رواية لمة عيلة الفصل الثامن 8 بقلم هدير عبدالعليم

رواية لمة عيلة الفصل الثامن 8 بقلم هدير عبدالعليم

رواية لمة عيلة البارت الثامن

رواية لمة عيلة الجزء الثامن

رواية لمة عيلة الحلقة الثامنة

يمني : إحنا قررنا نشتغل
ماما : ( بصت لنا إحنا الثلاثة إللي هو مش مستوعبة الكلام و بعدها قالت بضحك طب و ماله خدوا فرح معاكم بقا …)
تسنيم: بفرح يعني إنتِ موافقة ي ماما
ماما : آه وماله انزلوا اشتغلوا
( كلنا كنا مستغربين من رد فعل ماما و فضلنا ساكتين لحد ما قالت بصوت عالي و بعصبية
ماما : أنا جيباكم هنا علشان تشتغلوا !! ؟
يمني : بس إحنا عرفنا إن بابا مش هيدفع مصاريف تعليمنا و خالى كمان
ماما : إياك أسمع حد فيكم بيتكلم فى حاجات متخصوش لو وصلت إنى أنزل أشتغل فى البيوت لكن انتوا ملكمش دعوة
( فضلنا ساكتين إحنا كنا واثقين من إنها هتقول كده لكن قلنا نحاول معاها )
ماما : بعصبية لما واحدة فيكم ي هوانم تطلب فلوس درس و متلاقيش يبقا يومها قولوا نشتغل لكن أنا طول ما أنا عايشة تعليمكم ده فى رقبتي
تسنيم: بدأت تعيط و الغريب إن تسنيم مش بتعيط بسرعة لكن كلام ماما و هى بتتكلم إللى كان ما بين الخوف علينا و الضغط عليها خلى تسنيم قالت بس ي ماما مش ذنبك إننا بنات
ماما : بس ذنبي إنكم لازم تتعلموا و مسؤوليتكم إنكم ترفعوا رأسي
( كلنا حضنا ماما و إحنا بنقولها ربنا مش هيضيعنا )

^^ بعد أسبوعين^^
خالى : جاي من برة و متعصب و بيسأل فين يمني
ماما : يمني جوا ، ليه ؟!
خالى : بصوت عالى محدش ليه دعوة أنا عايزها هى
ماما : عموماً هى جوا
( خالى دخل عند يمني و طلعنا كلنا برة ، وبدأ القلق علينا هو عايز يمني ليه و ليه متعصب كده ، لحد ما سمعنا صوت يمني و هى منهارة فى العياط و دخلنا نشوف فيه إيه لكن خالى طلب من ماما تطلع برة )
خالى : ي بنات أنتوا جايين هنا علشان تتعلموا صح؟؟؟
فرح : آه
خالى : يبقا تحافظوا على كرامة أمكم
(تسنيم بصت ل إسراء إللى هو كأنهم عارفين فيه إيه ، و عرفوا إن خالى عرف إللي يمني بتعمله وإنها بتحب فى الكلية )
إسراء: حطت إيديها على بوقها وهى بتقول يالهوووووي إللى كنت خايفة منه حصل!!
فرح : فيه إيه!! و إيه إللى حصل!!؟
إسراء: ملكيش دعوة ي فرح
خالى : واضح كدة إن إسراء و تسنيم عارفين فيه إيه
يمني : بتعيط و مش عارفة ترد لكن بعدها تنهدت وقالت بسرعة لا لا مش عارفين حاجه دى غلطتي أنا وهم ملهمش ذنب
تسنيم: آه عارفين و … لكن هى قالت مش هعمل كده تاني
يمني : بعياط جامد أووي، لكن بجد والله هي آخر مرة وعد

خالى : بعصبية هى آخر مرة إجباري مش بمزاجك لأني هبدأ أتابع حركتكم كلكم
إسراء: المهم بقا ي خالى كنت عايزة أقولكم حاجه حلوة
تسنيم : ي مااااما ي مااما
يمني : بتنادي على ماما ليه ؟؟
تسنيم: علشان لازم تفرح معانا
يمني : بجدددددد أخيراً فيه حاجة تفرح
ماما : إيه ي بنات فيه إيه و خالكم بيكلمكوا فى إيه وليه قالى أطلع بره؟؟!!!
إسراء: عارفه ي ماما
( ماما بصت لينا و هى متعصبة اتوقعت إننا عملنا حاجة غلط و قبل ما تتكلم تسنيم قالت)
تسنيم: مااااما إسراء…
ماما : رفعت حاجبها إللى هو لسه هتضرب إسراء لأنها اتوقعت إنها عملت حاجة غلط
تسنيم : زغرطوا ي ولاد ، لولووووي، إسراء طلعت من أوائل الجمهورية
فرح : نطت ل فوق ده بجد ، عملتيها إزاى ي بنت اللعيبة
ماما : بدأت تعيط جامد أوووي
يمني : ماما هو انتِ تفرحي تعيطي تزعل تعيطي
تسنيم: آه ي ماما سيبينا نفرح بقا بدون عياط الله يخليكِ
ماما : فضلت تحضن فى إسراء و عمالة تقول اللهم لك الحمد اللهم لك الحمد
خالى : بجدد مبسوطة بيكم أوووي وحضنتنا كلنا فرحنا بيكم ي ولادي

ماما : بس أنت كنت بتسأل على يمني ليه و كمان كنت متعصب أوووي فى الأول
( كلنا فضلنا ساكتين مش عارفين نرد دى لو ماما عرفت .. هترجع بينا كلنا البلد و كمان رأسها هتكون فى الأرض لحد ما تسنيم أتكلمت وقالت )
تسنيم: هتجبيلي اللبس إللى قولتي عليه صح مش إسراء نجحت وأنتِ وعدتني
فرح : هييي كلنا هنجيب لبس جديد
ماما : بضحك هى إسراء بس علشان هي إللى داخلة الكلية جديد
خالى : نسيت أقولكم خبر حلو تانى
يمني : إيه وأنا كمان عندى ليكم خبر قمر
خالى : بضحك ..أشك إنه نفس الخبر إللى هقول عليه ف قولى أنت ِ بقا ي ست يمني
يمني : أنا نجحت بتقدير جيد جداً مرتفع
إسراء: بجد عاااش أوووي
ماما : لا بقا أنا زعلانة فين الإمتياز إللى قولتيلي عليه
يمني : بعصبية,محدش جاب امتياز فى الكلية كلها ي ماما
ماما : بس إحنا لازم نجيب الإمتياز ، أنتِ مش زي أى حد
يمني : السنة الجاية أجيب امتياز

ماما : حضنت يمني كدة أقدر أقول ألف مبرووووووك ي حبيبتي و عقبال التخرج و عقبال تسنيم و فرح ياارب
فرح : أنا كبرت خلاص و داخلة ثانوية
تسنيم: الصغنن عندنا كبر ي ولاد و داخل ثانوية
مرات خالى: جاية من برة بسرعة ي بناات
يمني : إيه ي مرات خالى
مرات خالى : إسراء عملت إيه
ماما : نجحت و جابت الأوائل
(فرح ضحكت هى و تسنيم)
فرح : إسمها طالعة من الأوائل
مرات خالى: ضحكت هى دى آخر التربية
خالى : فضلنا نضحك و كلنا مبسوطين
( ونزلنا بالليل علشان نخرج لكن ..)
خالى : مين ده ي إسراء؟؟
إسراء: بدهشة مين!!
خالى : يعنى دا على أساس إنى مش واخد بالى
يمني : ب استغراب واخد بالك من إيه!!؟؟
خالى: البيه عمال يبص عليكِ و كأنه عارفك و كمان و إحنا داخلين قالك إزيك ي إسراء
يمني : ما كله بيبص ي خالى
خالى: طب أنا هقوم أعلمه الأدب بقا علشان يبص حلو

ماما : طب استني
( كان خالى قام يضرب الولد إبن… لكن إللى حصل كان أغرب ما يكون)
خالى : بعصبية بتبص على بناتي ليه
الولد: دى إسراء صحبتي
خالى : بصدمة إيه ؟؟ صحبتك!
إسراء: والله مش عارفه أصلاً
الولد : اعملي محترمة بقا
إسراء: زقت الواد و قالت والله معرفوش
خالى : بدأ يهدى و قال صحبتك إزاى؟!
الولد : بكلمها فى الفون
فرح : ضحكت بصوت عالى أوووي ي كدبك ي أخى
الولد : …
خالى : إحنا أساساً البنات عندنا مش معاها تليفون غير فى الجامعة
الولد : بصراحة بقا أنا بحب إسراء بس هى فعلاً مش عارفاني و..
خالى : لسه هيضربه ، ماما قالتله الدنيا دواره حسبي الله ونعم الوكيل فيك
( و عرفنا بعدها إن الولد ده كان مع إسراء فى الدروس وكان متابع تحركاتها لكن هى مش عارفه )
* فى البيت بعد ما رجعنا*
يمني : خلاص بقا ي ماما أنتِ هتفضلي زعلانه كده كتير
ماما : ساكته…

تسنيم: دا ولد محتاج تربية من أول وجديد والله
فرح : فعلاً محتاج يتعدم فى ميدان عام
تسنيم : ضحكت و هى بتقول مش للدرجة دى ي فرح
ماما : أنتوا تسكتوا خالص سمعتوا مش عايزه إسمع صوت حد منكم
إسراء: بدأت تعيط
( كلنا كنا بدأنا نزعل لأن ماما مش عارفة تفهمنا المره دي ، إحنا عارفين إنها زعلانه من الموقف إللي حصل لكن مش ذنبنا إن فيه ناس قليلة تربية..)
خالى : ما خلاص بقا ي أم البنات
ماما : أهم حاجة إنكم تتعلموا و تكملوا وإياكم تفكروا فى الإرتباط و الحب دلوقتى
يمني و إسراء : أكيد ي ماما هنكمل إن شاء الله
ماما : بدأت تهدى
إسراء: ماما تلفونك بيرن
يمني : مين !
إسراء: رقم غريب..
( ماما ردت على الرقم الغريب لكن أول ما ردت طلبت مننا كلنا نطلع برة إلا خالى ،استغربنا أوووي و بعد شوية يمني دخلت و طلعت وشها متغير …)
تسنيم: إيه مالك
إسراء: مين بيكلم ماما
يمني : دااا….

لقراءة الفصل التالي : اضغط هنا

لقراءة باقي حلقات الرواية اضغط على : (رواية لمة عيلة)