رواية أنا وأنت الفصل الأول 1 بقلم شهد هاشم

رواية أنا وأنت الفصل الأول 1 بقلم شهد هاشم

رواية أنا وأنت البارت الأول

رواية أنا وأنت الجزء الأول

رواية أنا وأنت الحلقة الأولى

يا حبيبي البت ملهاش حد
عُدي . طب وانا مالي
والدة عدي . تاني يا عدي ؛ يبني باباها ومامتها اتوفوا ومعندهاش اخوات
عدي . خلاص عندها أهل باباها ومامتها
والدة عدي .مكنتش قولتلك تتجوزها
عدي . يعني اي
والدة عدي . مامتها كانت جارتي وقالت إن أهلها هيا كانوا اصلين مش حابين والد ندي ؛ومش بيسالوا فيها اصلا ؛ ما عدا واحد بس مامتها قالتلي عليه شخصيه محترمه كده
عدي . خلاص اتحلت يبقي عيلة باباها بقي يهتموا بيها
والدة عدي . باباها مكانش مخلف غيرها ومعندوش ولد علشان يورثه ؛ فالميراث هيروح لاخواته وكانوا دايما عاوزين يعملوا اي حاجه علشان يخدوا ورث ندي
عدي . طيب خلاص خليها تعيش هنا وانا هاخد شقه برا يا ماما مش مهم
والدة عدي . هتتكسف تقعد مع ابوك

عدي . خلاص اخد بابا معايا وناخد شقه تانيه
والدة عدي. يا حبيبي انت كنت مسافر ومش عارف ندي كويس
عدي . ولا عاوز اعرفها
والدة عدي . معلش يا حبيبي هيا وحدانيه وملهاش حد
عدي .خليني افكر يا ماما
والدة عدي . مينفعش تفكر كتير البت عايشه لوحديها في الشقه اللي قدامنا وممكن اي حد يأذيها
عدي. محسساني إنو إحنا في كرتون بيأذيها دي
والدة عدي . بطل غلاسه وهو النهارده وبكره تفكر نكون جيبنا شقه تكون خلصانه بكل أمورها يدوبك بس نجيب الانتري والكراسي والسرير ونحطها في الشقه
عدي. ده انتي مرتبه كل حاجه بقي يا ماما
والدة عدي. ايوا يا حبيب امك مرتبه كل حاجه
………..
والدة عدي .بصي يا ندي ؛ بابا وماما الله يرحمهم واكيد لو كانوا موجودين هنا ومسافرين في بلد تانيه فمكانوش هيرضوا انك تعيشي لوحدك
ندي . بس يا طنط انا تعبانه حقيقي
والدة عدي . صدقيني عدي ابني وانا عارفاه مش هيعملك اي حاجه ؛ يدوبك بس يكون معاكي حد
ندي .

والدة عدي. انا عارفه انك مش قادره تردي بس صدقيني ده لمصلحتك
……….
كان يوم كتب الكتاب كانت ملامحها تعبانه اوي باين عليها فعلا التعب
كان موجود من قرايبها واحد بس شاهد علي كتب الكتاب من قرايب مامتها وده اللي كان الشخص اللي كان رحيم فيهم
…..
ندي . كده كده قبل ما تتكلم سواء انا وانت فاحنا مجبرين علي بعض ؛ كلها كام شهر كده ويخلصوا واكون دورت علي شغل واشتغل برا
عدي . ايه ايه ده انا مكلمتش اصلا
ندي . عن إذنك
……..
عدي . صباح الخير
ندي .
عدي . انا مقدر إن إنتي حزينه علشان عمو وطنط بس كل اللي هقولهولك إدعيلهم أحسن
ندي . مكنتش اتوقع انهم ممكن يسيبوني مره واحده كده
عدي. كلنا هنموت يا ندي بس الاهم لما نموت نكون ميتين وربنا راضي عننا وسايبين علي الاقل اثر حلو في اللي حوالينا
ندي . عن اذنك
……..
يمكن كلامه ريحني شويه وحقيقي فضلت أدعي كتير أوي
…….

عدي . انتي بخير
ندي . مصدعه بس شويه
عدي . طيب معاكي دوا
ندي . اخدته من شويه
عدي . طيب لو لسه الصداع مكمل معاكي نامي احسن أو لو وَجعِك أوي تعالي نكشف أحسن
ندي . لا لا متشغلش بالك هو إرهاق بس
عدي . طيب سلامتك
ندي . الله يسلمك
……..
مَر اسبوع وكانت الايام ما بين صباح الخير وعن إذنك اللي هيا كل شويه تقولها
ندي . قرات الكتاب ده
عدي . لا ومش عاوز اقراه
ندي . طيب انا عملت اكل لو عاوز تاكل
عدي . مش عاوز اي حاجه خالص
وفجاه لقيتها بتعيط
عدي ا . ا. انا ا.اسف مكنتش اقصد بجد بس انا جاي مضغوط شويه من الشغل الجديد فانا اسف وبعدين انا جعت بقي عاوز اكل
ندي بنبره جِدِيه . الاكل عندك في المطبخ
عدي . ايه ده اي الجَد ده
ندي بضحكه خفيفه .نِيو وُومان
كانت ضحكتها خفيفه اوي مع ملامحها التعبانه الواضحه جدا علي وشها
عدي . طيب انتي اكلتي
ندي . لسه
عدي .طيب تعالي ناكل
……

عدي . ممكن تبطلي عياط
كانت بتتكلم وهيا بتعيط وبتقول . فكرة إنو حد يروح منك بالسرعه دي من غير اي مؤشرات قبلها أو ضامن وجود حد في حياتك ومره واحده يسيبك ويمشي دي صعبه اوي بجد
عدي . انا عارف حقيقي انو صعب عليكي بس والله الوقت هيعدي وهتبداي تشوفي حياتك ومش هتنسيهم بس علي عكس هتفضلي بتدعيلهم برده
…..
مَر اربع شهور علي جوازي انا وندي
كانت شخصيه لطيفه ؛ عدت مرحله الحزن بصعوبه ومع ذلك بتدعيلهم كتير
…..
عدي . تصدقي ملامحك كده بقيت احسن بكتير
ندي . شكرا
عدي . تيجي نتمشي شويه
ندي . ياريت ثواني وهلبس
……
عدي . منظر الشارع جميل اوي
ندي. اه جدا
عدي .شايفك بقيتي أحسن من الاول
ندي. ده كله بفضلك
عدي. يا حجه أنا معملتش أي حاجه
ندي . ده كله ومعملتش
عدي . يعني ده تجاهي ناحيتك
ندي. بس انت مكنتش مجبر تعمل كده بس علي العموم شكرا ليك؛ كنت هنسي
عدي . اي

ندي . لقيت شغل برا وهترتاح بقي مني
عدي . انتي شايفه كده
ندي . شايفه اي مش فاهمه
عدي . عاوزه تسافري لي
ندي . فاكر لما اتجوزنا وقولتلك هدور علي شغل برا واسافر
عدي.ايوا بس ده كان في الأول مش دلوقتي
ندي .انت مش مجبر تخليني هنا علشان تبقي معايا ؛ إنت كنت مجبر علي الجوازه دي اصلا فخلاص بقي
عدي . انتي عاوزه تسافري لي
ندي .يعني خلاص بقي كفايه كده أنا بقيت حِمل كبير أوي عليك
عدي . حِمل كبير عليا مره واحده ؛ يا ندوده لا انتي مفيش اي حاجه من اللي قولتيها دي حصلت
ندي. ندوده
عدي . مين قال ندوده
ندي . انت قولت
عدي . جايز برده
ندي. ماشي يا دودو
عدي . دودو ؛ ابقي عندي ٢٧ سنه وتقوليلي يا دودو
ندي .يغوتي أحلي دودو في الدنيا
عدي . لا ده انتي مستفزه بقي
ندي . تسلم يا دودو

عدي. احنا نروح احسن
ندي . لا لا يا عم خلاص مش هقول دودو يا دودو
عدي .لا انتي تسافري احسن
ندي. لا مقدرش اسيبك مقدرش
عدي . لا سيبيني
ندي .تيب ماثي
عدي . متجوز طفله
ندي. حثل
عدي . لا ده انتي كده بقي عاوزه حد يعلمك النطق
ندي بضحكه .معاك حق يا دودو
عدي .يلا يا ندي يلا
……
في يوم تاني :
عديت علي ماما سلمت عليها وروحت البيت وملقتهاش رنيت علي موبايلها كان في البيت ورنيت علي ماما ومكانتش هناك ؟؟
………

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية أنا وأنت)