رواية بنت أكابر الفصل الرابع عشر 14 بقلم مريم محمد

جاسر بغضب:يعني إيه ما”تت

أكيد في حاجة غلط وهي لسة عاىشة… آسيا مستحيل تعمل فيا كدة…هي عملت كدة عشان زعلانة

مني بس انا هدخل إصالحها.. انا عارف انه هي قلبها ابيض ومش هترضي تعمل فيا كدة

تحرك جاسر بضع خطوات متجهاً إلى غرفة العمليات.. ولكن وجد من يمسك يديه بقوة ويمنعه من الدخول

عامر بحدة:خلاص يا جاسر الفرصة اللي كانت ليك انتهت…وياريت بقى تسيبها تموت من غير أذى كفاية الأذى اللي اتأذته من يوم ما اتجوزتك

جاسر وهو يحاول كتم غضبه:لو سمحت ابعد يا عامر عشان أنا مش شايف قدامي دلوقتي.. وممكن اعمل تصرف يندمك على اللي عملته دلوقتي

عامر:مش هتدخل يا جاسر.. وآسيا هتد”فن عندنا إحنا

اقترب جاسر من جد آسيا وتحدث بحزن قائلاً :ينفع اللي بيحصل ده يا حاج حمدان؟؟

الحد حمدان بحزن:آسيا هتد”فن في المقابر بتاعتنا… كفاية انها ميـ”تة حزينة على ضناها اللي ملحقتش تتهني بيه

وفي ذلك الوقت وجدوا نورا والدة آسيا تجلس على الأرض بحزن شديد وكانت تقول:عمري ما هسامح نفسي على اللي عملته معاها.. ما”تت وهي زعلانة مني ومن أبوها على اللي كُنا بنعمله فيها.. كانت بتسمع الكلام دايماً…عمرها ما قالت لأ على حاجة… دايماً مهران كان بيتحكم في كل قراراتها…وللأسف كنت بسمع كلامه واعمل زيه.

نظر إليها مهران بصدمة مما تقوله

وامسك بيدها حتى تسكت

نورا بدموع:لأ يا مهران… كفاية بقى لحد كدة طفح الكيل من عمايلك مع المسكينة اللي جوه دي.. ودلوقتي بس لازم تمو”ت وهي مرتاحة بإنك

تخلي جاسر يطلقها

نظر إليها الجميع بصدمة شديدة

جاسر بصراخ:هو انتوا ليه جايين عليا كدة.. انا زيي زيكم بالظبط انا لو اعرف ان كل ده هيحصل انا ماكنتش سبتها لحظة.. وبعدين الغلط مكنش عندي انا الغلط كان عند آسيا هي اللي خرجت من غير ما تعرفني وحصل اللي حصل

وخسرت ابني.. بس انا مليش ذنب

عشان تتهموني بشئ انا مليش

يد فيه.. بس ورحمة ابني اللي ما”ت قبل ما ييجي على الدنيا لأنتقم من كل حد كان له يد في اللي حصل ده

حتى لو وصلت للقـ”تل