رواية وجدني في ملجأ الفصل التاسع 9 بقلم سلمي محمود

منه : لي ؟؟

سميه : انا هروح بيتي 

منه : مش فاهمه 

سميه : انا ليا أهل يمنه وادهم ده ابن عمي 

منه : طب وانا ؟

سميه : مالك ؟

منه : انتو أهل مع بعض اي اي نظامي 

سميه : هتفضلي معايا طبعا 

منه : مليش مكان بينكوا يسميه انا هرجع الدار تاني 

سميه : يعني اي يعني كل اللي عملته عشانك ده مفيش ؟

منه : انتي لقيتي اهلك عمك صاحب الشركات الكبيره دي وابن عمك الدكتور ف الجامعه وليكي شركتك وفلوسك عاوزه واحده شحاته من ايام الملجأ تفضل معاكي ؟ هستني انك تقوليهالي يسميه 

سميه : انتي ازاي تفكري فيا كده انا طول عمري بضحي عشانك 

منه : اهو بصي انتي بتقولي اي طول عمرك بضحي بس عمرك مقولتيها انتي هتذليني يسميه 

سميه : اهدي يمنه كده واعقلي وتعالي نتكلم براحه انا عمري مهسيبك وكل حاجه بتاعتي انتي ليكي فيها النص وهتنزلي معايا تشوفي الشركه وتشوفي كل حاجه وهتفضلب جمبي احنا طول عمرنا ف ضهر بعض وبنسند بعض هنسيب بعض دلوقتي يعبيطه حد قالك أن احنا صحاب ده احنا اخوات اصلا

منه بدموع : وعد انك مش هتسبيني 

سميه : أقسم بالله يبنتي هنفضل سوا لحظه بلحظه ده انتي الحاجه الوحيده اللي طلعت بيها من الدنيا 

منه: وانتي رزقي الحلو ف الدنيا والله 

(نسبهم لوحدهم يعيطو بقي)

عند ادهم

طب والله لوريكي يعني انا افضل طول عمري بشتغل ف الشركه دي وتيجي هي تاخد ع الجاهز اههه 

ودخل مراد 

مراد :مالك ؟

ادهم : مفيش

مراد : اخلص مالك

ادهم : في واحده عاوزه اخطبها

مراد : طب منا عارف 

ادهم : عارف اي 

مراد : انا واخد لبالي انها من ساعه مظهرت وانت حالك مشقلب وبقول الواد هيجي ويقولي ومبتجيش 

ادهم : بصراحه يبابا واخده عقلي مني

مراد :مستني اي قولها قبل م الزمن ياخدك وياخدها الدنيا اصغر من أننا نتقل ع بعض يبني 

ادهم :هقولها تخلص بس واقولها 

مراد : تخلص اي ؟ 

ادهم : ثانويه عامه

مراد : هي مش ف جامعه يبني انت قصدك ع سميه صح ؟

ادهم : سميه ! سميه مين لا طبعا 

مراد : نعم ؟

عند سميه 

اي يبنتي عاش من شافك

ساره : اهو الشغل واخدني شويه 

سميه : اطورنا جامد اهو واتغيرنا 

ساره : يعني هفضل طول عمري زعلانه الحمدالله أنها جت ع قد كده وبعدين خلاص انا اتخطيت الحوار ده بدر كان صفحه واتقفلت ومش هفتحها تاني الله يسهله ف اللي جاي 

سميه : طب يلا نقوم نجيب اكل

ساره : امال فين منه وعامله اي مع ادهم 

سميه : منه ف الدرس وادهم ده طلع حوار كبير تعالي احكيلك 

وحكت كل اللي حصل 

ساره: وقعتي واقفه بسم الله مشاء الله احنا مبنقرش

سميه : قري يختي عادي 

ساره : سميه انتي بتحبي ادهم ؟؟

سميه : لا طبعا ولي بتقولي كده 

ساره : مكنتوش بطيقو بعض وبعدين طلعتو أهل ودراما تركي اوي

سميه بضحك : هو الحوار غريب ولو حد حكالي مكنتش صدقت بس انا يمكن كان ممكن أحبه لكن دلوق مستحيل

ساره : لي مستحيل يهبله ده انتي كده هتقشي كل حاجه 

سميه بتنهيد : ادهم بيحب منه يساره 

ساره : نعم ! منه ! منه ازاي يعني وانتي فين اصلا اي الهبل ده 

سميه : من اول مره شافها حبها وهي كمان حبته ومستحيل اقرب لحاجه بتاعه منه 

ساره : وانت ايش عرفك انو حبها مش يمكن بيشفق عليها 

سميه : بيحبها وقالها وجت قالتلي 

ساره : انتي هنسبهولها ؟

سميه : يعني اي لو جه وقال إن عاوز يتجوزها هبقي اكتر واحده فرحانه ف الدنيا كلها

ساره : تبقي عبيطه 

سميه : ساره افهمي منه ملهاش حد خالص ولو مع ادهم ف هبقي مطمنه عليها جدا وهو هيحافظ عليها وأشوف انا دنيتي 

ساره بخبث : براحتك بس انتي ف الآخر اللي هتطلعي من المولد بلا حمص

سميه : انتي لي بتتكلمي ب الغاز انا مش فاهمه حاجه

ساره : يعني من الاخر هتبقي انتي بره وهي معاها فلوس وشركات وكلو 

سميه : انت ازاي تفكري فيها كده الا منه منه متعملش كده ابدا دي تربيتي يبنتي انت هبله 

ساره : هتشوفي وتقولي ساره قالت 

سميه : طب اقفلي ع الحوار ده عشان منزعلش من بعض 

ساره : طيب 

عند منه 

ياربي هو مبيردتش لي بيتقل من اولها كده اي القرف ده وبيتصل ادهم عليها

ادهم : الو 

منه : ايوه دكتور ادهم معايا صح 

ادهم : ع حسب 

منه بعياط : انا تايهه

ادهم : في اي اهدي مالك 

منه : الدروس اللي انت ودتني فيها دي بيعيده وانا مش عارفه اروح اعمل اي دلوقت 

ادهم : طب اهدي وانا جاي 

منه : هتعرف تيجي 

ادهم : ابعتي الوكيشن وانا هاجي واقعدي ف اي كافيه عقبال م اجاي 

منه : تمام 

ادهم : سلام 

وبعد نص ساعه وصل ادهم

ادهم : اي يبنتي انتي بنت اختي انتي صغيره عشان تتوهي 

منه : انت كمان ليك عين تتكلم بعد مرزعتي ف الشارع نص ساعه

ادهم : اه وليا بق كمان 

منه : طب يلا روحني

ادهم : هو انا سواق التاكسي بتاع حضرتك فوقي انا جايلك جدعنه مني 

منه : طب يلا يبو الشهامه روحني 

ادهم : طب نشرب حاجه طيب 

منه : شكرا لازم اروح اتاخرت 

ادهم : تعالي ربع ساعه بس وهروحك

منه : يعم انا عاوزه امشي دلوقت 

ادهم : امشي وريني هتروحي ازاي 

منه : لو دراع ده صح ؟

ادهم : اه وتعالى عشان منتاخرش اكتر من كده 

وقعدو 

ادهم : احم منه بصي انا انا بحبك وعاوز اتجوزك 

منه بتبص ومش بترد 

ادهم : طب اي ريأكشن مش كده 

منه بصوت واطي جدا : روحني

ادهم : ايدا انت طلعتي زي البنات بتتكسفي 

منه : امال شايفني اي قدامك يعني 

ادهم : مطلعلك لسان اهو وبتردي

منه : روحني

ادهم : يعني مش هتقولي حاجه 

منه : روحني 

ادهم :, انت علقتي ولا اي حاضر يلا اركبي 

طول الطريق سكوت بس لحد موصلها 

ادهم : عاوزه حاجه 

منه : شكرا انا طالعه 

ادهم : منه 

منه : نعم 

ادهم :بحبك 

يتبع ……