رواية اغتصاب زوجة الفصل الثاني والعشرون 22 بقلم رشا محمد

رواية اغتصاب زوجة الفصل الثاني والعشرون 22 بقلم رشا محمد

رواية اغتصاب زوجة البارت الثاني والعشرون

رواية اغتصاب زوجة الجزء الثاني والعشرون

رواية اغتصاب زوجة الحلقة الثانية والعشرون

لكن كيان قربت منها وقالت : لا ياحبيبتي دا مش…
أسكتها ياسين قبل أن تكمل وقال لميرال :
المهم دلوقت ان أنا رجعت واحنا سوا دلوقت
ثم قال لكيان : تعالي نشوف الدكتور عشان نقوله انها فاقت
كيان مندهشة مما قاله ياسين ولا تعرف لما فعل ذلك
لكن صمتت حتي تفهم من أخيها سبب ما قال :
ياسين لميرال : ثواني هنروح نشوف الدكتور وراجعين فورًا
ميرال : لاء خليك معايا متسبنيش وخليها هي اللي
تروح للدكتور وتقولنا قال لها ايه
ياسين : متخافيش مش هبعد أوضة الدكتور هنا جنبنا
هنروح ونيجي بسرعة
اطمني مش هسيبك تروحي مني
ثم قَبَلَ يدها وأخذ ياسين كيان من يدها وخرج برا
الغرفة وأغلق الباب خلفه وابتعد قليلاً ثم قال لكيان بهمس :
الدكتور قال لو هي قالت أي حاجة نجاريها ف اللي
بتقوله عشان ميحصلهاش انتكاسة ويجيلها انهيار عصبي
كيان : نجاريها ازاي ؟!! دي شيفاك جوزها !!
ياسين : احنا حاليًا مش فاهمين ليه هي بتقول كدا
خلينا نفهم الأول عشان نعرف نتصرف صح من غير
م حالتها تنتكس

 

 

 

كيان : يعني أتعامل معاها ازاي وأنا حتي معرفش اسمها؟
ياسين : واحدة واحدة كل حاجة هتبان بس أهم حاجة
دلوقت انك متفكريهاش بحاجة عشان متتعبش أكتر من كدا
كيان : حاضر يا ياسين … لما نشوف ربنا كاتبلها ايه معانا
ياسين : كاتبلها كل خير معانا ان شاء الله
يالا ادخلي لها أنت عشان متفضلش لوحدها أحسن
تتعب وخلي بالك منها
كيان : حاضر يا ابو قلب طيب
تركته كيان ودخلت لميرال وأغلقت الباب خلفها
ياسين لنفسه : مش عارف أنا ليه عايزك معايا ومش
عايز أفرط فيكي !!
ومش عارف ليه كدبت علي أختي لأول مرة وقولتلها
ان الدكتور قال نجاريها ف اللي بتقوله عشان متنتكسش
والدكتور مقالش كدا اصلا
لكن كل اللي عارفة دلوقت وعايزة ومش هتنازل عنه
ان مش هسيبك تبعدي عني مهما حصل حتي لو
هاخدك وأسافر بعيد …. بس تفضلي معايا
بس لازم دلوقت أخدها ونمشي من هنا قبل م الدكتور
يشوفها ويبتدي يديها أدوية تخليها تفتكر حياتها قبل
النهارده وتفتكر جوزها
ثم صمت قليلا وقال لنفسه : بس أكيد جوزها غرق
م هو مش معقول يفضل ف البحر الوقت دا كله ويبقي
لسه عايش أكيد مات

 

 

 

لازم ألاقي طريقة بسرعة عشان نخرج بيها من هنا
وبعدين أبقي أروح أشوف لقوا جثة جوزها ولا لسه
وهو يفكر نظره وقع علي زر الطوارئ الذي يتم الضغط
عليه لإخلاء المستشفي لحدوث أمر طارئ
فعلم ماذا سيفعل …
وبسرعة ضغط علي زر الطوارئ وبدأ صوت الانذار
يرج أركان المشفي
جري علي غرفة ميرال وفتح الباب بسرعة وقال :
يالا بسرعة نخرج من هنا المستشفي بتتحرق
صرخت كيان وميرال والخوف تملكهم وقالوا :
عاااااا بتتحرق ؟!! بتتحرق ازاي ؟!!
ياسين : مش وقت أسئلة دلوقت يالا بينا بسرعة
وأخذ كيان وميرال من أيديهم وخرج يجري خارج
المشفي كان جميع من بالمشفي يجري بعد ما سمعوا
صوت الانذار
فتح ياسين السيارة وركبوا ثم تحرك بها وأخذهم
وذهبوا للبيت دخلوا وجلسوا ع الانترية
كيان : ياااااه أنا مش مصدقة ان رجعت البيت سليمة
ميرال : الحمد لله ان مشينا بسلام
جلست ميرال تلتقط أنفاسها قليلا ثم نظرت حولها
تتفقد المكان باندهاش ثم قالت لياسين :

 

 

هو أنا ليه ياحبيبي مش فاكرة البيت ولا فاكرة كيان
مش فاكرة حاجة خالص ومش قادرة افتكر
ياسين قرب منها وقال : متحاوليش تفتكري حاجة
دلوقت لأن أنت لسه تعبانة ودا مجهود علي أعصابك
ادخلي دلوقت ارتاحي خالص والصباح رباح
ميرال نظرت له بعينيه وتعمقت بها وهو يتحدث ثم
أمسكت يديه وقالت عارف ياحبيبي ايه أكتر حاجة
وحشاني ؟!!
ياسين هام بها وبعينيها وقال : ايه؟!!
ميرال : عينيك ياحبيبي بتاخدني ف دنيا تانيه بعيد عن الناس
سرح ياسين بها قليلا ثم فاق وتنهد وقال :
ادخلي دلوقت ارتاحي ونامي وبكرا نكمل كلامنا
ميرال : طيب يالا بينا ننام أنا فعلا تعبت جدااااا
ارتبك ياسين ثم لملم نفسه وقال : لااااا أنا لازم أروح
أشوف ايه حصل ف المستشفي وأشوف الدكتور
واتكلم معاه
ميرال بخوف عليه : لا ياحمزة أوعي تروح هناك أنا خايفة عليك
ياسين شَعُرَ بالغيرة عندما سمعها تذكر اسم حمزة فقال
لها بغضب : اتفضلي ادخلي نامي وأنا مش هتأخر
ميرال : حاضر من غير زعيق بس خلي بالك من نفسك
ومتتأخرش عليا ياحمزة

 

 

 

ياسين بغضب : حاضر
ثم نظر لكيان وقال : دخليها الأوضة ياكيان عشان
ترتاح وخلي بالك منها وأنا مش هتأخر
كيان : متقلقش يايا…..
ثم تذكرت انها لا يجب أن تذكر اسم ياسين فسكتت
وقالت : يا حبيبي
خرج ياسين وأغلق باب البيت ثم أخذت كيان ميرال
ودخلت الغرفة لتتركها ترتاح
ميرال : أنا مش فاكرة حاجة خالص حتي الأوضة دي
كمان مش فكراها
كيان : معلش ياحبيبتي واحدة واحدة هتفتكري كل حاجة
ميرال ذهبت للخزانة وفتحتها ونظرت للملابس بداخلها
ثم قالت : طيب أنا مش فاكرة أي حاجة ولا حتي
هدومي دي كمان وقولنا هفتكر واحدة واحدة
لكن الهدوم دي مش مقاسي اصلاااا دي واسعة جدااا عليا
ارتبكت كيان ولم تعرف أن تتكلم وترد علي أسئلتها
فقالت : ايه رأيك تاخدي شاور الأول وبعدين تنامي؟!!
ميرال وهي مندهشة مما تري وما يحدث : أنا هدخل
أخد شاور وأنت شوفيلي أي حاجة مقاسي ألبسها
كيان : من عنيا ياقمر .. أجي أساعدك ف حاجة؟!!

 

 

ميرال : لا أنا كويسة ثم تركتها ودخلت تاخد شاور
ياسين نزل م البيت وركب سيارته وذهب الشاطئ
المكان الذي كانت تجلس به ميرال ليعرف ماذا حدث
لحمزة هل غرق ووجدوا جثته أم جثته مفقودة
وجد هناك الدكتور الذي كشف علي ميرال وقال له
انها يجب أن تذهب للمشفي
وأول م شاف ياسين قال له : أنت فين يابني بدور
عليك من بدري
ياسين : ليه !! خير ان شاء الله !!
الدكتور : فين البنت اللي أنت وديتها المستشفي؟!!
ياسين : وديتها المستشفي وسيبتها هناك ومشيت
بس بتسأل ليه؟!!
الدكتور : جوزها قالب عليها الدنيا
ياسين بدهشة : حمزة!!!
الدكتور : أيوه عرفت منين ان اسمه حمزة
ياسين بتوتر وارتباك : أصل مراته طول م هي مغمي
عليها عمالة تنده باسمه
الدكتور : وهو كمان قبل م يفوق كان عمال ينده عليها
ياسين : وياتري اسمها ايه ؟!!
الدكتور : تقريبًا سمعته بيقول ميرال

 

 

ياسين : ميرال… اسمها حلو أوي زي شكلها لايق عليها
ثم أكمل وسأل الدكتور : بس غريبة هو حمزة رجع تاني ازاي؟!!
الدكتور : اللانش لما اتخبط ف الصخر هو اتخبط ف
راسه وأغمي عليه وبعديها علي طول فاق ملقيش مراته
فضل يعوم لحد م وصل ع بر الشاطئ لكن الخبطة اللي
ف راسه مع العوم الكتييير خلاه لما وصل برالشاطئ
تعب جدااا ورجع أغمي عليه تاني
بس لولا ان هو رياضي مكنش قدر يتحمل كل دا
بجد ربنا كتبله عمر جديد
بس تعرف ان فيه شبه منك كبييير
ياسين : شبه مني أنا ؟!!
الدكتور : أيوه نفس لون عنيك بالظبط ونفس جسمك
وطولك تقريبًا

 

 

ياسين لنفسه : عشان كدا قالتلي ياحمزة
ثم سأل الدكتور : وهو راح فين دلوقت ؟!!
راح المستشفي ؟!!
الدكتور : لما فاق سأل عليها قولتله ان كان في واحدة
هنا تعبت وفرد من فريق الانقاذ أخدها المستشفي
ياسين : طيب أنا هروح أشوفه ف المستشفي بدل م
يفضل يدور عليه

وترك الدكتور وخرج سريعًا يقول لنفسه :
ألحق أمشي بسرعة قبل م جوزها يجي عشان أفكر
كويس هعمل ايه ف موضوع رجوعه م الموت دا
وبعد ثواني سمع صوت ينادي : لو سمحت
ياسين : افندم !! والتفت خلفه وجد شخص يقترب
منه ويفتح هاتفه ويوجهه له ويقول
لو سمحت دي صورة مراتي وبدور عليها مش لقيها
مشوفتهاش وأنت ماشي ؟!!…..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية اغتصاب زوجة)