رواية جاريتي 3 الفصل الثالث والعشرون 23 بقلم سارة مجدي
رواية جاريتي 3 الفصل الثالث والعشرون 23 بقلم سارة مجدي
رواية جاريتي 3 البارت الثالث والعشرون
رواية جاريتي 3 الجزء الثالث والعشرون
رواية جاريتي 3 الحلقة الثالثة والعشرون
جالسة فى غرفتها تشعر بالقلق لماذا وضعت فى ذلك الموقف امامه و ماذا كان يقصد حين قال
– انتِ مش مورطه أختك بس أنتِ مورطه نفسك كمان
ماذا يعلم هل قصت عليه ليل ما حدث هل طلبت منه العون …… من البداية كانت تشعر بعدم الأرتياح من تواجد ليل طوال الوقت مع عمتها ولكنها لم تتخيل ان تكون قد اخبرتها بما حدث ليل جبانة و خجولة و كلامها قليل …. اذاً كيف عرف زوج عمتها بما حدث و ماذا علم بالاساس هو لم يعقب على كلمات الرجل و لم يسألها عن الصورة
ظلت تسير فى الغرفة بتوتر تجمع كل الخيوط حتى تعلم اين هي و كيف تتصرف
جلست على السرير و هى تفكر أول شئ لابد ان الا تبدو ضعيفة وأن لا تهتز ثقتها فى نفسها و ذكائها لابد أن تجعل ليل تبدوا امام الجميع كاذبة عديمة الادب و الاخلاق حتى تنال من الجميع صفعة كالتى نالتها من والدها
ظلت تدور فى الغرفة وهى تفكر فى خطة ….. حين وقعت عينيها على هاتف اختها موصول بالشاحن لتبتسم بانتصار حين وجدت الفكرة التى ستجعل الجميع يشعر بالأحتقار تجاه ليل اغلقت الباب بالمفتاح ثم امسكت الهاتف و بدأت فى تنفيذ خطتها
••••••••••••••••••••••••
ظل الرجل ينظر الى الطبيب بصمت و دون ان يبدو على ملامحه اى شئ اقترب زين منه و جثى على ركبتيه امامه و قال
– احنا مقدرين صعوبة اللى بنقولك عليك كمان مقدرين خسارتك الكبيرة اللى لا يمكن تتعوض …. بس كمان ده أمل جوزها و بناتها مستنينه وحلم خايفين يقلب كابوس … حضرتك خسرت ولادك و مراتك وأكيد مقدر إحساس جوزها دلوقتى و بناتها … حضرتك بقيت وحيد لكن كلنا حواليك صدقنى حتى لو رفضت أنت بقيت فرد من عيلتنا احنا وولادنا ولادك وأحفادك واحنا هنفضل حواليك كمان اعتبرها صدقه جاريه على روح أولادك أنا و الله عارف انت بتتألم دلوقتى قد ايه أنا أب و فاهم مشاعرك بس أرجوك فكر أرجوك
كان الرجل يستمع لكلمات زين بصمت …و طال هذا الصمت حتى ظن زين و الطبيب ان ذلك الصمت رفض مؤكد كاد زين ان يقف حين قال الرجل
– عايز اشوفها
نظر اليه زين بحيرة ليقول الرجل من جديد
– عايز اشوف المريضة
استوعب زين الموقف سريعا و وقف على قدميه و اشار الى الرجل وهو يقول
– طبعا اتفضل
سار الرجل بتثاقل بجانب زين وخلفهم الطبيب يخيم على ثلاثتهم الصمت التام ولكن بداخل كل منهم صراخ و خوف رجاء و أمل تفكير عميق فى تدابير القدر و كيف يسير الله الأمور و الأقدار
وصلا امام غرفة الرعاية لينظر أيمن فى اتجاههم بصمت وعيونه بها من الشفقة و الرجاء مما يجعل من ينظر اليه يشفق على حاله و ما يدور بداخله من افكار الان
ظل الرجل ينظر الى أيمن بدون تعبير محدد وقال
– انت جوزها
هز ايمن راسه بنعم ليقول الرجل من جديد
– عايز اشوفها
اشار أيمن على النافذة الزجاجية و قال بصوت ضعيف
– اتفضل
هز الرجل راسه بلا و قال بأمر واهى
– عايز أدخل لها
نظر أيمن الى الطبيب الذى اقترب و قال
– اتفضل معايا من هنا
قام الرجل بتعقيم نفسه كما اخبره الطبيب و ارتدى الزى المناسب و دلف الى الغرفة ينظر الى ملك الموصولة بالأجهزة جسد هزيل ارهقه المرض و وجه شديد الصفار و صوت جهاز القلب بأصواته المزعجة اشياء جعلت قلبه يزداد الماً اقترب أكثر منها و وقف بجانبها مباشرتا وظل صامتاً يتأمل ملامحها الصغيرة و وجها البرىء الذى ذبل من شدة المرض ظل هكذا لاكثر من عشر دقائق ثم غادر الغرفة ليقف امام أيمن ينظر اليه بنظره غير مفهومه ثم قال
– أنا موافق
و غادر من امامهم دون ان يقول شىء اخر او يستمع الى اى شىء منهم
كان أيمن يشعر بالسعادة و الأمل و ايضا يشعر بحزن شديد على ذلك الرجل اقترب من الزجاج و قال بابتسامة و عيون دامعة
– خلاص يا ملك هترجعيلى من جديد خلاص … خلاص
ليربت زين على كتف ايمن وقال
– مبروك يا صاحبى … ربنا يطمنا عليها و العملية تنجح و ترجعلنا بالف سلامة
نظر اليه أيمن بابتسامه وهز رأسه بنعم ثم قال
– زين انا مش عايز اسيب الرجل ده احنا لازم نقف جانبه … نكون ولاده بدل اللى راحوا جميله كبير و مفيش حاجة ممكن تسده
ليبتسم زين ابتسامة صغيرة وقال
– متقلقش يا صاحبى انا كمان كنت مقرر كده
اخذ أيمن نفس عميق به بعض الراحه ثم قال
– طيب انا هروح البيت افرحهم و اجيب شوية هدوم لملك و ليا و ارجع على طول ماشى
هز زين رأسه بنعم ليغادر أيمن سريعا حتى يطمئن بناته انه اصبح هناك أمل كبير فى عوده أمهم اليهم و عودة سعادتهم و ايضا عودتهم الى بيتهم
••••••••••••••••••••••
طرقات على باب الغرفة فتحته لتجد عمتها و زوجها و ليل دلفوا الى الغرفة و اغلقوا الباب خلفهم ليجلس سفيان على السرير مقابل شمس و جلست مهيره بجانبه و ظلت ليل واقفه بجانب السرير و بجانب عمتها
وكانت شمس تجلس بثقة وثبات تنظر اليهم بقوة جعلت سفيان و مهيره يشعرون بالاندهاش و لكن كل شىء سوف يتضح الان
فتحت مهيره هاتفها قال وهى تديره الى شمس
– ممكن نفهم ايه ده ؟
نظرت شمس الى الصورة بصدمة وقالت بحزن مصطنع
– هى الصورة دى وصلتك انتِ كمان يا عمتو انا حاولت بكل الطرق انها ما توصلش لحد فيكم و قولت الحمد لله ان عمو سفيان راح معايا للرجل اللى صور الصورة علشان يبطل يبتز ليل لكن واضح كده ان الموضوع كبر
كان سفيان و مهيره ينظران اليها باندهاش و كانت ليل تنظر اليها بصدمة و قالت
– بس اللى فى الصورة دى مش انا
رفعت شمس عيونها الى ليل و قالت
– هو انتِ امتى بقا هتعترفى بغلطك … هو انا هفضل الم وراكى اخطائك … انت بجد
صمتت لثوانى ثم اكملت بضيق مصطنع
– انا مش قادرة الاقى وصف ليكى و لكل تصرفاتك
صدمة.. صدمة كبيرة على الجميع و ايضا لذلك الواقف خلف الباب يستمع الى ما يدور داخل الغرفة ام يدلف مباشرة حتى يستمع لما يحدث عله يفهم ما يحدث مع بناته
وقف سفيان وقال بجديه
– شمس انا سمعت الراجل و هو بيهددك وهو ما اتكلمش عن ليل خالص
لتنظر شمس الى سفيان و بنظرات بريئة و دامعة قالت
– يا عمو انا كنت بحاول امنعه يوصل لبابا علشان ما يقولش حاجه عن صورها اللى معاه
لتصرخ ليل و هى تقول
– صور ايه … انا مش بتصور اصلا انا مش بحب الصور و مخرجتش قابلت جواد
لتقترب منها شمس وقالت بغضب كبير
– بطلى كذب بقا … كفاية الصور القذرة اللى على تليفونك و شوفى بقا بتبعتيها لمين
لتقف مهيره سريعا و امسكت شمس من ذراعها وقالت بغضب
– ايه يا بنت اللى انت بتقوليه ده عيب كده
لتسحب شمس يدها من يد عمتها و امسكت هاتف ليل و مدت يدها به اللى اختها و هى تتصنع عدم معرفتها بكلمه السر و قالت
– افتحى تليفونك
امسكت ليل الهاتف بيد مهزوزة من اثر ما قالته اختها عنها وفتحته لتسحبه شمس من يدها سريعا و فتحت معرض الصور و اظهرت صور كثيره لجسد فتاه و مفاتنها ظاهرة بوضوح و بشكل فج و قالت
– شوفى يا عمتو شوف يا عمو مصورة نفسها ازاى ؟
لتشهق مهيره بصدمة وابعد سفيان عينيه سريعا و ظلت ليل تهز راسها بلا حين ظلت شمس تقول
– شوفتوا بقا انها انسانة قذره و قليلة ادب شوفت يا عمو انك ظالمنى شفت مصورة نفسها عريانة ازاى و ياعالم بقى هى كانت بتصور نفسها كده لنفسها و لا بتبعتها لاحد
الى هذا الحد لم يستطع أيمن ان يظل بالخارج و دلف الى الغرفة بقوة و على وجهه معالم الغضب و يبدوا عليه انه استمع لحديث شمس يقترب من ليل ينوى الفتك بها ليقف سفيان سريعا امام ليل يمنع أيمن من الوصول اليها
– انتِ بتعملى كده يا ليل انتِ بتعرى جسمك للى يسوا و ما يسواش انتِ ليل
كان سفيان ممسك به بقوة وهو يقول
– اهدى أيمن لما نفهم المواضيع متتحلش كده
ليصرخ أيمن وهو يقول
– اومال تتحل ازاى …. بنتى بتصور نفسها عريانة زى
لتصرخ مهيره قائله
– بس ولا كلمه
كانت شمس تتابع ما يحدث بنظرات انتصار خطتها نجحت و اخيرا
ضحكت ليل بصوت عالى و بشكل هستيرى جعلت الكل ينظر اليها باندهاش و صدمة وبعض الشفقة رغم كل شىء و اقتربت خطوتان و هى تقول لوالدها بصوت لا روح فيه
– تعالى اضربنى زى المرة الى فاتت من غير ما تتأكد تعالى اغسل عارك و شرفك
ثم نظرت الى عمتها التى تنظر اليها بحيره وقالت برجاء
— انت لا يا عمتو انا مليش غيرك
لتقترب منها مهيره و ضمتها بحنان و قالت
– طيب قوليلى الكلام اللى شمس بتقوله ده ايه و الصور اللى على تليفونك دى ايه كمان
نظرت ليل الى اختها بنظرات لا روح فيها و امسكت الهاتف من يدها كل ذلك وأيمن يغلى غضبًا و يقول كلمات كثيره جارحة و يلوم و يعاتب اظهرت ليل صورة من ضمن الصور لمحتها وشمس تريهم الى عمتها وزوجها و قالت
– شايفه الصورة دى يا عمتو
نظرت مهيره الى الصورة ثم قالت بنفاذ صبر وضيق
– ايوه مالها
لتشق ليل بلوزتها المنزليه ليظهر جسدها امام عمتها وقالت
– فين الحسنه اللى فى الصوره … انا معنديش حسنات فى صدرى
كان الجميع يشعر بالصدمه من تصرف ليل و لكنهم انتبهوا لكلماتها حتى شمس ظهر التوتر و القلق على ملامحها لينتهز أيمن الفرصه و اقترب من ابنته وامسك الهاتف دون ان ينظر الى الصور فهو لن يتحمل المنظر و قال لمهيره
– حقيقى يا مهيره …. اللى بتقوله صح
هزت مهيره راسها بنعم لتقول ليل
– بس شمس عندها
لتتحول الأنظار كلها الى شمس التى تتراجع الى الخلف بتوتر وقلق و هى تنظر الى الجميع ليقول أيمن برجاء والم
– مهيره شوفى شمس اتأكدى
اقتربت مهيره خطوة واحدة لتصرخ شمس قائلة بغضب حقد و غل
– ايوه صورى …. وانا اللى اتصورت مع جواد … علشان اكرهكم فيها هى ولا حاجه جمبى انا الكل بيحبنى انا اللى الكل يتمنى رضايا لكن السهتانة دى ليه موجودة فى حياتي ليه … ليه تشاركنى حب بابا وماما ليه تشاركني فى اوضتى ليه ديما اتقارن بيها دودة الكتب دى فى المدرسة و البيت و بين اصحابنا ايه … انا شمس اللى الكل يتمنى يقرب منى انا و بس
كان أيمن يشعر بالصدمه حقا ما كل ذلك الحقد و الغل الموجود بداخل ابنته متى زرع كل ذلك بداخلها و ماذا فعل هو وملك حتى يكون بداخلها كل ذلك الكره لتوأمتها
اقترب منها و هو يقول
– انت مريضة … انت اكيد مش طبيعية عملنا ايه احنا علشان تبقى كده اختك عملتلك ايه
– بكرههااااااااااااااااااااااااا
اجابته بصوت عالى يصل الى حد الصريخ ليرفع يديه ويصفعها بقوه لتسقط على السرير فى نفس اللحظه التى ارتضم جسد ليل بالارض
••••••••••••••••••••••••••
كان الموقف بكل المقاييس لا يوصف مؤلم و قاسى صدمة قوية ان تكتشف ان ابنتك بها من الحقد و الغل و الغرور ما يصل بها لتدمير اختها
كان الجميع يجلس فى غرفة الجلوس الصغيرة الواقعة بين غرف النوم فى الدور الثانى … فأصواتهم العاليه وصلت لفرح و زينة الذان يجلسان الان صامتان بعد ان حاولت فرح ان تظل جوار شمس و صرخت بوجهها ان تتركها بمفردها و لولا سفيان لعاد ايمن اليها و ضربها من جديد
كان الجميع ينتظر خروج الطبيب من غرفه سفيان الذى نقل اليها ليل بعد ان فقدت وعيها
خرج الطبيب من الغرفه و وجهه غير مفسر لم يستطع أيمن الأقتراب من الأساس قدميه لم تعد تحمله ليقف سفيان امام الطبيب و قال
– خير يا دكتور
نظر الطبيب الى سفيان بضيق شديد و قال
– انهيار عصبى حاد …. ايه اللى يوصل طفلة للحالة دى انا مش قادر افهم
نظر سفيان الى مهيره التى نظرت الى أيمن الجالس منكس الرأس ليقول الطبيب من جديد
– محتاجة هدوء و بلاش توتر و الأدوية دى تتاخد بأنتظام و لو الموضوع طول ممكن تكون محتاجه دكتور نفسي
صمت تام ان ما يحدث حقا كثير وغير متوقع
غادر الطبيب لتأخذ فجر الورقه المكتوب عليها الوصفات الطبيه و قالت
– هخلى السواق يجيبها
لم يعقب احد على كلماتها لتجلس مهيره بجانب اخيها ليضع رأسه على كتفها و بكى وااااه من ما يشعر به من قهر و المر شعرت زينة بالإحراج من الموقف فغادرت بهدوء ليجلس سفيان يحاول ان يجمع الخيوط داخل راسه و يفكر فى حل لكل ذلك فشمس ايضا بحاجه لعلاج نفسى الفتاة لديها غرور و هوس يصل حد المرض
هدء بكاء ايمن و ابتعد عن كتف اخته لتقول فرح بهدوء
– ايمن حاول تتمالك اعصابك احنا عارفين ان اللى بتمر بيه مش سهل بس كلنا معاك كلنا أخوات و عيلة واحدة و ايد واحدة
نظر اليها بعيون تحمل اثار الدموع و قال
– انا مش عارف اعمل ايه … انا كنت جاى فرحان لقينا متبرع لملك و خلاص هتعمل العملية و ترجعلنا انصدم فى اللى حصل ده …. أنا مش عارف اعمل ايه
اعتدل سفيان فى جلسته واخذ نفس عميق ثم قال
– أيمن لا العنف و لا الضرب حل ومش هسمحلك مره تانيه تمد ايدك على بنت من البنات مهما كان غلطها لان القصة مش بتنحل بالضرب
لم يعقب ايمن على كلمات سفيان و ظل صامت ليكمل سفيان
– شمس محتاجه تعامل خاص احنا محتاجين دكتور علشان نعرف نتصرف صح و الموضوع ميكبرش عن كده
هز ايمن راسه باستسلام ليربت سفيان على قدم أيمن و قال
– ركز أنت فى عملية ملك خلينا نطمن عليها و انا هشوف دكتور نفسى كويس
خيم الصمت على الجميع لتقول فرح بشفقة
– قوم يا أيمن ارتاح شويه و أنا هروح لزين المستشفى علشان تبقى مطمن
– ايوه يا ايمن قوم ارتاح شويه انت محتاج تنام و ترتاح علشان تقدر تواصل و تتحمل اللى جاى لان اللى جاى مش سهل ابدا
قالتها مهيره وهى تربت على كتف اخيها الذى نظر اليها بحزن ثم وقف وتوجه الى الغرفة التى كان ينام فيها قبل دخول ملك الى المستشفى
لقد تحولت حياته الهادئة المميزة لكابوس مزعج لا نهاية له زوجته تصارع الموت و ابنتيه ينتحران و تكن أحدهن للاخرى الكره و الحقد و شركته لا يعلم عنها شىء منذ دخول ملك للمستشفى تمدد على السرير بملابسه بعد ان خلع حذائه فليس لديه الطاقة و لا قدرة لفعل اى شىء
•••••••••••••••••••••••••
خرجت من الغرفة تحاول التماسك فمن كان معها تلك الليله لم يتركها الا وكل جزء من جسدها يقطر دما تنظر اليه بوهن و اقتربت منه دون ان تستر جسدها بشىء سوا مأذر مفتوح جلست على الكرسى المواجه له و قالت بوهن
– هو مش خلاص بقى … و كفايه كده و لا ايه
نظر اليها بابتسامة استهزاء ولم يجيبها لتقول من جديد
– مشبعتش انتقام …. مأخدتش حقك موت اخوك و ابن اخوك دبحته بسكينة باردة قبل ما يموت و انا و ضيعتنى و مسحت بيا الارض و بنتى ضاعت منى
ليضحك اشرف بصوت عالى ثم قال بنوع من السخرية
– متقلقيش على بنتك شوية و تلاقيها قدامك
لتظهر معالم الصدمة على وجهها فرغم ابتعاد نور عنها الا انها بعيدة عن يد اشرف و هذا افضل بكثير ليظل يبتسم باستخفاف دون ان يحيد بنظره عنها
•••••••••••••••••••••••••
قبل ذلك بقليل كانت تجلس ارضا داخل الشرفه تنظر الى السماء فى عادة اكتسبتها منذ سكنت تلك الشقة لا تعلم اذا كانت تدعوا الله دون ان تشعر ام تفكر فى كل ما حدث لها اليوم لم يمر صهيب عليها كعادته انها لا تفكر حتى فى لومه انها تريد ان تجد طريقة تشكره بها فما فعله معها لم يفعله احد ولن يفعله احد طرقات على الباب اخرجتها من افكارها توجهت الى الباب ظنا منها انه صهيب و لكن حين فتحت الباب دلف رجلان ضخام الجثة امسكا بها و سحباها خارج الشقة لم تستطع المقاومة نزلا بها الى الشارع ليقف الحارس ينظر اليها بصدمة و لكنه لم يتسطع ان يفعل شىء فالرجلين يبدوان من رجال العصابات و هو لن يستطيع مواجهتهم
و ضعوها داخل سيارة و جلسوا بجانبها و كان هناك ثالث يجلس خلف المقود انطلق بها من فورا كانت هى تشعر بالخوف بالصدمة و لا تعلم من هم او الى اين يأخذونها و لكنها تشعر بشعور غريب و كأنها ذاهبه لمكان مميز …. او لرؤية شخص مميز
•••••••••••••••••••••••••••
انتبهت من افكارها على وقوف السيارة اسفل بيت والدتها و عمها ليتأكد احساسها ها هى عادت الى هنا من جديد فاليوم اذا يوم الخلاص من كل ما مضى
صعدت الى الشقة و ذلك الرجل يمسك ذراعيها و هى لم تتذمر او تعترض
طرق الرجل الذى بجانبها الباب ليبتسم أشرف و هو يقف على قدميه يفتح الباب و اغلقت منال مأذرها و وقفت بلهفة حين دلفت نور بجوار ذلك الرجل التى تعرفه جيدا انه احد بلطجيه الملهى الليلى الذى يجبرها أشرف على العمل به همست بأسم ابنتها ولكن نور لم تنظر اليها لتخفض منال راسها مع هطول عدة دمعات لا تساوى شىء امام تلك الواقفة امامها لا تشعر تجاه تلك السيدة بأى مشاعر سوى الكره ضحك أشرف باستهزاء
وهو يقول بسخرية
– عودة الابن الضال و لا البنت مش فارقة كتير
هزت نور راسها و قالت بسخرية مشابهة
– فعلا مش فارقة بس احنا هنتكلم فى وجود الاخ ده و لا ايه ؟
واشارت الى من يمسك ذراعها ليشير له اشرف بالانصراف وهو يقول
– لا طبعا … ده احنا بنا كلام كتير لازم يتقال
اغلق ذلك الشخص الباب خلفه ليقول اشرف وهو يشير لها بالجلوس
– عايزين نتحاسب ما هو مش معقول كل الفترة اللى فاتت دى تكونى عايشة فى خير الواد اياه ده وانا منولش من الحب جانب
قطبت نور حاجبيها بعدم فهم ثم قالت بأندهاش
– هو انت فاكر انى كنت عايشة معاه فى الحرام و بستغله وباخد منه فلوس ليه هو انت فكرني زيك
ليقترب منها و هو يقول بسخرية
– اومال كان بيصرف عليكى شفقة و لا كان عايش معاكى زى اخوكى
شعرت ان النقاش مع ذلك الشخص الذى لا يفكر سوا بنصفه السفلى و لا يرى الناس سوا رجل و أمرأة و متعة محرمة و مال كثير لن تخرج بها بأى شىء مفيد اغمضت عينيها وهى تتذكر كل ما فعله معها صهيب دون غرض او نية سيئة و لأول مرة منذ زمن طول تدعوا الله من قلبها حتى يحميه و يسعده فتحت عيونها و نظرت الى اشرف وقالت
– ايه رايك نخلى النهاردة يوم الحقيقة … انا نفسى افهم انت دمرتنا كلنا ليه قتلت اخويا و ابويا و ضيعتنى زرعت امى فى وحل القذارة و الجنس انت ايه و ليه عملت كل ده ؟
جلس اشرف على الكرسى المواجه لنور و جلست منال على الكرسى البعيد عنهم و وضعت راسها بين يديها بهم فما سيحدث الان تحملت من اجله كل ما حدث لها طوال كل تلك السنوات الحقيقة المؤلمة
ظل اشرف ينظر الى نور ثم قال
– ابوكى اخد منى كل حاجة و كان لازم انتقم منه واخذ منه كل حاجه واضيعه زى ما انا ضعت …. من صغرى كل حاجة جدك كان بيحب ابوكى اكتر من اى حد كل الحلو لابوكى و الشقى و التعب و الذل ليا ….. التعليم لمحرم و اشرف لا محرم يركز فى الدراسة و ميشتغلش واشرف يشتغل و يشوف كل طلبات أخوه حتى لما حبيت أخدها منى و مع ذلك لا هو طالها و لا انا ماتت ماتت وهى على اسمه بعد ما كنت بحلم بيها طول عمرى ابوكى اخد مني كل حاجه اخد مني كل حاجة و كان لازم ارجع حقى كان لازم أخد كل حاجة معاه ولاده و بيته و مراته و عمره و شرفه انا مش بسيب حقى أبدا …. أبدا
كانت نور تستمع اليه بصدمة غير مستوعبة هل لتلك الأمور دمر حياتهم بالكامل و أضاعهم فى وحل الأخلاق و ذبح أرواحهم على أبواب الشرف
– أنت علشان كده اعتديت على اخويا و تجارت بلحم مراتك و ضيعتنى
ليضرب يد الكرسى بيده وهو يقول
– وانتِ مفكرتيش للحظه انا إزاى بقيت كده ازاى بقيت قواد راجل عايش من لحم الحريم تحت امر الزبون اللى عايز واحدة متجوزة و جوزها يقعد يتفرج و الى عايز بنت بنوت و اللى عايز واحدة عندها عيل انت مفكرتيش انا بقيت كده ازاى كان لازم أخد تارى مهما كان التمن
جحظت عينيها من صدمتها بكلامه ليكمل هو بغل و غضب
– حتى ابويا مفكرش انا كنت بشتغل ايه و بجيب الفلوس منين …. انا أقولك دلوقتى …. صاحبى جابلى شغل فى الكباريه كنت بلطجى و هناك بقى اتعرفت على طوب الارض ناس عليوى أوووى و بلساني الحلو و المططيه شويه بشويه بيقت الأيد اليمين لصاحب المحل و شويه و شاركته و كل ده بقى و أنا بجيب بنات تشتغل و أخد فلوس كتير كتيرررر أوووى أبوكى اتعلم و نجح و اتجوز و خلفكم و أنا كل يوم بغرق اكتر في بير القذارة و العهر كل يوم بفقد حته مني و من رجولتى لحد ما بقيت أشرف
وقال الاخيرة بسخرية شديده واستهزاء و هو يضرب صدره بقوة
ظلت نظراتها معلقه به ثم نظرت إلى أمها وقالت بسخرية
– هو وابوه اللى ضيعه و غضبه من ابويا خلاه ينتقم وانتِ بقى ايه مبرراتك اللى وصلتى ليه انتِ كمان كنت عايزه تنتقمى من بابا ……بابا اللى كان مستتك و مريحك و بيحبك
شهقت منال بصوت عالى وهى تهز راسها بلا ثم قالت دون ان تظر الى ابنتها
– انت مش عارفه حاجة يا بنتى اصلا انا كنت بنت من بنات أشرف اللى كان بيجيهم فى الكباريه اصلا هو كان بيجيب البنات بطريقه محترفة يرسم الحب و الغرام و يوصلها للسرير و يصورها من غير ما تعرف و بعدين يهددها و يسحبها على الكباريه بس انا بقا كنت غالية عنده شوية فقرر يخلينى محظيته هو بس و وقتها أبوكى شافنى حلمت بحياة نظيفة حياة كنت بحلم بيها من يوم ما وعيت على الدنيا حاولت انسى أشرف و اللى حصلى و عيشت مخلصه لأبوكى و عشت عمرى معاه ست محترمة و لو كان فضل عايش كنت عشت عمرى كله تحت رجليه و رجلك انتِ و أخوكى
لتضحك نور بصوت عالى ضحك هستيرى جعل الاثنان يشعران بالاندهاش اليها والصدمة و القلق
•••••••••••••••••••••••••••
وصل صهيب الى الشقة بعد اتصال البواب به و اخباره بما حدث وقف امامه يسأله بصوت لاهث
– ايه اللى حصل
قص عليه كل ما حدث صعد سريعا الى الشقة ليجد الباب مفتوح و لا وجود لعنف او كسر بالباب عاد بنظره الى البواب و سأله
– امتى حصل الكلام ده
– من ساعة
ليصرخ فى وجه الرجل وهو يقول بعصبية
– و لسه فاكر تتصل بيا دلوقتى
و تركه و غادر سريعا و هو يتصل بالدكتور اكرم يخبره ما حدث و شكه فى عمها اخبره اكرم ان يذهب الى هناك و سيتصل هو بالشرطة و يلحق به و بالفعل و صل صهيب الى هناك وطرق الباب بعنف و قوة ولكن لا احد يفتح الباب ليضربه بكتفه بقوة ليفتح الباب و يقف مكانه فى ذهول مما يرى
نور تجلس ارضا وجوارها جثه اشرف المطعون بسكين مطبخ فى منتصف صدره و والدتها تحتضنها و تبكى بصوت عالى بقهر وحزن
و فى تلك اللحظه وصل أكرم و معه الشرطة لتلتفت هى تنظر اليه بأبتسامة واسعة رغم احمرار عينيها و الدموع التى تغرق وجهها وقالت
– قتلته …. قتلته واخدت حقى و حق ابويا و حق اخويا
كان صهيب ينظر اليها و هو يشعر بالم قوى فى صدره نار تحرقه هو الان تأكد انه يحبها الان اكتشف انه و من أول لحظه وقعت عينيه عليها وقع اسير حبها و اراد بشده إخراجها من ذلك الوحل الذى سقطت فيه
اشار الضابط الى العساكر التى تقف خلفه ان يحضروها ليقول اكرم موضحا
– انا قولت لحضرتك انها مريضة نفسية و
ليشير اليه الضابط بالصمت و قال بتسميه شديده
– والله انا قدامى جريمة قتل و اعتراف من القاتلة كمان التحريات و التحقيقات لازم تتم و القاضى بقى هو اللى يحكم
قال اخر كلماته بابتسامه صفراء .. ليظهر الضيق على وجه اكرم مما يحدث لو فقط حضروا ابكر من ذلك و منعوها من قتله
و كان صهيب فى عالم اخر يشعر بالصدمة و الجنون و الرفض التام لما يحدث تحرك خلفها بعد ان سحبها العسكرى من حضن والدتها و سارت هى معه مستسلمة تماما و قبل ان تغادر الشقة نظرت اليه وهو ينظر اليها بصدمة و غير استيعاب و قالت
– انا مش عارفة اشكرك ازاى … انت اكتر حد وقف جمبى و ساعدنى انت جميلك هيفضل دين فى رقبتى و لو مقدرتش فلينا لقاء قدام الملك الجبار .
صمتت لثوان ثم قالت
– اشوف وشك بخير .
و سارت مع العسكرى ليحاول صهيب اللحاق بها ليمنعه اكرم و هو يقول
– محتاجين محامى شاطر ضرورى يا صهيب الموضوع مش سهل
لينظر اليه صهيب بتشتت ثم هز راسه بنعم ليغادروا الشقة تاركين اشرف و بجواره احد العساكر بعد اخذ نوال ايضا فى انتظار الطب الشرعي
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية جاريتي 3)