رواية فرقتنا الظروف وجمعنا القدر الفصل الخامس 5 بقلم نشوة عادل

رواية فرقتنا الظروف وجمعنا القدر الفصل الخامس 5 بقلم نشوة عادل

رواية فرقتنا الظروف وجمعنا القدر البارت الخامس

رواية فرقتنا الظروف وجمعنا القدر الجزء الخامس

رواية فرقتنا الظروف وجمعنا القدر الحلقة الخامسة

طب .. طب اتفضل ادخل ميصحش تفضل واقف كده ع الباب خلينا نعرف نتفاهم
طارق_ جوزك موجود
دولت_ لا ي اخويا ف الشغل
طارق_ يبقى مينفعش ادخل وراجل البيت مش فيه يا مدام انتى تبعتى حد ينده عليه ووقتها نقدر نقعد ونتكلم
دولت_ وماله عداك العيب ي ابن الاصول
بعتت دولت ابنها عشان ينده لابوه اللى جه وهو مضايق وبيزعق_ جرى ايه ي ولية انا مش قولت مېت مرة اما تتنيلى تعوزى حاجة تستنى لما ارجع من الشغل
دولت _ هيهي شغل اه اللى يسمعك يقول عليك موظف ف بنك
كان لسه هيرد بس يتفاجئ لما يشوف طارق ويبص ليه وهو رافع حاجبه_ انت مين ي جدع انت
طارق_ لا ما انا حكيت للمدام مرة هى بقى تفهمك
دولت_ الباشا ده جاى عشان خاطر البت ورد وجاى بخير مش شړ
حربى_ طلباتك يا سيدنا الافندى
طارق_ ده مبلغ ربع مليون جنيه
حربى_ جميل وايه المقابل
طارق_ ولا حاجة عاوز اكون انا الواصى عليها باختصار هتبناها بس عشان اعرف ادخلها مدرسة وتكون معايا بشكل قانونى لازم يكون معايا اوراقها الخاصة فالمبلغ ده مقابل الورق
حربى_ واذا رفضت
دولت_ ينيلك راجل انت اټجننت ولا ايه
حربى پغضب_ اكتمى انتى ي ولية بدل ما اجيبك من شعرك ادام الاغراب
طارق_ ي معلم حربى ورد بقالها فترة معايا ومظنش انها فارقة معاك او مع مراتك وكده كده انتم مش واصيين عليها انت يدوب جوز مرات ابوها فبدل ما تخرجوا من المولد بلا حمص انا جايب اللى يرضيكم اهو
نظر حربى لدولت اللى بصت ليه وسكتت_ ايوة ي استاذ بس انا مش جوز مرات ابوها ولا الست دى مرات ابوها
طارق باستغراب_ نعم ازاى يعنى معقول اكون غلطت بالعنوان
حربى_ لا مغلطتش بس هى دى الحقيقة ورد متقربش لينا لا من قريب ولا من بعيد
طارق_ لا استهدى بالله كده بقى وفهمنى عشان انا عقلى لف منك
حربى_ احكيله انتى ي ولية ما الحكاية ف عبك انتى
دولت_ انا هقولك يا باشا من كام سنة كنت فى شغل وراجعة متأخر وادام عينى شوفت عربية عملت حاډثة صعبة قلبى وجعنى وقعدت اصړخ بس كان طريق مقطوع شويه ومفيش فيه صړيخ ابن يومين قربت من العربية وسمعت صوت عيل صغير بيعيط ولما قربت شوفت واحد ملامحه مش باينة من الډم واترجانى بصوت متقطع ان الحق بنته وقتها قدرت بالعافية اطلع البت ومعرفتش اعمل ايه ولا اوصل لحد من اهلها عشان كده ربيتها معانا هنا وفهمتها انى مرات ابوها وانا اللى سميتها ورد عشان كانت حلوة فكرت اسلمها للبوليس قبل كده بس خۏفت ادخل ف س و ج قولت اسيبها وبصراحة كانت وش خير علينا وخصوصا بعد ما كبرت واشتغلت
طارق بذهول_ طب متعرفيش اى حاجة عنها مين اهلها او حتى اسمها
دولت بتذكر_ كان ف رقبتها سلسلة دهب مكتوب عليها سديم
طارق بتفاجئ_ سديم! طب فين السلسلة
دولت_ بيعتها كنت محتاجة فلوس وقتها
طارق_ تمام كتر خيركم عن اذنكم
حربى_ استنى هنا ي حلو هو دخول الحمام زى خروجه
طارق وهو بيغمض عيونه بنفاذ صبر_ مفيش داعى للټهديد عشان اه هخرج واطمن هسيب الفلوس لان كنت جاى
والنية ان اخد ورد واكون مسؤل عنها والفلوس دى اعتبروها مكافئة ليكم ع استقبالكم ليها الفترة اللى فاتت دى عن اذنك ي معلم
خرج طارق وركب عربيته وهو بيقول_معقول اللى ف بالى معقول ورد هى سديم بنت شهد وليه لا دى شبهها اكتر منها هى نفسها ونفس كلام الست دى شبه كلام شهد عن حاډثة جوزها بس لا مينفعش اتسرع انا لازم اتأكد بس اعمل ايه ولا أتأكد ازاى بس يارب
وصل طارق ع شغله وحكى لاحمد ع اللى حصل واكمل بتعب_ مش عارف اعمل ايه ولا اتاكد ازاى!
احمد_ هو بالنسبة للى بتحكيه فهى بنت شهد بنسبة ٨٠ ف الميه وممكن تعملوا ليها تحليل DNA عشان تتأكد اكتر
طارق_ ما انا خاېف اعلق شهد بالحوار ده ويطلع وهم وابقى كسرت قلبها
احمد_ بالعكس دى هتحس انها لسه مهمة عندك ويجوز كل اللى بيحصل ده ترتيب من ربنا عشان يراضى قلبك بعد السنين دى كلها
اغمض طارق عيونه وقال_ طب ورد… قصدى سديم هتقدر تستوعب هتتقبل شهد
احمد_ انت عبيط ي طارق دى امها يعنى احن عليها منك ومن الدنيا بحالها واكيد هتعوضها
طارق_ اعمل ايه طيب!
احمد_ انت تكلم شهد وتطلب تقابلها وتحكى ليها الحكاية من البداية وتخليها تقابل ورد وتعملوا التحاليل
طارق_ انت شايف كده
احمد_ انا مش شايف غير كده وبس
مسك طارق تليفونه ورن ع شهد اللى اول ما شافت رقمه قلبها دق لكنها مردتش وطنشته وقتها قرر يبعت ليها ماسدج واتس وقال_ لازم نتقابل موضوع مهم بجد
شافت شهد الماسدج من برة ولانها شخص فضولى دخلت ردت بسرعة وقالت_ موضوع ايه
ضحك طارق وقال_ يعنى شوفتى الاتصال ومردتيش عشان كبريائك بس رديتى عشان فضولك ي سيتى ماشى
شهد_ بجد قولى ف ايه
طارق_ الموضوع مينفعش ع الفون لازم نتقابل بجد انتى بكرة اجازة صح فاضية امتى نتقابل
شهد_ يعنى ع العصر كده ان شاء الله
طارق_ طيب هستناكى فى نفس الكافيه
شهد_ اوك اتفقنا
تانى يوم ف الميعاد كانت شهد وصلا ع المافيه ف نفس الوقت وصل طارق وبعد السلام قعدوا
شهد_ ها خير موضوع ايه بالظبط اللى كنت عاوزنى فيه
طارق_ الموضوع بخصوص ورد
شهد بعصبية_ وانا مالى انا ومال ست زفتة بتاعتك دى انت قولتلى انك جاى هنا عاوزنى ف موضوع مهم يبقى الموضوع ده يخصنى متجبليش سيرة حد تانى وكمان معرفوش
طارق_ لسه متهورة زى ما انتى طب اسمعينى للاخر طيب
شهد_ خير اتفضل
طارق_ ورد دى عيلة صغيرة تقريبا عندها دلوقتى ٨ سنين بالظبط
شهد پصدمة_ نهارك ازرق يا طارق انت عاوز تتجوز عيلة ده انت لو كنت اتجوزت كنت خلفت اكبر منها انت مچنون
طارق_ افصلى يا شيخة انتى ايه السنين دى كلها لسه متغيرتيش اسمعى بقى ومتقاطعنيش
سكتت شهد وبصت ليه باهتمام وبدأ طارق يحكى ليها ازاى عرف ورد واتعلق بيها
شهد بنظرة اعجاب_ لسه قلبك كبير متغيرتش ي طارق … بس انا برضه مش فاهمة ايه المشكلة ف كده
اكمل ليها طارق الحكاية وكذلك اللى عرفه من دولت وقال_ انا شاكك ان ورد هى نفسها سديم بنتك ووووو….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية فرقتنا الظروف وجمعنا القدر)