روايات

رواية زينب الفصل التاسع 9 بقلم هي جنته

رواية زينب الفصل التاسع 9 بقلم هي جنته

رواية زينب البارت التاسع

رواية زينب الجزء التاسع

رواية زينب الحلقة التاسعة

في شقه متوسطة الحال بتظهر سيده كبيره
في السن عملت شاي وواخده كاستين وداخله
علي الصاله اللي جالس فيها شاب بيشرب
سيجاره وعيونه كلها حقد وكره
السيده: اموت واعرف انت هتفضل كدا لحد
امتي يابني حرام عليك السجاير االلي بتشربها
دي قاعد بتغضب ربنا وبتزود همومك
مراد :تعرفي تريحيني شويه مش كل شويه
كلام في الموضوع دا انا كدا ومش هتغير
وكمان سيبيني في اللي انا فيه
ام مراد :مالك يابني فيك ايه
مراد:احنا هنا عايشين في الفقر وهو قاعد
هناك متهني مع مراته الجديده ومبسوط

 

 

ام مراد :قصدك علي مين ……خالد ربنا يهنيه
ويسعده هو انت هتفضل حاقد عليه كدا يابني
خالد طول عمره ابن حلال ويستاهل كل خير
مراد:وانا يعني اللي ابن حرام اشمعني هو اللي
يبقي معاه فلوس وفيلا واحدث عربيه وزوجه وبنت وانا معنديش
ام مراد : سبحان الله هو اجتهد واشتغل
وتعب وكافح لحد موصل للي هو فيه انما انت
قاعد بس تحسد وتحقد وتكره فيه ليه حرام
عليك يابني دا لولا خالد كان زمانا مرميين في
الشارع ومكناش هنلاقي لقمه ناكلها لولا خالد
كان زمانك اتشردت من زمان وكان زمانك
مدمن ولا رد سجون ولا مجرم والله خالد
صعبان عليا انه بعد معمل معاك كدا انت
تكرهه بالشكل دا يابني دا مهما كان زي اخوك
وعيشتو مع بعض سنين وابوه الله يرحمه كان
بيحبك زي خالد بالظبط
مراد: وانتي كنتي بتحبيه اكتر مني وبتعامليه
احسن مني ليه عشان جوزك ميزعلش منك

 

 

ولا عشان تسترضيه ها كنتي بتخافي من
جوزك عشان كدا كنتي بتعاملي خالد حلو وانا
لأ افضل اكل لخالد احسن لبس لخالد احسن
كليه دخلها خالد وانا كل شويه تقوليلي اعمل
زي خالد خالد ابوه كان عايش وبيخاف عليه
وبيسنده انا ابويا فين تقدري تقوليلي ابويا
فين طفش وسابنا لو كنتي بتعامليه كويسه
زى مكنتي بتعاملي ابو خالد مكنش طفش
انتي السبب في اللي احنا فيه
ام مراد مخنوقه بالبكي من كلام ابنها وفقت
وبكل عزمها ضربته بالقلم :اخرص خالص
مسمعش صوتك ابوك طفش عشان كان خاين
وكان كل شويه مع واحده لحد ما راح لواحده
كبيره وغنيه اتجوزته وشغلته مرمطون

 

 

لاولادها وشغلته في كل حاجه ومكنتش
بتديله فلوس لحد مامات بحسرته ابوك الله
يرحمه ما كانش يستاهل يعيش معايا طول
عمري كنت شايلاه علي الراس وعمري
مشتكيت ولا عمري حسسته بالنقص ولا عمري
طلبت منه حاجه لنفسي والاخر طمع ففلوس
الست الغنيه قال يلهف فلوسها بس طلعت
بخيله بخل السنين وحسرته واهو مات
وميجوزش عليه ألا الرحمه ومكانش عندنا
بيت نعيش فيه فاكر كنا قاعدين فين كنا
قاعدين عند خالك اللي مراته كانت مسوده
بختنا وكنا شغالين عندها باللقمه وكنا بننام
فين فاكر في ارضية المطبخ علي البلاط
ومكناش لقيين بطنيه نستغطي بيها حتي
ولولا ابو خالد مكناش هنلاقي اللقمه ولا
المطرح اللي يلمنا وبعد ما مات ابنه سابلنا
شقته اللي هي بتاعة امه عشان نقعد فيها
وشغلك عندو شغلانه نضيفه بعد كنت ملموم

 

 

عليك شوية صيع كانو هيضيعوك ودا ييقي
جزاته انه لمنا وعيشنا عيشه مكناش نحلم
بيها يابني صون العيش والملح حرام عليك
دا أنت كنت عايش في خير ابوه والراجل الله
يرحمه عمره مأخرلك طلب وكان بيعتبرك زى
ابنه مراد اول واخر مره اسمعك بتتكلم عن
اخوك كدا خالد دا ابني التاني واللي يزعله
يزعلني دا اخر كلام عندي
وطبعا مراد معجبهوش الكلام رمي كاسة
الشاي كسرها وساب البيت ومشي وهو كله
كره وحقد وغيره من خالد
ام مراد قعدت تبكي :الله يهديك يابني
عند ليان بتلعب في حديقة الفيلا هي و آيه
وعمر وهي بتجري وقعت رجلها اتعورت
آيه: عمر عمر ليان اتعورت
عمر ولد راسي وهادي ومبيحبش يتكلم كتير
وبيحب آيه وليان جدا وعشان هو الكبير مهتم
بيهم وبيخاف عليهم جدا بس مش بيبين طلع يجري
:مالك يالي لي

 

 

ليان :رجلي اتعورت ياعمر وبتوجعني خالص
عمر : هي فين ….دي تعويره صغيره قومي
مشي انتي بتدلعي
ليان بكت:والله تعويره كبيره وبتوجعني ياعمر
عمر:تعالي هشيلك علي ضهري ادخلك جوا
وبطلي عياط عياطك دا بينرفزني
ليان:حاضر مش هعيط بس شيلني بالراحه
شالها عمر وهي فرحانه وبتضحك
آيه وهي بتضحك لليان وشكلهم متفقين علي
عمر انه يشيل ليان: حبيبتي ياليان دا زوزو
هتزعل عشانك خالص
ليان وهي بتضحك : رجلي بتوجعني ياآيه
مش هعرف امش عليها تاني وعمر هيشيلني كل يوم
عمر ولد ذكي فهم من كلامهم انهم متفقين
علي كدا دخل ليان وقعدها علي الكرسي وقعد
يصرخ : ضهري ضهري اه ضهري بيوجعني
ليان وآيه انخضو وقعدو يبكو
ليان :انا أسفه ياعمر والله مكنش قصدى
اوجعلك ضهرك كنا بنهزر معاك بس
آيه ماسكه ايده وبتبكي :كنا بهزر هتصل علي
زوزو عشان تيجي

 

 

عمر وقف وحط ايده في جيوبه ولف بجسمه
عكسهم : عشان تبقو تضحكو عليا تاني
ومشي وسابهم
آيه وليان قعدو يبكو عشان انخضو علي عمر
عند زينب وخالد
زينب: خالد دي قهوتك والاوراق دي عايزه الامضه دلوقتي
خالد: ماشي يازينب اه انا اتصلت علي
دكتوره نفسيه اخدت منها موعد ان شاء الله
هنروح الساعه ٤
زينب واقفه ساكته بس من جواها متوتره
:ان شاء الله
خلصو شغلهم واخدها خالد علي العياده
ودخلت للدكتوره لوحدها وقعدت معاها ساعه
كامله وخالد قاعد في الاستراحه بيقرأ ورد
القرآن اللي مخصصه في وقت الاستراحه
ومحسش بالوقت ولقي زينب بتقوله يلا
بعد ما ركبو العربيه
خالد: حسيتي بأيه

 

 

زينب :الحمد لله بجد ياخالد حاسه براحه
خالد:هتيجي امتي تاني
زينب :الدكتوره قالتلي اروح كل اسبوع لحد
مأتحسن واخد العلاج بإنتظام
خالد:ان شاء الله هتبقي كويسه متخافيش
ربنا معاكي ومش هيسيبك ابدا عشان انتي
انسانه ملتزمه شوفي بقي هتروحي الكليه امتي
زينب :عايزه اروح من بكرا عشان فات شهر
علي بداية الدراسه وفاتني كتير
خالد:شوفي هتروحي امتي وانا هوصلك
زينب : بس كدا انا هتعبك معايا
خالد:ياستي تعبك راحه واهو كله بحسابه هخصمهم من ال ٥ مليون هههههههه
زينب :ههههههههه
وصلو البيت دخلو لقو آيه وليان قاعدين زعلانين
زينب :قاعدين كدا ليه ومين مزعلكو
آيه وليان في نفس واحد :عمر

 

 

زينب :وزعلكو ليه
آيه : بصي يازوزو احنا كنا بنهزر معاه
و…….وحكت كل حاجه
زينب ضحكت عل برأتهم وعلي ذكاء عمر
عمر :والله الواد دا برنس
خالد:هههههههه تستاهلو الباشا عمر فين دا
هيبقي صاحبي هروح اشوفه لحد متجهزو السفره
زينب دخلت المطبخ :السلام عليكم ياداده
سعاد: وعليكم السلام حمد الله علي السلامه يابنتي
زينب :ريحة الاكل تجنن خلصتي
سعاد :ايوا خلصت روحي انتي غيري لبسك
وانا هجهز الاكل علي السفره
زينب :انا هجهز معاكي يلا
سعاد:ربنا يسعدك يابنتي

 

 

خالد اخد عمر وراح ينادي علي ام زينب اللي كانت بتصلي
خالد :السلام عليكم يأمي
: بردو مش عايزه تيجي تقعدي في الفيلا
ام زينب :اناهنا مرتاحه
خالد:يأمي نفسي اعرف انتي زعلانه مني ليه
ام زينب :يابني مش زعلانه منك بس زعلانه
علي حال بنتي كان نفسي تتجوز حد بيحبها
بنتي عمرها مكان لها علاقه بأي حد ولا عمرها
حبت ولا تعرف يعني ايه حب
يامي :يمكن عشان احنا اتجوزنا بسرعه
فمفيش حب بس والله انا بأحترمها وزينب لها
مكانه كبيره عندي كفايه ادبها واحترامه
وخوفها علي بنتي والحب هيجي بعدين
ام زينب يابني متزعلش مني لو في يوم
محبتهاش سيبها وطلقها عشان تعيش حياتها
خالد اتعصب من كلامها وسابها وركب عربيته ومشي

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية زينب)

تعليق واحد

اترك رد