رواية ونحب تاني ليه الفصل العاشر 10 بقلم منة الهواري

” نادر و هدي مشيوا و فضل نور و مازن الي اخدها علي مكتب باباها و علمها كل حاجه و قلها لما تخلصي تعالي علي المكتب عشان اشوف شغلك و افرجكك علي اللجأ”

.

.

.” بعد مرور ساعتين في مكتبها و خلصت و راحت مكتبه بس قبل ما تخبط علي الباب سمعت صوته بيقول “

_انتي اتجننتي ، ازاي دا يحصل 

_ معرفتش اتصرف و حضرتك ماكنتش موجود كنت مسافر 

_ طب تعالي و رايااا ، هيا فين ؟!

” فتح الباب و لقي نور واقفه علي الباب “

_مازن: نور في حاجه انتي من هنا من امتي 

“نور. هي بتبص لل بنت الي واقفه ورا مازن “

_نور: مين دي ؟! ، وايه الي انا سمعته ده 

_مازن : دي ياسمين الداده الي مسؤوله عن باقي الدادات و الأطفال برضوا بس

_نور : طب الكلام الي انا سمعته ده ماعانا ايه 

_مازن: دي بنت هنا في الملجأ تعبت معرفش مالها 

_ياسمين اتكلمت: هي كانت عندها سخونيه بس مش جامده اديتها خافض حراراه و عملتلها كمادات مياه ساقعه بس السخونيه منزلتش 

_نور : وازاي ساكته كده كنتي جيبتي الدكتور 

_ياسمين: الدكتور الي مسؤول عن الاطفال تليفونه مقفول و معرفتش اوصله 

_نور : تعالي وريني هيا فين ، و شوف يا استاذ مازن فين الدكتور

_مازن: هشوفه حاضر ، فين يا ياسمين البنت 

” ياسمين اخدتهم و وريتهم اوضه البنت “

_ياسمين : البنت اهه 

“نور و مازن قربوا منها بنت جميله جداا، شعرها لونه بني و عيونها لونها عسلي و ملامحها جميله جداا عندها خمس سنين”

_نور ل بنت: اسمك ايه يا جميله انتي 

_ اسمي يارا ، و انتي اسمك ايه 

_نور وهي بتعقد جمبها: اسمك جميل اووي يا يارا ، انا اسمي نور 

_يارا بطفوليه: طب عمو القمر ده اسمه ايه 

“نور ضحكت و مازن كمان ، مازن قرب منها و قعد جمبها

_مازن: اسمي مازن يا قمر انتي 

_يارا: يعني انا جميله زي ما طنط نور بتقول كده 

_مازن: ايوه انتي جميله اوي كمان 

_يارا: طب ماما جميله  زي كده 

” مازن بص ل نور و حزن علي يارا ف اتكلمت نور بأبتسامه”

_نور: طبعا يا حياتي جميله زيك كده 

_يارا: طب هيا ماما مش هتيجي تاخدني 

_نور بتوتر: ماما هتيجي بس هيا مسافره و هتيجي ماشي ، قوليلي بقي يا قمر تعبانه مالك 

_يارا: معرفش بس جسمي سخن اووي 

_نور : متخافيش السخونيه هتروح دلقوتي ماشي 

_يارا: ماشي 

_ نور ل ياسمين : هاتيلي خل و مياه ساقعه و فوط صغيره يلا 

_ياسمين بأستغراب : حاضر هجيب 

“مشيت ياسمين و نور بصت ل مازن واقف بأستغراب”

_مازن: خل ايه ده يا نور الي هينزل السخونيه

_نور: خل المفيد جدا، لما كنت بتعب وانا صغيره بليل و بسخن بابا الله يرحمه كان بيعملي كمادات بالخل و المياه و يحط خل علي ايدي و رجلي و جسمي كله و بعد شويه السخونيه بتروح بس 

_مازن: الله يرحمه ، طب اعملي كده عقبال ما اتصل علي الدكتور سامح 

_نور : تمام 

“ياسمين جد و جابت الحاجه و نور طلبت من مازن يطلع بره و هو طلع و كلم دكتور سامح ، و نور بدأت تعمل كمادات ل يارا الي حبيتها جدا “

_نور ل ياسمين : الطريقه دي حلوه اعمليها مع اي حد سخن تمام 

_ياسمين: تمام هعمل كده ، هو حضرتك مين انا بشبه عليكي بس مش عارفه برضوا أنا شوفتك فين 

_نور بأبتسامه: أنا بنت الاستاذ حسام الله يرحمه ، و دا اول يوم ليا هنا 

_ياسمين : يا حول ولا قوه الا بالله،ربنا يرحمه ، انا اتشرفت بمعرفتك 

_نور : انا اكتر 

“ثانيه نعرف ياسمين بنت جميلة ، عندها حوالي 24 سنه ممكن تكون قد نور “

“في الجهه الأخري عند خديجه”

“خديجه صحيت 9 بالدقيقه كانت في الشركه ، سألت السكرتيره عن الاستاذ نوح قالتلها في مكتبه ، دخلت السكرتيره عند نوح و خبرته أن الانسه خديجه جت و بره “

_السكرتيره : الاستاذ نوح مستنيكي اتفضلي 

_خديحه : تمام 

” خبطت خديجه و دخلت بعد ما سمعت كلمه ادخل”

_نوح: مواعيدك مظبوطه بالدقيقة

_خديجه: دايما مواعيدي مظبوطه 

_نوح: عاجبني اوي الثقه دي حلوه ، طب احنا هنبدأ الشغل في وقت لل Break و تقدري تعملي الي انتي عاوزه بيبقي ساعه واحده و بعد.كده نبدأ شغل 

_خديجه: تمام ، طب موعد خروجي امتي 

_نوح: لما انا اقولك خلاص الشغل خلص تقدري تروحي ، تمام 

_خديجه: تمام ، ابدأ ازاي وايه المطلوب اعمله 

_نوح: تعالي و رايا 

“خديجه مشيت وراه ، و دخلها مكتب حلو و كبير و شكله تحفه و قال”

_نوح: ده مكتبك قريب من مكتبي عشان لو احتاجت ل حاجه ، و الأوراق الي علي المكتب دي تترجم كلها ومش عاوز خلطه

_خديجه: تمام و أن شاء الله مافيش أخطاء 

_نوح: لما اشوف ، اتفضلي شوفي شغللك 

” مشي نوح و قفل الباب و خديجه فضلت واقفه وقالت”

خديجه: هو ماله بيتكلم كده ليه ، لا يمكن ده الي شوفته امبارح لا لا ، اكيد واحد تاني ، ما هو نفس الحلاوه و الغمازات و …

“مكملتش كلامها و الباب اتفتح “

_نوح وهو رأسه بين الباب : علي فكره بقي بتكثف مينفعش كده 

_خديجه بخضه: الله يخربيتك خضتني ، هو انت سمعتني ازاي ، انا صوتي كان عالي 

_نوح: ايوه صوتك كان عالي ، زمان الشركه كلها عرفت اساسا ، و اتفضلي شوفي شغللك نوح بتاع امبارح بره الشركه وبس يا انسه اتفضلي 

“قال كلماته و رزع الباب و قفله ، خديجه اتخضت و قالت بصوت غير مسموع “

_خديجه: هو عنده انفصال في الشخصيه ولا ايه ، انا ابدأ شغل بقي عشان متهزئش من اول يوم 

“خديجه قعدت علي المكتب و فتحت الورق و بدأت تعمل شغلها “

“عند نور و مازن”

_ هي الحمد لله بقت كويسه، والحراره نزلت ، الادويه دي تاخدها بأنتظام يا انسه ياسمين و اشكرك علي الكمادات الخل و المياه و الي عملتيه ل يارا 

_ياسمين: بصراحه الي مفروض تشكرها الاستاذه نور هي الي عملت كده بصراحه وهيا الي عملت ل يارا كمادات 

_ دكتور سامح ل نور: أشكرك يا انسه نور بجد ، انا دكتور الاطفال الي في الملجأ و حضرتك 

_نور: انا بنت الاستاذ حسام الله يرحمه

_د/سامح: الله يرحمه ، هشوف حضرتك كتير اكيد 

_نور: اها طبعا هيبقي المسؤله عن كل حاجه مكان بابا 

_د/سامح: هتشوفيني كل اسبوع باجي اعمل شيك اوت علي الاطفال كلها ، وساعات في نص الاسبوع لو حد تعبان زي يا يارا كده 

_نور: اتشرفت بمعرفتك 

_د/سامح: انا اكتر ، بعد اذنكوا 

“مشي د /سامح و فضل نور و مازن و ياسمين “

_نور ل ياسمين : اعزليها لوحديها لحد ما تخف ، عشان متعديش حد و اعمليها حاجات سخنه و شربيها و لما تيجي تتغدي اعمليها فراخ مسلوقه و شربه لسان عصفور تمام 

_ياسمين : تمام هعمل الي حضرتك قولتي عليه ،بعد اذنكوا

“مشيت ياسمين فضل نور و مازن “

_مازن: والله انا محظوظ انك موجوده النهارده بجد كان زماني معرفتش اعمل ايه باباكي دايما الي كان مسؤل عن كل حاجه بجد ، فخور بيكي 

_نور : يا استاذ مازن متقولش كده وان شاء الله كل حاجه هترجع زي الاول و احسن كمان 

_مازن: أن شاء الله، بس بلاش استاذ دي خليها مازن بس وانا هقول نور بس احنا ايامنا طويله 

_نور بأبتسامه: تمام ، يلا بقي عشان تشوف انا عملت ايه و تفرجني علي الملجأ من أوله 

_مازن و هو بيشاور بأيده: وراااياااا 

“نور ضحكت علي حركته و مشيت و راها و دخلوا المكتب عشان يشوف شغلها والي عملته”

” في الجهه الأخري ، عند نادر وهو بيتكلم في الفون “

_نادر: معلش يا سهيله معرفتش اكلمك الصبح وديت نور و خالتي الملجأ وبعد كده روحت خالتوا و جيت علي المستشفي لقيت عندي عمليتين و لسه مخلص 

_سهيله : عارفه يا حبيبي ، مش زعلانه ولا حاجه ، طلع فعلا عمي عنده ملجأ و شريك فيه 

_نادر: ايوه طلع ليه ملجأ ، والأوراق كلها مظبوطه و قمضته عليها ، ونور قعدت هناك عشان تشوف شغل عمي و تشوفه كان بيعمل ايه عشان كده روحت خالتي 

_سهيله: تمام ي روحي ، بقولك ما تيجي نخرج النهارده ، بقالنا كتير مخرجتاش 

_نادر: تمام ما عنديش مانع ، هعدي عليكي بعد ما اخلص شغل و هتصل بباكي هقوله 

_سهيله بفرح: ربنا يخليك ليا يارب

_نادر : و يخليكي ليا ، هقفل انا بقي عشان الشغل 

_سهيله: خلي بالك من نفسك ، باي 

_نادر: باي 

“قفل نادر مع سهيله الي كانت طايره من الفرحه “

“عند خديجه و نوح”

_خيدجه : استاذ نوح انا خلصت الي الشغل الي معايا اتفضل 

_نوح: سيبيه هنا ، هاتيلي قهوه 

_خديجه: نعم قوم هات لنفسك 

_نوح: وانا بقولك هاتي ليا قهوه 

_خديجه: هو انت اتشليت يعني ، انا مالي حد قالك جايه اعمل ل جنابك قهوه ده مش شغلي 

_نوح: و ده جزء من شغللك و كل يوم الصبح تجيبيلي قهوه ، يلا اتفضلي 

_خديجه: هي بقت كده 

_نوح: ايوه بقت كده ، اتفضلي

_خديجه: و ماله هتفضل 

“خديجه مشيت وهيا نوياله علي شر ، نسيبهم يولعوا في بعض شويه ????❤️”

:::::::::::::::::::::::::::::::::::::::::::::

“جنه قاعده مع الشخص المجهول”

_تفتكر هتظبط الخطه دي 

_ماتخافيش كل حاجه تحت السيطره 

_مش عارفه ليه خايفهه 

_ خايفه؟! مش انتي الي عاوزه تنتقني منها و بسبب الي حصل ، وانا عاوز برضوا اخد منها كل حاجه 

_ ايوه عاوزه 

_يبقي سيبي كل حاجه عليا وانا هظبطتك

_تمام لما نشوف 

” جنه و الشخص المجهول بيتفقوه علي حاجه شر ل نور ، وال الشخص المجهول ده عاوز منها ايه و جنه عاوزه تنتقم منها ليه هنعرف كل حاجه في وقتها “

“نروح ل نور و مازن بعد ما شاف شغلها “

_مازن: بجد يعني شغللك ممتاز جداا ، شكلك بتتعلمي بسرعه و دي حاجه كويسه فيكي 

_نور : شكرا ليك 

_مازن: احكيلي عن نفسك يعني خريجه ايه ليكي اخوات كده يعني عندك كام سنه

_نور : ماشي هقولك انا خريجه ألسن الماني ، ماليش اخوات وحيده يعني بس ليا صاحبتين زي اخواتي خديجه و سهيله ودي مخطوبه ل ابن خالتي نادر إلي انت شوفتهه ده ، عندي 24 سنه بس ، وانت بقي 

_مازن: انا خريج تجاره انجلش بس اخدتها من المانيا ، ماليش اخوات وحيد زيك ، ليا أصحاب من ألمانيا مش في مصر ، عندي 27 سنه بس كدا 

_نور : شكلك متخرج بقاللك كتير ايه الي خليك تسافر تاني المانيا 

_مازن: كان فيه مشاكل شخصيه هناك ف روحت حليتها و جيت 

_نور: اممممم ،طب مش هتفرجني علي الملجأ بقي 

_مازن: اها تعالي يلا 

“نور مشيت معاها و هي بتفكر ايه هيا المشاكل دي الي مرضيش يقولها عليها ، بدأ يفرجها علي الملجأ الي كان كبير و فيه اطفال كتير قد ايه هما حلوين وهما بيلعبوا و ضحكهم مسمع في المكان ، لعبت معاهم شويه و كملت فرجه علي الملجأ”

” في الجهه الأخري”

_خديجه: اتفضل القهوه اهه 

“نوح بصلها علي الابتسامه العريضه الي علي وشها دي قلق شويه و رفع الفنجان و بدأ يشرب فيه وحصل…

_نوح بقرف: ايه ده انتي حاطه في القهوه 

_خديجه : انت عندك كرونا ولا ايه ، مش حاسس بطعمها 

_نوح: لأ طبعا حاسس و اللي ماكنش رجعتها ، حطي ملح يا خديجه ملح 

_خديجه: اللا انت متعرفش أن القهوه بنحط ليها ملح دلقوتي 

_نوح: نعم ياماااا ، ملح ليه أن شاء الله، مصر مافيهاش سكر ولا ايه ، ولا فيه ازمه في قصب السكر

_خديجه: لأ مصر فيها سكر والحمد لله 

_نوح: اومال الملح ده جه منين ؟!

_خديجه: ما دي قهوه بالتركي و لا انت مش بتتفرج علي مسلسلات تركي 

_نوح: تركي ؟! لأ مش بتفرج علي مسلسلات تركي ، هيا مصر قصرت معاكي في حاجه اتفرجي يا ماما علي مسلسلاتها 

_خديجه: لأ هتفرج علي تركي 

_نوح: خودي القهوه دي ، و اتفضلي روحي مكتبك 

“خديجه خدت فنجان القهوه وهي بتضحك عليه ، و راحت مكتبها “

_خديجه: طب متتفرج علي تركي يا سطا هيحصل حاجه يعني كنت زمانك عرفت معناها ايه ، يلا المره الجايه

____________________________

” سهيله بدأت تجهز نفسها ، بعد ما اتصل بيها نادر و قالها انا جاي عشان اخدك ، لبست بنطلون بوي فريند علي بلوزه شيفون جيمله جداا مع طرحتها الي بتزيد جمالها و كوتشيات الابيض الناصع ، ايه الي بقوله ده ????، يلا كله في سبيل سعاده سهيله هانم ????”

” مازن فرج نور علي الملجأ كله و عجبها جدااا ، قررت تروح بعد ما اطمنت علي يارا الي بقت كويسه و مازن أصر أنه يوصلها “

“في العربيه”

_مازن : مش جعانه ي بنتي انتي ماكلتيش حاجه من الصبح غير انك بتشربي قهوه ،شاي, نسكافيه ايه يابنتي كميه الكافهين دي 

_نور بضحك: اصل اكل الشارع ده مي كاري ف تلاقيني كده متجنباه 

_مازن: في حد ميحبش اكل الشارع برضوا 

_نور: أنا يا سيدي مش بحبه ، واصلا ماما عامله الاكل الي بحبه مكرونه بالبشاميل بقي و جولاش باللحمه المفرومه يبقي اكل بره ليه 

_مازن: الله علي الحاجات الحلوه دي 

_نور: مالك قلبت علي كارا مسعود كده ليه ، تعالي يعم انت معزوم النهارده عندنا انبسط بقي 

_مازن بضحك: هههههههههه انتي مشكله يا نور. ماشي يا ستي وانا موافق بصراحه وحشاااني اكل البيتي اووي 

_نور: ماما هتفرح اوي. استني هتصل بيها

“نور اتصلت علي هدي و ردت عليها “

_هدي : نور انتي فين ؟!

_نور : انا جايه في الطريق و استاذ مازن الي موصلني 

_هدي : تعالي بسرعه ، في مصيبه

_نور بخوف: في ايه يا ماما انتي كويسه

_هدي : انا كويسه بس المكتبه……

تيت تيت تيت 

_نور بزعيق: مااااا مااااااا في ايه 

_مازن: في ايه 

_نور : معرفش في ايه ، بسرعه يا مازن في حاجه حصلت انا مش عارفه ايه هيا

_ عند سهيله ، نادر ، نزلت سهيله و قابلته و ركبت العربيه “

_سهيله: هتوديني فين 

_نادر : شوفي انتي عاوزه تروحي فين وانا تحت امرك 

_سهيله: نفسي اروح الملاهي و اللعب كل اللعب ، واكل غزل البنات 

_نادر : اشطا يلا بينا نروح الملاهي 

_سهيله: انا بحبك اوي 

_نادر : انا اكتر 

_سهيله: موبايلك عمال يرن و يبعت مسدجات شوف مين 

_نادر: مش هعرف اشوف شوفي انتي و قولي مين 

_سهيله: تمام 

“سهيله فتحت فون نادر لقت مسدجات بأسم ملك و اتصالات منها كتير”

_سهيله: مين ملك دي يا نادر 

_نادر بأستغراب : ملك مين ؟!

_سهيله بزعيق: ملك اهه عندك علي الفون و مسجلها و مسدجات كتير و واحشني و رود عليا و قلوب و كلام كتير اووي 

“نارد شد منها الفون و بص فيه حوالي دقائق “

_حااااااسب

يتبع…….