رواية كل الابواب مغلقه الفصل الثالث 3 بقلم ريهام زيدان

رواية كل الابواب مغلقه الفصل الثالث 3 بقلم ريهام زيدان

رواية كل الابواب مغلقه البارت الثالث

رواية كل الابواب مغلقه الجزء الثالث

رواية كل الابواب مغلقه الحلقة الثالثة

..وكلما أردت الرحيل تمسكتِ بي وحين اتمسك بكِ تبتعدي ..
“ايوا ي سيف اتصل ب علي وقوله يجي مستشفي( ..) ،انا مش عايز اسمع صوته ،معلش ي صاحبي لينا قاعده سوا لكن دلوقتي انا مش قادر
قفلت الخط وقعدت ع الارض من غير وعي بتنفس بسرعه يمكن النار اللي جوايا تهدي
..ي استاذ لو سمحت انت كويس ؟
رفعت راسي لقيت ممرضه ” احم ايوا انا تمام
..المدام اللي جوا فاقت وسالت ع حضرتك
حركت راسي وقومت دخلت التواليت غسلت وشي وخرجت خبطت ع غرفتها ودخلت بعد ماسمعت صوتهابيأذنلي ادخل تحاشيت اني ابصلها انا فعلا خايف دموعي تخوني وتنزل بس قولت بصوت حاولت ابينه طبيعي “حمدالله ع سلامتك
*متشكره اوى ي عمر دايما بتنقذني ف كل وقت
عطيتها ضهري وانا بغمض عيوني بقوه
“عائشه انتي كنتي عارفه انك حامل ؟
*اييه؟!!
بصتلها لقيت حاطه أيدها ع بطنها ودموعها بتنزل
“المفروض تفرحي انك هتبقي ام
اتكلمت بين شهقاتها*صعبان عليا أنه هيجي بين ام واب منفصلين
قلبي وجعني من منظرها وعياطها قربت من السرير ونزلت لمستواها”ممكن تهدي انتي تعبانه وكمان عشان البيبي
بصتلي وبعدها بصت ف الأرض
“متشغليش بالك باي حاجه قولتيهالي واحنا ف العربيه احنا اخوات وهنفضل كدا
بصتلي بضيق وهي بتغمض عنيها *انا متشكره اوى ي عمر
اتنهدت بتعب”وبعدين مش يمكن ربنا أراد ف الوقت دا بالذات عشان يبقي هو السبب انك انتي وعلي تكملوا
بانهيار *انا شوفته بعيني ي عمر انا مستحيل اسامح
“خدي وقتك وفكري ع مهلك واستفتي قلبك
فضلت باصه ف الأرض ومبتردش بس دموعها بتنزل
طلعت برا قبل ماتصرف تصرف غلط وقتها لقيت علي وصل برا
_طمني ي عمر عائشه عامله اي
“عائشه حامل ي علي
ابتسم _بجد ي عمر ولا بتضحك عليا ؟
مسكت دموعي متنزلش”بجد ي علي يارب تعقل بقا وتهدي
شدني لحضنه وانا واقف ثابت مش عارف ابادله الحضن
بعدها بصلي بتوتر _انا لازم اروح اجبلها هديه واصالحها انا لازم اخليها تسامحني انا
ابتسمت ع شكله اول مره اشوفه مبسوط لدرجة أنه متلغبط مش عارف يتصرف،ولا عارف يجمع كلامه
“ادخل صالحها وبعدين نشوف الهدايا
اتصلت ع بابا وماما ووصلوا بعدها ب تلات ساعات شوفت فرحتهم بالحفيد الجديد وعائشه حسيت ملامحها بقت سعيده ودايما حاطه أيدها عليه
زعلت من نفسي اني كنت عاوز أسرق فرحة متخصنيش وحاجه مش بتاعتي
خرجت وروحت اوتيل وحسيت اني محتاج اقعد مع نفسي أرتب أفكاري اطلع من باب مقفول حطيت نفسي فيه وبعاند ع الفاضي وقتها سيف صاحبي جالي
طبطب ع كتفي ∆عايز تكتئب وتقفل ع نفسك دا انا هكسر باب الوحده دي ع دماغك
دموعي نزلت “صعب اوى ي سيف اللي بيحصلي دا
∆انا عايزك تطلع من الدايره اللي محاوط نفسك بيها دي انت اللي قافل دماغك ي عمر أن مفيش واحده احسن من عائشه
“مانا ب
قاطعني∆دا مش حب ي عمر ممكن اعجاب لكن حب بمعني الكلمه لا انت راجل ي صحبي ودي مرات اخوك يمكن اخوك غلط بس هو هيحاول يصلح وحتي لو انفصلوا لاقدر الله هتفضل ام ابنه
“انا تايه ي سيف ومش عارف اتصرف
∆ انت راجل والرجاله بتبان ف الشده انا واثق فيك وبعدين المشكله خلتك تيجي السخنه وشوفتك ف دي احلي حاجه بصراحه
ضحكت وحضنته حقيقي ي بختي بيه بينا مسافات بس هو موجود عشاني ف اي وقت وبيسمعني حتي لو انا غلط
عدا أسبوع ورجعنا كلنا القاهره كنت ف الشغل وروحت البيت
قعدت ع الكرسي بتعب وغمضت عيوني حسيت بخبط ع كتفي
_عمر فوق كدا
فتحت عيني بتقل”اي ي علي اللي جابك هنا
_عائشه طردتني من البيت عشان تريح أعصابها بعيد عن الضغط
ضحكت “ما عندها حق ي استاذ دا منظر تشوفه وهي حامل
كشر _بطل هزار ي عمر انا براضي فيها من واحنا ف السخنه وهي برضه لسا زعلانه
“معلش استحمل وانت برضه السبب ولا تحب افكرك
_ اووف خلاص خلاص انا هقعد معاك ف اوضتك بقا
“متجيش جمبها احسنلك شوف اي مكان افرش ونام فيه اقولك نام ف المطبخ
بصلي بذهول_بقا كدا ي عمر
حطيت الجاكت ع كتفي وانا بضحك “تصبح ع خير ي ابو العيال
طلعت اوضتي ومسكت الفون مسحت صورة عائشه مكنش قرار هين ابدا ولا سهل زي مابحكي بس يمكن عشان انا بحكي دلوقتي وانا ف سبوع نور بنت علي وعائشه وشايل نور بايدي وببص ل علي وعائشه اللي بنحاول تسامحه وهو فعلا بيغير من نفسه وبيعمل كل اللي يقدر عليه عشان يفرحها
=لو سمحت !
التفتت وكانت بنوته جميله اوى “اؤمري
=ممكن أشيل نور
“ماتشيلي عيالنا احسن والله
=افندم ؟
=لا قصدي اتفضلي طبعا
عطيتها البنوته وانا بتخيلها وهي شايله بنوتي انا
=هو رقم الحج كام ؟!
حقيقي الإنسان لازم ينتبه ويراجع حساباته ودايرته كل فتره وميقفلش ع نفسه باب غلط بدون داعي
#تمت

لقراءة باقي حلقات الرواية اضغط على : (رواية كل الابواب مغلقه)