رواية حورية الجاسر الفصل الرابع عشر 14 بقلم ملكة القلم

رواية حورية الجاسر الفصل الرابع عشر 14 بقلم ملكة القلم

رواية حورية الجاسر البارت الرابع عشر

رواية حورية الجاسر الجزء الرابع عشر

رواية حورية الجاسر الحلقة الرابعة عشر

جاسر…..انتي طالق يا حوريه
حوريه كانت هتقع من الصدمه…..جاسر انت بتقول اي
انت بتهزر صح
فهد قرب من حوريه وسندها
حوريه بدموع……جاسر لا متعملش فيا كده
جاسر بحزن بيحاول يداريه…..سامحيني يا حوريه بس انا عمرى ما هقدر ابص في وشك بسبب اللي عزت بيه عمله في عيلتك
حوريه قربت منه ومسكته من لياقه قميصه بقوه…..انت ملكش دخل بالموضوع يا جاسر انا مش هقدر اعيش من غيرك صدقني متسيبنيش يا جاسر
جاسر حاول يبعدها عنه…..حورية خلاص كل حاجه انتهت
حوريه بصت ليه…..يعني اي مش انت قولتلي انك مستحيل تسيبني او تفكر مجرد تفكير اني اكون لحد غيرك بس انت سبتني يا جاسر طلقتني
هونت عليك تعمل فيا كده
جاسر……انا طلقتك بس مش هتكوني لحد يا حوريه
حوريه بعدت عنه وصوت قلم نزل علي وش جاسر خلي الكل اتصدم
حوريه…..انت اناني انت واحد اناني

فهد قرب منها…..حوريه اي اللي عملتيه ده مينفعش
حوريه بصت لجاسر وهي بتبكي
جاسر خرج من البيت وخد عربيته ومشي
حوريه لفهد…..هو رايح فين روح يا فهد وراه
فهد….اهدي يا حوريه متقلقيش
حوريه…..مقلقش ازاي جاسر خرج وهو ناوي علي حاجه انا قلبي مش مطمن
ريهام قربت من حوريه وسندتها…..روح انت يا فهد وانا هخلي بالي من حوريه
فهد خرج وريهام خدت حوريه وقعدوا
ورد كانت قاعده وحزينه ان والدها طلع وحش للدرجه دي
حوريه كانت بتعيط بصوت عالي…
ريهام…..بس يا حوريه بقا كل حاجه هتبقي كويسه وهترجع احسن من الاول اهدي
حوريه…….مفيش حاجه هترجع جاسر طلقني خلاص
فايزه قربت منها وقعدت جمبها خدتها في حضنها…..بس يا حبيبتي جاسر مش هيقدر يبعد عنك صدقيني جاسر بيحبك هو بس حاسس بالذنب بسبب اللي عزت عمله
حوريه…..بس هو مالوش ذنب هو معملش حاجه
فايزه…..بس يا بنتي بقا حرام عليكي نفسك كفايه جاسر ابني وانا عارفاه مش هيقدر يبعد عنك
___________

عند جاسر كان سايق العربيه بسرعه وهو بيفتكر كلامه وانه طلقها وهي ملهاش ذنب
جاسر بعصبيه…..ليه ليه يعمل فينا كده ليه يوصلنا للمرحله دي انا عمري ما هسامحه ازاي جاله قلب يقت”ل اخوه
انا لازم اعرف كل حاجه
جاسر كان في طريقه للمكان اللي كان موجود فيه عزت
وصل وركن العربيه دخل جوا شاف منظر مكنش يتمني يشوفه اتخبي وكان بيسمع الكلام
عزت كان قاعد علي الكرسي وحاطط رجل علي رجل
عزت…..كنت عامل نفسك زكي وهتقت”لني
مراد كان واقف وحواليه حراس رافعين عليه السلاح
مراد بغضب الدنيا…..صدقني مش هسيبك لو حصل اي هاخد حقي وحق اخواتي وحق عيلتي انت فاهم
عيلتي اللي انت دمرتها بطمعك وغيرتك انت واحد ميعرفش ربنا

عزت ضحك بخبث……..بس انا مش هخليك بعيد عن عيلتك كتير هخليك تروح ليهم
مراد بصراخ…..انا هوريك يا ابن الكل”ب مش هرحمك اوعي تقول انك عمي قولي بس عمي ازاي انت مهنش عليك تقولي مين هما عيلتي السنين دي كلها ليه علشان انت اللي قت”لت اخوك ومراته وحرمتني من اخواتي
عزت……انت عارف اي المشكله في كل ده ابوك هو السبب هو اللي كان مستولي علي كل حاجه حتي ريتال لما حبيتها هو اللي اتجوزها وهي حبته هما اللى خلوني اعمل كده
مراد…..خلوك تعمل اي قالولك اقت”لنا مش مشكلتهم انك واحد معندكش ضمير هو حقود
عزت….وقتك معايا انتهي
في اللحظه دي دخل جاسر….بس وقتك انت اللي انتهي
عزت بصدمه…..جاسر
جاسر رفع السلا”ح في وشه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حورية الجاسر)