رواية 30 يوم حياة الفصل الثالث 3 بقلم أميرة اسامة

رواية 30 يوم حياة الفصل الثالث 3 بقلم أميرة اسامة

رواية 30 يوم حياة البارت الثالث

رواية 30 يوم حياة الجزء الثالث

رواية 30 يوم حياة الحلقة الثالثة

أشرقت شمس يوم جديد علي حي السيده زينب…كان الزحمام شديد جدآ يشبه زحام ليله العيد
ناس رايحه ناس جايه ناس بتسلم علي بعض ناس بتنادي عالشغل اللي معاها ناس بتبيع وناس بتشتري ناس بتضحك وناس بتتكلم فالتليفون ولكن عند أبطالنا مان الوضع مختلف شباب الحته كانوا واقفين يجهزوا مائده الرحمن عشان تكون جاهزه…والاطفال واقفين يعلقوا زينه رمضان والفانوس والانوار…..
في محل كيمو…كان اعد سرحان دخل عليه حاج سعيد.
سعيد….ايه الاخبار فالحاره يا كيمو
كيمو…كله ماشي بنفسك ياحاج
سعيد….مش ناقصكم اي حاجه في المائده
كيمو…لاياحج بتوع الفراشه خلصوا خلاص كنت معاعم من شويه بس لما زين وباقي الشباب وقفوا معاه سبتهم والاطباق والحاجه بتاعت الاكل عم حسني قال ان هو هيروح بليل يجبهم من بتاع الجمله ومن بكره ان شاء الله هنبتدي نجهز فطار اول يوم بعد بكره
سعيد….علي خيره الله ربنا يجعله في ميزان حسناتنا جميعا ويرزق كل واحد ساعد حتي لو بمجهود صغير.
كيمو…يارب يا حاج هو انت طالع ولا نازل
سعيد…لا انا قولت انزل اقف معاكم تحت شويه لحد ما العصر يأذن بس لقيتهم بيخلصوا قولت اجي معاك شويه
كيمو…ياسلام المحل وصاحب المحل
سعيد….قولي بقي انت مالك
كيمو…انا ابه مانا زي الفل اهو
سعيد…عليا انا ياولا بقالك يومين اعد ساكت مش بعاده تبطل ضحك وتبطل اكل
ورايح جاي بورقه واقلم اعد تكتب في حاجه انت محتاج فلوس يا كريم
كريم….انا لا والله ابدا يا حاج فلوس ايه بس مستوره الحمد لله
سعيد…مانا عارف انها مستوره بس لو عايز انا موجود ولا مستكبر علي أبوك
كريم…مسك ايده باسها انا استكبر عليك انت يا حاج ده انا لحم كتفي من خيرك والمحل ده مفتوح بسببك
سعيد…طب قولي ايه اللي شاغل بالك كده.
كريم….شد الكرسي بتاعه واعد ادام ابوه هقولك ياحاج
بس تقولي اللي بفكر فيه ده صح ولا غلط انا قلقان اخرب الدنيا
سعيد…قول في ايه قلقلتني
كريم…لا مفيش قلق بص ياحاج طبعا انت عارف ان محل الكبده والسجق ده طول رمضان بيفضل مقفول يعني شهر بحاله الرزق واقف انا قررت بقي اغير النشاط فالشهر ده كنت بفكر اقلبه مخل فول وطعميه واعمل نصبه ادام المحل هنا واعمل فيها كنافه وانت عارف الفول والكنافه طول رمضان مابيتقطعوش قولت ايه ياحاج ايه رأيك
سعيد…بص يا ابني هقولك الاول حاجه حته ان طول الشهر الرزق بيبقي مقطوع دي مش معاك فيها رمضان شهر الخير والرزق يا ابني والرزق بيجري ورا صاحبه حتي لو كنت فاتح محل في أوم أوم اما بقي بالنسبه انك عايز تغير نشاط المحل براحتك طبعا النشاط اللي تلاقي رزقك فيه روحله برجلك واديك بتجرب وبتستفاد ايه مشكلتك بقي
كريم…مش عارف ياحاج بس انت عارف عم شوقي عنده عربيه فول وطعميه وده راجل غلبان وخايف اجي عليه
سعيد..بص ياابني انا من شويه قولتلك الرزق بينادي صاحبه يعني اوعي تفكر ان لو اتفتح هنا فالحته ميت محل زي بعض مش هيروح لكل واحد فيهم رزقه وعايزك تتأكد يا ابني ان عمك شوقي لو راحله زوبونين او تلاته بس تعرف ان ده الرزق اللي هيكفي يومه ربك ما بيظلمش حد يا ابني ربك مفيش احن منه عالغلابه وعاللي طالب الرزق الحلال
كريم….يعني أتوكل علي الله
سعيد….جهز نفسك رمضان خلاص بعد بكره بكره الوقفه بس اسمع يا كريم
قبل ما اتعمل اي حاجه روح لعمك شوقي وقوله انا عارف انه مش هيقولك حاجه بس عشان يا ابني لما تفتح يكون الراجل راضي وعارف
كيمو…عداك العيب ياحاج
سعيد…بس قولي هتعرف تقف عالفول وعالكنافه
كيمو….اطمن يا حاج وبعدين انا هخلي الواد عامر وبوب يقفوا معايا هما هيوقفوا شغل بليل لان مفيش افراح ولا حفلات في رمضان هيروحوا شغل البنك بس وطبعا انا شغلي هيبقي بليل اغلب الوقت
سعيد…ماشي يا ابني اللي يريحك هقوم انا بقي العصر علي آذان اقفل الباب وتعالي ورايا صلي عشان ربنا يكرمك
كيمو….هوا ياحاج هتلاقيني وراك…
…………
قي القهوه
صالح…بت يابوسي استني
بوسي…صباح الفل ياصلوحتي
صالح.. راحه فين يا بت من غير ما تقوليلي
بوسي…مانت يا اخويا لو بصيت علي موبايلك هتلاقيني متصله ميت مره
طلع صالح الموبايل اه صح ده صامت وعشان زحمه الشغل مع بتوع الفراشه كانوا بيظبطوا المائده حقك عليا
بوسي….الله الشارع بقي شكلوا حلو اوي
صالح….انتي يابت شارع ايه الوقت مقولتليش راحه فين انتوا مش قافلين الكوافير الكام يوم دول
بوسي…ايوه بس راحه اعد مع البت شهد شويه
صالح…انتو مش قولتوا هتأعدوا مع بعض كلكم بليل
بوسي….ابوه بس انا زهقانه وبصراحه بقي طول مانا اجازه من الشغل واعده امي ما بتبطلش طلبات وكانها ما صدقت
صالح…اه يعني هربانه طب وحيات امك لااقولها
ضحكت…بوسي لا مانا قولتلها وبهدلتني ونزلت
صالح…ماشي يختي يلا امشي بلاش واقفه النصيه دي
بوسي…بدلع الله مش انت اللي وقفتني
صالح….طب يلا روحي
بوسي…سلام
خرج صلاح….اقف انت حب كده وسبني مدعوك جوه
صالح…ياعم لا بحب ولا بتاع كنت بشوف البت بوسي راحه فين بس
صلاح…وعرفت يا اخويا
صالح…راحه لحبيبه القلب يا اخويا
صلاح…شهد
صالح…اه يا اخويا شهد يلا ياعم نشوف شغلنا ابوك هيجي يفجرنا
صلاح…..ايووه جااااي
………..
عدت الساعات وبعد العشا اجتمعوا الشباب كلهم عالقهوه
كريم….بقول ايه انا نويت اغير النشاط واقلبه فول وطعميه وكنافه في رمضان
ادهم….وده من ايه مانت محلك شغال كويس
كريم…ياعم عارف بس هقفل شهر بحاله يا ادهم كتير اوي وانت عارف المصاريف بتاعتي ولا عايزيني امد ايدي لابويا واقوله اديني مصروف
هيما…جدع ياض يا كيمو واي حاجه تلاقي رزقك فيها ادخل فيها سكه ودوغري
زين…الشغل مش عيب يالا وانت عندك حق رمضان الشغل بيبقي واقع وبدل ما تأعد اشتغل اي حاجه
ادهم… علي خيره الله وكويس رمضان فالفول والكنافه الشغل هيبقي اكتر وهنفعك ياض ياكيمو
ايهاب…طب وهتعرف تشتغل فالاتين
مريم…بضحك لا مانتوا هتبقوا معايا😁
ايهاب…انتوا مين🤨
كريم…انت وعامر انتوا بترجعوا غلي الساعه اتنين ترجعوا تناموا شويه لحد قبل الفطار وانا هنزل افتح المحل عالعصر اجهز الكنافه واظبط الدنيا وقبل الفطار هتنزلوا هنظبط كلنا حوار المائده ونفطر ونرجع للمحل وانتوا معابا نبتدي نجهز السحور
عامر… لا مش لاعب انا عندي شغلب يابا
كريم…وحيات امك مانتوا موقفين شغل الغنا طول رمضان انت هتصيع عليا
عامر…ايوه بس
كريم…مفيش بس انا خلاص قولت هتبقوا معايا يعني هتبقوا معايا
عامر….انت ورايا ورايا بص للشباب يلمحني بس فالشارع ينادي عليا ولا ياعامر تعالي بسرعه اجري اروحله في ايه
يقولي والنبي اقف بس خمسه عالمحل لحد ما اطلع الحمام بسرعه واجي علي طول
يصعب عليا اقوله طب روح براحتك انا واقف وعشان ابن المحظوظه حظه بيبقي حلو ببقي فاضي ومش ورايا حاجه فا بأعد استناه يغيب ربع ساعه نص ساعه دخل في ساعه ونص كده بقول ساعتين اركز بقي وافتكر اني كل ده واقفله لحد ما يروح الحمام ويرجع ده انت يا واطي لو بتولد كان زمانك ولدت وربعنت كل ده عامر بيضحك وهما فطسانين من الضحك وكريم مش قادر يمسك نفسه..
عامر…اقول ايه بقي لا كده كفايه اتصل اشوف الواد ده ماله مانا قلقت عليه بقي اصل محدش بيأعد فالحمام ساعتين اتصل بيه ميردش اتصل تاني ميردش يزيد القلق في قلبي اقول بس ده طلع فوق دخل الحمام روحه طلعت ومحدش حس بيه اتصل علي عادل اخوه يقولي انه فالمكتب ميعرفش اتصل فالاخر بحاج سعيد الاقيه يصدمني ويوقف شريط حياتي كده لمده دقايق وبصوت عم سعيد الراجل البركه الطيب…
ايوه ياعامر ياابني خير يا حبيبي كيمو انت عايز.كيمو ده نايم وقال صعوني الساعه 6المغرب….. ياظاللللم من 3العصر طالب يصحوك 6المغرب الشباب كانوا واقعين فالارض وصوتهم جايب الحاره كلها
عامر….قال والجاحد سايبني 3ساعات 3ساعاااااات ياخلق بجري زي الدبانه الدايخه في قلب المحل ويجي عيل عمو عايز سندوتشين كبده والتاني عمو سنتدوتشين سجق ويجي واحد يقولي عايز اربع سندوتشات وانا بجري مش ملاحق خايف اطيرله الزباين اللي يطير رقبته ان شاء الله وفالاخر يجي واحد بصوت جاموسه ويقولي ما تيلا ياعم الشيف واقف بقالي ساعه.🥴🥴
وانا بجري وفالاخر فين كيمو كيمو نايم
كريم….تصدق ياض انت ظالم هي كانت نص ساعه
عامر…انا ظالم با مفتري بلاش دي فاكر لما جالك زباين اجانب وتعبوا من اللف واعدو عندك يجربوا الاكل
كريم…ضحك وقفل بوئه استر عليا
عامر…اوعي ياعم وربنا لا افضحك…لقيته بيتصل بيا
يقولي ايه..عامر تعالي بسرعه
اتخضيت وقلبي كلني عليه في ايه ياكيمو مالك ياعم تعالي بس بسرعه
فاليوم ده كنت لابس شورت اصفر عليه شويه ورد ولا الجنينه ولابس تيشرت اسود كت واعدت ادور علي شبشبي ملقتهوش لقيت جزمه الويا ادامي لونها ازرق ضربتها في رجلي وكعبتها زي الشبشب ونازل بكل ثقه بقي ودخلت عليه في ايه ياكيمو مالك
بكل ثقه حط ايده علي كتفي وبصوت واطي قالي بقولك ايه
قولتله ايه…قالي شايف الاجانب اللي اعدين هناك دول
قولتله مالهم قالي دي باب رزق حلو اجانب يعني دولارات واول مره يجوا هنا واعدين ياكلوا فالازم نعمل معاهم واجب بصتله وانا مصدوم بس مرضتش اسبق الاحداث قبل ما اعرف طلبه قولتله وبعدين قاللي تروح تأعد فالتربيزه اللي جنبهم وكأنك مش واخد بالك وهجبلك طبق سندوتشات تحيه مني ليك وتأعد تغني وتسلطنهم عشان يطولوا فالاعده شويه طبعا انا كان وقتها عندي بوادر شلل بس محبتش ابين قولتله يعني انت منزلني من البيت بمنظري ده وعايزني اشرفك ادام الاجانب طب بزمتك ده منظر يشرف قاللي الاجانب مبيهتموش بالمظاهر دي بعد محايلات روحت اعدت وعملت زي ماهو عايز بس طبعا وانا مش طايقه….وابتديت ادندن كده مع نفسي وانا حاطط رجل علي رجل والشهاده لله الجلاله خدتني غنيت ايه بقي…ثلاث سلامات يا واحشني ثلاث أيام
ثلاث سلامات يا واحشني
ثلاث ايام
بإيدي سلام وعيني سلام
وقلبي سلام…
طبعا حست انهم اندمجوا معايا وعجبهم صوتي صراحت ربنا اتغريت في روحي ولسه بقي هعلي النغمه وبقول
بعادك يا جميل طوّل
بصيت لقيت قفا من عمك حسني علي قفايا وبعلو حسه. بعاد ابه اللي طول يا ابن الكلب لابس جزمتي وكاعبها كمان واحاول افهمه يهديك يرضيك ابدا ما سابنيش غير وهو واخد جزمته في ايده وسابني حافي والواطي ده واقع فالمحل من الضحك هو والاجانب طبعا حسيت وقتها اني مش عارف اجيب برستيچي منين ولا منين وقفت بكل ثقه بالشوت والفنله الحمالات وماشي حافي ومشيت وسط الشارع لحد ما دخلت من باب البيت طرت علي فوق…
الشباب…كانوا واقعين فالارض من الضحك وعيونهم مدمعه..
عامر…بس هي دي كل مأساتي معاه قال ويقولي اشتغل هي ناقصه جنان ده انا عشان احكي اللي بتعمله فيا عايز شهر واللي بيجنني انه بيبقي واقف عادي وه‍ادي في الطلب اللي بيطلبه يعني مش حاسه غريب زي يوم ما طلع نام كده نازل متعصب ويقولي فيه ايييه رن رن رن وبتدور عليت في كل الموبايلات ايه عليا طار اديني نزلت اهو عايز ايه من سي زفت
بصتله وانا مبرق وملقتش رد سبته ومشيت
زين…الله يخربيت فقرك يا عامر
كريم…اخلصوا بقي معايا صح
ايهاب…وهو بيضحك انا معاك ياكيمو
بص كريم لعامر ..وعامر بقي يبصله بطرف عينه
كريم…ولا ياعامر
عامر…عايز مني ايه😒😒
كريم…معايا خليك جدع بقي
عامر…بابتسامه خلاص معاك ابو شكلك😒😒
يوسف….وانا لو اي وقت معنديش شغل هاجي اقف معاكوا
عامر…انت المفروض طول اليوم متنزلش الصبح عشان الحر والصيام انزل بعد الفطار.
بصله يوسف…بقرف 😏😏😏 ياض ينعل الو اللي يأعد معاك تاني
عامر…في ايه ياعم الحق عليا خايف عليك من الصيام
ادهم مسكه من قفاه وربنا مسيحي طلاق تلاته مسيحي ياض احلفلك بالانجيل ان چو مسيحي😡
ضحكوا الشباب علي ادهم وعامر
هيما…واخدين عقلك وحاطين بداله فرده جزمه
عامر…چو ده حبيبي اطلعوا انتوا منها بس ولا يا چو قولهم انك حبيبي
يوسف…للاسف.😒😒
زين…خلونا فالجد بقي قولي يا ادهم ناوي علي ايه في حوار توته
ادهم…اتفقنا خلاص وان شاء الله الدخله عالعيد الكبير
زين…علي خيره الله من الوقت اي حاجه هتحتاجها فالشقه كلنا معاك واللي فاضي يسد متحملش هم
ادهم…من غير ما تقول يا صاحبي عارف ان في ضهري رجاله.
چو…توته بتحبك يا ادهم البت دي جدعه وتعبت معاك
ادهم…عارف وانا عمري ماهظلمها وعارف انها جدعه وبتحبني وانا بحبها
ايهاب….ربنا يتمملك بخير يا صاحبي يارب ووش كده انا وعامر اللي هنحيلك الفرح ونولعه لحد الصبح
ادهم…وانت عندك شك ياضي ان في حد غيركم هيحي الحفله ولا ايه 🤨🤨 يعني اخواتي موجودين واجيب حد غيرهم
عامر…معلش ياادهم پوب اللي هيحيلك الفرح
ادهم…ومتحيهوش معاه ليه ياض
غامر…لا انا وبلا فخر هبقي في قسم البوفيه مع كيمو. قدري😒😒😒😒
ضحكوا عليه الشباب.
عادل…منك لله يا كيمو جايبلنا الكلام علي طول
كيمو…سيبه سيبه ليه يوم
عامر…اوسخ من ايامي معاكي مش هيجي 😂
ادهم قولي يازين انت عامل ايه فالحوار بتاعك..
زين…ولا حاجه ياصاحبي زي مانا
ادهم….هو ايه اللي زي مانت اتكلم يا زين كده ميتفعش عالاقل تشوف طريقك يا جدع
هيما…وانا رأيي من راي ادهم اقطع عرق وسيح دم
صالح…ياجدع هي خناقه مينفعش طبعا
هيما…امال يفضل اعد مستني الفرج ويا انا يحصل يا ميحصلش ويضيع عمره
صالح…ايوه بس مش كده بالهداوه
صلاح….ولا هداوه ولا براحه زي ما ادهم وهيما قالوا يسألها عشان يعرف راسه من رجله
يوسف…انا شايف انك يازين هتقدر تحس بكل ده من غير ما تسأل
عادل….چو عنده حق انت اللي تقدر تحس اذا كانت حابه الفكره ولا لا حاسس هي ايه معاك
زين….مش حاسس باي حاجه ولا قادر احس…انتوا ليه مش حاسين بيا انا معرفش ازاي اصلا حبيتها بس غصب عني وعد بالنسبالي مش بنت خالتي وعد بعد موت ابوها وامها اتربت مع امي وكبرت وهي ادامي انا اكبر من وعد ب13 سنه وعد بتقولي يا ابيه زين هي شايفه اني اكبر منها وانا مش قادر اشوفها غير بنتي اللي ربتها علي ايدي وحبيبتي اللي اتعلمت كل حاجه عن طريقي اللي كانت بتطلب مني كل حاجه وكأنها مسؤوله مني مش قادر اشوفها غير حبيبتي والله ما قادر لما بسمعها بتقولي يا أبيه بيبقي هاين عليه اكسر راسها عشان متقولهاش وتنطق اسمي وتحسسني ان الفرق بينا مش كبير اوي كده عشان يبقي عندي امل انها تشوفني بنظره تانيه
ادهم….والله العظيم يازين قولتهالك كتير وهقولهالك تاني واثق ان وعد بتحبك مش عارف ليه بس بكره تقول ادهم قال
هيما….انت يا جدع متعلقوش بحاجه محدش فينا متاكد منها حتي هو نفسه مش متأكد
ادهم…طيب بكره تشوف
وفجأه…سمعوا صوت صوات جاي من شقه زين فتحت منه الشباك ونادت علي زين وهي بتصرخ
منه….الحقني يا اخويا بسرعه جري زين والشباب وهما بيوقعوا الكراسي دخلوا الشقه. ووووو🙄🙄🙄 فجأه

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية 30 يوم حياة)