رواية عندما يقع العنيد في الحب الفصل الأول 1 بقلم مريم عبدالحميد
رواية عندما يقع العنيد في الحب الفصل الأول 1 بقلم مريم عبدالحميد
رواية عندما يقع العنيد في الحب البارت الأول
رواية عندما يقع العنيد في الحب الجزء الأول
رواية عندما يقع العنيد في الحب الحلقة الأولى
*رواية*
*”عندما يقع العنيد في الحب”*
*البارت الاول ــ1*🤎🍂
*بقلم الكاتبه/مريم عبدالحميد*
ــــــــــــــــــــــــــــــــــــ
… قومي يابت هتتاخري
…
…. البنت ماتت ولا اي حوور يا حوور
حور بنعس … عايشه يا ماما عايشه خمسيه وهقوم
فردوس مامت حور … يا بت قومي هو كل يوم نفس الأسطوانة
حور ..: حاضر قايمه اهو
فردوس …: لازم ازعق يعني
حور ..: اومال ايه لازم اتلع عليكي الاه
فردوس بضحك ..: ادلعي يا ختي ادلعي .. يلا فوقي عشان عملك مفاجأة
حور بتحمس ..: مكرونه بشاميل صح
فردوس ..: همك علي بطنك دائما كده عموما غلط مش بشاميل
حور ..: اممم اومال ايه
فردوس ..: مش هقولك
ــــــــــــــــــــــــــــــــــــــــــــــــ
انا حور 23سنه في كلية هندسه
موصفاتي بيضه شعري بني مع دهبي مش عارفه ازاي مش محجبه او ممكن تقولو لسه مخدتش الخطوه دي وفي حاجات تانيه كتير هتعرفوها مع الاحداث … دي فردوس مامتي 50سنه بابا اتوفي من خمس سنين وماما ربتني انا واخويا محمد29سنه موصفاته ابيض بس مش اوي طويل وعنده دقن خفيفه
ـــــــــــــــــــــــــــــــــــــــــــــــ
فردوس خرجت وحور مسكت الفون وبترن علي صحبتها
حور ..: صباحوووو قمر شبهك
..: صباح الزفت علي دماغك
حور ..: الاه مالك يا زفته علي الصبح فعلا بنت نكديه .. لا وبعدين يا بت انتي لسه نايمه صح
…: اه عايزه ايه
…: يعني هكون عايزه ايه يا مريم غير انك تفوقي كده عشان المحاضره بتاعت الدكتور الرخم النهارده
مريم ..: متقوليش عليه رخم لو سمحتي
حور بعصبيه مصطنعة ..: اي اي قولي تاني كده
مريم بخوف ..: بقولك قولي عليه اللي انتي عايزه برضو كده
حور بضحك ..: ايوه كده اتعدلي
مريم ..: طيب ياستي اتعدلت يلا هقوم البس وهعدي عليكي اشطا
حور ..: اشطاات
حور قفلت مع مريم
ـــــــــــــــــــــــــــــــــــــــــــــــــــــــــــــــ
دي مريم صحبت حور من الطفوله في كلية هندسه برضو مريم معاها اخت واحده بس اصغر منها باباها ومامتها عايشين موصفتها بيضه لون عيونها عسلي ولبسه الحجاب
ـــــــــــــــــــــــــــــــــــــــــــــــــــــــــــــــ
حور قاعده علي السرير بتفكر هتلبس ايه
حور وهي بتفتح الدولابه..: يووه معنديش حاجه البسها
/وفجاه الباب خبط
حور ..: ادخل يا محمد
محمد اخوها دخل ..: وانتي عرفتي منين انه انا هااا
حور بضحك ..: انا ببعرفش انا بحس بس
محمد بضحك ..: طيب يا ست احسيس
حور ..: طيب بقولك ايه
محمد ..: ايه
حور ..: الجاكت بتاعك لاسود نضيف
محمد ..: اشمعنا لاسود لا متحلميش مش هتلبسه
حور …: ايه يابني هو انت معندكش اخوات بنات؟ ونبي لبسه واحده بس
محمد ..: لا معنديش .. طيب خديه بس بشرط
حور ..: كمان بتشرط علي اختك ايه ده ياربي اخوات اخر زمن.!
محمد ..: لا يا شيخه عموما براحتك انتي اللي خسرانه
حور ..: ايه ياسطا متبقاش افوش كده انا كنت بهزر
محمد ..: احسب المهم بعد ماتيجي تخلعي الجاكت وتغسليه وتكويه وتنطفي اوضتي اشطا
حور بصدمه ..: ايه ايه طيب يا سيدي حاضر
حور ..: طيب يلا يا خويا وريني جمال خطواتك عايزه البس
محمد ..: طيب يا ختي ابقي تعالي خدي الجاكت
حور ..: لا مانا خدو من امبارح بليل اصلاا
محمد مسكه حور من قفاها وقالها
محمد ..: يابنتي انتي كانه اهلك فين لما ربوكي
حور بضحك ..: كانوا بيربوك
محمد ..: ياخرابي علي ظرفتك
حور ..: جامده مش كده
محمد ..: اومال
محمد خرج
( وحور خدت شاور وفطرت ولبست بنطلون بوي فرنيد وبليزر ابيض والجاكت بتاع محمد لاسود)
/حور واقفه قدام المرايا بتحط ميكب خفيف
حور ..: جمر ونعمه جمر ياختي مش محتاجه ميكب وبتاع خدي بوسه اموووه
والفون بتاع حور رن
حور ..: اي مريم وصلتي فين
مريم ..: انا تحت بيتك اهو انزلي
حور ..: هلبس الكوتشي وهانزل
مريم ..: تمام
بعد مرور الوقت عند مريم
مريم ..: اوف حور لسه مجتش ليه اوف تعبت شكلي هطلع اجيبها من شعرها
مريم طلعت وخبتط علي الباب
محمد ..: ايوه حاضر جاي اهو
محمد فتح الباب ولاقي مريم قدامه
مريم ..: احم هي حور فين
محمد ..: اتفضلي طيب الاول يا مريم
مريم/دخلت وانا محرجه جداا
محمد ..: حور يا حور مريم صحبتك هنا اخلصي
حور بخوف وهي بتعمل شعرها ديل حصان ..: يا لهووي دي مريم هتعمل مني بطاطس محمره وقالت
حور ..: ايوه محمد جايه اهو
محمد ..: اي ازيك عامله ايه يامريم
مريم ..: الحمد. لله بخير وانت عامل ايه وطنط عامله ايه هي فين صح
محمد ..: الحمدلله بخير.. كويسه معلش هي في السوق
مريم باحراج ..: اهاا تمام
حور خرجت ..: بخ بتقولو ايه هاا
محمد ..: وانتي مالك
مريم بضحك ..: يالهوي علي الكسفه اللي انت فيها يا حازم يا حازم
حور بغيظ ..: خلصتي
مريم ..: اهااا يلاا
حور ..: باااي يا محمد
محمد ..: اجي اوصلكم
حور ..: لا لا خليك مش مستاهله
محمد ..: تمام خلي بالكم من نفسكم
حور ..: حاضر
مريم باحراج ..: حاضر
حور ومريم ميشيو ومحمد قفل الباب ودخل أوضة وقعد يكلم نفسه
محمد ..: معقول في بنات بالجمال ده
محمد ..: يووه ايه اللي انا بقوله ده اوف
ـــــــــــــــــــــــــــ عند حور ومريمـ ـــــــ
/مريم و حور وصله الكليه
حور بخوف ..: الحمد لله لسه مبدأتش
مريم ..: الحمد لله
مريم …: حور الحقي
حور بعدم اهتمام ..: اي اي في ايه
مريم ..: مش دي البنت الرخمه اللي اسمها لين..؟
حور بغيظ ..: اه يا ختي هيا اوووف
مريم ..: خلاص يا ستي فكك منها .. اهو الدكتور جاي اسكتي
حور ..: الصبر يارب
الدكتور ..: مساء الخير طيب النهارده هنتكلم عن الدرس…
حور بغيظ ..: علي سبيل اننا بنفهم يعني
مريم بضحك ..: اسكتي يا خربيتك
الدكتور ..: في حاجه ولا اي يا انسه
حور ..: لاااا اتفضل
ـــــــــــــــبعد مالمحاضره خلصتـ حور خرجت وقاعده في الكافتيريا ــــــــ
حور ..: اوف مش مصدقه اني خرجت عايشه
مريم ..: لا ياختي متخفيش عايشه وبتشربي قهوة كمان
حور ..: بت انتي بصالي في القهوه صح
مريم ..: اه اصلها احلا من بتاعتي
حور ..: لا ونبي
حور …: لا وبعدين اي ياموزه الجامدان دا جيبه الدريس القمر ده منين هااا!
مريم ..: في قلبي جامد جايبه من مول steel”
حور ..: اوبس ده تحفه اووي
مريم …: تسلمي
حور ..: طيب اي مش هنروح ولا اي
مريم …: روحي انتي يا حور انا لسه هروح المكتبه اجيب كتب
حور ..: تمام خلاص انا هروح لاني زهقت وكمان عشان الحق اغسل الجاكت لمحمد
مريم بضحك علي اسلوب حور ..: اهاا تصدقي اخوكي قمر اوي احم قصدي يعني انه اخ بمعنه الكلمه
حور فهمت وغمزه لها ..: اهااا انتي هتقوليلي
مريم بحراج ..: لا مفيش حاجه اللي في دماغك الشمال دي اصلاا
حور ..: وانا قولت حاجه ياربي
مريم ..: امشي يا حور امشي
ميشيت وانا في الطريق شافت ڤيلا كبير جداا
حور بصدمه ..: يالهوي ايه الڤيلا الكبيره دي ما شاء الله .. الله دي فيها ورد من انا نفسي فيا لا لا فرصه لازم اجيب حتي لو وحده بس
حور حولت تجيب ورد بس معرفتش
حور ..: اوف تعبت ومش عارفه اجيب فكري يا حور فكري كويس وفجاه قالت
حور بمرح ..: لاقتها
حور مشيت نحيت باب الڤيلا وخبتط
تك تك .. وفتحوا الحراس
حور بصدمه.. بصوت واطي ..: يالهوي مين دول انا شكلي هتخطف ولا اي
الحراس ..: مين انتي
حور بتمثيل ..: ان.. انا جايه لي البيه هو موجوتك مش كده
الحراس ..: ايوه موجود اسمك ايه عشان ابلغه
حور ..: اسمي اسمي
الحراس ..: ايه مش عارفه اسمك
حور بضيق ..: لا يا ظريف اسمي لين السوفي
الحراس ..: تمام اتفضلي انتظر هنا لحد مرجع
حور بفرحه ..: تمام
الحراس دخل الڤيلا من جوه وحور بسرعه راحت نحيت الورد
حور ..: الله الجنينه واسعه اووي الله والورد رحته جميله
/نسيب حور مع الورده شويه/
الحراس ..: يا فاطمه يا فاطمه
فاطمه ..: ايه يا جابر في ايه
الحراس ..: هو زين بيه فين اصله مش في اوضته
فاطمه ..: في اوضته التمرين
جابر الحراس ..: تمام
حابر مشي اتجاه الاوضه وخبط
تك تك
زين بصوت عالي …: ادخلل
جابر فتح الباب
جابر ..: معلش يا بيه بس في واحده اسمها لين السوفي تحت في انتظار حضرتك
زين ..: تمام
خرج جابر
ـــــــــــــــــــــــــــــــــــــــــــــــــــــــــــــــ
ده زين محمد الشرقاوي صاحب اكبر شركة ادوية في الشرق الاوسط معاه اخ واحد بس … موصفاته قمحاوي شعره سايح علي عنيه طويل جسمه رياضي… وهتعرفوا الباقي في الاحداث
ـــــــــــــــــــــــــــ بقلم مريم عبدالحميد ــــــــــــــــــــــــــــــــــــ
زين بيفكر…
زين بجديه ..: مين لين السوفي دي كمان
نزل وخد ازازة المياه معاه
زين ..: جابر يا جابر
جابر ..: نعم يا بيه
زين ..: فين البنت
جابر بيبص ورايه ..: كانت هنا
زين بعصبيه ..: ايوه يعني ايه
وفجاه زين سمعه حد بيكح جامد
زين بعصبيه ..: صوت الكح ده جاي منين
جابر ..: من نحيت زرع الورد والياسمين يا بيه
زين ..: تمام روح علي شغلك
جابر ..: حاضر يا بيه
زين اتجاه بعصبية جامده نحيت الورد
زين بعصبيه ..: انت.ي….
ـــــــــــــــــــــــــــــــــــــــــــــــــــــــــــــــ
البارت خلص لو لقيت عليه تفاعل حلو .. هنزل البارت التاني علي طول
/رأيكم يهمني
.. ياترى زين شاف حور ولا حد تاني ولا رد فعل زين هيكون ايه شاركوني توقعاتكم في الكومنتات
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عندما يقع العنيد في الحب)