روايات

رواية هذه ليلتي الفصل الثالث 3 بقلم نجمة براقة

رواية هذه ليلتي الفصل الثالث 3 بقلم نجمة براقة

رواية هذه ليلتي البارت الثالث

رواية هذه ليلتي الجزء الثالث

هذه ليلتي
هذه ليلتي

رواية هذه ليلتي الحلقة الثالثة

بيوصل ادم للمطار ويبحث بعينيه بين الناس علي محبوبته وصغيرته ليلي
يامن بفرحه _ اهو ياعمي
صلاح _ هو فين
يامن_ اللي هناك ده ابو جاكت اسود
صلاح بفرحه _ ومالو بقا راجل كده
يامن _ امال فين البنت اللي كانت معاك
صلاح يبص حوليه ميلقهاش_ مش عارف يمكن راحت للعربيه
يامن _ احسن بردو يلا علشان هو بيدور علينا
يامن يوصل عنده وبفرحه _ ااادم حبيب قلبي، ويحضنه
ادم بفرحه _ وحشتني مالك كبرت كده
يامن_ هو انا كبرت لوحدي عيني باردة عليك بقيت راجل علي راي عمي صلاح
صلاح _ حبيبي حمدالله على السلامة
ادم يحضنه_ الله يسلمك ياغالي وحشتني اوي
صلاح _ وانت كمان، كبرت يا ادم
ادم _ اه ما عدو عشر سنين لازم اكبر بقا ههههه
يامن _ نورت البلد كلها،
ادم _ حبيبي منوره بيك
يامن_ طيب يلا بينا واقفين هنا ليه
ادم بتردد_ انتو جاين لوحدكم
صلاح _ ليلي كانت جايه معانا بس معرفش اختفت فين…
“”””****

 

 

عند العربيه
ليلي مستخبيه ورا العربيه وهي مكسوفه تقابله وفجاه ايد بتلمس كتفها، تبرق بعنيها بفزع وتبدور براحة وهي متوقع انه يكون ادم
يامن _ مستخبيه عندك ليه
ليلي_ وانت مالك
يامن _ امشي قدامي طيب احنا هنروح بعربيتي ولا تحبي تقعدي هنا لوحدك
ليلي _ نعم انا اركب عربية واحد زيك لا يمكن
يامن _ انتي حره خليكي هنا
صلاح من بعيد_ ليلي تعالي هنا يلا
ليلي تبص عليه وتشوف ادم واقف جمبه وبيبص عليها من بعيد،
ليلي لنفسها _ مين ده، ازاي ده ادم شكله اتغير وطول اوي
يامن بز.عيق_ اخلصي مش فضيلك
ليلي بارتباك _ روحو انتو انا هاجي بتاكسي
يامن_ براحتك، وبيمشي ويسيبها وهي تقف وتبص علي ادم من بعيد وهي مكسوفه تقابله
يامن_ بتقول هتيجي بتاكسي مش عاوزه تركب عربيتي
ادم _ انا هروح اجيبها استنوني
صلاح _ استنا انت انا هجيبها
ادم_ لا حضرتك ارتاح جوه العربيه وانا هجيبها… وبيروحلها
صلاح لنفسه _ الوضع مش مريحني البنت دي لازم تجوز عشان ادم ميفكرش فيها ولا يتأمل انه يتجوزها
ليلي تلاقيه جاي عندها وتستخبي ورا العربيه بارتباك شديد ورجفه وضربات قلب سريعه
ادم يجي قدامها وبابتسامه_ بتستخبي ليه؟!

 

 

 

 

ليلي بارتباك _ م مممفيش ازيك
ادم بإبتسامة وفرحه مش قادر يداريها_ كويس، كبرتي اهو كنت سايبك طفله صغيره
ليلي بارتباك _ ا اه كبرت فعلاً
ادم _ ومالك خايفة كده ليه، اللي يشوفك انتي وبتكتبيلي ميشوفكش دلوقتي
ليلي _ لا عادى
يامن _ ما تخلص ياعم هنسيح
ادم يشاورله بايده ويرجع يكلم ليلي_ طيب ايه هتقعدي هنا؟!
ليلي_ لا جاي اهو اتفضل انت
ادم _ ههههه يابنتي مالك مكسوفه ليه
ليلي بارتباك _ مش مكسوفه خالص، يلا جايه اهو بس امشي قدامي
ادم بإبتسامة _ ماشي يلا
ليلي بتمشي وراه بخطوتين وهو يتكلم بصوت يكاد ان لا يسمع
ادم بإبتسامة_ وحشتيني
ليلي توقف مكانها وتسهم
ادم بإبتسامة _ مالك وقفتي ليه
ليلي بلخبطه_ قولت حآجه دلوقتي؟!
ادم بخبث_ لا خالص انتي سمعتي ايه
ليلي بارتباك_ ولا حآجه
يامن بزعيق_ ما تخلصو محدش فيقلكم الشمس فتحـ.ت دماغنا

 

 

 

ليلي بقرف _ من امتي عندك صحاب ورزلين كمان
ادم _ ههههه من زمان بس مكنش بيجيلنا البيت، يلا بقا هنضر.ب
صلاح _ ايه يا ليلي كل ده عشان تيجي
ادم يبصلها بإبتسامة_ كانت مكسوفه مني
صلاح بجديه _ مفيش داعي تتكسفي دا زي اخوكي مش عريسك يعني عشان تعملي الحركات دي
ليلي تسمع الكلام ده وتبص للارض باحراج، اسفه وبتدخل العربيه
ادم _ مالك يا بابا بتكلمها كده ليه احرجتها
يامن يبص عليها وهي قاعده جوه العربيه وبتحاول تداري وشها.. لنفسه _ تقربلهم ايه دي علي حد علمي ان اخت ادم اسمها ناردين مش ليلي
في بيت صلاح
ييخبط الباب وناردين بتجري بفرحه_ دا اكيد ادم
ناهد بفرحه_ افتحي بسرعه طيب
تفتح ناردين وبفرحه شديد_ ااادم وتترمي في حضنه، وحشتني
ادم بإبتسامة_ كبرتي يا مفعوصه
ناردين _ وانت كمان ايه ياواد الحلاوة دي بقيت مووز موز وتبص وراه تلاقي يامن وبذهول،،، مووز اوي
ادم بإبتسامة _ طيب يختي فين ماما
ناهد تيجي قدامه وبدموع الفرح_ ادم حبيبي،
ادم بفرحه يترمي في حضنها _ وحشتيني اوي يا امي
ناهد بدموع _ اخيرآ شفتك تانى كنت خايفه اموت قبل ما اشوفك
ادم _ بعد الشر عنك

 

 

 

ناهد_ تعاله نقعد بدال ما انت وتقف اكيد تعبت،وبتروح هي وصلاح وادم يقعدو
ناردين واقفه وبتستـ.رق النظر ل يامن اللي مش شايفها من الاساس
ناردين بإبتسامة _ حضرتك مين
يامن _ انا صديق ادم، انتي ناردين صح
ناردين بإبتسامة_ ااه انا انت تعرفني
يامن_ ايوه ادم قالي عليكي ويبص ل ليلي بس مقاليش عليكي انتي، هو انتي تقربيلهم ايه
ليلي تبصله بقر.ف ومتردش
ناردين باستحقار _ دي واحده بابا جابها عندنا بعد ما اتيتمت وابوها وامها ماتو
يامن يحس بالعطف وبتأسف_ اسف
ليلي تسهم وتسكت لانها اتعودت على كلام ناردين اللي يوجع القلب
يامن يبصلها بشرود. لنفسه _ يعنى دي يتيمه، سبحان الله ربنا خد منها اهلها وعوضها بلسان زي المبرد
ليلي تنتبه انه باصصلها لها ف تبصله بزهق وتمشي وهو يتابعها بعنيه
ناردين بإبتسامة_ تعاله اتفضل واقف ليه
يامن_ تمام اتفضلي
تانى يوم فى الجنينه
ليلي بتكون قاعدة علي المرجيحه وشارده، ويقطع شرودها صوت ادم
ادم _ احم قاعده لوحدك ليه
ليلي بارتباك_ عادي اتفضل

 

 

 

ادم يقعد جمبها علي المرجيحه وبابتسامه_ حقك تقعدي لوحدك، المرجيحه دي مريحه اوي
ليلي _ ماما جابتها علشاني علي عيد ميلادي
ادم _ حلوه، قوليلي مالك من ساعة ما وصلت وانتي مش تمام
ليلي_ مفيش حآجه انا كويسه
ادم_ مش باين، اتكلمي زي ما كنتي بتحكيلي كل حآجه انا ومسافر احكيلي دلوقتي
ليلي بإبتسامة _ مفيش بجد، انت عامل ايه احكيلي عيشت ازاي لوحدك
ادم بتلميح _ كانت عايش علي الذكريات وكلامك معايا
ليلي بكسوف_ كويس
ادم بإبتسامة _ ليلى زي مانتي عارفه انا خلصت تعليم وعملت دبلوم وناوي علي الدكتوراه بس دي هأجلها شويه
ليلي مقاطعة _ وتأجلها ليه ما تكمل على طول
ادم بإبتسامة_ بعد ما اتجوز البنت اللي بحبها
ليلي بارتباك _ بتحبها، مقولتليش انك بتحب قبل كده
ادم بإبتسامة وتأمل _ كنت مستني اشوف تعبير وشك انا وبقولك
ليلي بارتباك وضربات قلب سريعه _ مش فاهمه انا مالي بالموضوع ده
ادم_ مالك واوي كمان، ليقاطعه صوت ناردين _ قاعدين بتتمرجحو من غيري، وسعولي وتقعد وسطهم
ليلي بخيبه.. لنفسها _ مفرقت الجامعات وهادمة الاذات كنتي استنيتي اشوف هيقول ايه
ادم لنفسه _ كنت خلاص هقولها
ناردين بخبث_ سكتو ليه ما تكملو الى كنتو بتتكلمو فيه
ادم يقوم _ مفيش حآجه مهمه اسيبكم شويه وبيمشي
ناردين تبص ل ليلي باستحقا.ر _ متحلميش

 

 

 

ليلي باستغراب _ مش فاهمة
ناردين _ متحلميش انك تجوزي ادم
ليلي بنرفزه_ هو انا قولتلك عاوزه اتجوزه ولا انتي عاوزه تعملي مشا.كل وخلاص
ناردين ببرود_ انا بقولك بس علشان متبصيش لفوق وتتعبي، حاولي تدوري علي حد يناسبك
ليلي بزهق_ انا ماشيه بعيد عنك خليكي كده زي النا.ر تا.كلي في نفسك
ناردين _ مفيش حد هتا.كلو النار غير اللي بقرب منها
ليلي تبصلها بخنقه وتمشي وتسيبها
ناردين _ غبـ.يه فاكره عشان ربيناها وعطفنا عليها انها بقت واحده مننا
في الفيلا
صلاح _ ادم خد عاوزك
ادم _ نعم يا بابا
صلاح _ احنا بكره عاملين حفله في البيت بمناسبة رجوعك بسلامه
ادم _ علي ايه مش مستاهله
صلاح _ انت المهندس ادم صلاح المنياوي يعني لازم كل كبار المجتمع يتعرفو عليك ويعرفو ان خليفة صلاح المنياوي موجود
ادم _ ههههه ياه يا بابا معقول هو انا كنت وزير يعني انا يدوب حتة مهندس
صلاح _ قولتلك انت ابن صلاح المنياوي يعني لازم الكل يعرفو انت مين وكمان انا محضرلك مفاجأة هتعجبك اوي
ادم بإبتسامة _ هي ايه
صلاح _ خليها بكره علشان تشوفها بالمرة
ادم_ اوك، بس انا كنت عاوز اتكلم معاك في موضوع
صلاح _ موضوع ايه

 

 

 

ادم بتردد _ انت عارف اني خلصت تعليمي وبقيت مهندس ودلوقتي انا عندي 28 سنه ف كنت عاوز اطلب…
صلاح يفهمو_ تمام تمام بعد الحفله نتكلم في الي انت عاوز تقوله
ادم _ ماشي يا بابا، استاذنك شويه وبيمشي
صلاح لنفسه _ طبعا زي ما توقعت عاوز ليلي، ابن صلاح المنياوي عاوز يتجوز واحده وسلام، بس دا مستحيل يحصل انت هتجوز بنت نادر وبس،، هي هترفعك لفوق اكتر مش هتنزلك ويعالم في المستقبل ممكن ايه يتعرف ويشرد بتفكيره
بالليل
ليلي بتصادف ادم وتخبـ.ط فيه
ادم _ اسف اسف انتي كويسه
ليلي _ اه انا تمام
ادم بإبتسامة _ طيب انا مقدرتش اكمل بسبب ناردين، ف..
ليلي بارتباك _ قول دلوقتي
ادم بإبتسامة _ خليها بعدين، بكره في حفله وهقولك قدام الناس كلها
ليلي بارتباك _ مش فاهمه حآجه
ادم بإبتسامة _ بكره هفهمك
ليلي _ ما تقول دلوقتي مش هقدر استنا
ادم _ بكرره
ليلي بكسوف _ ماشي ممكن اعدي طيب
ادم _ اتفضلي
ليلي _ شكرا
ادم بإبتسامة_ متفكريش كتير ونامي علشان تكوني حلوة بكره
ليلي بكسوف _ حاضر وبتمشي وتسيبه
وهو بيدخل اوضته ويترمي علي السرير ويغمض عينه هو ومبتسم

 

 

 

 

في الحفله
ليلي بتكون لابسه فستان احمر يكشف زراعيها وبتنوره وترتدي سلسله ناعمه ودبوس شعر كريستالي لونه احمر وتضع مكياج خفيف، لتبدو مثل اميرات ديزني
ادم ينسا كل المعازيم ويقرب منها وعنيه كلها حب وفرحه
ليلي تاخد نفسها بالعافية من كتر التوتر
ادم يمسك ايدها وبتأمل _ تعرفي انك احلي بنت في الحفله واحلي بنت شافتها عنيا
ليلي بتوتر شديد _ متشكره
ادم _ تعالي معايا و يشمي بيها فى وسط الضيوف ويكلمهم بصوت يسمعه الكل _ ممكن دقيقة لو سمحتو
الكل يقف ويسمع بتركيز
ادم يبصلها برومانسيه _ عاوز اقول اني قررت اتجوز، والعروسه هي ليلي حب عمري
ليلي تبص للارض بكسوف وفرحه
ادم بصوت مسموع_ انا عاوز اقولها قدامكم كلكم، اني بحبها
وفجاه بتطلع في وشهم ناردين وفي ايدها مسد.س رفعاه في وش ليلي وبنظر شيطا.نيه _ ليلي لاء! وبتطـ.لق عليها رصا.صه، ليقوم من نومه بفزع وينهج بشده وجسده يصب عرق
ادم _ اوف ياساتر، الله يسامحك يا ناردين حتى في الحلم
تاني يوم في الحفله
الحفله بتكون مليانه ضيوف من رجال اعمال وسفراء و بعض الوزراء و وكلاء الوزراء، وزوجاتهم نساء جمعيات الرفق بالحيوان والقطط والكلاب والفراخ البيضاء ههههه حفله متكامله لاسياد المجتمع الراقي والطبقه المخمليه
بيدخل يامن ببذلته الانيقه وشعره المموج وجسده الرياضي ومظهره الجذاب الذي لم تستطع ناردين ان تتغافل عنه وظلت طوال الحفل تلاحقه من مكان لمكان لكي ينظر اليها ببعض الاهتمام، ولكن لم تفلح في لفت انتباهه
ومن الجهه الاخري يقف ادم مع والده ليتعرف على الضيوف الا ان شعر بالملل
يامن يبصله ويضحك عليه من غير صوت
ادم يشوفه ويسيب الضيوف ويروحلو _ بتضحك؟
يامن_ اصل شكلك باين اوي انك مش طايقهم
ادم_ لا عادي بس انا بكره المظاهر انت عارف،
يامن بتريقه_ عارف ياعم بس مطرين علشان نحافظ علي منظرنا قدام كبار رجال المجتمع ثراء وفخامه
ادم _ ههههه علي رأيك

 

 

 

 

يامن _ اوبااا مين الصروخ دي
ادم يبص وراه _ في ايه
يامن _ شوفي البنت اللي قالع فستان اقصد اللي لابسه فستان اسود اللي هناك دي
ادم يشوفها _ مالها يعني
يامن _ صاروخ ارض جو
ادم _ تصدق انك ذوقك وحش، دي كلها فبركه وفيك
يامن _ اه ما انا عارف، اهو النوع دا بيعملو كده عشان يلفتو الانتباه انما من جوه فاضي، وفجاه تظهر ليلي بلبس بالون اللبني مع شعر مفرود يصل الي اسفل الظهر وعيون يزينها الكحل لتبدو ك عيون المها واكثر جمال ليسرح في جمالها وملامحها الجميله
ادم يبص لمكان ماهو باصص يلاقي ليلي واقفه بعيد _ في ايه
يامن_ هه مفيش حآجه
ادم _ عينك طيب
يامن_ ايه ياعم سبني القط رزقي ههههه
ادم _ الا……
صلاح بمقاطعه _ ااادم
ادم _ نعم يا بابا جاي…. وانت خليك هنا بلاش تلقط
يامن_ روح بس متبقاش فقر.ي
صلاح_ يلا يا ادم
ادم_ حاضر وبيروحلو
صلاح_ اعرفكم ابني المهندس ادم

 

 

 

 

نادر_ اهلا بيك، انا من زمان مستني اتعرف عليك
ادم بترحيب_ اهلا بحضرتك، وانا يشرفني
صلاح ودي بنته جيلان
جيلان باعجاب_ هاي
ادم بإبتسامة مجامله _ اهلا وسهلا
صلاح _ ابني ادم امبارح كان بيحاول يفاتحني في موضوع جوازه ورغم انه مكملش بس انا فهمته
ادم بإبتسامة _ حقيقه انا كنت عاوز اكلمك في الموضوع ده، ليلي تعالي
ليلي تتقدم نحيته بكسوف
صلاح _ اهو انا بقا فهمتك وعلشان كده انا خطبتلك جيلان ايه رأيك
ادم يوقف بصدمه ويبص ل ليلي اللي حركتها اتشـ.لت
ادم _ بس يا بابا
صلاح _ حبيبي عارف انك مكسوف تعبر عن اعجابك بيها عشان ابوها بس متتكسفش وخدها عشان تتكلمو
نادر _ ههههه هو في حد بيتكسف دلوقتي بردو يا صلاح، دا احنا
اللي نتكسف منهم
ادم يبص ل ليلي اللي مشيت من جمبهم بكسـ.رة قلب لنفسه _ الله يسامحك يا بابا

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية هذه ليلتي)

اترك رد