روايات

رواية اين زوجي الفصل الحادي عشر 11 بقلم ايه عطيه

رواية اين زوجي الفصل الحادي عشر 11 بقلم ايه عطيه

رواية اين زوجي البارت الحادي عشر

رواية اين زوجي الجزء الحادي عشر

اين زوجي
اين زوجي

رواية اين زوجي الحلقة الحادية عشر

 

ام حازم /اما الرجل يجي تقرا معاه الفاتحه و تتفق معاه علي كل حاجه

سعيد /و بعدين

اما حازم/و تتفق معاه علي ميعاد كتب الكتاب

نظر لها سعيد في ذهول

سعيد /كتب كتاب ازاي يا وليه و هي مش هنا….. انا لا يمكن اعمل كدا ابدا

ام حازم /انت هتعملهم عليا و لا ايه دا احنا دفنينو سوا

سعيد /قصدك ايه

ام حازم /قصدي انت عارفه كويس

نظر لها سعيد و لم يتحدث و قد ادرك ما تعنيه

و بعد مرور وقت ليس بقليل جاء الضيف المنتظر

سعيد /يا اهلا و سهلا نورتنا يا رامز

رامز /البيت منور باصحابه يا حج سعيد

ام حازم/يا اهلا و سهلا بيك نورتنا و الله

رامز /دا نورك يا خالتي

 

 

ام حازم /و امك عامله ايه وحشاني خالص مجتش معاك ليه

رامز /حلوة الحمد لله بس انتي عارفه المشوار طويل عليها جيت انا اتفق و اخلص كل حاجه و هي بقه تيجي في الليله الكبيره

ام حازم /تأنس و تنور

رامز /امال فين العروسه

توتر سعيد قليلا
سعيد / هي موجوده

تحدثت ام حازم بلا مبالاه
ام حازم/بس يا رامز من غير لف و دوران البت زينه طفشت من البيت…… لما عرفت انها هتتجوزك…..بس و لا تشغل بالك عمك سعيد هيقلب عليها الدنيا…… هتروح فين يعني مسيرها تظهر علشان امتحانتها….. و هتكون مراتك متقلقش

رامز/ماشي يا خالتي…… بس يكون في معلومك البت دي لو مظهرتش انتم هتزعلو مني قوي

سعيد /لا ان شاء الله مش هيكون في زعل و لا حاجه و هتظهر بأذن الله

رامز /انتم احرار لو مظهرتش خلال الشهر دا

ام حازم /شهر ايه يا رامز…. دا امتحانتها كمان شهر و نص يعني قبل كدا مستحيل تظهر…… هتخاف اصلا تظهر

رامز/خلاص يا خالتي علشان خطرك هستني شهرين…. شهرين و يوم هكون في القسم

سعيد/قسم….. و ايه دخل القسم بنا يا ابني

رامز /انتي ناسي الوصولات اللي انت مضيها علي نفسك

سعيد /هابلغ عني

رامز /دا انا ابلغ عن ابويا نفسه

ام حازم /بقه دي اخرتها دا انا خالتك بردو

رامز/خالتي علي العين و الراس بس انكم تضحكو عليا دا انا مقبلوش ابدا

سعيد /و احنا ضحكنا عليك في ايه

رامز /خالتي جاتلي من يومين و اتفقت معايا علي انها تجوزني زينه و هي عارفه اني بحبها و شاريها من زمان بس هي مش مدياني وش….. قالتلي انها هتساعدني بس في المقابل تاخد 100الف جنيه مني……. و انا زي الاهبل وافقت و ادتها الفلوس علي اساس اني اجي انهارده اقري فتحتها و اتفق علي يوم كتب الكتاب و الدخله

ام حازم /و احنا فيها انتي جاي تقري فتحتها و هتقراها و لو عايز نكتب الكتاب كمان ماشي

رامز /و هنكتب الكتاب ازاي و هيمش موجوده

ام حازم /لا ما هو عمك سعيد معاه توكيل منها يعني يقدر يكتب كتبها نيابا عنها

صمت خيم علي المكان و بعد دقائق قطع الصمت هذا رامز
رامز/احنا نقراي الفاتحه دلوقت و لما تظهر نكتب الكتاب

 

 

 

ام حازم /اللي يريحك يا رامز

رامز /انا ماشي دلوقت و لما تعرفو اي معلومه عنها عرفوني و لما تظهر بردو و انا عارف ميعاد امتحانتها هستنها قدام الكليه من قبلها…. سلام عليكم

بعد خروج رامز من المنزل تقدم يعيد من زوجته و تحدث بغضب

سعيد /ممكن اعرف ال ١٠٠ الف جنيه دول بتوع ايه و ليه خدتيهم منه

ام حازم /ايه مش لازم استفيد من الجوازه دي و لا ايه

سعيد /تستفيدي…. ايه هو دا هي بيعه و شروه…… حرام عليكي البت يتيمه مش كفايه معملتك ليها

تحدثت ام حازم بغضب اشد و صوت اعلي

ام حازم /ايه الحنيه اللي نزلت عليك مره واحده دي……. و بعدين انت لسه فاكر دلوقت انها يتيمه…… و مكنتش يتيمه و انت بتاكل حقها من ورث ابوها…… و بعدين هو كان من يتمها اصلا و حرمها من امها و ابوها…. هاااااا. انطق…. بتحاسبني علي ايه…….. عامل نفسك القاضي و الجلاد ليه و بتحاكمني……. قبل ما تحاكمني حاكم نفسك الاول يا اخويا

نظر لها سعيد بصدمه و خوف و تحدث ببعض الهدوء المصطنع و بداخله نار تشتعل

سعيد /انتي عارفه كويس قوي ان دا كان حقي

ام حازم /كان حقك اها و خدته بالطريقه اللي تريحك….و انا كمان حقي و خدتخ بطرقتي

تحدث سعيد بتعجب
سعيد /حقك

ام حازم/اها حقي… حق خدمتي ليها و هي صغيره….. حق تربيتي ليها وسط عيالي….. حق لقمه طفحتهالها…. حق هدمه غسلتهالها

 

 

سعيد /يا كل دا جواكي و سكته

ام حازم /اللي عندي كتير يا سعيد و انا سكته و بقول يا بت اسكتي خالي المركب تمشي…….احمد ربنا اني ما غرقتش المركب باللي فيها بعد عملتك السودا و جوازك عليا……. بس يكون في معلومك غلطه كمان ليك و عليا و علي اعدائي…….. و انت نصايبك كتير و كتير ما هيصدقو انك تقع و هتلاقيهم سنين سكاكنهم عليك….. فا خليك في حالك و تعمل اللي اقولك عليه من سكان….. ماشي

نظر لها سعيد بذهول لاول مره يراها هكذا
نعم هو اخطأ مثير و لكن خطأه الاكبر انه تزوج من تلك الحيه
هي تتهمه بالسرقه و القتل و نست انها الشيطان الذي وسوس له
تتهمه و هي سبب كل مصيبه و قع بها و الان تهدده
لاول مره يقف عاري امام نفسه لاول مره يري امام عينه جميع مصائبه كأنها مسلسل تلفزيوني لاول مره يكره نفسه و يلعن ضعفه امامها
نعم انه كان يحبها او كان يخيل له هذا فكان يلبي جميع متطلباتها كان يستمع لها و ينفذ اوامرها بدون تفكير

لا يفكر اذا كان هذا صيح ام خطأ

و الان…. الان فقط علم فاداحه ما وصل اليه… الان فقط ادرك خطأه

هل يستطيع الرجوع….
هل يستطيع اصلاح ما افسده….
هل يستطيع انقاذ المتبقي من ذاته

~~~~~~~~~~~~~~~

 

 

اما في القاهره في منزل ميار بعد تناول العشاء ذهبو جميعا الي غرفه الصالون

اكرم /بصي يا زينه انا مش هضغط عليكي تحكي اي حاجه و عايزك تعرفي اني في ضهرك…. ميار كلمتنا عنك كتير و احنا حبناكي من غير ما نشوفك…. عايزك تطمني خالص… و لو حبيتي تحكي في اي وقت احنا هنسمعك بصدر رحب

تحدثت زينه و هي تبكي

زينه /انا عارفه يا عمو و الله…. و انا هحكي لحضرتك… عايزه اعرف اللي عاملته صح و لا غلط…. و عايزه اعرف هعمل ايه بعد كدا….. انا مليش حد خالص في الدنيا
ميار /اهدي بس و متعيطيش و احنا معاكي

زينب ولده ميار /خدي يا حببتي اللمون دا اشربيه و اهدي خالص…. و مش لازم تحكي دلوقت…. ارتاحي خالص و اما تهدي اتكلمي

شربت زينه العصير ثم تحدثت بعد ازاله دموعها

زينه /انا كويسه يا طنط و بعدين مش جايز لما اتكلم و احكي ارتاح

زينب /ربنا يريح قلبك يارب و يبعد عنك اي شر

امنو جميعهم علي دعاء زينب و بدئت زينه في التحدث

زينه /انا مش فاكره طفولتي قوي مش متذكره حاجات كتيى برغم ان ولدتي ماتت و انا كنت كبيره مش صغيره بس بردو مش فكره…
كل اللي انا فاكره اني نمت في يوم في اوضتي صحيت تاني يوم لقيت نفسي في بيت غريب و واحد بيقولي انا عمك سعيد و بيقولي امك و قريبك ماتو ازاي معرفش و مرديش يقولي اي تفاصيل كنت بعيط كتير و تعبت قوي و كانو بيدوني علاج…. انا فاكره اني كنت معظم الوقت نايمه مش عارفه ليه لما كنت بقوم مكنتش بلاقي حد جمبي غير حازم ابن عم سغيد هو اللي جامبي خاولت كتير افتكر جيت ازاي هنا و اهلي ماتو ازاي معرفتش و فضلت عايشه معاهم كانو بيعملوني وحش كلهم مكنش في حد بيعاملني كويس غير حازم كان بياكلني و شربني و يذاكر معايا كان قدي في السن……

 

 

 

كانت تتحدث و هي تبكي بحرقه

انا فاكره في مره مرت عمي سعيد كانت عايزه تقعدني من المدرسه و فعلا ذنت علي عمي سعيد لحد ما قعدني و انا كنت بعيط جامد عايزه ارجع المدرسه رفضو جدا بس حازم فضل معايا كان ياخد الدروس في المدرسه او الدرس و يجي يذاكرهم معايا لحد ما قرب ميعاد الامتحان قعد هو كمان و قالهم لو ماسبونيش اروح المدرسه هو كمان مش هيروح و طبعا علشان خايفين علي مستقبل ابنهم وافقو بس شرطو شرط ان لو محبتش مجموع عالي مش هكمل…. مكنوش يعرفو ان حازم كان بيذكرلي و انا اقعد طول الليل اعيد و اذيد في اللي حازم قالي عاليه…. و فعلا ربنا نصرني و جبت مجموع عالي.. كنت حتي اعلي من حازم باربع درجات……. و كملت تعليمي بس مش بالساهل…… كانت مرات عمي سعيد تخاليني اروق البيت كله و اكنس و امسح و ساعت اطبخ و اغسل كانت بتخليني طول النهار زي الطور اللي شغال في ساقيه علشان ميبقاش عندى وقت اذاكر فيه و كانو منعين عني الدروس يدوب المدرسه و بس……. بس انا كنت بعافر لازم انجح لازم اخلص من السجن دا…. و الحمد لله بمجهودي بعد اراده ربنا ثم وقوف حازم جمبي وصلت لاخر سنه اهو و مع كل دا ساكته و مستحمله لحد ما فيوم جبتلي عريس و شرطت عليا يا اما اوافق يا اما اطلع من البيت اشوفلي حته تانيه اقعد فيها فكرت كتير وقولت يمكن يكون كويس و اهو ناره و لا جنتهم….. لم جه و شوفته لقيته……..

وقصت عليهم باقي الحكايه لحد ما ام حازم ضربتها و بتجبرها علي الجواز من البلطجي رامز و هروبها من البيت و محدثتها مع ميار

زينه /بس كدا هي دي كل حكايتي انا كظا غلطانه يا عمو اني مشيت من البيت و ايه اللي المفروض اعمله

اكرم/……….

 

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اين زوجي)

اترك رد