رواية عجوز لكني اعشقته الفصل الرابع 4 بقلم غادة رجب

رواية عجوز لكني اعشقته الفصل الرابع 4 بقلم غادة رجب

رواية عجوز لكني اعشقته البارت الرابع

رواية عجوز لكني اعشقته الجزء الرابع

رواية عجوز لكني اعشقته الحلقة الرابعة

_لقيت ايد بطبطب عليا وبيديني منديل بيقولي امسحي دموعك
بصيتله بتعجب لقيته راجل كبير ف السن اوي اكبر من بابا كدا بعصبيه وخوف مين حضرتك انا مش عايزه منديل من حد
_انا واحد رمته الدنيا عليكي لقيتك بتعيطي قولت اما احكي معاها يمكن اعرف اخرجك من حزنك مالك حزينه ليه
_لا انا كويسه ومفيش حاجه شكرا ع اهتمام حضرتك
_انا زي ولدك تقدري تفضفضي وتقولي مالك انا اه ربنا مرزقنيش باولاد لكن انا كان نفسي ابقي اب احكيلي يمكن ترتاحي وانا ارتاح
_بس انا حكايتي كبيره اوي مش مجرد كلام يتحكي ياعمو
_احكي بس قبل ماتحكي اوعديني انك مش هتعيطي تاني
وانتي شكلك ماكلتيش حاجه استني اجبلك حاجه تسد جوعك علشان تعرفي تحكي
_بس انا مش هاكل غير لما اختي تخرج من المستشفى وتكون كويسه
_هتخرج صدقيني هتخرج وهتبقي بخير
_____

فضلت اتكلم معاه هو اه كان ف سن بايا بس حسيت نفسي مرتاحه قد اي الامان والاحتواء حلوين قد اي انا كنت محتاجه ايد تاني تطبطب عليا غير ايدي كان نفسي ف اب زي الناس ع الاقل كنت هرتاح مكنتش هدور ع الاهتمام من حد
فوقت من شرودي ع صوت عمو بيقولي
_يلا ياست البنات علشان اوصلك للمستشفى لاختك
_لا لا شكرا ياعمو مش هتعبك معايا انا هاخد تاكس وهوصل كتر خيرك
_كتر خيري ايه بس لا هوصلك وهطمن ع اختك وبعدها امشي
_وبالفعل وصلني لحد المستشفى كنت حاسه بامان اوي وكأني اعرفه من مده
_هشوفك تاني امتي ياعمو
_ف اي وقت تحتاجيني فيه هتلاقيني قدامك متقلقيش بس خلي بالك من نفسك
_____
مسكت فوني وبدأت اكتب بوست هو ازاي ربنا رحيم بينا اوي كدا ازاي بيبعتلنا ناس تهون علينا ف الاوقات الصعبه دي ازاي ممكن الغريب يبقي احن من اهلك
وسبت الفون وانا بفكر ف امر غرام هي مش هتفوق بقي ياربي انا وحشه من غيرها
ولسه بفكر لقيت رساله من احمد
_تعرفي ليه ربنا بيبعتلك ناس تهون عليكي وطبطب ع قلبك علشان انتي تستاهلي الفرح تستاهلي تتحبي انتي تستاهلي ان يرتاح قلبك انتي جميله ياغزل
_كنت بقرأ الرساله وانا ببتسم ازاي شخص مايعرفنيش شايفني بكل الحب دا هو لسه ف ناس كدا
_شوفت الرساله وماردتش
_اي اختك عامله اية دلوقتي وانتي عامله اي احكيلي يومك
_بدأت اتكلم معاه واقوله قد اي كان يوم صعب بس احسن حاجه حصلت ف اليوم هي عمو وحضن عمو ال حسسني بالامان وان الدنيا بخير
_هو ليه مش كدا يعني ليه عمره ماحسسني بالامان
_علشان هو شخص مش سوي ياغزل هو ف حد يلاقي بنوته زيك وميحسسهاش بالامان
_تعرف يااحمد هو عمرو ماحضني ولا قالي كلمه حلوه
_هو شخص خساره فيه محبتكم اصلا
_انا مش بحب اتكلم عنه انا بكرهوا اوووي ياااحمد انا بكرهوا
_خلاص منتكلمش عنه تاني هو شخص وحش وانا كمان بكرهوا
_انت عارف هو مين علشان تكرهوا
_لا انا مش عارف هو مين بس كرهتوا زيك
_انت عارف ان هو وصل غرام اختي للحاله دي

_٠متقلقيش ع غرام هتخف وهتبقي احسن وهترجع تفرح تاني وضحكتها تملي المكان
_تفتكر هترجعلي تاني
_ااه هترجع والله
______
ولسه كنت بكلم احمد وفجأه لقيت الدكتور بينادي عليا بصوت عالي غزل غزل غزل
_جريت ع الدكتور وانا قلبي هيقف خير يارب اي حصل ف اي غرام كويسه يادكتور ف اي انطق اختي كويسه صح فاقت وعايزه تشوفني اه اصلها واخد انها اول ماتصحي من النوم بتكون عايزاني انا هدخل اشوفها
_البقاء لله ياغزل انا عملت كل حاجه اقدر عليها لكن غرام توفيت انا حاولت اني الحقها لكن غرام كان رافضه تعيش
_انت كداب انت بتكذب عليا اختي عاااايشه والله اصلا استحاله تسيبني وتمشي احنا بينا احلام كتير اوي لسه ماتحققتش ولا عشناها انت كداب احنا لسه مابقناش فرحانين ولا لفينا العالم انت تعرف احنا متفقين اننا هنتجوز ف بيت واحد ااه ونعوض ماما وبعض كل الوحش ااه غرام هتبقي دكتوره وهتكون ناجحه انت ليه بتكذب كدا اوعي من وشي انا هدخل اشوف اختي حبيبتي وبنتي الصغيره هدخل الاقيها قاعده بتضحك وبتقولي هو بيتخانق فكك منه تعالي جبتك معايا شكولاه
_افهمي غرام ماتت ولازم تتصلي بحد اكبر ييجي يستلم الجوسه علشان انتي صغيره ومش هينفع تخلصي الاجرأت لوحدك
_انت عبيط هتصل اقول لماما اي اقولها تعالي خد بنت ميته انا عايزه اختي صاحيه انا مش مصدقه انت كداب وفضلت اصرخ أصرخ وفجأة لقيت حد بيحضني جاااامد……

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية عجوز لكني اعشقته)