رواية شهد الفصل الثامن عشر 18 بقلم يارا عبدالسلام

رواية شهد الفصل الثامن عشر 18 بقلم يارا عبدالسلام

رواية شهد البارت الثامن عشر

رواية شهد الجزء الثامن عشر

رواية شهد الحلقة الثامنة عشر

مين بقى عريس الغفلة
الام :الحاج صابر بتاع الفراخ
شهد بصدمه:اي..
انتى بتقولى اي انا مستحيل اوافق دا راجل متجوز تلاته وعنده ٦عيال انا مش متخيله اللي بتقوليه دا
ابوها قرب منها ومسك ايديها بعنف:بصى بقى توافقي متوافقيش احنا مش بناخد رايك مش كفايه لقينا حد يسترك بعد العمله اللي عملتيها والعار اللي جبتيهولنا وكمان البهوات اللي كل واحد اتسلى بيكى شويه والتاني اللي كان عامل شبح وكان بيخوفنا واهو مجاش ولا عبرك يبقى اي يبقى تسمعى الكلام كدا ومتنشفيش دماغك علشان مدفنكيش حيه !
شهد خافت وسكتت
الام:معلش انتى اللي عملتى في نفسك كدا كان زمانك متجوزه واحد من سنك بس قلة ادبك هى السبب
شهد:ولى متقوليش انتى السبب انتى عمرك ما كنتى ام عمرك ما حسستيني أن ليا ام انتى دائما بتبصي للفلوس طول عمرك عوزا اكتر عمرك مسألتيني عوزا اي كل حاجه على مزاجك انتى عمرك ما نجحتى انك تكونى ام ولا انتى ولا جوزك انا مبحسش انكوا أهلى لانى افتقدت وجودكوا من وقت ما اتولدت …
الام:ههههه وبقيتي فليسوفه كمان برافو ولاد الأكابر عرفوا يعلموكى حاجه كنتي بصه العالى يا بنت بطنى لكن معرفتيش تنوليه
_انتى مريضه على فكره انا مبصتش للعالى انا بصيت للامان اللي ملقتهوش في بيت أهلى
اخوها الكبير دخل :اي دا في اي بابا كان بيزعق لى
شهد بسخريه:اي دا انت صحيت !يا شيخ دانا افتكرتك سافرت ولا حاجه

خد امك واطلعوا برا علشان مخنوقه
الام خرجت بعصبية وأخوها وقف مكانه
_في اي مالك
شهد :انت بتسألنى ومن امتى سؤالك دا أخرج يا على لو سمحت وخليني لوحدي شويه
على خرج وسابها
وهى فضلت مكانها تعيط على اللي بيحصلها وعلى حظها وكمان على معتز اللي سابها ومسألش فيها وطلعها من حياته من غير استئذان!
عرفت قيمة وجوده جنبها لما حست دلوقتي انها محتجاله ومحتاجه امانه. وحمايته ووجوده جنبها هي سابته علشان حست أنه رجع في كلامه ومش هيكمل معاها لما شافت كلام فارس ليه لكن هى كانت عوزا تكمل وتحس بالأمان بوجوده …
*يا تري يا معتز لسه بتفكر فيا زي ما بفكر فيك ولا لا..
عند معتز
كان بيكلم فارس في التليفون
_اي مش ناوي ترجع ولا حبيت القاعده في اسكندريه
_انا حبيت اسكندريه واللي في اسكندريه والناس اللي تقلانه عليا فيها تعبت اووي يا معتز انا قررت انى اتقدم ليها قدام محل الورد اللي بتشتغل فيه من كتر اليأس شهرين مش عارف اقابلها ولا اكلمها بحبها من بعيد لبعيد بس
_اجمد كدا يا بطل بسمه بتحبك بس هتلاقيها بعد لما عرفت أن نور اختها محبتش انها تاخد مكانها وانت لازم تحسسها انها بقت رقم واحد في حياتك وأنها حبيبتك دلوقتي
_انا عمري ما نسيت نور ولا هنساها بس هى بقت زكري جميله ودلوقتي بحب بسمه لأنها دخلت حياتى غيرتها وحولتنى يا معتز
_علشان كدا عافر علشان توصلها لانها هى كمان بتحبك بس خوفها مانعها خليك جرئ وخد خطوه
_احم وشهد
_مالها
_انا عارف انك بتحبها يا معتز كان باين في عينيك روحلها يا معتز واتجوزها شهد محتاجه لشخص زيك
_شهد محبتنيش شهد حبت الامان اللي بتحسه معايا انا مقدرش اكون معاها وقلبها مع غيري

_معتز انا فاهم قصدك بس شهد لما كلمتها حسيت بصدق كلامها لما قالتلي انها متنفعش تبقى معايا وأنها دلوقتي معاك هى ممكن تكون بعدت علشان حست انك حسيت بالذنب ناحيتي وانا اهو بقيت كويس وانا اللي بقولك ارجعلها
_ان شاء الله هشوف الموضوع دا
_ماشي سلام بقى علشان بسمه جت
عند فارس
كان واقف قدام المحل الناحية التانيه
شاف بسمه وهى جايه تفتح الباب ودخلت
دخل وراها
_لوسمحتي عاوز بوكيه ورد
قلبها دق لما سمعت صوته اتمنت انها تكون بيتهيألها هى لما صدقت رجعت زي الاول نوعا ما
بصتله وحست أن ضربات قلبها بقت اسرع لما شافته وشافت هيئته وابتسامته اللي شافتها مرتين لحد دلوقتي ودابت فيهم
فارس قرب منها وابتسم اكتر:عاوز اجمل بوكيه ورد لاجمل وردة
بسمه بسخرية:لي ناوى تتجوز التالته ولا ناوي تكملهم دسته
فارس:لا ناوي اتقدم لحبيبتي
بسمه بلعت غضه في حلقها:اي دا انت بقى عندك حبيبة
فارس:اها وناوي اتقدم ليها النهارده وعاوز بوكيه ورد حلو
بسمه بعصبية:معندناش ورد
فارس بص حواليه:امال اي دا
_دا ورد مش للبيع وكمان الورد بتاعنا مش حلو ميليقش بالسنيوره بتاعتك
_وانا عاوز من الوحش دا ينفع ولا لا
_لا مينفعش وبعدين انت جاي تجيبلها ورد لي مش معقول تكون بتحب الورد دي هتلاقيها بتحب الكرشه اكلها حنكريشه احسن من الورد والنحنحه دي
_انتى غيرانه؟
_انا أنا غيرانه انا اغير اغير لي يعنى دا اكيد اكيد انا احلى منها اكيد يعنى
فارس ضحك بصوته كله :كان نفسي اجيبها تشوفيها كنتي هتغيري رأيك نهائي
قرب منها:كنتي هتحتاجى تخسي شويه وتطولى حبتين
بسمه بعصبيه:على فكره بقى القصر نص الجمال واللى عاوز وردة بيوطي ويجيبها مش بدل ما تكون عمود نور وكمان الرفيعين بيبقوا بصرم وبغل وانا مش بصرم ولا بغل
فارس:وانتى متضايقه لي
_انا انا متضايقه لا خالص انا بوضحلك الفكره بس مش اكتر
_اممممم قولتيلي طيب ممكن تعمليلي بوكيه ورد ولا هتفضلي تتكلمى معايا كدا كتير ولا علشان انا حليوة ومسمسم
_انت حليوة!لا خالص انت مش استايلي حتى
_نعم يختى امال مين استايلك أن شاء الله

_وانت مالك انت
_يلا روح اشتري ورد من حته تانيه
في الوقت دا جه شاب
_ممكن لو سمحتى تعمليلي بوكيه ورد
بسمه بابتسامه:طبعا تحب حضرتك تنقى ولا اعمله على ذوقى
الشاب بابتسامه:لا على ذوقك اكيد هيبقى حلو
فارس بعصبية:نعم !هوا انت جربت ذوقها قبل كدا ولا حاجه
الشاب:اكيد انا باجى هنا دائما اشتري ورد وانسه بسمه ما شاء الله ذوقها حلو
فارس بغيره:وكمان عارف اسمها
بسمه بصتله بتحدي:ايوا مش البشمهندس زبون دائم للمحل لازم نكون عارفين بعض وكمان حضرتك متعصب لي مش فاهمه وكمان قولت لحضرتك طلبك مش موجود
_ماشي يا بسمه انا هوريكي
خرج وهوا متعصب
*ماشي يا بسمه ماشي انا تتكلمى معايا بالاسلوب دا انا هوريكي ماشي…
عند احمد
كان بيرتب شنطته علشان هيسافر في الفجر..
نيره دخلت عليه
_احم انت خلاص مسافر
احمد ببرود:ايوا
_هترجع
_لا احتمال مرجعش تاني مبقاش ليا حاجه هنا خلاص
هروح امريكا وبدأ حياتى هناك يمكن اقابل بنت الحلال اللي تحبنى وتكون جنبي
في الوقت دا انهارت قوى نيره ووقعت على الأرض تعيط
_يعنى هتسيبني وتسافر لي يأست يا احمد لى هتسيبني انا عوزاك معايا وجنبي قلبي مش هيستحمل بعدك قلبي اللي بيحبك من زمان لي يأست انك تحاول انا كنت حابه قربك ومحاولتك انا ميأستش من سنين وانت بعيد عنى وانت يأست من اول محاوله
احمد لما شاف حالتها قرب منها وقعد قصادها
_انا مكنتش عاوز امشي بس حسيت انك مبقتيش عوزانى ولا بتحبيني
بصتله بعتاب:وانت شايف في عيني حد غيرك شايف أن قلبي عمره دق لغيرك انا كنت عوزاك تحاول زي منا حاولت لكن انت قررت تبعد وكمان رسمت مستقبلك هناك على اساس انى مبقتش في حياتك
احمد قرب منها وخدها في حضنه:انا اسف اسف انى اتسببت في دموعك اسف يا حبيبتي
_حبيبتك
_ايوا حبيبتي وهتبقى مراتى كمان
_مش هتسافر

_مش هسافر
_هتشوف بنات غيري
_انا مش شايف غيرك اصلا
_بحبك
_وانا بعشقك مش بحبك بس
_نيره
كان صوت معتز
نيره بخضه:معتز
احمد :عادي في اي مهو لازم يجي علشان يعرف انك خلاص حنيتي عليا كنت هخسر قدامه
_ازاي
_اصلي يا ستى طلبت منه ايدك وقالى لازم نيره توافق الاول وبعدين هوافق انا
_دا كله من ورايا
احمد مسك ايديها وخرج برا
وقابل معتز
معتز:اي حنت عليك ولا اي
نيره قربت من معتز وحضنته:تعرف انى بحبك اووي
_وانا كمان بحبك اكتر
احمد بعدها عنه:اي اي انت وهى هوا مفيش قرطاس اي واقف قدامكو
ضحكوو
معتز حضن احمد:الف مبروك يا ابو حميد عقبال الواد فارس بقى واكون كدا قضيت رسالتى
احمد:طول عمرك اخ واب لينا رغم أن فرق السن بينا مش كتير بس انت هتفضل سند وضهر كل واحد فينا
معتز:وانا فرحان بيكوا …اهم حاجه تاخد بالك من اختى والا هفرمك وانت عارف
احمد بخوف:متقلقش يا شبح في عيني دي القلب برضو
نيره بصت في الأرض بكسوف وقالت:انا هدخل انام بقى
ضحكوا على كسوفها
احمد:وانت فين يا صاحبي من كل دا
معتز:فين ازاي
_فين نفسك هتفضل كدا مش ناوي ترجع لشهد
_مش هقدر يا احمد شهد كانت مع اخويا انا كنت هتجوزها عند في فارس وتربيه ليه لكن قلبت معايا بحاجه تانيه ولما كل حاجه اتكشفت خلاص مبقاش في داعى للعند
_بس انت بتحبها يا معتز حرام عليك تظلم نفسك وتظلمها وانت اكتر واحد عارف اهلها على اي وبيعملو اي
_اهلها دول اكتر ناس طماعه عرفتها في حياتى دا وصلو معايا لدرجه انهم كانو عاوزين يبيعوها!
انا مش عارف دول أهل ازاي

_وهاين عليك تسيبها معاهم انا من رايي تروح وتاخدها منهم وتخليها متعرفهمش تاني هم كدا كدا مكنوش معاها من الاول ودا اللى خلاها تتجوز فارس من وراهم
_والله انا محتار مش عارف اعمل اي قلبي بيقول حاجه وعقلي بيقول حاجه مش عارف اتصرف ازاي اول مره احس انى تايه كدا
_فكر يا صاحبي بس خد قرارك بسرعه قبل ما تضيع منك
_حاضر …
عند سارة
كانت بتكلم حد على التليفون
_اممممم يعنى كتب كتابها النهارده تؤ والله صعبانه عليا هههههه ولا طالت سما ولا ارض اخرتها مع بتاع الفراخ دا وشها
_اديني عملت اللي طلبتيه منى اهو يا ست البنات الفلوس اللي اتفقنا عليها بقى تكون عندى
_عنيا ليكي بس لازم الجوازة دي تتم الاول علشان اضمن أن فارس ولا معتز يرجعوا ليها تاني
_لا مفيش الكلام دا معتز بيه خلع من الجوازه وانا استغليت دا ووافقت على صابر بتاع الفراخ
_ياي ههههه تمام اي جديد كلميني على طول وكل ما جبتي اخبار اكتر فلوسك هتزيد
_تمام يا هانم عيونى…
قفلت معاها الخط وساره ابتسمت بشر
*وبكدا اكون انتقمت منك يا يا حرم بياع الفراخ هههههههه
تانى يوم كانت شهد قاعده في الاوضه بتاعتها بتعيط على حالها وعلى اللي وصلت ليه
الام دخلت ومعاه فستان:قومي يختى اغسلي وشك وحكى شويه احمر واخضر والبسي الفستان دا بدل مانتى قلبتيها ميتم كدا فوقى كدا وهيصى النهارده فرحك
شهد بزعيق:أبعدي عنى بقى انا بكرهك ربنا ينتقم منكوا
الام خرجت وشهد فضلت مكانها تعيط بحرقه …
*يارب ارحمنى من اللي انا فيه دا ونجيني من اللي هيحصل النهارده دا …
بدأوا يعلقوا الانوار على البيت
كان في واحد واقف قدام البيت
اتصل على رقم
_الحق يا باشا…
في المساء
كان المأذون قاعد

على يمينه ابو شهد وعلى شماله راجل يتعدى سن الخمسين قصير القامه وعنده كرش👀😂
المأذون:اين العروس
الام:حالا اجيبها
دخلت لشهد اللي كانت قاعده زي ماهى ولابسه عبايه سمرا وطرحه سمرا
_اي اللي انتى مهبباه دا لابسه اسود هوا احنا في عزا
_لى عوزانى البس ابيض في يوم موتى
_قومي البسي الفستان
_يأما أخرج كدا ياما اموت نفسي واجيبلكوا مصيبه
_لا وعلى اى اخرجى كدا
شهد خرجت وهى قرفانه بصت لصابر وغمضت عينيها تحبس دموعها
المأذون:ما اسم العروس
الاب:شهد محمد مختار
المأذون بص للعريس:ما اسمك
جاء صوت غير صوته. مما جعل الصدمه تحل على الجميع:معتز الدمنهوري

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية شهد)