رواية الوجه الأخر للحلال الفصل الخامس 5 بقلم ميفو السلطان

رواية الوجه الأخر للحلال الفصل الخامس 5 بقلم ميفو السلطان

رواية الوجه الأخر للحلال البارت الخامس

رواية الوجه الأخر للحلال الجزء الخامس

رواية الوجه الأخر للحلال الحلقة الخامس

كانت عطر قد وقعت في احضان ايوب لتسهم لحظه وترتجف من نظراته التي مست قلبها ليشدها لتخبط في صدره ليهتف….. اني ماجيتش جارك اني برضك يا بت الناس اعمل حاجه توجعك.
لتنتفض وتبتعد برهبه ليكمل… انتي الي جايه دارنا يبقي مين اللي بيجري ورا مين . اعرفي بتكلمي مين كان مغرورا لم يتحمل سخريتها منه.
لتبهت…. هيا داركو. دي دارك.
ليبتسم ويهتف بفخر…. ايوه الجصر ده بتاعنا.
لتتنهد وتعرف انها ظنت فيه السئ لتهتف…. حجك عليا يابن الناس ظنيت فيك السوء سامحني واستدارت لترحل ليقف امامها لتنظر اليه.
ليهتف.. لاه مش مسامح.
لتتنهد ويرجف قلبها خوفا لتهتف.. طب ليه طيب اني جولتلك حجك عليا.
ليهتف.. وتظني فيا ليه كت عملتلك ايه.. لاه اني مش مسامح.(اتصلبت يا واد اتصلبت 😁😁)
لتهتف.. طب بالله عليك خلاص اني اهه بجولك محجوجالك خلاص كانت خائفه ان تحاسب علي ظنها.
ليقترب وينظر اليها بهيام.. يعني تطببيني وتنجديني وتعمليلي كل ده واردلك لساءه ده طنك فيا.
لتهمس بخجل.. طب خلاص بقه والله حجك عليا اني ماهتحَملش ليحني راسه ويتصنع الاسي لتقترب بالله لتسامح اني وحشه حجك عليا.
ليرفع نظره ليبتسم…. وحشه انت بعيد عن اكده يمين بالله بعيد جوي.
لتتنهد طب لاجل العيش والملح تسامحني.
ليهتف… طب انت وكلتيني وشربتيني اشربي حاجه.
لتهتف ماجدراش والله سامحني بقه جلبي بيوجعني.
ليقترب وينظر اليها بهيام… اسامحك عيوني بس تجوليلي حجك عليا يا ايوب.
لتقطب وتنظر اليه باستغراب ليهز راسه مؤكدا لتتنهد وتهمس طب… طب .. حجك عليا يا سي ايوب.

 

 

 

ليهتف لاه.. حجك عليا يا ايوووب.
لتخجل وتتنهد وتهمس بصوت رقيق… حجك عليا يا… يا… يا ايوب.
ليندفع هائما.. احلي ايوب دي والا.(والا ايه.. هيييه بقه 😂😂)
لتخجل وتندفع من امامه.. ليقف امامها مره اخري لتقطب لتهتف…. فيه ايه عاد.
ليهتف….. راحه فين اكده
لتهتف باستغراب.. مروحه داري هكون راحه فين.
ليهتف….. هتروحي لحالك اياك في الحته المجطوعه اللي ساكنه فيها. الوجت بقي وخري.
لتتنهد وتهتف…. لاه احنا العشا لساتها الناس صاحيه عن اذنك الا انه لم يتحرك من مكانه لتقول….. ماتبعد الله يصلح حالك بقه اني بشتغل من الصبح كفايه عليا اكده.
ليهتف….. طب تعالي من الصبح علمي الواد و َسيبي الشغل التاني واني اديكي اضعاف اضعاف اظن اكده مرضيه.
لتقطب جبينها.. اسيب شغلي بتجول ايه انت.
ليهتف…. ماني بعرض عليكي شغل وبرحمك من التعب اهه وهديكي فلوس تغرجك عايزه ايه تاني حد يلاجي الراحه و َلا ياخدهاش.
لتهتف.. دي مش راحه يابن الناس انت فاكرني ايه كلبه فلوس. دا اتفاج وعهد بيني وبين الناس حتي لو بالجليل عايزني اهملهم عشان الفلوس. عايزني اخون ولي نعمتي االي واجفين جنبي.
ليهتف بغضب….. انت غاويه حرج وتعب ليه اني هديكي فوج مابيدوكي لترتاحي.
لتهتف…. وتديني ليه َتريحني ليه من اساسه مش بالفلوس يا ود عمي الراحه بالنفس الجبلانه والرضا. لتتنهد بعد الله يرضي عنك اني لا بتاعة فلوس ولا راحه.

 

 

ليتنهد….. انت دماغك حجر ليه ايه ده دا حاجه مرار.
لتصرخ…… مالك بمراري عاد الله.
ليهتف….. طب همي هوصلك
لتنظر اليه غاضبه….. بتجول ايه انت مين اللي يوصلني انجنيت بتاع ايه.
ليهتف حانقا…. بتاع انك ساكنه في حته مَجطوعه وراحه عشيه وهمي بدل ماشيلك واحطك في العربيه غصب ساعتها ماهتنطجيش. (حمش اواد 😀😀)
لتنظر اليه مذهوله.. تشيلني ليه كت عبده عندك وتوديني بتاع ايه انت مجنون صح. انت بعجلك حاجه. امشي معاك لحالي َتوصلني يلا بقه من اهنه بدل ما اغفلجها عليك صوح.
ليقترب ويمسك يدها….. هيا مين اللي هتغفلجها عليا انت يا بت مخبوله اني ايوب السوالمي تتحدتي معايا اكده روحي اسالي اني مين عاد.
لتهتف….. طب يابن الناس كفايه عليا اكده لا عايزه اسأل ولا عايزه اشوفك من اساسه
ليهتف.. بس اني عايز اشوفك.
لتبهت وتنظر اليه ليهتف… ايوه رايد اشوفك عجباني ورايد اشوفك.
لتندفع وتتركه مرتعبه من كلامه وتنطلق بالخارج ليستغفر ربه ويذهب ورائها ليسير بجوارها ليهتف مالك مرعوبه اكده هاكلك اياك ومعانا غفرين اهم مش لحالنا.. لتتنهد وتهدا قليلا ليهتف… طب خلاص عاد فكي التكشيره دي ما جصدتش ازعلك. ماعملتش حاجه من اساسه.
لتتنهد وتهتف…. خلاص يابن الناس مفيش حاجه كتر خيرك برضك.
ليهتف…. ايوه اكده خلي الوش الجمر ده يروج.
لتخجل وتهتف…… من فضلك بلاش الكلام ده.

 

 

ليهتف.. كلام ايه بكدب اياك مانت جمر فعلا احشرها كيف دي . لتشيح بوجهها ولا ترد ليظل يسير معها ليهتف…. انت انهارده محمد كان معاكي مبسوط جوي انت حنينه جوي يا عطر.
لتهتف.. اني بحب العيال وبحب ادرسلهم ومحمد طيب وشاطر وهيتعلم بسرعه.
ليهتف…. ماهو انت برضك شاطره وفوج دا كله زينه البنات ليهتف طب ممن نزود الحصص طيب.
لتهتف…. نزود ايه هما تنين في الاسبوع.
ليهتف…. لاه ايه رايك تعلميه الاخلاج وتعلميه الدين وكل حاجه.
لتهتف……. طب ماني هعلمه اجي كل يوم كتير انت غاوي تبعزج فلوسك.
ليهتف….. لاه بس غاوي اريحك ماعايزكيش تعبانه اكده.
لتهتف….. . متعوده علي اكده الحمد لله ان فيه شغل بدل ما ارتاح وما الاجيش اكل.
ليتنهد من دماغها ليهتف…. ممكن اعرف ليه ماشربتيش الا ميه عندنا جرفانه اياك من اهل بيتي دانا البيت من نضافته الكل بينحاكي عنه.
لتهتف. لاه والله ما حوصل.. اجرف كيف ده دا النفس هاينه يا ود عمي بس اني متعوده اكده ما بحبش اكل بره بيتي بيتي وبس
ليهتف…. انت صعبه جوي.
لتبتسم…. صعبه اني في ايه.
ليهتف….. في تعاملك يعني يصح تجفلي في وشي الخط عشيه.
لتتنهد….. وانت يرضيك حد يكلم خيتك مش من حرمتها.
ليهتف….. اني ماكتش هجول حاجه عفشه لا سمح الله

 

 

لتتنهد….. تجول والا ما تجولش اني مش حرمتك عشان تكلمني من اساسه يابن الناس والا ايه
ليسهم قليلا ليهتف…. طب ليه مش بت في داركو وعملتي جميله مش حجي اطمن عليكي.
لتهتف.. اني مليحه مش محتاجه حد يطمن عليا اني اهه زينه.
ليبتسم.. انت زينه علي طول يا عطر. لتخجل من نظراته ليهتف…. طب لو رايد اتعلم كتاب ربنا تعلميني. (والنبي انت شحط اوي 😂😂)
لتقطب جبينها.. اعلمك وانت كبير اكده (مثلا😂)
ليهتف….. ايوه اجعد معاكو في الحصه وتعلميني.
لتهتف.. اني ما عملتهاش جبل سابج اني اعلم راجل.
ليهتف مسرعا… هجعد بس ساكت اسمع ليكي ايه جولك ثواب اهه ما فيهاش حاجه ولو فيه حاجات َوجفت عليا اكلمك في التلفون بسيطه اهيه.
لتهتف.. طب ماتروح الجامع بيعملو هناك حاجات للرجاله.
ليهتف…. اني مش فاضي عندي اشغالي وانت اكده اكده جايه يبقي زودي الثواب.
لتظل تفكر لتهتف…. طيب نجرب بس يبقي محمد جاعد ماهجعدش معاك لحالنا.
ليضحك.. خايفه مني اياك هاكلك عاد.
لتتنهد بخجل لتهتف.. لاه دي الاصول والا ايه.
ليبتسم ويهتف…. طيب تمام واني معامي للاخر لتبتسم له.
ليهتف خلاص ماعتيش زعلانه مني.. لتتنهد وتهز راسها ليهتف.. انت بتجفشي من غير سبب مش كل الناس وحشه يا بت الناس اني دخلت داركو. كلت لجمتكو وانت دخلتي دارنا يبقي مانتكلمش ليه وايه يزعلك يمين بالله ماهجول حاجه عفشه.
لتتنهد.. اني ما بخفش يابن الناس اني بحصن نفسي وبحصنك فكرك لما تكلمني ايه اللي هيوحصل افرض لا جدر الله ميلت ليا َو ميلت ليك
ليهتف مندفعا… وفيها ايه دي لما يحوصل الجلوب بين يد ربنا.

 

 

 

لتهتف.. لاه الميله في الحلال انما ده يبقي حرام يا ود عمي هتكلمني واني مش حرمتك ليه عاد واني ماجدراش اعملها لو ايه حوصل اه دخلت دارنا بس نجده وانت غريب.
ليتنهد.. غريب ايه بس.. ليهتف.. طب بالله عليكي تاجي كل يوم.
لتهتف.. انت ليه مصمَ اجي. جولتلك هعلم محمد كل حاجه.
ليهتف… وواني.
لتقول.. انت.. انت مالك عاد مافهماش.
ليهتف… عايز اجعد معاكي.
لتقطب جبينها لتهتف…. نعم بتجول ايه انت.
ليهتف.. لاه جصدي جصدي اجعد اخد منك زي محمد اني راجل اتعلمت صحيح بس ما كتش بروح في حته وانت ما شاء الله تعرفي كتير رغم انك صغيره وجطه صغيره اكده.
لتتنهد…. لاه معلهش اني هاجي يومين لاني عندي شغل لتهتف.. اهه وصلنا ليهتف طب هاتي ده اكده لياخذ تليفونها ويرن علي نفسه ليهتف.. بس لو حبيت اجولك حاجه وماتخافيش مش هرط كتير عشان ماتزعليش. لتتبتسم له ويصلا البيت لتسلم عليه ويتركها ويعود.
**********
دخل ايوب مبتسما ليجلس في المندره وحيدا يركن جانبه متلبسه حاله من الهيام لتدخل عليه والدته لتجده مبتسما ساهما لتهتف ايوب يا ولدي لم يرد عليها لتستغرب وتجلس تراقبه… ماله ده ملبوس اياك باصص في السجف ومبحلج وفاتح خاشمه كيف الاهبل.. لتقطب.. يكونش الواد بيحب اه شكله.. حجه داني انهبل. ايوب وجع…. شكله واجع اهه. (ابنك مفضوح يا حاجه 😂😂) لتهتف واد يا ايوب.. لتهزه انت يا واد.(ايوب مسااافر.. تاااكس 😂😂)

 

 

ليهب.. ايه ايه فيه ايه يامه… انت اهنه.
لتهتف… اهنه.. لاه اني هناك مستنياك ابقي تعالي هبابه..
ليقطب…. فيه ايه يامه بتتمجلتي.
لتهتف….. اتمجلت دانت لو حد وعالك هيمسكلك صاجات مالك يا واد.
ليهتف.. مالي يامه.
لتغمز له.. طبيت يا واد باين.
ليرتبك… طبيت انت بتجولي ايه يامه.
لتتحرك مسرعه وتلتصق به…. جول يا جلب امك حلوه والنبي ريح جلبي..
ليبتسم ويتذكر عطر.
لتهتف…. يا جلبي ازغرط يا واد حلوه صوح يادي الهنا يادي الفرح.
ليمسك فمها… اسكتي فيه ايه انت بتألفي مفيش حاجه.(دانت كداب كدب الإبل 😁)
لتهتف.. ولااا اني خبزاك لاه فيه.
ليهتف…. امه الله يهديكي مفيش حاجه.
لتهتف…. عايزه افرح يا واد عايزالك بت جمر يا واد.
لتدخل زينه لتهتف….. جولي يا رب يا مرت عمي نفرح جريب .(تابوت اقسم بالله 🙄🙄)
ليقطب ايوب ويتنهد ويدير وجهه لتقترب زينه وتهتف…. مش اكده يا واد عمي نفرح بيك جريب.(واد عمك بطنه قلبت 😏😏)
ليقوم ويهتف… خليكي في حالك افرح والا اتهبب اني ماشي. ليتركهم ويمشي لتنظر امه اليه وتدعي له وتقوم.
لتقف زينه تأكل روحها…. هو فيه ايه مش مرتحالك يا طين انت بس لاه ايوب بتاعي وبس.( ماتترزي بقه شالله تاكلك 😎)
**********

 

 

كان يحي يقف يفكر ويخطط كيف سيتزوج ومن سيكلم(اشوفك متسخمط بسخماط يا يحي😎😎) لتدخل عليه زوجته لتحتضنه وتهتف حبيبي وحشتني.
ليتنهد ويحاوطها ويظل ساهما لتهمس…… مالك يا جلبي بجالك شويه دماغك سرحانه.
ليهتف…. هاه لاه ابدا….
لتهتف.. طب اني كلمت الدكتور وجولته ميته نعمل العمليه جالي يعني نستني سنه عشان فيها خطر عليا شويه بس اني جولتله دا جضا ربنا وجولتله شهر اكده واروح اعملها ونجول يا رب.
لينظر اليها فهيا تخاطر بنفسها من اجله.. ليهتف لاه يا جلبي اني صرفت نظر دلوك خالص.
لتهتف.. لتحتضنه… جلبي عشاني تاجي علي روحك انت كاتير عليا والله. بس ماتخافش ايه اللي هيجرا اني طالما ناويه خير ربنا ما هيوجعنيش.
ليتنهد ويهتف.. انت ازاي اكده ساره انت نعمه ربنا ليا كتير عليا والله.(كان طمر في البعيد 😠😠).
لتهتف بحب… اخص عليك مين ده دانت روحي وحياتي لو طلت اجطع حالي اكده لاجل اراضيك. اني ما بيديش حاجه بس ربنا رايد حاجه ماخبرهاش يجطع الخلف عننا لسبب عارف عشان نصبر وندعيه ولما يدينا نفرح ويبقي نن عيونا اني رايده يبقي جواتي منك عيل تاني ليه عشان اشوف لمعه الفرحه في عيونك يا يحي ماهاممنيش اجعد وارجد شهور اتعب واموت حالي بس لاشوف لمعه عيونك. ليحس بوجع وتدمع عيناه ليحتضنها ويهمس……. اسكتي بالله ماجادر جلبي بيوجعني.

 

 

لتهتف.. بعد الشر من وجع جلبك داني اموت لو اوجعك لحظه و الله اموت ولا نفسي يخشلي تاني.. ماتخافش عليا هتعب شويه بس هستحمل عشانك اني اعمل اي حاجه عشانك.
ليشدها يعتصرها ليهتف.. سامحيني يا جلبي بس غصب عني.
لتحتضنه.. بطل اسامح ايه عشان حبه وجع في جتتي لاه يهون كله ولا تنوجع انت. ربي يحججلنا اللي بنتمناه وتجر عينك بشوفه ولدك يا جلبي.
ليشدد عليها وعينه تدمع من كلامها والنيه في قلبه انه سيقر عينه بعيل من اخري وعينه ستلمع باخري. لتنام هيا في احضانه قريره العين تمني نفسها باسعاده وهو يمني نفسه بالسعاده من اخري فاي غرزه ستاتي من الحبيب تدمي قلب محبوب. محبوب بذل وبذل واعطي ليهون علي الحبيب لينزل عليه بمقصله تشق قلبه ليتوقف النبض ولا نعلم كيف سيعود نابضا اليه مره اخري فلتكمل يا يحي اكمل وانفض نعمه ربك لياتيك من اعمالك الهم بالكفه…(لاهي تنفضح يا يحي 😠)
*********” ‘
دخلت عطر الي البيت كانت متعبه لتدخل وتجلس مع عمتها لتجدها متعبه قليلا لتهتف…… مالك يا جلبي فيكي ليه.
لتهتف.. مش عارفه اخد نفسي يا بتي.
لتهب…. اجيبلك دكتور طيب.
لتهتف العمه…. . ماعناش فلوس يا بتي اهه هبقي كويسه.
لتهب لاه.. اني لسه واخده فلوس لتقوم وتخرج لتجد الجو مظلم لتفكر في ايوب.. لتتشجع وتكلمه ليرد عليها مسرعا لتهمس.. معلش يا واد عمي انا واجعه في ضيجه وما لاجياش غيرك.
ليهتف…. منفعلا خير يا عطر صوتك يجلج.
لتهتف…. عمتي تعبانه عايزه حكيم تعرف حد تبعتهولي بالتلفون بس ماتتعبش نفسك.
ليتنهد…. اتعب نفسي…. دانا حالي كله يتعبلك حاضر عيوني اجفلي.. ليتصل باحد اصدقاءه الاطباء ليحضره ويذهب لتتفاجا به ليدخل الطبيب معها ليظلا معا فتره ليخرح الطبيب وهو مبتسما لعطر ليشعر ايوب بغليان داخله فصديقه ينظر اليها نظرات اعجاب ليهتف.. خلصت يا وحيد.
ليهتف.. ايوه يا ايوب وكتبت روشته ليقترب هيا السنيوره اسمها ايه..
لتهمس بخجل.. اسمي عطر.

 

 

ليبتسم.. عطر اسم علي مسمي.
ليهتف ايوب غاضبا.. ايه يا وحيد عصرك مش بنتكلم عن الحجه.
ليتنهد الطبيب ويهتف.. اه اه.. هيا هتعوز راحه وتنتظم في الدوا وهنعوز حبه تحاليل نطمن عالجلب.
ليخرج كارته.. بصي يا عطر اني موجود في المستوصف ده تعالي ومايهمكيش اي حاجه وانا هجوم بكل حاجه وهاخدك وماتعبكيش.
ليمد ايوب يده وياخذ الكارت.. ربنا يسهل هنشوف احنا. هبقي اجيبها واجي مابسيبهاش اني لوحدها.
ليخرج الطبيب ومعه ايوب ليدفعه غاضبا… انت جاي تكشف والا تسبل يا روح امك.
ليضحك وحيد فكان صديقه.. فيه ايه يا واد البت جمر ماسبلش ليه البت دي مشبوكه يا حزين.
لينفعل ايوب..شبكك عزرائيل يا بعيد غور بدل ما أطبج وشك.
ليضحك وحيد…. ايه مالك محروج اكده ليكون الجبل انهز واني ماعرفش.
ليهتف.. ولااااا… لم نفسك بلا انهز بلا انزفت علي دماغ اهلك.
ليهتف…. طب خلاص طالما مانهزش ماتبجاش جطاع ارزاق وسيبني بقه الا البت نار تاخد العجل سيبني اظبطها ليستدير وينادي علي عطر ليشتعل ايوب عن اخره ويهجم عليه ليصرخ ايوب….. .تظبط مين يا طين انت والله افلجك نصين.
ليجدا عطر خرجت لتقطب جبينها فايوب يمسك الطبيب من ملابسه لتهتف بقلق.. فيه حاجه يا ود عمي.

 

 

ليرتبك ايوب ويترك ملابس صديقه ويهتف.. هاه لاه مفيش يا عطر مفيش.
ليضحك وحيد.. لا باين فيه يا بت الناس ايوب مابيحبش يبين بس.
لتهتف…. فيه فيه ايه اجدر اعمل حاجه عمتي بها حاجه ومخبي بالله عليك يا داكتور شكلك طيب وابن حلال ماتخبيش عليا.
ليقترب الطبيب وينظر اليها نظره قصدها ليشتعل ايوب..(جاااز يا قلب امه 😂😂) ايوه والله طيب وابن حلال بالجوي دعواتك ليا ياجي الحلال. بس عمتك زينه والله عايزه بس فحوصات نطمن علي جلبها.. لينظر اليها ليهتف.. مش اكده برضك يا ايوب لازم نطمن علي جلبها. (قول يا وحيد قول خلي الغلايه تدور 😂😂)
ليشتعل ايوب.. اه هنطمن ويلا بقه مش كشفت بالسلامه.
لتهتف.. عيب اكده يا واد عمي ما ياخدش حجه لتخرج مالا وتعطيه معلهش يا دكتور تعبناك.
ليشتعل ايوب.. انت بتعملي ايه واني واجف جرطاس اني جدامك.
ليهتف وحيد.. هو انا اصلا هاخد منك حاجه يا ست البنات عيب اكده لاه دا الدخله عندكو بالدنيا.(حقه 😂😂)
ليهتف ايوب بغضب.. بلا داخله بلا خارجه هتاخد. ماهياش سيبه تعرفك منين ويلا انا هبقي اتنيل احاسبك يلا بقه هتغابي عليك ليشده يبعده.. تمشي من سكات بدل ماطبج وش امك فاهم يلا غور جاي تكشف والا تشجط وتسبل.
ليهتف صديقه… لا ورحمه امي عايز اسبل للجمر للصبح ماتسيبني يا واد البت جمر هو فيه حد في الكفر اكده دا عنيها بنفسجي ماشفتش يا تري شعرها لونه ايه.
ليدفعه ايوب.. غور ياض والله هضربك جدامها غور.
ليضحك صديقه ويهتف.. طب طب خلاص ايه الحريقه شبطت في جتتك خلاص همشي ليهتف بس اعمل حسابك هبعت امي تشوفها الا البت جمر وانت اهوه بتجول مفيش حاجه.ولا انهزيت يبقي اني انهز لما انهرى.
ليشتعل ايوب(يا حزنك يا وحيد 😁😁) ليمسكه من رقبته لتبهت عطر وتقترب مذهوله وتهتف برعب …

يتبع..

لقراءة الصفل التالي : اضغط هنا

لقراءة باقي حلقات الرواية اضغط على : (رواية الوجه الأخر للحلال)