رواية ألمي الفصل التاسع 9 بقلم السمراء

رواية ألمي الفصل التاسع 9 بقلم السمراء

رواية ألمي البارت التاسع

رواية ألمي الجزء التاسع

رواية ألمي الحلقة التاسعة

-سمعت صوت صقر…
صقر : تعالي
-دخلت للمطبخ لقيت قاعد على كرسيه وعيون على الباب حسيت لم شافني انصدم معش فهمت ليش كل بعد ايبحت في يكون هك ضحكت في عقلي.
صقر : معليش خليتك تصبي من مكانك.
– عادي بس طمني شن قالك الدكتور
صقر: كل شيء تمام الحمدلله لكن.. قال راح نبدأ في العلاج الاسبوع الجاي.
– ان شاء الله خير يارب.
صقر: المهم كلمتك عشان نبيك اتجيبلي شوي حاجات من الدار.. لقيت مقفوله ليش!
– حسيت بي الاحراج… قفلت لأن في حاجات خايفه عليهن لو مفيش مانع .
صقر: بلعكس كنت نبيك اديري هك.
– صقر ريحني كلامه… المهم شن تبي؟
-قالي صقر شن يبي طلعت للغرفة أول ما وصلت شفت وحده قاعده تفتح في باب غرفتي استغربت..
– من انتِ
اسماء: هلا بالعروس
– استغربت هذي شن ادير هنا حسيت من إسلوبه أن تبي مشكله فا فتتت وطلعت المفتاح نبي نفتح داري مع مسكت حدا ل يدي…
اسماء: وين يا ماما!
– زيحي يدك
اسماء: حسيتك دخلتي في دور الزوجه صاح..

– مقدرتش انتحمل انا مش هك انتعامل.. لو سمحتي ياريت تزيحي يدك واحكي با احترام… مع جيت صفاء
صفاء : اسماء شن اديري انتِ!
اسماء : جات اللقاقه أصلا عرفتك من الأول متبينيش.. أروى
– لا هذا نقص أروى جات أروى
أروى : كنك سومه ليش ماسكه يد الحثاله هذي
اسماء بضحكه خبيثه: ييي تذكرت وسخت يدي وخلاص.. ضربت يدي بقوه لدرجة تألمت..
صفاء: أروى شن فيك
أروى : صفاء اسكتي وانزلي تحت احسنلك.
– محبتش انسبب مشكله اكثر من هك.. صفاء حبيبتي تقدري تنزلي شوي وننزل بس نجيب حاجه وحطيت المفتاح في الباب وفتحت ودخلت بسرعه وقفلت من جوه ونسمع في صوت برا..
أروى : خليها توا ما عليك راح نكره عيشتها
اسماء : حبيبي ههههههه عرفتك قده
– بعده معش سمعت صوت عرفتهن انهن مشينا نزلت على الأرض وبكيت ليش هذين ضدي انا مادرت شيء تقريبا بكيت اكثر من 10 دقايق تذكرت صقر رديت صبيت وخذيت حاجات صقر يبيهن وعدلت مكياجي وفتحت الباب ونزلت للمطبخ لقيت صقر سرحان..
– احم.. احم
صقر : كنك تأخرتي؟
– معليش آسفه.
صقر : خلاص تبي حاجه.
– لا سلامتك وإنت؟
صقر : لو نبي شي نرن عليك.. توا أمشي للصبايا واسمعي..
– نعم؟
صقر : لو اي حدا ازعجك أمشي للغرفه لعند ما نجيك تمام.
– حاضر…
– طلعت للصاله صفاء جات تجري و أروى معاه بنات اخره واسماء اول ما شافني تمن يضحكن حسيت أن شوري فا حبيت نقهرهن وضحكت في وجهن ومشيت للكرسي وجلست..
صفاء : شن صار بعد مشيت!
– ولا حاجه خذيت شوي حاجات لصقر ورديت نزلت
صفاء بضحكه : قصدك صقر كأن يبيك.

– شن رأيك ههههه
صفاء ضحكت بصوت عالي: لا بصراحه ماشاء الله عليك…
– حسيت في عيون علينا الي هنا أروى واسماء..
جات هديل واماني جلسنا جنبي.
اماني : شخبارك يا عروستنا
– الحمدلله حبيبتي.
هديل : ماشاء الله ربي يحفظك جميله بكلل
– تسلميلي عيونك.
اماني : اكيده عرفتي من نحنا
– اها عرفتكن اماني وهديل صاح
هديل : يب يب
اماني : قوليلي شن رأيك في الجوو
– ماشاء الله حلوو
هديل : اليوم تبي تروحي للشقه
– استغربت.. أي شقه
صفاء : أساس خوتي كلهم عندهم شقه فوق منه ما عاد صقر خذا شقه برا..
– اها.. يعني قصدك أنتن تسكنن هنا.
اماني : انا في الدور الثالث ومصدرتني أريج زوجت صادق وهديل في الدور الرابع..
– ماشاء الله شكلكم مرتبطين.
هديل : ما نحكيلك المهم عندك واتس!
– اها عندي
هديل لو معندكش مانع عطيني رقمك انا واماني.
– حبيبتي عادي اكتبي….
– عطيت هديل واماني رقمي وتمت كل وحده تحكيلي في حاجه عن حياتها ضحكن وغيرت جوي شوي مع أذان العصر حسيت أن معش في حدا غير نحنا.
– اسمحلي نبي نمشي نصلي.
اماني: حبيبتي خوذي راحتك
هديل وصفاء : تقبل الله مقدمن.
– مني ومنكم صالح الاعمال
– طلعت ل غرفتي غيرت ملابسي ومسحت الميكاب وشلت الهدبيس وتوضيت وصليت قلت اكيده صقر مش راح يجي طلعت بيجامه كتّ وشورت قصيره وفتحت الثلج الي في الغرفه وخذيت اميه وشربت وفتحت تلفوني لقيت رسائل من ماما ورتاج وبابا..

ماما:« حبيبتي طمنني عليك»
رتاج : « قرده بعد تفضي رني عليا واحكيلي شن صار بعد سيبتك»
بابا:« بنيتي أول يوم بدونك وبدون حسك ربي يفرحك على قد نيتك الطيبه»
– نزلت دمعه مني حبيبي يا بابا رايفت عليكم انتِ وماما رديطيب عليهم وقلتلهم راح نتصل بيكم.
– المهم طحت على السرير ورقدت بطلانه…
________________________
عند صقر.
– بعد ما طلعت من المطبخ وخذيت الجاكيت وشنطتي فيه اوراق نزلت للمربوعه لقيت الشباب أولاد عمي وخوتي و باتي واعمامي بس الي استغربت أهل اسماء ليش قاعدين هنا سلمت عليهم كلهم وحطيت الكرسي جنب باتي..
اب صقر : شخبارك يا صقر ماشاء الله منور اليوم
صقر ببرود – الحمدلله كويس.. المهم شخبار الشغل.
صادق بسرعه : متخفش كويس انتِ بسخليك متريح.
– طبعا صقر عارف أن صادق ميبش اني نكون في الشغل لأن انا نجحت شركة باتي وهي شركة مخصص لتصنيع العصائر ماء طبيعي وغازي وأشياء اخره اول ما بديت في الشغل مع باتي نا وخليت الشركة تنجح بس للاسف خوتي ديرني عدو لهم.
صقر بضحكه: لا قريب نجيك إنت متعبش روحك واجد.
انس بصدمه : كيف تبي تنزل لشغل .
صقر : شن رأيك؟
انس : باهي براحتك
– طلعت شوي اوراق رجعتهم مع باتي وسيبتهم وطلعت لأن بصراحه اسلوبهم مستفز.. دخلت شفت امي وأختي صفاء مشيت للمطبخ بعد شافني ردن ..
ام صقر : إصقوره شخبارك شن صار امعك.!
صقر : اهلين الحمدلله.. حكيت ل امي شن قال الدكتور..
أم صقر : باهي الحمدلله الله يطمنك
صفاء بلهجت أمر : أسمع
صقر : ايش قلتي
صفاء : انبصر قصدي لو سمحت ممكن انقول حاجه؟
صقر : ايوه هك.
صفاء : نبيك في سر وبحتت في أمه.

ام صقر : يا نعلي منك ومن اسرارك مشيت مشيت
صقر بضحكه : هههههههههه قولي سرك نحلف عليه حاجه تافهه.
صفاء : قصدي راه معش نقولك.
صقر : خلاص خلاص احكي.
صفاء : عندك علم أن اسماء جات هنا.
صقر بجديا : تحكي جديات.
صفاء وراس بابا المهم اسمعي الي صار ان…… حكت صفاء كل حاجه صارت بين اسماء وألمى من بديت السلام لعند القصه الي صارت قدام الغرفه.
صقر وهوا منقهره : ليش دارت هك.. مش هي اخترت هك.
صفاء : عارف وجعتني ألمى وهي ساكته ومبتش اترد بلعكس هي الي خلتني نسكت.
صقر : وين هي توا.
صفاء: قصدك اسماء.
صقر: لا مش اسماء
صفاء : اها ألمى بعد القصه ردت نزلتلك وبعد جات جلست معاي نا والبنات وصعدت لغرفة اتصلي بعده معش نزلت.
صقر : خلاص تمام.
– مشيت لي الاصنصير وصعدت لغرفتي طقيت الباب بس مفيش صوت استغربت فتحت الباب بشويش ودخلت لقيت الغرفه مضلمه سكرت الباب وصلت عند السرير ………

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)