رواية العشق والقدر الفصل السادس والعشرون 26 بقلم ليلى هشام

رواية العشق والقدر الفصل السادس والعشرون 26 بقلم ليلى هشام

رواية العشق والقدر البارت السادس والعشرون

رواية العشق والقدر الجزء السادس والعشرون

رواية العشق والقدر الحلقة السادسة والعشرون

رعد:وحتي لو هي وافقت انا مش موافق.
ملك بصدمه:رعد اي الي أنته بتقولوا ده؟
احمد:استني يا ملك ليه يا رعد مش موافق اي عيبي علشان متوافقش عليا فلوس عندي فلوس تشتري بلد بزيها ڤيلا اقدر بدل الفيلا اجيب لها قصر عندي بدل الشركه مجموعة شركات وفوق ده كله بحب اختك وعندي استعداد اعمل اي حاجه في الدنيا علشانها اي الي يعيبني بقي؟
رعد بهدوء تام:انا ولا يفرق معايا شركه وفلوس وقصور ولا كل الكلام ده انا كان ممكن اجوز اختي لواحد علي قد حاله بس لو عارف أنه هيصونها ويشيلها في عينه طول العمر هوافق أنته بالرغم كل الي عندك ده إلا أن انا مش واثق فيك اني اديلك اختي ملك دي مش بس اختي دي حته من قلبي بنتي البكريه الي ييجي يتجاوزها لازم يثبتلي إنه ممكن يعمل اي حاجه في الدنيا علشانها.
احمد:عاوزني اعمل اي يعني؟
رعد:معرفش اهم حاجه تثبتلي انك بتحبها وتقدر تحميها وتصونها وبعدين سوري يا احمد انا اي الي يخليني اجوز اختي لواحد سبق زمان سابني ومشي وبدون أي أسباب مش بعيد بعد اما اجوزك اختي تيجي تسيبها بدون أي أسباب برضوا انا اي الي يضمنلي؟

احمد بغيظ:ماشي يا رعد انا بقي هثبتلك.
مشي احمد وملك واقفه مصدومه من الحصل ومش عارفه تتكلم ولا تقول اي حست انها عاوزه تنفجر من العياط سابت كل الناس وجريت جوه الفيلا ونور راحت وراها أما رعد اعتذر من الناس بذوق.
رعد:بعتذر يا جماعه علي الي حصل ده بس ده طبيعي جدا بيحصل دائما.
واحد من رجال الأعمال:ولا يهمك يا رعد بيه احنا مقدرين نستأذن احنا وكل سنه واخت حضرتك بخير.
رعد:وحضرتك طيب ميرسي جدا.
إبتدوا الناس يسلموا علي رعد وينسحبوا بهدوء واتبقي حياة واسيل ويارا وعلي وكريم كان واقف فرحان أنه رعد رفض احمد مرفضوش بطريقه مباشره بس يعتبر رفضه وقرر أنه لازم يعترف لملك بحبه.
حياة راحت لرعد:طب احنا هانمشي بقي.
رعد:استني هاجي اوصلكوا.
حياة:لا ملوش لزوم احنا هناخد تاكسي.
رعد:قولت يلا هاوصلكوا.
علي جه علي رعد:وصل أنته يا رعد حياة واسيل انا هاخد يارا هاوصلها في طريقي.
يارا بصتله بدهشه:مش عاوزه اتعب حضرتك
علي:ولا تعب ولا حاجه يلا….. رعد لو احتجت حاجه انا موجود كلمني.
رعد:تمام يا علي.
يارا بصت لحياة واسيل:طب سلام يا بنات.
حياة:سلام.
اسيل غمزلتها:ابقي طمنيني عليكي يا يارا.
يارا بصتلها بغيظ وبعدين مشيت.
رعد كان اخد باله ووطي رأسه وابتسم بس محبش يبين علشان مش يكسفها.
جاسر جه علي رعد:رعد انا امنت الدنيا وكل الناس مشيت خلاص عاوز مني حاجه.
رعد:تسلم يا صاحبي.
جاسر:طب انا هاورح لو احتجتني كلمني.
رعد:ماشي.
جاسر لحياة:سلام يا حياة.

حياة:سلام يا مستر جاسر.
جاسر لاسيل:فرصه سعيده يا انسه اسيل.
اسيل:انا اسعد.
مشي جاسر ورعد اخد حياة واسيل يوصلهم
اسيل قبل ما تخرج من الفيلا بصت وراها لقت عمر كان واقف هناك بعيد بصتله وشافته وهو شافها وبعدين راحت عند عربية رعد ركبت ورا لأن حياة كانت راكبه قدام ورعد اتحرك يوصلهم.
عند جاسر طلع من الفيلا بعربيته ومشي شويه علي الطريق لقي رضوي ماشيه وشايله جزمتها في أيدها جاسر هدي السرعه وبصلها يكلمها.
جاسر بتريقه:اي يا سندريلا الساعه لسه مدقتش 12مروحه بدري ليه من الحفله.
رضوي ردت عليه بتريقه برضوا:لا ابدا اصل الأمير بتاع الحفله مكانش قد المقام فقولت مالهاش لازمه القعده أما اروح.
(بووووم في منتصف الجبهة😂😂)
جاسر اتغاظ من ردها بس في نفس الوقت ابتسم:طب اركبي يلا يا سيندريلا أما اروحك
رضوي:لا شكرا سيندريلا عاوزه تتمشي شويه.
جاسر:يا بنتي اركبي خليني اوصلك.
رضوي:شكرا يا مستر جاسر اتفضل أنته انا عاوزه اتمشي.
جاسر ابتدي يتعصب:تتمشي اي دلوقتي الوقت متاخر والحته هنا مقطوعه ممكن اي حد يطلع عليكي يعمل فيكي حاجه.
رضوي بنرفزه:يارب علي الاقل ارتاح.
جاسر وصل لقمة نرفزته ونزل من العربيه وراحلها ومسكها ودخلها العربيه وسط كلامها الكتير وصوتها العالي وراح ركب ومشي وكأنه معملش حاجه.
رعد وصل عند بيت حياة.
رعد:وصلنا.
اسيل:شكرا يا استاذ رعد علي التوصيله.
رعد:العفو يا اسيل بس يا ريت منغير استاذ دي مش لايقه عليكي.
اسيل:والله انا قولت كده محدش صدقني.
رعد وحياة ضحكوا واسيل كمان ضحكت.
اسيل:يلا سلام……. مش هتيجي يا حياة.
حياة:اسبقيني انتي وانا جايه.
اسيل:تمام.
اسيل نزلت من العربيه ورعد وحياة فضلوا ساكتين حياة كانت عاوزه تقوله هو لما قالها بحبك كان بجد ولا هي كان بيتهايقلها مش عارفه تبتدئ منين.
حياة:هو أنته ليه قولت لاحمد كده؟
رعد بصلها:علشان انا عاوز اتاكد أنه بيحبها بجد وعنده استعداد يعمل اي حاجه علشان خاطرها مش مثلا طمعان في الشراكه معايا او حاجه زي كده.

حياة:بس شكله بيحبها بجد.
رعد:انا عارف ان احمد بيحب ملك بس لازم يوريني إنه ممكن يعمل المستحيل علشانها.
حياة:طب والكلام الي قولته في الحفله ده كان حقيقي ولا لا.
رعد بصلها اوي وفجأة مسك أيدها:اه يا حياة بحبك ومش من دلوقتي بس من اول يوم شوفتك فيه وانتي سحرتيني بقيت بفكر فيكي وانتي معايا ومش معايا صدقيني يا حياة انا بحبك اوي.
حياة مش عارفه تتكلم تقول اي ورعد حبه ليها ظاهر وباين في عينيه كانت حاسه ان الدنيا كلها مش سيعاها.
رعد:طب وانتي يا حياة؟
حياة بهمس وصوت واطي خالص:انا اي؟
رعد قرب منها بهمس:بتحبيني زي ما انا بحبك.
حياة:لا انا مش بحبك.
رعد أتصدم وبعد بس هي كملت:انا بموت فيك.
رعد ارتاح وقلبه دق ليها رفع أيدها وباسها بحب وشوق وغرام وهي زي ما تكون رعشه وسارت في جسمها كله.
حياة بتلعثم:طب انااا هاتطلع علشان اتأخرت
رعد:ماشي نتكلم بكره.
حياة هزت دماغها فتحت الباب ونزلت وراحت عند الباب وقبل ما تدخل نادت عليه.
حياة:رعد.
رعد:عيونه.
حياة اتكسفت وخدوها احمروا:لما تروح كلمني.
رعد ابتسم:حاضر.
حياة:تصبح علي خير.
رعد بحب:وانتي من اهلي.
حياة دخلت ورعد مشي وكل واحد فيهم طاير من الفرحه.
وقف جاسر بعربيته عند النيل ومكانش في حد خالص رضوي بصت قدامها وبعدين بصتله.
رضوي:أنته جايبني هنا ليه؟
جاسر:عاوزك تحكيلي عن ماضيكي آن الأوان بقي اني اعرف كل حاجه عنك.
رضوي:وعاوز تعرف ليه ما أنته خلاص حكمت وسبتني ومشيت ومارضيتش تسمع مني اي حاجه.
جاسر:انا ما سبتكيش يا رضوي انا ما كنتش مستوعب البنت الي حبيتها تبقي مطلقه الصدمه كانت شديده عليا كنت عاوز وقت استوعب وافهم.

رضوي بصت قدامها:طيب يا جاسر انا مطلقه هاتعمل اي هاتسبني؟
جاسر:لو كنت عاوز اسيبك مكنتش جيبتك هنا وقررت اسمع منك احكيلي يا رضوي ازاي اتجوزتي وازاي اطلقتي واتجوزتي مين اصلا كل ده عاوز اعرفه وليه انتي انطوائيه كده ومالكيش صحاب؟
رضوي عينيها اتملت دموع وافتكرت الماضي الي مش قادره تهرب منه اتخنقت ونزلت من العربيه ووقفت قدام النيل وكان في ضهره كبيره قعدت عليها وكانت بتتنفس جامد جاسر نزل وراها وقعد قدامها وهي اخدت نفس وابتدت تحكي.
رضوي:انا كنت بنت عاديه جدا كنت عايشه مع ابويا وامي واخويا الصغير زياد كان اصغر مني بتلات سنين كنا عيله سعيده جدا وكنا انا واخويا فرحة ابويا وامي اخويا دخل ثانويه عسكريه لانه كان حلمه يطلع ظابط وانا دخلت إدارة اعمال كنا انا وزياد علي طول ناقر ونقير نلعب نهزر رضوي بتاعت زمان كانت فرفوشه اوي بتحب الضحك والهزار واتنطيط غير رضوي بتاعت دلوقتي اتقدملي عريس وانا في سنه رابعه كليه كان كويس جاهز من مجاميعه وافقت وكنت مبسوطه زيي زي اي بنت كبرت واتخطبت وبعدين كتبنا الكتاب كان بيحبني اوي كان بيعمل حجات كتير اوي علشاني لغاية ما في يوم اتصل بيا وقالي انزلي عاوز اوريكي حاجه.
Flash Back
رضوي بتتكلم في التليفون:يا محمود مش هينفع انزل دلوقتي ماما مش هتوافق.
محمود:يا رضوي قوليلها اي حاجه قوللها نازله اشحن علشان ممعيش رصيد قوليلها نازله اشتري حاجه من السوبر ماركت اي حاجه هوريكي حاجه وارجعك تاني.
رضوي بتوتر:حاضر هحاول.
رضوي قفلت وطلعت لمامتها كانت قاعده بتتفرج علي التليفزيون راحت قعدت جنبها.
رضوي:ماما هو بابا فين؟
الام:اتصل بيا وقال انه عنده شغل وهييجي الصبح.
رضوي:اممم……. طب وزياد فين مش شايفاه
الام:خرج مع صحابه… الا قوليلي انتي بتسالي ليه؟
رضوي:لا ابدا اصلي كنت عازه شوية شوكلاتات وشيبسي علي عصير ومولتوا شوية حاجات كده.
الام:اتصلي علي اخوكي يجيبلك وهو جاي.
رضوي:لا أصله مش بيجيب الحاجات الي انا بحبها بيجيب انواع تانيه… بقولك يا ماما انا هنزل اجيب انا من السوبر ماركت ماشي.
الام:ماشي اطلعي علي طول.
رضوي بفرحه:ماشي مش عاوزه اجيبلك حاجه معايا؟
الام:هاتيلي كيس شيبسي بالجبنه معاكي.
رضوي:حاضر………. نزل رضوي لقت محمود في عربيته.
محمود:اركبي.

رضوي ركبت:امم هتوريني بقي بسرعه علشان مش اتاخر.
محمود:حالا… اتحرك محمود بالعربيه ومشي
رضوي:محمود أنته رايح فين انا كده هاتاخر وماما هاتقلق عليا.
محمود:يا حبيبتي مشوار صغير مش هانتاخر انتي مش عاوزه تشوفي عش الزوجيه بتاعنا ولا اي؟
رضوي:عش الزوجية!!
محمود:اه يا حبيبتي بيتنا وخلاص اهو احنا قربنا.
وقف محمود قدام عماره كبيره واقنع رضوي انها تنزل يفرجها علي الشقه ويروحها علي طول وهي وفقت وطلعت معاه الشقه كانت في الدور الرابع دخلها ودخل وقفل الباب رضوي كانت بتتفرج علي الشقه بفرحه.
رضوي:الله يا محمود دي جميله اوي وكمان واسعه مش ناقصه غير العفش بس.
محمود بنظرات خبيثه:طبعا يا حبيبتي طبعا تعالي اوريكي اوضة النوم.
شدها ودخلوا اوضة النوم وكانت فيها سرير كبير.
رضوي:اي السرير ده يا محمود؟

محمود وهو بيقرب:ده السرير الي هانقضي عليها شهر عسلنا.
رضوي خبتطه في كتفه:بطل قلة ادب بقي.
محمود:طب تعالي اقولك علي حاجه سر.
محمود قعد يقرب منها وهي بتبعد وشويه شويه ابتدي يشدها جامد وبعنف.
رضوي:محمود في أي سيبني….. أنته بتعمل كده ليه اوعي سيبني بقي انا عاوزه اروح.
محمود ضحك:تروحي تروحي اي ده احنا لسه السهره طويله.
وابتدي محمود في الاعتداء عليها.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية العشق والقدر)