رواية شهد الفصل الحادي والعشرون 21 بقلم يارا عبدالسلام

رواية شهد الفصل الحادي والعشرون 21 بقلم يارا عبدالسلام

رواية شهد البارت الحادي والعشرون

رواية شهد الجزء الحادي والعشرون

رواية شهد الحلقة الحادية والعشرون

الممرضه خرجت بفرحه:المريضه فاقت شهد فاقت..
فارس فرح جدا وبسمه كمان رغم انها لسه متعرفهاش بس دي ميزة قلبها الطيب..
دخلو جوا شافوا معتز وهوا قاعد جنبها ومبتسم وهى كمان
فارس حس أنهم فعلا لبعض واتخلقوا لبعض ورغم الظروف اللي حصلت دي الا ان ربنا كان مقدر في الاخر أن دا يحصل وهوا كان السبب أنه يجمع القلبين دول ببعض..
سمع معتز وهوا بيقول:لو كنتي نايمه اكتر من كدا كان ممكن يجرالى حاجه مش عارف انى هتعب كدا لما اشوفك تعبانه ومش عارف اعملك حاجه
انا انا بحبك يا شهد رغم كل الظروف اللي حصلت الا انى بحبك بل بعشقك ومش عاوزك تبعدي عنى لحظه ولو كان جرالك حاجه كنت ممكن اموت بعدك
شهد :تؤ متقولش كدا بعد الشر هى دي الكلمه اللي كنت هتقولهالي قبل الحادثه
هز رأسه بأه

_وانا كمان بحبك ..
_عارفه لولا انى مربوط ومتجبس وانتى نايمه كدا كنت عملت حاجه هموت واعملها بس يلا كل حاجه في وقتها
شهد اتكسفت وفارس وبسمه كانوا متابعين الحوار وكل شويه بسمه تبص لفارس تشوفه متدايق وغيران ولا لا
لكن كان بشوف على وشه ابتسامه جميله بتدل على الرضا
لقت ايد بتسحبها وتخرج..
بسمه:في اي
فارس بص في عينيها:مش عاوزين نبقى عازول
بسمه اتكسفت:احم طيب متبصش في عينيا كدا علشان بتكسف
فارس :لا انا عاجبني كدا عاجبك ولا لا
بسمه رفعت راسها ولسه هتتعصب عليه:انت انت وسكتت مش عارفه تتكلم
فارس:في اي القطه كلت لسانك ولا اي
_لا يخويا عينيك اللي منعتني اتكلم وكدا مينفعش ابسلوتلى
_اخويا اممممم لا يا حلوة من النهارده مفيش اخويا والكلام دا في حبيبي حبيبي وبس فاهمه
بسمه:انت مين انت علشان تتكلم كدا وبعدين مين قالك انى بحبك
_اولا انا مين انا ابقى جوزك المستقبلي أن شاء الله ثانيا بقى ودا الأهم عنيكي فضحاكى يا حلوة مش انا روحى بصى في المرايا وانتى تعرفي
_اعرف اي
_تعرفي أن كل حرف في اسمي مكتوب في عينيكي اللي هى فضحاكى
بسمه بارتباك:انا انا لا طبعا مفيش الكلام دا
_طيب اي اللي جابك
_هاهاها يا خفيف جايه اتطمن على معتز بيه مهما كان بينا عشره
_اللي هى كانت على قفايا
_كنت مبسوط ولا لا
_الصراحه في الاخر انبسطت وخصوصا لما شوفتك ولما حبيتك
بسمه بصيتله بدموع وبعدت عنه ومشيت
فارس:مالها دي استنى
ومشي وراها..
احمد مشي من المستشفى وهوا زعلان على الحال اللي وصل ليه وزعلان على نفسه وخايف على نيرة يظلمها
حتى لو بيحبها هى الحاجه الوحيده اللي صح في حياته مش عاوز. يخسرها وفي نفس الوقت مش عاوز يخسر ولاد عمه وخصوصا فارس اللي دلوقتي هوا خاين ليه وللعشره
رجله خدته عند نيره..

كانت في المستشفى عند امها..
لما شافته جريت عليه
_احمد شهد عامله اي ومعتز
_كويسين
_طيب الحمد لله
بصتله حست أنه تعبان
_مالك يا احمد شكلك متغير ولونك مخطوف فيك اي
احمد :نيره انا انا مسافر
نيره بضحكه:اااه علشان تقول لعمى ومرات عمى عالخطوبه
احمد :انا هسافر ومش هرجع تاني
_بس كدا لازم تقول لمعتز وتاخد الموافقه انا معنديش مانع طالما معاك وجنبك
احمد بحزن:تفهميني انا هسافر لوحدي ومش هرجع تاني ابدا
نيره :على فكره انت بتهزر وعامل فيا مقلب صح ولا لا انا كشفتك هههههه
_لا مش مقلب انا بتكلم بجد انا همشي وهسيبك يا نيره انسيني أو سامحيني
نيره بنرفزه:يعنى اي الكلام دا ووعودك ليا وكلامك وحبك راحوا فين
قربت منه ومسكت ايده:لو زعلان مني انا مستعده اعتذرلك بس متسبنيش انا بحبك يا احمد انا اسفه لو زعلتك اسفه لو عملت حاجه ضايقتك اسفه لو في يوم خليتك تتعصب
دموعها نزلت:مش هتسيبني صح
احمد:مش هقدر اكمل يا نيره انا قلبي مكسور اكتر منك ومش عاوز اخسرك انا اسف مطلعتش قد حبك دا وكنت جبان وخاين
نيره:انت خسرتنى خلاص يلا يا احمد امشي زي مانت عاوز بس انساني نهائي
بعدت عنه ودخلت اوضه امها تتحامى فيها من غدر الدنيا..
احمد مشي بخيبة أمل وقلة حيله وراح الفيلا يجمع حاجته ويجهز للسفر وكتب رساله لكل واحد وبالأخص معتز!
عند معتز..
طلب من الدكاتره ينقلوه مع شهد في نفس الأوضه علشان تكون جنبه وميكونش قلقان عليها..
شهد كانت بصه عليه وسرحانه
هوا كان قاعد وعينيه في السقف
_للدرجادي انا عجبك وبتحبيني
_اي دا انت عرفت ازاي انى ب أبص عليك
_حسيت بيكي
_ويا ترى بقى قلبك دا بيحس بكل الناس ولا ناس معينه بس
_يعنى بس بتفرق لما يكون قلبي اصلا ملك شخص تاني
_ومين هوا بقى الشخص دا

_انتى يا شهد برغم كل اللي حصل وكل لما ابعد حاجه تانيه تقربني منك وتخليني اجيلك مش عارف اي السر العجيب اللي جذبني ليكي يا تري عنيكي اللي لونها اسود ولا خدودك ولا غمازاتك اللي بتظهر بمجرد ابتسامتك ولا شفايفك ولا جمالك الداخلى ولا هبلك ولا تظاهرك القوة وانتى اضعف مما تتخيلي ولا دموعك القريبه وقلبك الطيب ولا اي
مش عارف دلوقتي اي اللي خلانى انجذب ليكي واحبك مع أن كل المواصفات دي كانت ممكن تتوفر في واحده غيرك بس مش عارف لي قلبي اختارك انتى مع انى كنت عاوز اتجوزك سنه باتقفاق وخلاص كدا وللاسف برضو الاتفاق دا كان دافع من جوايا
شهد كانت سرحانه فيه وفي كلامه مش متخيله أن كتلة الجليد بتتكلم وطلع عندها مشاعر وكمان عارفه توصف المشاعر دي وبتقول اللي جواها وكمان المشاعر دي مشاعر حب !
_اوقات شعورك بالأمان مع شخص ما افضل من شعورك بالحب وانت مفتقد الامان انا بقى حسيت بالاتنين معاك انت كنت أمانى وحمايتي ودلوقتي اقدر اقول حبي الاول والاخير انا عديت من تجربه صعبه وانت كنت السبب وكنت مصدر القوة ليا لو انت كنت شخص تاني من غير قلب ولا رحمه كان رمانى في الشارع أو كان استغل نفوذه وقتلني أو مكانش ساعدنى ولا جابلي حقى حتى من اخوه حاجات كتير جذبتني ليك غير شكلك الرجولى وملامحك الحاده واحساسي بالأمان في أول يوم شوفتك فيه وعدم خوفى انى اقولك انا مرات فارس وحامل منه مخوفتش منك لانى شفت في عينك احتواء ودا اللى خلانى احبك واحبك اكتر لما جيت انقذتني من ابويا واهانته ليا وبرضو لما رديتلى اعتباري ولما اتجوزتني ونجدتني من عم صابر ابو كرش دا حاجات كتير كتير بس في الاخر بحبك برضو..
معتز حاول يبصلها بس معرفش
_انا حاسس انى عاجز انا المفروض دلوقتي اخدك في حضني ومتخرجيش منه ابدا الا على جثتي
_تؤ متقولش كدا بعد الشر عليك
_خايفه عليا
_امال لو مخوفتش عليك هخاف على مين
_بحبك
_بحبك…
عند نيره
كانت قاعده مع امها اللي كانت في ملكوت تاني
نيرة بحزن:انا مش عارفه اي اللي حصلك فجاه كدا يا ماما بقالك يومين نايمه وبعيده عنى انا تعبانه من غيرك انتى مكنتيش بتتكلمى معايا بس كنتى حاسه بيا وبتطبطبي عليا انا دلوقتي محتجالك احمد سابني تاني يا ماما سابني تاني انا خايفه وتعبانه وخايفه يرجع تاني قلبي يحن انا بقول مش هفكر فيه بس غصب عني بحبه مش هقدر اكرهه ارجوكى يا ماما فوقى انا ضعيفه اووي من غيرك اصحى طبطبي عليا حسسيني انك موجوده حسسيني انى مش خايفه حسسيني بالأمان اللي بحسه دائما في حضنك
فوقى يا ماما ارجوكى…
عند بسمه
مشيت قدام المستشفى وفارس خرج وراها
كانت الدموع في عينيها بتحاول تمنعها
فارس قرب منها ومسك أيدها
_ممكن تقفى وتكلميني
بسمه من غير ما الصله:عاوز اي يا فارس بيه

_بسمه مالك واي فارس بيه دي انتى ناسيه انك هتكونى مراتى
بسمه بانهيار:مش هيحصل انا حبتنيش انت حبيت اختى انت حبيت انى شبهها محبتنيش انا انا بكرهك وبكره نفسي انا مش بحبك ولا هحبك ابعد عنى بقى وسيبني في حالى
_مش هسيبك يا بسمه لان كل اللي بتفكري فيه غلط انا بحبك انتى صدقيني بحبك انتى
_لا انت بتحب نور وعاوز تتجوزني علشانها علشان هى شبهى مش علشان بتحبنى انا وهى اه اخوات بس مش روح واحده انا واحده عندي قلب وبحس افهم بقى حاجه زي دي وارجوك ابعد عنى علشان انا عمري ما هوافق انى اكون ليك انت بالذات .
_لي انا فيا اي كل دا علشان بحبك لي حاطه نفسك في وجه مقارنه بيها انسي هى خلاص ميته ومش هترجع دلوقتي انتى اللي حيه دلوقتي انا بحبك انتى صدقيني يا بسمه
بسمه سابته ومشيت..
فارس غمض عينيه بيأس وتعب وقعد على اول مقعد قابله
وحط دماغه بين أيديه وبيتنهد بتعب..
ايد بتحسس على كتفه
رفع رأسه
_الصراحه انا مش هعرف ارجع اسكندريه انا جايه هنا بالسؤال فقولت يعني مفيش مانع انى اديك فرصه يعني وكدا تحبني شويه احبك شويه …

(تديني سجاره اديك سجاره اولعها وتقولى هوف😂)
فارس:بسمه انتى شاربه حاجه
_اه يا اخويا شاربه من كعانى
_اممم هوا انتى اتحولتى من الخطوتين دول
اممممم تقدر تقول فكرت بس ملقتش قدامى مبرر انى اضيع عريس لقطه زيك
_دا اللى خلاكى ترجعى
_لا
_امال اي
_انى بحبك مثلا..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية شهد)