رواية عشقت صعيديه الفصل التاسع 9 بقلم رنا أحمد

رواية عشقت صعيديه الفصل التاسع 9 بقلم رنا أحمد

رواية عشقت صعيديه البارت التاسع

رواية عشقت صعيديه الجزء التاسع

رواية عشقت صعيديه الحلقة التاسعة

في جناح هند وأركان…
كانت تسير هند وهي تكتم ضحكتها بصعوبه علي مظهره العصبي بشده .
اركان بغيظ وهو يغلق الباب /ممكن اعرف ايه الي أنني هببتيه وقولتيه ده .
هند بخبث ومكر وهي تقترب منه /ايه ي اركان ي حبيبي مش عايز تكون اب ولا ايه.
اركان وهو يدفعها بحده /بقولك ايه شغل كهن الحريم ده مش علي اركان الجوهري احنا دلوقتي لوحدنا عملتي كده ليه اتكلمي بدل ماطلع جناني عليكي وانتي عارفه .
هند بغيظ وصراخ /هتعمل فيا ايه تاني ي اركان هتتضربني بالنار .
اركان بغيظ شديد/اقسم بالله اعملها من غير ميرمشلي جفن وانتي عارفه .
هند بعشق وتمسك /عملت كده علشان بحبك ي اركان علشان تفضل جنبي ومتقدرش تتطلقني وترميني بره حياتك لاني ساعتها هكون عامله زي السمك الي خرج بره المياه هموت .
اركان بسخرية واستفزاز/لا ي شيخه حسبتيها غلط خالص انا بقا هنزل اعرف الكل انك كدابه وان مفيش حمل .
هند بخبث ومكر وهي تجلس بغرور /براحتك ي سيد الرجاله بس انا برضك هنزل واقول قدامهم أن عملت كل ده لحفظ ماء الوجه فقط لأن الكبير بتاعهم مقربش مني لحد دلوقتي شوف اخواتك هيفقكروا في ايه وجدك كمان ههههه وانتي عارفني مبكسفش ومعنديش دم واصل ي كوكو .

اركان بغيظ وحده/ماشي كسبتي الجوله دي بس شوفي الي هيحصلك علي ايدي .
هند وهي تقترب منه بعشق وهي تنظر في عيناه /اي أن كان الي هشوفه علي يدك فرح أو حزن هكون راضيه لاني بعشقك ي اركان .
كان اركان ينظر في عيناه وكأنه يتأكد من ذلك العشق الظاهر في عيناها قلبه يريد الفرحه والسعاده من جديد لكنه يعاند مازال يراها ابنه عمه فقط ومازال قلبه ينبض لتلك المتمرده التي تعشقه عشقا مريضا يقع قلبه في صراع مميت قلبه من يريد ؟؟..
في شركه الطيران …
كان يجلس ادهم بضيق وزفر في مكتب المدير ليجلس يحيي أمامه .
يحيي بجديه/طبعا انت اكيد عارف انا طلبتك ليه ي ادهم .
ادهم بخرج وخجل شديد /ايوه ي فندم وصدقني انا مش عارف اقول ايه بس كل الي يشفعلي أنها مرائتي كوني اني اتهورت ده شئ كان غصبن عني.
يحيي بابتسامه /ادهم انت من أكفاء الطيرين الي موجودين في الشركه انا اصلا بعتبرك زي ابني وأخلاقهم لا يعلا عليها علشان كده لازم تتخطا الي حصل وتنساه .
ادهم بسعاده لا توصف /شكرا اوي ي حضره المدير انا بجد مش عارف اقول ل حضرتك ايه حضرتك رفعتني ل سابع سما .
يحيي بابتسامه/انت تستاهل كل خير ي ادهم وجهز نفسك علشان عندك رحله ل امريكا بليل.
ادهم بابتسامه وسعاده /أن شاء الله هكون جاهز ي كابتن هكون جاهز بس ارجوك مش عايز سميه في طقم المضيافات ارجوك سعادتك .
يحيي بابتسامه/لا اطمن انا عارف انكم كده كده مبرتحوش مع بعض وبعدين اطمن ي سيدي هي اصلا واخده اجازه وفي شرم الشيخ.
ادهم بتوعد وهمس /شرم شيخ يبقا هي مفيش غيرها الي عملت الموقف الحقير ده بس لما ترجع حسابها معايا هيبقا عسير .
في قصر الجوهري…
في جناح هنيه وكينان..
كانت تقف هنيه وهي ترتدي ملابسها بسعاده فذلك هو أول يوم لها في العمل في شركه ادم وتحقيق حلمها .
كينان وهو يقبل رأسها بحنان وعشق /روح قلبي مش هوصيكي خالي بالك من نفسك .
هنيه بابتسامه وسعاده/ايه ي روح هنيه دي عاشر مره تقولي الكلام ده اطمن ي روحي وبعدين مش ادم ده صاحبك جوي كيف مابتقول خلاص ايه الي مخاوفك .
كينان بابتسامه وعشق /بحبك ي هنيه وبخاف عليكي ايه مش من حقي ولا ايه.
هنيه بابتسامه/حقك ونص ي غالي بس صدقني ي كينان انا مبسوطه جوي جوي اخيرا هحس اني بعمل حاجه خلاص مبقاش في حياتي غيرك وشغلي وبس.
كينان بغمزه وهو يحتضنها /لا فيه ي هانم العيل ي عني اركان الي مبيطقش صنف الحريم ومتجوز هند اختك الله يكون في عونه يخلف قبلي لا ده انا كده اشك في نفسي .
هنيه بضحك /هههههه واه عاد ومالها هند اختي ي سي كينان وبعدين ربنا يسهل أن شاء الله انا لو عليا اخلف منك عشر عيال كلهم شبهك كده ي كينان .
كينان وهو يقبل يدها/ربنا يخليكي ليا ي روح كينان .

علي شاطئ النيل ..
كان يقف اركان بشرود حقا مازال يعشق فيروز مازال يتمناها لكن لماذا يفكر ايضا بتلك الشراسه يعشق تفاصيلهاياه الله ما هذا الامتحان الصعب ليبتسم باتساع عندما يتذكر غيرتها المجنونه عليه.
فلاش باك…
كانوا يجلسون سويا في الأرض وهما يأكلون القصب بلتذذ .
اركان بابتسامته الساحره /حلو القصب ده ي بت ي هند .
هند بسعاده لوجودها معه /طبعا ي ابني مش مزروع في أرضنا .
كانت تاني إليهم فرحه صديقه هند .
/ايه ده ايه ده ي جدعان هو القمر بيطلع في النهار ولا ايه.
هند بغرور وثقه/وايه الجديد مانا قمر الصبح وبليل .
فرحه بغيظ وهي تنظر إلي اركان بإعجاب شديد/ي اختي اتوكسي انا بقول علي القمر المنور ده منور ي سي اركان البلد كلها منوره .
اركان بابتسامه ساحره /تسلمي ي فرحه ده نورك .
فرحه بمرح /بقولك ايه ي سي اركان مش بتفكر تتجوز انا موافقه وكل حاجه عليا انا هاجيبها بس انول الرضا .
اركان بضحك /ههههه والله انتي عسل ي بت ي فرحه.
فرحه بهيام /والله انت الي عسل نحل .
هند وهي تندفعها أرضا بغيره وغيظ لتنقض عليها /وانا بقا النحله في الوسط ي روح امك.
لتصرخ فرحه باستنجاد من تلك المجنونه تحت ضحكاته الساحره .
ليعود اركان من شروده بتنهيده عاليه وهو يصرخ بشده كأنه يحاسب ذاته .
/ايه ي اركان ايه الحكايه بالظبط انت بتحب مين وعايز مين فيروز ولا هند مصيبه لتكون عايز الاتنين وقلبك هما الاتنين بيملكوه ساعتها هتضيع في الوسط وتضيعهم الاتنين فوق ي اركان فوق خليك كده زي مانت والا هتتضعف فيروز اكيد فيه سبب خلاها تبعد وهند دايما حاسه انك ليها وانت لازم تفضل كده دايس علي الكل علشان تكسب نفسك وتفضل كده اركان الجوهري .
في شركه ادم ..
في مكتبه …
كان يجلس وهو ينظر بخبث لتلك الكاميرا التي تكشف عن دخولها ليبتسم بمكر وانتقام .
/اووه واخيرا جاتلي الفرصه اني انتقم منك ي كينان .
لتبلغه السكرتيره بوجود هنيه لياذن إليها سريعا بالدخول .
ادهم بابتسامه/اهلا اهلا ي مدام هنيه .
هنيه بابتسامه/اهلا بيك ي استاذ ادم ممكن تعرفني بالشغل الي هعمله.
ادم بخبث ومكر/حالا انتي هتكوني مسؤوله الحسابات في الشركه ي عني هتكوني الكل في الكل ده مرات اخويا ي عني الثقه موجوده .
هنيه بابتسامه/أن شاء الله هكون قد الثقه دي ي استاذ ادم .
ادم بشر وانتقام /انا متاكد من كده .
في القسم …
مكتب كينان ….
كان يسير الي المكتب بمرحه المعتاد .
/طبعا البلد خربت والفسق والفجور ملا البلد بسبب الاجازه بتاعي ي فضل مش كده .
فضل العسكري بتاعه بضحك /هههههه اكيد ي كينان باشا .
كينان بابتسامه/والله وحشتني ي راجل ي طيب .

فضل بابتسامه حنان /وانت اكتر ي كينان باشا بس طبعا الجواز والراحة احسن بكتير من الشغل وقرفه .
كينان بابتسامه وسعاده /الحمد لله ي عم فضل ربنا رزقني ب واحده مفيش زيها ابدا ربنا يباركلي فيها يارب .
فضل بابتسامه/ويباركلك ي ابني يارب .
في شركه الجوهري ….
كان يجلس سيف وهو يمضي علي بعض الملفات الهامه لتسير السكرتيره بابتسامه .
/سيف باشا الوفد الايطالي وصل .
سيف بابتسامه/ماشي ي وفاء روحي وانا هحصلك .
وفاء بابتسامه /تحت امرك ي افندم .
سيف وهو يبتسم لسماع صوتها المحبب ل قلبه /ايه ي روحي اخبارك ايه وحشتيني اوي .
زينه بابتسامه/وانا كمان اتوحشتك جوي ي سيف متتصورش السعاده الي انا فيها دلوقتي وانا بسعد الاطفال الأيتام دول تصدق انا نفسي انفتحت اوي علي الخلفه احنا لازما نروحوا نكشفوا.
سيف بابتسامه/ي بت انتي اتجننتي احنا مكملناش شهر.
زينه برجاء وتوسل/ابوس ايدك ي سيف مش هنخسر حاجه لما نطمن .
سيف بتنهيده /وماله خليني كده ماشي وراكي هسيبك دلوقتي علشان عندي شغل خالي بالك من نفسك ي روحي .
زينه بعشق /وانت كمان ي حبيبي.
في فيلا سليم المنشاوي….
كان يسير سليم الي اللاسفل لتتحدث هي بثقتها المعهوده .
/عملت ايه كلمت ماهر ينفذ.
سليم بحده/ايوه ادهم عنده رحله ل امريكا النهارده وهيتمسك بشحنه المخدرات .
فيروز بحقد/تمام والبنت الي هتساعدنا في خطه كينان .
سليم بحده/جاهزه بس مش كفايه ادهم حتي في الاول الاتنين وراء بعض كده انتي مصممه تودينا في داهيه .
فيروز بحده /سليم الي بيحصل ده انت مش طرف فيه متقلقش.
سليم بسخرية /فيروز انتي بجد بتحبي اركان اصل بصراحه مش مقنع انك تحب حد وتدميره وتدمري كل الي حواليه .
فيروز بحقد وغل/هو الي دمر نفسه ودمرني لما سابني وراحلها ي سليم لما صدق كل الكلام الي هي لفقته ل جدها لم محاولش حتي يسمعني ولا يدور عليا ويرجعني له .
سليم بجديه/انتي مبتحبيش اركان ي فيروز انت طول عمرك بتحبي تحسي أن الكل تحت امرك اركان هو الوحيد الي رفضك علشان كده عايزه تنتقمي منه هو ده السبب وعلي العموم انا هفضل جنبك وانفزلك كل الي انتي عايزاه .
فيروز بحقد وغل/عمر محد هيفهم اركان بالنسبه الي ايه مش فارقه المهم أنه هيكون ليا .
في قصر الجوهري.
جناح هند وأركان….
كان يقف اركان وهو يجهز سلاحه ويدرس تلك المهمه الصعبه للغايه لكنه دائما ينحج بها فهو رجل تلك المهمات الصعبه .
هند بابتسامه /تحت تاكل انا عامله اكل حلو جوي جوي .
اركان بغيظ وزفر/مش عاوز حاجه انا بعرف اتصرف .
هند بعشق /دراعك أخباره ايه عاد .
اركان بحده/كويس ي هند وانا اصلا عندي مهمه بكره ..
هند بفزع /نعم مهمه كيف ي عني ودراعك كده انت عايز تخوفني عليك وخلاص حرام عليك ي اركان بتعمل فيا كده ليه .
اركان وهو يعاتب ذاته لما يوصلها إليه ليتحدث بابتسامه تمنت أن تراها دائما/اطمني وان شاء الله هرجعلك زي القرد .
هند بعشق وسعاده /يارب دايما اشوافك بخير يا اركان لاني مش هقدر اشوف فيك اي لذي ساعتها الموت هيكون اهون ليا من كل ده .

اركان وهو ينظر في عيناها بدقه /ساعات بحس انك فعلا بتحبيني وساعات بحس انك بتحاولي تخبئ سر خايفه لينكشف .
هند بارتباك ملحوظ /سر سر ايه عاد مفيش حاجه واصل .
اركان بشك /مش عارف متنسيش اني ظابط واعرف الي بيخبي بسهوله اوي.
هند بارتباك شديد/هو انت هتعليهم عليا ولا ايه ي حضره الظابط يلا علشان الوكل .
اركان بشك وهمس /ي ترا ايه الي وراكي ي هند .
في جناح نور وادهم.
كان ادهم يقف يعد شنتطه للسفر وهو يختلس النظرات اليها فكانت تجلس تقرا أحدا الكتب بشرود ليقترب منها بحنان .
/طب حتي مش هتصلحيني ده انا مسافر و يعالم هرجع تاني ولا لا .
نور بفزع وصراخ/بعد الشر عليك اوعاك تقول كده واصل .
ادهم بابتسامه وسعاده/ي عني خلاص سمحتيني ي نوري .
نور بابتسامه عشق/خلاص مسمحاك ي حبيبي تروح وترجع بالسلامه يا حبيبي .
ادهم وهو يقبلها بعشق/حبيبه قلبي طب مفيش حاجه كده ولا كده ل جوزك حبيبك قبل مايسافر.
نور بخجل وهمس /مش هينفع علشان ابنك معانا عيب كده .
ادهم بابتسامه واسعه /نور انتي بتقويلي ايه بجد ي نور بجد .
نور وعي تحتضنه بعشق /ايوه ي روح نور انا حامل واول مترجع أن شاء الله هنحتفل بالمناسبه دي سؤاء.
في شركه الطيران ..
في مكتب يحيي .
كان يجلس وهو يتابع مواعيد تلك الرحلات لينصدم بالبوليس وهو يسير الي الداخل بغضب .
يحيي بقلق/خير ي حضره الظابط فيه ايه.
الظابط بجديه /احنا جتلنا اخباريه بتقول أن فيه طيار اسمه ادهم الجوهري بيتاجر في المخدرات وبيستغل أنه طيار وبينقل البضاعه في الطائره بتاعته .
يحيي بصدمه /ايه مستحيل حضرتك مستحيل وعلي العموم اتفضل معايا …
في القسم …
في مكتب الظابط ..
كان يجلس ادهم بصدمه عارمه بعدما اخرجوا تلك الشحنه الكبيره من مكان القائد ليكاد يصاب بالجنون من فعل به ذلك من يؤد أن ينتقم منه بذلك الشكل .
ليقتحم المكتب اركان بغضب جحيمي ومعه سيف ونور التي تبكي بلا توقف .
اركان بغضب جحيمي/ايه الي بيحصل ده ي حضره الظابط انت مش عارف ده مين ايه الهبل ده .
الظابط بحده /ملوش لازمه كل ده ي اركان باشا التهمه مثبته عليه احنا لقينا شحنه مخدرات كبيره في مكان القياده وادهم قال إن محدش قرب من الطائره بعد ما كشف هو علي كل حاجه اكيد مش عفريت ي عني هو الي حط المخدرات.
اركان بوجع وكسره/متخافش ي ادهم ورحمه ابويا وامي مش هتفضل هنا كتير .
ادهم بجنون وصراخ/انا معملتش حاجه ي اركان اقسم بالله معملت حاجه ولا اعرف حتي مين الي ممكن يكون عمل كده اوعي تصدقي حاجه عني ي نور اوعي .
نور بدموع ووجع/مستحيل ي نبض قلبي مستحيل أن شاء الله هتخرج من هنا أن شاء الله.
سيف بالم شديد/أن شاء الله الغمه دي هتنزاح ي ادهم .
ادهم بدموع ووجع/يارب ي سيف يارب.
علي الطريق …
في سياره كينان في ظلام الليل الدامس.
كان يسير كينان بغضب جحيمي وهو يسمع لما حدث لادهم ليشمز بشده من تلك المشهد لتلك الفتاه وذلك الشاب وهم يفعلون ماحرمه الله ليسير الي ناحيتهم بغضب جحيمي لكن قبل أن يتحدث كانت تلك الحقنه قد غرزت في رقبته ليسقط فاقدا الوعي ليحملوه سريعا الي تلك الشقه المشبوهة لتنفيذ مخططه فيروز ..
في شقه ما …
كانت تجلس سندس بتلك الملابس الخليعه وهي تلك العلكه ليرن جرس الباب لتفتح سريعا ليسيرون رجال سليم ب كينان الي الداخل .

سندس وهي تلك العلكه وتتحدث بسخرية/هو ده الزبون شكله ظابط فعلا نضيف ومتلمع .
مروان رجل سليم بغضب /بقولك ايه ي روح امك ده متوصي عليه من فوق اوي ي عني تنفذي الخطه بالحرف الواحد واول ميبتدي يفوق كلمينا فاهمه .
سندس بغيظ شديد/فاهمه ي اخويا هي كيمياء مانا واخده علي كده خدوه بس علي السرير وقعاولي هدومه ولا ده كمان من اختصاصي انا .
مروان بغيظ /ماشي ي اختي .
بعد فتره من الوقت ….
كان يفتح كينان عيناه تتدريجيا لينظر بصوره مشوشه لتلك الفتاه التي تجلس جانبه شبه عاريه كان ليتحدث لينصدم مما أن يقفون ينظرون إليه باحتقار .
اللواء جلال/ي خساره ي كينان ي خساره عمري متخيلت أن تهورك وحبك للستات يخليك تبقا كده تزني استغفر الله العظيم وتفضب ربنا وتبقا واحد من الي انت بنفسك بتقبض عليهم اقبضوا عليه .
فضل بدموع /ي خسارتك ي كينان باشا .
كان مازال المخدر يسيطر عليه بشكل كبير لا يعلم ماذا يقول ولا يعلم أيضا ماذا حدث .
في قصر الجوهري…
في جناح هند وأركان….
كان يجلس اركان بدموع ووجع فلاول مره يشعر بذلك العجز كانت تنظر إليه بوجع يخترق قلبها ليرن تلفون اركان ليرد بوجع وقهره.
/ايوه ي كينان .
اللواء جلال بضيق /لا ي اركان انا مش كينان انا اللواء جلال .
اركان بقلق وهو يشعر بشيء مريب في صوته /خير ي سياده اللواء اخويا كينان فيه حاجه.
اللواء جلال بضيق /اخوك كينان اتقبض عليه ب تهمه الزنا ياريت تيجي ي اركان سلام .
اركان بصدمه ودموع لاتتوقف ليصرخ صراخ أفزع الجميع .
/لا لا لا كده كتير اقسم بالله كده كتير انا مش هقدر اتحمل كل ده هو ايه الي بيحصلنا ده مين الي عايز يكسرني مين الي مصمم يموتني بالبطي ويقهر قلبي علي اخوووواتي مين انا تعبت يارب اقسم بالله تعبت .
لتسرع اليه هند بدموع ووجع لتتحتضنه بشده ليشدد هو من احتضانها باحتياج رهيب ليتحدث بهمس وتعب .
/خلاص انا انكسرت ي هند اركان الجوهري خلاص انتهاء .
هند بدموع ووجع/مستحيل ي حبيبي انت قدها وقدود انت جبل ي اركان جبل الكل بيتسند عليه ده انا اموت لو اشوفك مهزوم كده .
ليعلن هاتفه عن رساله من تلك الرقم الخفي ليقراها سريعا .
(لو عايز تنقذ اخواتك قبلني في مكان هبعتلك عنوانه حالا وخليك فاكر لو فكرت تبلغ البوليس أو حركه كده او كده اخواتك خلاص انتهوا ).
لترسل له العنوان ليذهب سريعا الي هناك …
في تلك المنطقه الصحراويه …
كان يقف اركان بغضب جحيمي وهو ينظر لتلك الذي يعطيه ضهره ليتحدث بغضب جحيمي.
/انت مين .
لتلفت إليه فيروز بابتسامه جعلته ينصدم بشده ليتمتم/فيروز .
فيروز بابتسامه وعشق واشتياق له /ايوه فيروز ي اركان فيروز حبيبتك .
اركان بحده/هو انتي وراء الي حصل ل اخواتي .
فيروز بثقه وثبات/ايوه انا السبب ي اركان علشان تكون ليا علشان فيه حاجات كتير انت مش عارفها ولازم تعرفها .
اركان بغضب جحيمي وهو يشهر مسدسه أمامها /انا مش عايز اسمع اي حاجه خالص الي عملتيه في اخواتي كفيل أنه يخليني اقتلك هي دي الحاجه الوحيده الي تشفي ناري واخواتي انا هعرف ازي أخرجهم .

فيروز بصراخ ودموع /اركان انا بحبك محبتش حد غيرك ابدا .
اركان بغضب جحيمي ووجع ينهش قلبه /انا كمان كنت بحبك بس انتي الي زيك مستحيل يحب انتي مريضه كل لحظه عاشواها اخواتي وفضيحتنا الي هتكون علي كل لسان لازم تتدفعي تمنها ولازم تموتي .
كاد أن يطلق رصاصته لكن تلك الرصاصه التي اخترقت ضهره كانت الاسرع ليسقط اركان غارقا في دمائه لتسرع اليه فيروز بدموع وصراخ .
/اررررركان ارركان انت عملت ايه ي سليم عملت ايه.
سليم بحده وغيظ /كان لازم اقتله قبل مايقتلك .
فيروز وهي تمسكه بصراخ وجنون/انت قتلتني انا ي سليم قتلتني انا .
سليم وهو يدفعها بحده وصراخ /انتي الي قتلتيه بايدك دول انتي السبب في كل الي حصل انا موته علشان انتي تعيشي حياتك قصاد حياته واخترتك انتي بس لازم تفضلي عايشه بعذاب الضمير انك انتي السبب في موت اركان ي فيروز .
ليتركها ويرحل لتسقط أرضا بدموع وقهره وصراخ لا يتوقف ..
في قصر الجوهري….
كان يجلس صلاح الجوهري بوجع ومراره لتقترب منه هند بالم .
/أن شاء الله خير ي جدي كل حاجه هتبقا زي الفل وهنعدي .
صلاح بكسره ومراره /يارب ي هند ي بنتي يارب .
ليرن جرس الباب لتفتح هند سريعا لتنصدم من تلك الظابط التي يمسك هاتف اركان وساعته ومفاتحيه واشياءه التي تعرفها جيدا لتشعر بخنجر يشرخ قلبها لتتحدث بوجع وخوف شديد.
/هي الحاجات دي مش حاجات اركان .
الظابط بدمع ووجع/البقاء لله ي هانم .
لتمسكه هند بدموع ووجع وصراخ /انت بتقول بتقول ايه انت واحد مجنون اركان قاله أنه راجع ايوه هو قالي اركان فين جوزي فين هو عارف اني مقدرش اعيش من غيره ايوه عارف اني اموت لو جراله حاجه راح فين قولي .
الظابط بفزع /صلاح بيه .
هند بصراخ وجنون/جددددي .
بعد مرور عده ساعات .
في أحدا مستشفيات لندن الفاخمه …
كانت تقف فيروز خارج الغرفه وهي تسير ذهابا وإيابا ليخرج الطبيب لتسرع اليه فيروز .
/خير ي دكتور طمني .
الدكتور بجدية /احنا نقدر نقول اننا عدينا مرحله الخطر لكن الرصاصه كانت قريبه من العمود الفقري ندعي ربنا أن ميكونش في تأثر من انهي نوع عن اذنك .

لتسير الي الداخل وهي تراه يغفا تحت جهاز التنفس الصناعي لتقترب منه وهي تنظر إليه بابتسامه واسعه وهي تحدثه .
/يااه ي اركان اخيرا بقيت ليا هههههه زمان هند هتموت من حسرتها عليك قولتلها انك هتكون ليا لوحدي مصدقتنيش خلاص اركان الجوهري مات تعرف رجالتي ساعدني جثه ملهاش اي تلاتين لازمه اتحرقت مكانك فيها بطاقتك والكل اتاكدت أن انت أن اركان الجوهري مات بس الحقيقه ان اركان عايش ليا انا وبس خلاص ي روحي انا وانت هنعيش الحياه الي كنا بنحلم بيها وكان لوحدنا خلاص فيروز وأركان اتجمعوه من جديد ❤️❤️ بالنسبه لإخواتك متقلقش هخرجهم من الي هما فيه أما بالنسبه للهند فهفضل عايشه مستمتعة معاك علي حساب وجعها والماها لأنها مغروره كانت عايز تمتلكك وبس لكن انا حبيتك بجد ي اركان فوق بقا فوق علشان تعيش مع فيروز حبيتك ..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية عشقت صعيديه)