَب أحمر و قالت بتحدي
‘ هكسرك و هكسر كبريائك ده كله بس بطريقتي و هتشوف بنفسك يا مراد … والله لوريك مين هو آسر ماهر محمد !!
مشي و أنا كنت هتجنن و مش بقول غير جملة وحدة
” رنا لا .. رنا لا
أخدت نفسي بالعافية و اتصلت على نوران
” نوران روحي عند رنا اياكي تتحركي من جمبها و زودي الحراسة على البيت و افتحي كل كاميرات المراقبة
‘ مراد أنا روحتلها بس هي مش موجودة سألت الحراس عنها قالولي خرجت من ساعة
” نعمممم !! بصي اتصلي عليها عشان أنا لو اتصلت مش هترد ف اتصلي إنتي
‘ دي أول حاجة عملتها بس تليفونها مقفول
” انتي بتقولي ايه !! اتصلي تاني يا نوران أكيد فتحته
‘ قبل ما ترن عليا بكام دقيقة رنيت عليها برضو مقفول !!
” لا مستحيل …آسر وراء كده !!
اتعصبت ف روحت رميت التليفون على الأرض
في شركة آسر ،،،،،،،
‘ تبعت واحد بلط*جي دلوقتي على قسم الشرطة الغربي يدخل أوضة الحجز اللي موجود فيها حبيبي و الغالي عليا مراد … مش عايز حته وحدة في جسمه تبقى سليمة … و ياخد أي تمن يطلبه
* اوامرك يا فندم
قعد آسر على مكتبه طلع صورة رنا من درج المكتب
بصلها وضحك
‘ هنشوف مين فينا الأقوى يا مراد أول حاجة ألبسك قضية سر*قة اسجنك و أكسر كبريائك … تاني حاجة أجيب بلط*جي يكسر جسمك … تالت حاجة و الأهم اكسرلك قلبك بالقمر دي … اللي جاي دمار عليك !!

 

 

دخل السكرتير و قال
* أستاذ آسر فيه وحدة عايزة تقابلك
‘ مين هي ؟
* معرفش بس بتقول عندها حل لمشكلتك
‘ طيب دخلها
* حاضر
خرج السكرتير و قالها
* أستاذ آسر بيقولك ادخلي ، اتفضلي
آسر لف بالكرسي فجأة لقي صاحبة الصورة واقفة قدامه
ابتسم ابتسامة خبيثة و قال في سره
‘ بنت حلال كنت لسه في سيرتك … جيتي بنفسك لقدرك !
قالت رنا وهي بتمد ايدها بتسلم
– أنا ابقا رنا عاصم مرات مراد السيد عامر
ابتسم و سلم عليها وقال
‘ و أنا ابقا آسر ماهر محمد !

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية أجمل ما رأيت)