روايات

رواية هذه ليلتي الفصل الرابع والعشرون 24 بقلم نجمة براقة

رواية هذه ليلتي الفصل الرابع والعشرون 24 بقلم نجمة براقة

رواية هذه ليلتي البارت الرابع والعشرون

رواية هذه ليلتي الجزء الرابع والعشرون

هذه ليلتي
هذه ليلتي

رواية هذه ليلتي الحلقة الرابعة والعشرون

شامي بينزل من العربية ويجري عليهم عشان يلحقها ف واحد بيضربه برصاصه في كتفه
ناردين تبص عليه بذهول ومبتقدرش تصرخ عشان واحد مكتفها وسادد بوقها بايده
وبياخدها ويركبها العربيه وفي الاثناء دي بيطلع يامن من الكافيه و يشوفهم بيخطفوها
يامن يجري عليهم وقبل ما يوصل بيمشو
ناردين بصراخ _ الحق شامي يا يامن. وفجاه وبتاخد ضربه في رأسها تفقدها وعيها
يامن يجري علي شامي ويسنده _ تعاله هنروح المستشفي
شامي بألم_ لازم نلحقهم
يامن _ هنلحقها بس نوديك المستشفي الاول
شامي_ دي عهده انا كويس سبني
يامن _ مش هينفع دمك هيتصفا
شامي يدوخ وميقدرش يوقف ويامن بيسنده لغيت العربيه ويرجع ياخد شنطة ناردين ويروح علي المستشفى
فيلا صلاح

 

 

صلاح _ الو
كمال _ فين ليلي يا صلاح
صلاح _ وانت عاوز منها ايه
كمال _ عاوزها ترجع لجوزها وتبعد عنها
صلاح ببرود_ جوزها مين انت صدقت دا احنا دفنينه سوا
كمال _ وهدفنلك بنت حيه لو ليلي مرجعتش ليامن دلوقتي
صلاح بغضب_ لو قربت لبنتي هقتلك
كمال _ ما انا قربت خلاص بنتك معايا
صلاح بغضب _ انت نسيت نفسك يا كمال.. ازاي تجراء تخطف بنت صلاح المنياوي
كمال_ انت اللي بدأت يا منياوي احسنلك تتصل بيامن يجي ياخدها حالا قبل ما ابعتلك جسة بنتك علي البيت
صلاح _ لو مسيت شعره منها هخفيك من علي وش الارض
كمال يشد ناردين من شعرها وهي تصرخ من الالم
صلاح بغضب _ والله لا اقتلك يا كلب يا واطي
كمال _ الظاهر انك مش خايف عليها.. اتسلو يابني
صلاح _ لا لا ليلي هترجع بس سيبوها
كمال _ طيب يلا كلم يامن
صلاح _ ماشي بس ناردين ترجع الاول
كمال _ يا صلاااح بطل الخبث اللي في دمك هو انا لو رجعتهالك انت هتنفذ كلامك انا عارفك ملكش كلمه
صلاح _ خلاص هترجع وناردين تيجي بعدها فورا
كمال _ ماشي
صلاح بيقفل مع كمال ويتصل بيامن وفي الاثناء دي بيدخل ادم
صلاح_ انت فين

 

 

يامن _ عاوز ايه
صلاح _ هو شريكك مقالكش انه مساومني علي بنتي علشان يرجعلك ليلي
يامن _ كمال
صلاح _ دا انت عارف اهو يعني شريكه في الخطف
ادم _مين خطف مين
صلاح _ صاحبك اتفق مع كمال يخطفو اختك علشان ياخد ليلي
يامن _ انا معرفش انه هيخطفها
ادم بغضب_ وريني .. ايوة يا يامن.. احنا متفقناش علي كده يا يامن
يامن _ انا مقولتلهوش يعمل كده
ادم _ امال هيستفاد ايه لما يرجعهالك يعني
يامن_ صدقني مقاليش انه هيخطفها هو سمعني انا وبتفق معاها نتقابل بس مكنتش عارف انه هيعمل كده
ادم بغضب_وتتقابلو بتاع ايه عاوز ايه من اختي يا يامن
يامن _ وانا هعوز منها ايه هى اللى كلمتني ومعرفش كانت عاوزة ايه
ادم بغضب _ وهو فى ايه بينكم عشان تطلب تقابلك… اختى ترجع يا يامن
صلاح ياخد منه التليفون _ انت تيجي تاخد مراتك وبنتي ترجع احسنلك
يامن _ وانت هتسبني اخدها
ادم _ ليلى مش هتروح معاه
صلاح بحده _ انت تخرس.. انا هعرف ارجعها تاني ازاي واربي الكل … وانت قدامك نص ساعه لو مجتش مش هتشوفها تاني
يامن_ جاي فوراً

 

 

ادم بانفعال _ انت هتسيبو ياخدها وهو خاطف اختي
صلاح _ ماهو انت السبب رايح تأمن واحد زيه علي ليلي واهو خدها هي واختك
ادم _ ناردين هترجع ومش هياخد ليلي
صلاح _ اسكت انت دلوقتي، انا هتصرف بس نرجع اختك الاول وانا هحاسبهم كلهم بما فيهم السواق بتاعها
في اوضة ليلي
صلاح _ يامن هيجي ياخدك دلوقتي
ليلي بفرحه _ بجد
صلاح _ متفرحيش اوي كده.. المحروس خطف بنتي هو وكمال. بعد ما ناردين ترجع تجيلي وتفضلي مفهماه انك عاوزه ادم
ليلي _ انت مش عاوزني متجوزش ابنك. انا مش هتجوزه سيبني في حالي بقا
صلاح _ لغيت ما يتجوز جيلان وبعد كده روحي مطرح مانتي عاوزه ولوقتها ادم يعرف ويتاكد انك عاوزاه انتي فاهمه ولا اقتلك جوزك
وانتي عارفه اني اعملها
ليلي بدموع _ فاهمه
بعد وقت بيجي يامن وادم اول ما بيشوفه بيمسكه من قميصه بغضب
ادم _ اختي لااأ يا يامن
يامن_ انا معرفش انه هيخطفها يا ادم ازاي تصدق فيه كده
ادم _ امال ايه جمعكم على بعض ويعرف انكم هتتقابلو انت وهي
يامن_ هو لقاني صدفه. وهي اتصلت وسمعني بقولها ايه واكيد مي ورايا
ادم يسيبوه وبتهديد_ المفروض اصدقك كده… اسمع ليلي هتروح معاك ولما اقولك هاتها تجبهالي واختي ترجع فورا والا هنسا اننا صحاب

 

 

يامن _ انت بتهددني يا آدم
ادم _ وعاوزني اعمل ايه وانت خاطف اختي
يامن بانفعال _ كفاية بقا هو انت كنت اشترتني انا سايب حياتي واهلي واخويا المرمي في المستشفى علشان اساعدك. وبردو مش نافع فيك .. بقولك مخطفتش اختك ولا ممكن اعملها
ادم بغضب_ امال كمال هيستفاد ايه لما يدخل ويرجعهالك غير لو كان بينكم اتفاق مسبق مش هو ده كمال اللي انت مش مرتحله وقتل ابو ليلي. فجاه كدا حب يساعدها ويرجعهالك… يامن متنساش نفسك انت متجوزها فترة وهتسيبها
يامن باستحقار_ انت اللي نسيت نفسك ونسيتها لما دخلتني بينكم ولا فاكر اني هعيش معاها في نفس البيت ونفس الاوضه وترجعلك ليلي اللي كانت بتحبك وتحبها
ادم _ يعني ايه هو ايه اللي حصل انا معرفهوش… اوعا تكون..
يامن _ لأ محصلش بس هيحصل انا بحبها وهي بتحبني
ادم بغضب_ هي دي الامانة اللي امنتهالك يا يامن.. وهي ليلي اللي قالتلك بتحبك ولا بتألف
يامن_ مقالتش وانت السبب في انها متكلمتش لدلوقتي بس انا. متأكد انها حبتني
ادم بحده_ اهي ماشيه معاك هنسألها لو قالت بتحبك، انا هسبهالك بس لو مقالتش بمجرّد ما اختي ترجع انا هاجي اخدها وتطلقها فورا وتطلع من حياتنا مش عاوز اشوف وشك تاني
يامن _ موافق
بعد شويه بتيجي ليلي مع صلاح
صلاح _ استلم
ادم_ استني
ليلى بدموع _ايه
ادم _ الأستاذ بيقول انك بتحبيه وبطلتي تحبيني صح الكلام دة
ليلي _ كداب انا لسه بحبك انت
يامن بخيبه _ انتي خايفه. من ايه تانى احنا ماشين اهو ومحدش هيعرف يأذيكي تانى قولي اللي حاسه بيه مره واحده
ادم _ اهي قالتلك اللي حاسه بيه..

 

 

صلاح _ اوعدكم بس ناردين ترجع وانا هجوزكم ونطلع كل الخونه من حياتنا مبسوطه يا ليلى
ليلى _ ايوه ربنا يخليك لينا ياعمي
يامن بغيظ _ غبيييه انتي حره محدش هيتعب غيرك
ادم _ دا الي انت بتتمناه… يلا يااا صاحبي خدها ولما ناردين ترجع لينا كلام مع بعض
يامن بقهر _ والله بتكدب وما بتحبك وهتقولك. كده بنفسها بس بعد ما تخسرني انا
ليلى بدموع _ يمكن انت حبتني بس انا مش عاوزة غير ادم
يامن بخيبه _ اه ما انا عرفت كده يوم ما رجعت من السفر … يلا بينا خلينا نخلص
بيطلعو من الفيلا ويركبو عربية يامن ويمشو
يامن بخيبه _ اهو احنا بقينا لوحدنا قولي اللي عندك عشان اصدقك
ليلي _ معنديش حآجه اقولها غير اللي قولته
يامن _ انا تعبت معاكي ومش واخد منك غير وجع القلب.. بس افتكري انك انتي اللي اخترتي
ليلي بدموع _ انت اللي تاعب نفسك فكرت في حبيبت صاحبك اللي أمنك عليها
يامن _ ومراتي ولا نسيتي
ليلي _ انت عارف ان دي لعبة
يامن يوقف العربيه ويستدير بجسده ليها _ وعجبتني العبه يا ليلي ممكن تبطلي انتي لعب وتقوليلي بتعملي. كده ليه خايفه من ايه تاني احنا اهو بعدنا عنهم ومحدش هيعرف يوصلك
ليلي _ يامن انت في حآجه في دماغك؟ انا بحب ادم وبس، يمكن عمي خاطفني صح بس انا مبسوطه علشان كنت قريبه منه..

 

 

يامن يبصلها بتركيز ويسكت
ليلي _ بتبصلي كده لية
يامن بتركيز_ بحاول اصدقك.. انتي بتكدبي،، انا عارف انه لما كان معاكي كان بيهددك بحاجه
ليلي بزهق_ فلنفترض انه هددني انا خلاص بعدت عنه يعني مش خايفه ولو في حآجه هقولهالك عادي
يامن بزهق _ انتي حره … يمكن انتي خايفة بس انا مش خايف وهقولك اللي كنت عاوزة اقولهولك. من اول ما قابلتك في المطار …ليلي انا بحبك يمكن اكتر من نفسي ومستعد اضحي بنفسي علشانك… ودا الفرق بيني وبينه ادم بيحبك وخلاص معملش حآجه علشانك غير انه قربني منك
ليلى بدموع _ انت حر في مشاعرك بس انا مش عايزة غير ادم
يامن يقرب منها ويمسكها من شعرها براحة وبتركيز_ من وقت ما عرفتك وانا دايما بدي بدون مقابل . اظن دلوقتي من حقي اخد مكافاة نهاية الخدمة
ليلي بدموع _ عاوز ايه
يقترب منها ببطئ لتغلق عينيها باستسلام ثم يقبل شفتيها برقه ويبتعد عنها وينظر لها وهي مستسلمه
يامن بهمس _ قولتيلي مبتحبنيش
ليلي تفتح عينيها وتشعر بالارتباك _ اه مبحبكش
يامن _ فاكره لما رجعت من السفر عملتي ايه
ليلى بارتباك_ انا كنت وقتها صاحيه من النوم ومكنتش في وعي
يامن_ ودلوقتي
ليلى بانفعال _ انت عاوز ايه دلوقتي ايه رجعك تاني
يامن _ رجعت علشانك… عشان اساعدك وانتي كل مره بتعجزيني. انا ايه يخليني استحمل غير علشان حبيتك… يا ليلي اتكلمي محدش هيعرف انك قولتيلي حآجه
ليلي_ ماشي

 

 

يامن _ ماشي في عينك.. انتي عارفه لو رجعتي تانى انا مش هقدر اشوفك مره تانيه وهخسر ادم طول عمرى بسببك
ليلي _ عارفه بس انا بيدي ايه
يامن_ تقولي انك عاوزاني
ليلي تبصله بشرود وتكست
يامن _ ما تقولي حآجه
ليلي _ لما نخلص.من المشكلة دي ابقا اقول
يامن _ مش هتخلصي منها وانتي ساكته كده… انتي ايه مخك دا متركب شمال
ليلي _ انا قولت اللي عندي. يلا خلينا نمشي او نرجع اي حآجه
يامن بخنقه _ مااااشي.. بس دقيقة اكلم كمال يرجع البنت
كمال_ ليلي معاك
يامن بزهق_ اه معايا… مقولتليش ليه انك ناوي تخطفها عاجبك.كده اهم فكروني مشترك معاك
كمال_ مكنتش هتيجي غير بكده.. يلا هاتها وتعاله
يامن_ انا رايح شاليه شرم الشيخ يومين
كمال _ كويس انا هبقا اجيلكم هناك
يامن_ متجيش مش عاوزين نعرفكم تاني
كمال_ مطر تعرفني يكون صلاح بعد عنكم
اللي مانعه يقتلك دلوقتي علشان بنته معايا بس لما ترجع مش هيسيبك
يامن_ انا اقدر احمي نفسي متشكر وبيقفل معاه
ليلى_ هنعمل ايه في شرم الشيخ
يامن _ هنستنا يكون ناردين رجعت
ليلي_ وبعد كده

 

 

يامن _ هتصل بأدم يجي ياخدك ونطلق علشان ارتاح منك
ليلي بدموع_ احسن بردو
في منزل فهد
فهد بيكلم عز في التليفون
عز_ مش كفاية وترجع بقا
فهد _ مليش نفس ارجع
عز _ ودا من امتي .. نادر زعلان جداً
فهد _ خليه يزعل لو عاوز يرفدني براحته
عز _لا يافهد اوعا لو رفدك انا مش هقدر أكمل من غيرك
فهد _ انت مش صغير .. كمل انت انا اصلا ناوي اسيب شغلة الحراسه دي من زمان
عز _ ايه اللي جد
فهد _ اللي جد اني مش هشتغل بلطجي تانى عاجبك منظرك وانت متكوم وقتلت واحد علشانه هو وبنته
عز _ وكنت عاوزني اعمل ايه لما اشوفه بيتعدا عليها
فهد _كنت عملت اطرش دا لو حس انك بتفكر فين هيتويك
عز _ وهو هيحس منين يعني
فهد _ انا بقولك بس
عز _ هي خلاص اتخطبت وهتجوز وبكره تمشي
فهد _ لو جدع تسيب الشغل وتيجي نعمل حآجه مع بعض بعيد عنهم
عز _ لما جيلان تجوز افكر اسيبهم
فهد _ هو انت كنت مسؤول عنها مالك بيها
عز _ مقدرش مشوفهاش كل يوم يافهد
فهد _ اقدر، اكيد هيبان عليك في مره
عز _ يحصل اللي يحصل بقا مش همشي قبل ما تمشي هي
فهد _ انت حر

 

 

عز _ عملت ايه مع نور
فهد _ اهي قاعده فوق السطوح
عز _ وممشتهاش ليه
فهد _ عشان نادر مش هيسيبها
عز _ ونادر هيعمل بيها ايه تانى ما خلاص الواد مات
فهد _ الامر ميسلمش
عز _ قوولتلي.. ومن امتي الحنيه دي
فهد _ من يومي وانت عارف ههههه
عز _ لا بجد ناوي علي ايه
فهد _ هتمشي بس بعد ما تحبني أنت ناسي انا كنت ناوي معاها علي ايه
عز _ عشان طيرتلك الموزز بردو
فهد _ طبعا ودي حآجه قليله.. دي نانا الحيرانه بطلت تكلمني
عز _ ههههه كله الا نانا الحيرانه .. كمل اللي بداته
فهد _ ههههه هكمل. اما اروح اعمل حركه جديده يمكن تلين يلا امشي
عز _ خلي بالك حب بس
فهد _ انت عارفني اخري حب وبس
بيقفل معاه وبيطلع عند نور ويدور عليها مبيلقهاش. ينزل بسرعه علشان يشوفها في الشارع وبردو ميلقهاش
فهد بغضب _ هربت يلعن ابو كده
بيرجع تاني وهو مضايق وبعد شويه الباب بيخبط ويروح يفتح يلاقيها هي
فهد _كنتى فين
نور _ كنت بشتري حآجه
فهد بزعيق _ومقولتليش ليه

 

 

نور _انت بتزعق ليه دلوقتي
فهد _ علشان انتي ملزومه مني ولو حصلك حآجه انا اللي هتسأل عليكي
نور _ لا على فكره انا مش. ملزومه منك ولا اخصك فى حآجه
فهد _طالما معايا تبقي ملزومه مني واخره مره تخرجي لوحدك
نور _ ليه دا كله وانا روحت فين يعني كلها كيلو ورجعت
فهد _وهببتي ايه فيه الكيلو ده
نور بإبتسامة _ كنت بجيب حاجه هتعجبك
فهد _ ايه
نور _ روكي تعاله
بيدخل كلب نفس نوع الكلب بتاعه ويجري لجوه
فهد _ بتاع مين ده
نور _ بتاعك انت
فهد بإبتسامة باهته _ وجبتيه ليه
نور _ لقيتك كل ليلة تنكد على نفسك بصور روكي القديم ف جبتهولك
فهد يروح عند الكلب ويلاعبه بإبتسامة _ دا زيه بالظبط
نور _ونفس الاسم كمان … روكي تعاله
فهد _ ههههه وكمان بيسمع الكلام
نور _ ايوه زكي جدا انا فضلت العبه قبل ما اشتريه
فهد _ الا صحيح انتي اشترتيه منين دا نوعه غالي
نور _ ما انا غنيه
فهد _ جبتيه وبكام

 

 

نور _محدش يسال عن سعر الهدية . يلا حميه وسشوره وانا هروح اخد الهدوم فومين… عندك هدوم عاوزة تتغسل؟
فهد بإبتسامه _ كمان . لامعنديش متشكر
نور _ تمام . يلا اسيبك
فهد بإبتسامه _ شكرا يا نور
نور بإبتسامة_ ع فكرة دي هديه لكسر العين علشان تهدا شويه من نحيتي وتبطل حركاتك معايا
فهد _ ههههه احرجتيني تصدقي
نور بإبتسامة _ طيب يلا باي وبتمشي وتسيبه
فهد _ ههههه عرفت تتقي شري مهزء انت يافهد وبيضحك عليك بسهوله
نور بتدخل اوضتها فوق السطوح وهي مبتسمه _ فرح اوي بالكلب.. طلع كيوت امال كان عامل فيها عشماوي ليه هناك
فيلا نادر
جيلان بتتصل ب أدم
ادم _ ايوه يا جيلان
جيلان_ لقيت حل ولا لسه
ادم _ مفكرتش اصلا ولا عارف افكر دلوقتي
جيلان_ ليه كده
ادم_ شوية مشاكل في الشغل
جيلان_ ولا يهمك
ادم_ استحمليني يومين وبعدين هنفكر نعمل ايه
جيلان_ خد وقتك
ادم_ متشكر.. هكلمك بعدين
جيلان_ اتفضل

 

 

بتقفل معاه وتطلع علي البلكونة وتبص على الاستراحة تلاقى عز واقف برة وبيبص على البلكونة واول ما بيشوفها بيبص بعيد
جيلان محدثه نفسها _ انت ازاي قادر تحبني بعد اللي حصل واحد غيرك كان قرف مني اذا كنت انا قرفانه مني
بتفتح الواتس وتبعتله
جيلان_ عامل ايه دلوقتي
عز بيفتح الرسالة من غير ما يبوصلها _ بخير وانتي
جيلان_ مش كويسة
عز _ سلامتك مالك
جيلان_ مش مرتاحه كده شكلي داخله علي دور اكتئاب
عز _ متسبيش نفسك ليه ده مش كويس علشانك
جيلان _ اعمل ايه طيب
عز _ اشغلي وقتك باي حآجه ومتفكريش كتير
جيلان بدموع _ مش عارفه اشغل نفسي ولا مفكرش في حآجه.. حقيقي انا متبهدله من جوه ياعز
عز يبصلها بقلق _ ودا ليه طيب
جيلان بدموع _ بسبب اللي حصل مبقتش واثقه في نفسي ولا بقا ليه رغبه لاي حآجه
عز _ انتي لسه صغيرة وكلنا بنغلط المهم منوقفش علي حآجه ونتعلم من غلطنا
جيلان بدموع _ مش عارفه أعمل اللي بتقول عليه ده
عز _ طيب ايه رأيك تخرجي انا هكون المرافق ليكى
جيلان _ ياريت
عز _ طيب خدي الاذن من نادر باشا وانا هجهز
جيلان _ بس انت تعبان
عز_ انا بقيت كويس

 

 

جيلان بإبتسامة_ ماشي هسألو واجيلك
بتروح لنادر وهي متحمسه للخروج
جيلان بتردد _ بابا
نادو _ عاوزة ايه
جيلان _ عاوزة اخرج شويه
نادر _ عاوزة تخرجي علشان تهربي مع واحد تاني
جيلان بدموع_انا اتخنقت من قعده البيت عاوزة اطلع اشم شويك هوا
نادر بحده _ مفيش خروج انتي هتفضلي محبوسه في اوضتك لغيت ما تجوزي. ومش عاوز اشوفك تاني
جيلان ببكاء_ انا ندمت علي اللي عملته هتفضل تعاقبني لامتي
نادر_ اقل عقاب ليكي الموت بس انا رحمتك. واحده شيطانه زيك مينفعش معاها الدلع كان لازم اكسرك من الأول قبل ما تجبيلي العار وسط الشغالين..
جيلان ببكاء_ اعمل ايه طيب علشان نرجع زي الأول
نادر_ عمرنا ماهنرجع زي الأول انتي لولا انك بنتي كنت رميتك في الشارع.. يلاااا علي اوضتك ومتخرجيش منها
جيلان بدموع_ حاضر
وبتدخل اوضتها وتروح للبلكونه وتبص لعز الي واقف مستنيها وتعمله إشارة بأنها مش هتخرج وتقفل الشباك وتنام على السرير
عز يبعتلها رساله _ انسه جيلان روحتى فين
بعد شويه بترد عليه _ بابا رفض… هنام دلوقتي
وبتقفل التليفون وتاخد منوم وتنام
عز يحدث نفسه بقلق_ بداية مطمنش،

 

 

في المستشفى
بيفوق شامي يلاقي نفسه متركبله محاليل بيقوم بسرعه ويشيلهم
الممرضة_ بتعمل ايه انت لسه تعبان
شامي_ بقيت كويس. وبيبص لشنطة ناردين اللي سابها يامن وياخدها ويمشي من المستشفى خالص ويحدث نفسه _ اتخطفت وهي قدام عينك يا خيبتك انت متنفعش شرابة خرد مش سواق
في فيلا صلا
حد بينزل ناردين قدام البيت وهي بتدخل وشكلها تعبانه ومتبهدله
صلاح _بنتي انتي كويسه
ناردين بدموع_ كويسه
ادم باهتمام_ حصلك حآجه عملو فيكي ايه
ناردين_ ولا حآجه محدش قربلي. حد لحق شامي؟
صلاح بغضب _ هو فين الحيوان ده انا هقتله عشان اهماله
ناردين بدموع_ اتضرب بنار وهو بيدافع عني ومعرفش حصله ايه تانى. الحقو يا بابا الله يخليك
صلاح_ خليه يموت لما هو مش قد المسؤليه بيشتغل عندي ليه
ادم_ بتقولك اتضرب بنار علشانها يا بابا
صلاح_ ما يضرب ولا يولع دي اقل حاجه ممكن تحصله
ناردين بانفعال_ هو ذنبه ايه يدفع تمن غلطتك مش هما خاطفوني علشانك
صلاح يضربها بالقلم_ وانتي بتدافعي عنه ليه ها انا ملاحظ انك اتغيرتي من ساعه ما ظهر
ادم يركز في كلام صلاح _ صحيح يا ناردين انتي مبقتيش زي الاول من ساعه ما ظهر
ناردين ببكاء_ مفيش حآجه بس ربنا ميرضاش بظلم وحد يخسر حياته بسببنا
بيدخل شامي ويبصل لناردين _ حمدالله علي سلامتك
ناردين تروح عنده بقلق _ حصلك ايه

 

 

شامي _ جت سليمه.. انا اسف مقدرتش اكون قد المسؤليه
ناردين بدموع_ انا اللي اسفه بجد
صلاح يروح عندها ويشدها من ايدها ويبص لشامي بغضب _ آدم دخلها جوه
ادم يمسكها ويبعد عنهم شويه
ناردين بدموع توجه كلامها لا أدم _ هو معملش حآجه متخلهوش يأذيه
ادم بهمس_ طيب اسكوتي انتي عكيتي الدنيا بتبكي عشان السواق.. ربنا يستر وميقتلهوش
ناردين تحط ايدها علي فمهما وتبكي وتبص لشامي
صلاح بغضب_ خطفوها وانت معاها وجتلك الجرائه ترجع مش خايف اقتلك
شامي_ اسف صلاح باشا كان غصب عنى زي مانت شايف خدت رصاصه في كتفي
صلاح بغضب_ كان المفروض تيجي في قلبك… امشي مش عاوز اشوفك هنا تانى
شامي بخيبه _ اوامرك.. اتفضل دي مفاتيح العربيه. وشنطة الهانم وقبل ما يمشي يبص لناردين اللي واقف وبتبكي ويحدث نفسه… مكنتش قد حمايتك مستاهلش اكون معاكي تاني
صلاح بزعيق_ واقف ليه ما تمشي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هذه ليلتي)

اترك رد