رواية عشقت مطلقة وأولادها 2 الفصل السادس 6 بقلم مارلي إيهاب

رواية عشقت مطلقة وأولادها 2 الفصل السادس 6 بقلم مارلي إيهاب

رواية عشقت مطلقة وأولادها 2 البارت السادس

رواية عشقت مطلقة وأولادها 2 الجزء السادس

رواية عشقت مطلقة وأولادها 2 الحلقة السادسة

في بيت سعاد كانت قاعدة وهي بتعيط قربت منها ساجده وقالت بدموع
انا اسفة يا ماما علي طريقة كلامي و اللي قولتهولك بس انا كنت تعبانة و حضرتك كلامك ضايقني مش بعد التعب ده كله اسيب مستقبلي يضيع انا عايزه اطلع من الفقر و القرف اللي احنا فيه نفسي نبقي حاجة نفسي يبقي معانا فلوس نعيش بيها
سعاد بحزن
خلاص يا ساجده انا مش زعلانة
ساجده بدموع
انا متاكده انك مش مسامحني انا اسفة ورحمة بابا لا تسامحيني
سعاد بدموع
يا بنتي انا مبزعلش منكم انا خايفة عليكم مش عايزه يصيبكم اذيه من حد و الواد اللي عمل فيكي كدة بتقولوا من عيله واصله يعني احنا منقدرش نقف قدامهم و هيبهدلونا يا ساجدة
ساجده بضيق
عايزنا نعمل ايه بس يا ماما قوليلي نسيب تعليمنا و نضيع تعب السنين اللي فاتت دي كلها علشان واحد زي ده و بعدين هو خلاص اترفض و مش هنشوف وشه تاني يا ماما
سعاد بهدوء
ربنا معاكم يا بنتي و يوقفلكم ولاد الحلال
ساجده بابتسامة
ايوة انا مش عايزه منك غير الدعوة الحلوة دي بعد اذنك يا ماما هدخل اغير هدومي
ساجده كانت قاعدة في اوضتها بتعيط دخلت اريام و هي بتقول بهدوء
مش كفاية عياط بقي يا ساجدة من ساعة اللي حصل و انتي مبطلتيش عياط فيكي ايه امك و خلاص سامحتك علي الكلام الزفت اللي قولتيه بتعيطي ليه
ساجده بدموع
متخيلتش ابدا ان انا هتكلم مع امي بالطريقة دي هي اه قالتلي انها مسامحني بس انا حاسة انها لسه زعلانة انا اقسم بالله ما اقصد حاجه يا اريام
اريام ابتسمت
امك قلبها ابيض و بعدين يا ستي متقلقيش بكره و لا بعده هتلقيها بقت تتكلم كويس المهم جهزي نفسك علشان نروح الجامعة مش عايزه اتاخر علي المحاضره بتاعتي.
ساجده بدموع
طيب عشر دقايق و هكون جهزت
دخلت ساجده جهزت نفسها بسرعة و بعدين نزلوا وراحوا الجامعة وكل واحده دخلت كليتها
في كلية التجارة اريام دخلت وقعدت في المدرج الاول
وفي مدرج تاني كان قاعد عبدالله وبيقول لحسام بابتسامة
ولا يا حسام اريام طلعت هنا
حسام باستغراب
اريام مين
عبدالله بغيظ
يا اخي البت اخت ساجدة اللي انضربت من امير طلعت معانا في الكلية
حسام بهدوء
وليه متكونش اختها مش هي
عبدالله بغيظ
انت غبي قوي يا ابني التانية مضروبة و متبهدله العلامات ملحقتش تروح من علي وشها لكن دي مفيش فيها اي حاجة يبقي دي تؤامها
حسام بضيق
ماشي وبعدين يعني يا عبدالله مالك و مالها
عبدالله بابتسامة
بصراحه انا معجب جدا بيها يا حسام بس انا حاسس انها مش من النوع اللي بيتعرف بالعكس حاسس انها جادة
حسام بهدوء
جرب مش هتخسر حاجه يا عبدالله
عبدالله بتوتر
مش عارف خايف تفهمني غلط وانا نيتي خير ولله
حسام ابتسم
طب بس اصبر شويه نكون فكرنا في حل علشان تتقرب منها
عبدالله
طيب اسكت الدكتور دخل
في محاضرة ساجدة كانت قاعدة وجانبها ياسمين
ياسمين بابتسامة
ازيك دلوقتي يا ساجدة
ساجدة ابتسمت
الحمدلله بخير
ياسمين بابتسامة
انا اسمي ياسمين انتي ملحقتيش تتعرفي عليا يوم الحادثة
ساجدة ابتسمت
انا متشكرة جدا علي اللي عملتيه معايا انتي و الشباب
ياسمين بهدوء
متقوليش كدة احنا معملناش غير الواجب
ساجدة ابتسمت
ربنا يخليكي يا حبيبتي الدكتور جه بعد المحاضرة نتقابل
ياسمين ابتسمت لها وبعدين دخل الدكتور و بدا المحاضرة
بعد ساعة خرجت اريام من المحاضره و كان رماح واقف مستني صحابه قرب من اريام بهدوء وقال
مساء الخير
اريام بهدوء
مساء النور
رماح بهدوء
كنت رايد اسأل عن خيتك كفيها دلوقتي
اريام بهدوء
الحمدلله كويسة شكرا لسؤالك
رماح بهدوء
العفو اسف لو عطلتك
اريام بابتسامة
مفيش عطلة ولا حاجة بعد اذنك
مشيت اريام وبعد شوية خرج عبدالله و حسام وراحوا ناحية الكافتيريا وقعدوا مع بعض
حسام بضيق
ما تهدي بقي يلا مش كدة
رماح باستغراب
في ايه عاد مالك شكلك مش طايق حد
حسام بضيق
كل ده يا سيدي علشان معرفش يكلم البت اللي اسمها اريام و كرفتله
رماح بضيق
يكلمها كيف يعني
حسام بضيق
يرتبط بيها يعني انا قولتله متتسرعش لكن هو مسمعش كلامي كان لازم يستني لحد ما نخطط و ندبر علشان توقع في المصيده
رماح بضيق
مصيده ايه هي فار عاد و بعدين انتم رايدين تلعبوا ببنات الناس يا عبدالله تفرق ايه انت عن امير ده
عبدالله بهدوء
انت فهمت ايه يا رماح انا فعلا معجب بيها و كنت عايز اتكلم و نتعرف علي بعض و بعدين اروح اتقدم انا مش عايز اتسلي ولا حاجه
رماح بهدوء
علي العموم ادخل البيت من بابه
عبدالله بتريقة
منين يا حسرة ما انت عارف اللي فيها انا كنت عايز اروح اتقدم بعد ما اخلص كليه و انا لسه في سنة اولي
رماح بجدية
يعني رايد تربطها بيك الاربع سنين حرام عليك و بعدين اللي مترضهوش لخيتك مترضهوش لحد معاك روح اتقدم مش معاك استني لما تكون نفسك و يبقي معاك ولو ليك نصيب فيها مش هتروح لغيرك
حسام بهدوء
عين العقل ولله يا رماح انت معاك حق
رماح ابتسم
اطلبوا لينا بقي حاجة نشربها علشان نشوف المحاضره التانية
حسام بهدوء
تمام
في السرايا كانت قاعده شمس سرحانة و بعدين قعد جنبها راجح وقال بهدوء
مالك يا شمس من ساعة ما رجعنا من سرايا عمي القناوي و انتي علي الحاله دي في ايه عاد
شمس بدموع
انا مش عايزه الفلوس دي مكنش في داعي ابدا يكتبهم باسمي يا راجح
راجح بهدوء
هو حد كان ضربه علي ايده اياك علشان يكتب اكده و بعدين ما احنا قولنا اننا متنزلين عنهم ولكن ولاده موفقوش ودي وصية يا شمس و لازم تتنفذ علشان عمي يكون مرتاح في تربته انتي خلي الفلوس وياكي ومتجيش يمتها
شمس بتوتر
معرفش بس انا مش مرتاحة حاسة ان الايام اللي جاية خراب معرفش ليه
راجح بهدوء
بلاش الحديت العفش ده و بعدين خراب ايه انتي المسلسلات خربت عقلك يا بت شيلي الحديت الماسخ ده من راسك يلا انا هروح الشغل وهتاخر النهاردة
شمس بهدوء
ربنا معاك
في بيت ريان
مهرة بهدوء
لغاية ميتي هتفضل حزين يا ريان
ريان بضيق
اللي راح ده ابوي يا مهرة
مهرة بهدوء
انا خابره زين بس انت لازم تبقي اقوي من اكده يا حبيبي ابوك ارتاح من التعب و الامراض اللي كانت محوطه ربنا رحمه احنا المفروض نفرح مش نزعل كنت رايده يفضل تعبان و متعذب وسطينا
ريان بحزن
معاكي حق يا مهرة ربنا يرحمه
مهرة ابتسمت
انا هقوم احضرلك الحمام تاخد دوش و تروح تشوف مصالحك عاد بقالك اسبوع مروحتش الشركة
ريان بهدوء
ماشي العيال فين
مهرة
البنات راحوا الجامعة و بدر لساته نايم لغاية دلوقتي
ريان بهدوء
صحيه علشان يجي معايا الشركة بكفياه دلع لغاية اكده
مهرة بهدوء
حاضر
دخلت مهرة حضرت الحمام وبعدين راحت علي اوضة ابنها و قالت بهدوء
واد يا بدر قوم علشان تروح مع ابوك الشركة
بدر بنعاس
بقولك ايه يا يمايا همليني عاد انا نايم متاخر و مش قادر اقوم
مهرة بقلق
يا واد قوم وبلاش مشاكل عاد ابوك روحه في مناخيره اليومين دول
بدر بتعب
يا يمايا تعبان بقولك سبيني انام ساعتين و هصحي اني
مهرة بضيق
اعمل ايه انا دلوقتي واقول لابوك ايه عاد انت ناوي علي طلاقي بسببك
بدر قام بضيق
خير يا يمايا حتي النوم مش متهني عليه
مهرة بضيق
نوم ايه هو حد كان قالك تفضل سهران لوش الفجر مع شوية العيال اللي ماشي معاهم وبعدين مين هيشوف مصالح ابوك رايد ابن زهرة ياخد كله حاجة ويعمل الواد المطيع اللي مفيش منه قدام ابوك وانت تبقي قدامه الواد المستهتر اللي مش خايف علي مصالح ابوه عاد
بدر بضيق
يا يمايا انا مالي و مال حسن وبعدين حسن ماسك قسم التصاميم في الشركة وانا ماسك الحسابات يعني احنا الاتنين بنكمل بعض
مهرة بضيق
برضه متأمنش ليه خليك واعي يا واد متبقاش اهبل وطيب اكده زمان زهرة بتوحيه عليك ورايده تاخد كل حاجه ليها و لولدها متنساش انها مخلفتش غيره ورايده ياخد كل حاجه وزهرة في الاصل طماعة
بدر بضيق
حاضر يا يمايا حاجة تاني
مهرة بهدوء
لا يا ولدي جهز حالك علشان تروح مع ابوك الشغل
بدر بضيق
طيب
خرجت مهرة ونزلت المطبخ تحضر الفطار وكانت زهرة واقفة واول ما شافت مهرة قالت ببرود
خليكي بره انا اللي هحضر الفطور لجوزي
مهرة بضيق
وماله حضري الفطار بالاذن
وبعد شوية اتجمعوا علي الفطار وزهرة قالت بدلع
انا حضرتلك الوكل بيدي و طلبت من مهرة تساعدني و لكن مرديتش
مهرة بصتلها ولكن ريان بصلها بمعني مترديش
ريان بهدوء
تسلم ايديك يا زهرة
زهرة بابتسامة
بقولك ايه كنت رايده الفين جنية
ريان
ليه
زهرة بابتسامة
رايده اروح اشتري شوية حاجات محتاجهم بقالي كتير منزلتش السوق
ريان بضيق
سوق ايه يا زهرة مش واخده بالك ان عمك اللي هو ابوي لسه ميت مبقالوش اسبوعين
زهرة بضيق
وانا مالي وبعدين الحي ابقي من الميت وانا زهقت من قاعدة البيت ورايده اخرج و اتهوي شوية
فاطمة بضيق
انتي ايه الحديت الماسخ اللي بتقوليه ده الراجل اللي بتتكلمي عليه هو اللي رباكي انتي و اخوكي بعد ابوكي الله يرحمه وانتي تقولي عليه اكده
زهرة
وانا قولت ايه يعني يا مرات عمي
فاطمة بضيق
مفيش خروج ولا اي احتفالات و لا مناسبات هنحضرها السنة دي فاهمين و لا لاء رايدين الناس تاكل وشنا
زهرة بضيق
اللي تشوفيه يا مرات عمي
في الشركة كان قاعد ثائر وهو سرحان وبيفتكر البنت اللي كان بيحبها
فلاش باك.
سارة بحب
انا بحبك قوي يا ثائر كل يوم بحلم باليوم اللي هتجوزك فيه و هنتجمع في بيت واحد
ثائر مسك ايديها
انتي اجمل حاجه حصلتلي يا سارة انا كمان بعد الايام اللي هنتجمع فيها سوا انتي مخابراشي من اول يوم شوفتك فيها وانتي مش بتفرقي. بالي بقيتي ساكنة القلب و العقل يا سارة
سارة بابتسامة
وانت كمان في قلبي يا ثائر انت عوضتني عن كل. حاجه وحشة حصلتلي وادتني امل في الدنيا دي.
ثائر ابتسم
علشان الحديت الحلو ده
طلع علبه من جيبه وكان فيها انسيال دهب
ثائر ابتسم
ايه رايك. في الهدية دي
سارة بفرحه
جميلة قوي يا ثائر بس شكلها غالي قوي ليه تكلف نفسك اكده
ثائر بابتسامة
اكلف نفسي ايه الحديت الماسخ ده و بعدين يا بت انتي الغالي يرخصلك انتي تستهلي كل غالي يا حبيبتي
سارة بحب
ربنا يخليك ليا يا حبيبي يلا لبسهاني
ثائر ابتسم من عينا
ومسك ايديها ولبسها الانسيال وقال
هعدي عليكي بكره علشان نخرج و نقضي اليوم سوا
سارة بابتسامة
ان شاء الله يا حبيبي
باك
الباب خبط
ثائر مسح دموعه وقال بحده
ادخل.
دخل رماح
رماح باستغراب
مالك يا خوي عنيك محمرة ليه اكده
ثائر ابتسم
مفيش يا رماح بس انا منمتش زين امبارح علشان اكده عيني حمرة خلصت كليتك بدري النهارده
رماح بهدوء
ايوة قولت اجي اعدي عليك لو خلصت شغل نروح نتغدي في اي حتة بما ان مفيش وكل في البيت
ثائر ابتسم
ماشي يلا
واخده ثائر وراحوا اتغدوا في مطعم
في البيت ريان
زهرة بغل
بقولك ايه يا حسن انا رايده تبقي ايد ورجل ابوك في الشركة فاهم ولا لاء مرايدش ابن مهرة يبقي سر ابوك معاه يا ولدي. رايداك انت تبقي خابر كل كبيره و صغيره في الشركة و بدر يبقي ضيف. عندك فاهم
حسن بخبث
متقلقيش يا يمايا انا بعمل كل حاجه علشان اخد رضي ابوي وبعدين بدر مستهتر ومش فارق. معاه حاجه مرايدكش تقلقي واصل من ناحية الموضوع ده
زهرة بابتسامة
طالع زكي لامك يا واد تربيتي مرحتش هدر
حسن ابتسم.
طبعا يا يمايا وبعدين انا احق واحد بالشركة انا اللي تعبان فيها و اشتغلت فيها اكتر من بدر بدر حياله بيروح كام ساعة ويمشي مش زي بيفضل قاعد ليل مع نهار و يشتغل اهنا و اهنا انا المفروض ابقي صاحب الشركة
زهرة بخبث
صوح يا ولدي. علشان اكده لازم باي طريقة تخلي ابوك. يكتبلك الشركة
في الكلية كانت قاعدة اريام في المكتبة قرب منها عبدالله
اريام بضيق
خير
عبدالله
انا مش عارف انتي بتعامليني ليه كدة وبعدين انا مقصدتش ازعلك والله ونيتي كانت خير ومكنش قصدي اتسلي و لا حاجة
اريام بجدية
بقولك ايه يا عبدالله انا واحدة مش بتاعة ارتباط و كلام من ده انا جاية هنا علشان اتعلم. و بس اكتر من كده لا وياريت متجيش تقف ولا تتكلم. معايا تاني انا مش عايزه حد يجيب في سيرتي ولا يجيب في سمعتي بحاجة وحشة
عبدالله بضيق
وانا اللي هجيبلك سمعة وحشة يا اريام
اريام بجدية
انا مقدره اللي عملته لامير انت و الشاب اللي كان معاك و بشكركم جدا لكن مش علشان ساعدتنا هتهاون معاك و هتكلم و هتصاحب عليك يا عبدالله يبقي انت فاهمني غلط بعد اذنك
وسابته و خرجت من المكتبه وراحت عند اختها وقالت بضيق
يلا يا ساجدة لو خلصتي خلينا نمشي
ساجدة بهدوء
مالك يا اريام في حاجه
اريام بجدية
في البيت هنتكلم يلا خلينا نمشي من هنا
ساجدة بهدوء
يلا
ولسه خارجين من الجامعة لقوا عربية وقفت قدامهم ونزل منها امير اللي قرب منهم وقال ببرود
ازيكم يا حلوين
ساجدة بخوف
انت عايز ايه و اللي جابك هنا تاني مش. خلاص اترفدت
امير ببرود
هو انا علشان اترفدت فكرتوا انكم مش هتشوفوني لا تبقوا غلطانين اللي حصلي بسببك يا بت انتي هخليكي تتمني الموت و متطلهوش مش امير ايمن اللي يحصل فيه كدة انتي متعرفنيش كويس بس الايام الجاية هتعرفك كويس قوي انا ابقي مين و انا بوعدكم الايام اللي جاية دي هتبقي جحيم عليكم انتي و شوية العيال اللي اتحميتي بيهم يا بيبي

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشقت مطلقة وأولادها 2)