قصة يوما ما الفصل الأول 1 بقلم هبة محمد الفاقوسي
قصة يوما ما الفصل الأول 1 بقلم هبة محمد الفاقوسي
قصة يوما ما البارت الأول
قصة يوما ما الجزء الأول
قصة يوما ما الحلقة الأولى
يعنى كده خلاص ماما هتفضل كفيفه لآخر العمر !!
_استهدى بالله يا بنتى احمدى ربنا إنها لسه موجوده معاكى
بقرف_ وانا كفايه عليا تبقى عايشه وبس! هيبقى شكلى ازاى قدام صُِحابى لما يقولوا إن ماما كفيفه؟!! هقول إيه لأهل خطيبى لما يعرفوا
الأم بتعب_ حقك عليا يا نور يا بنتى
نور باستخفاف_ حق إيه وزفت إيه بقا أنا خلاص مبقتش طايقه العيشه دى
الدكتور بعصبيه_ عيب يا استاذه دى مهما كانت امك
نور _ هى خلاص مبقاش ليها لازمه.. مش كفايه هشتغل عشان اصرف على نفسى مكانها عايزنى كمان أسمحلها ترجع معايا البيت
الدكتور باستغراب_ امال هتروح فين!
نور بجرأه_ شوفلها دار مسنين أو سيبها فى الشارع
لسه الدكتور هيتكلم خرجت نور بسرعه واختفت واتصدم لرد فعلها وقرر يواسى الأم الضعيفه لما سمع صوتها..
بدموع_ ليه يارب مأخدتنيش عندك قبل ما اشوف رمى بنتى وضنايا ليا للغريب
الدكتور_ متقلقيش يا أمى أنا مش غريب
الأم _ كتر خيرك يابنى مش عايزه أكون حمل عليك
الدكتور_ لأ ولادى هيفرحوا قوى بوجودك معانا وأنك هتبقى بمكانة تيته اللى بيسألونى دايما عنها وبعجز كل مره عن الرد
وافقت الأم أنها تعيش مع الدكتور وأخدها بيته البسيط اللى بيضم مراته و3أطفال ليه ” منه_ روان _ جواد ” واستقبلوا الأم بابتسامه وحُب
_______________
تخيلى يا ساره أمى عايزانى اجيبها وتعيش معايا بعد ما فقدت بصرها!!
ساره_ جدعه يا نور بلا قرف .. انتى متعرفيش كنتى هتتعبى ازاى
نور_ بس البت دعاء اتقمصت منى وقفلت فى وشى لما عرفت انى سبتها فى المستشفى وقالتلى إن ربنا هينتقم منى
ساره_ سيبك منها دى واحده عاملالنا فيها شيخه وبتاع
نور_ على رأيك بس مش عارفه هكمل باقى جهاز فرحى منين خصوصا إن ماما هى اللى كانت بتشتغل وشايله عنى كل حاجه تفتكرى هلاقى شُغل!
ساره_ اه يا بنتى انزلى بس وهتلاقى
نور_ هنزل ادور من بكرا
تانى يوم________
كانت ماشيه وعلامات اليأس بتحتويها وكأن هموم الدنيا اتجمعت في قلبها وفجأه شافت اعلان عن شُغل جديد للبنات فتغيرت ملامحها للأحسن وقررت تستفسر من أى حد موجود
نور_ هو الشغل عباره عن إيه
صاحب العمل_ تصنيع مواد كيميائيه يا فندم والشغل 5أيام بس فى الاسبوع
حست بارتياح وفرح لما تم قبولها فى الانضمام للعمل وبعدها حالها اتصال من خطيبها وحُب حياتها
نور_ شريف حبيـ….
قاطعها شريف بجموديه_ نور مش هينفع نكمل مع بعض
قصة: يوماً ما .
الجزء الأول
هبه محمد الفاقوسى
- لقراءة الفصل التالي : اضغط هنا
- لقراءة باقي حلقات الرواية اضغط على (قصة يومًا ما)