رواية حب اخر الفصل الخامس 5 بقلم رنا سليمان

رواية حب اخر الفصل الخامس 5 بقلم رنا سليمان

رواية حب اخر البارت الخامس

رواية حب اخر الجزء الخامس

رواية حب اخر الحلقة الخامسة

_مش هطلقك يا مريم وكفاية كلام في الموضوع دا لاني تعبت
_وانا كمان تعبت يا خالد…….انا مش فاهمة انت مصمم علي قرارك لية……..انا مبقتش قادرة اني اكمل معاك لية مش عايز تقتنع ب دا
_لاني عارف السبب يا مريم……..انا عمري ما هسيبك لاي سبب من الاسباب ……..فيها اية يا مريم لو اتاخرنا شوية في الخلفة……..مش معني كدة اننا ننهي حياتنا مع بعض وندمر حياتنا
_اتأخرنا شوية!……..خالد احنا بقالنا ١٠ سنين متجوزين ومحصلش نصيب ان يبقي عندنا اطفال…….الدكاترة كلها قالت ان محدش فينا عنده مشكلة……..لو كان في حد فينا عنده مشكلة كان ممكن نحاول نحلها يمكن ربنا يريد اننا نخلف………يا خالد انت عندك دلوقتي ٣٥ سنة يعني مش صغير ومن حقك تكون اب زي اي واحد تاني……..انا مش هقدر اني اعمل كدة وانا علشان بحبك يا خالد عايزك تبقي مبسوط وانا عارفة اني مش هقدر اخليك مبسوط………علشان كدة يا خالد انا عايزة اطلق
_مبسوط………هو انتي فاكرة اني لما اطلقك وابعد عنك هكون كدة مبسوط………مريم انا عُمري في حياتي ولا حبيت ولا هحب حد قدك ومصدقت اني اتجوزتك اكيد مش هسيبك مهما حصل………لو انتي فاكرة اني لما اطلقك واروح اتجوز غيرك علشان اكون اب هكون مبسوط تبقي غلطانه يا مريم……..انا مبسوط معاكي انتي يا مريم مش غيرك………لو ربنا اراد اني ابقي اب انتي اللي هتكون ام ابني مش واحدة غيرك………يا ريت بقي تقفلي علي الموضوع دا لانك طول ما انتي بتطلبي مني الطلاق هرد عليكي بنفس الرد دا يا مريم
سابني ودخل الاوضة……..اتنهدت بتعب وفضلت قاعدة في مكاني……انا تعبت ومبقتش قادرة اني اتحمل اكتر من كدة……انا مش معترضة علي قضاء ربنا بس……..بس انا كان نفسي يكون ليا طفل واحد بس ربنا بيختبرنا اختبار صعب وانا مبقتش قادرة استحمل والله……..اتنهدت بتعب وحُزن وقومت اتوضيت ولبست الاسدال وبدات اصلي……..خلصت صلاة ورفعت راسي لفوق وبدات اتكلم وانا بعيط
_معنديش غيرك اجيله واتكلم معاه…….انا عارفة انك بتخبر صبرنا وهتشوف احنا هنصبر لحد امتي وعارفة كمان انك هترضينا وتكرمنا ب اكتر من اللي بنتمناه بس انا والله تعبت من اني استني استحملت ١٠ سنين وعندي استعداد اني استني اكتر بس انا مش عايزة غير اشارة تعرفني انك هتستجيب لدعواتي قريب بس اعرف انك بس هتستجيب لدعائي بس………قومت من مكاني وجيبت المصحف ورجعت قعدت مكاني وبدات اقرا قران وانا بعيط
“رنا”
فضلت شايلاه في حضني لحد ما راح في النوم……..جاه قعد جمبي وفضل باصص عليه……..حط ايده علي شعره وبدا يطبطب عليه……..بص في الارض وبدا يتكلم
_ماما قالتلي ان زعيقه دا بسبب انه مخضوض من البيت وانه اول مرة ينام في مكان غير البيت هناك
_ان شاء الله يومين وهيتعود ……..البيت اللي المفروض يكون اكتر مكان بيتطمن فيه وبيحس بالامان فيه صاحي من عز نومه بيعيط وخايف ويزعق………اتمني تكون مبسوط
_لا يا رنا مش مبسوط……….مش لازم كل شوية تفكريني بالموضوع دا انا خلاص عرفت غلطتي وندمان اني عملت كدة وهحاول اني اصلح غلطتي بس بلاش انك كل شوية تفكريني قد اي انا غلطت في حق ولادي
_لا مهو انا لازم افكرك يا اياد………مفيش حاجة تغفرلك اللي عملته في حق ولادك وانت لازم تبقي عارف دا طول الوقت………انت مسمعتش ابنك كان بيزعق وجسمه كله بيترعش من الخوف ازاي وكل دا بسبب انه لاقي نفسه في يوم وليلة في مكان غريب عنه واول مرة يكون فيه وبعيد عن الناس اللي ربته واللي كان معاهم طول الاربع سنين اللي فاتوا الغريبة انك واخد الموضوع ببساطة وعادي جدا انا مش قادرة اصدق البساطة اللي بتتعامل بيها مع الموضوع
_مش من حقك انك تكلميني بالطريقة دي علي فكرة……..ماشي انتي كنتي السبب في اني ارجع عن غلطتي في حق كريم وشكرا ليكي انك وافقتي انك تقعدي معانا علشان خاطر فريدة وشكرا كمان علي خوفك علي ولادك بس دا كله ميخليش ليكي الحق انك تعدلي عليا وتعملي نفسك الملاك اللي خايف علي ولادي اكتر مني
_لا هو انا مش هعمل فيها الملاك اللي خايف علي ولادك اكتر منك لان انا فعلا كدة ومش بمزاجك اني اعمل كدة واني افضل اقولك قد اية انت غلطت في حق ولادك………..بص يا اياد علشان نقفل الموضوع دا وميتفتحش تاني………انا كُنت ام ل بنت وكُنت هبقي ام ل الثاني وولادي الاتنين ماتوا في نفس اليوم الحمدلله انا مش معترضة علي قضاء ربنا وعارفة انه عُمره ما ياخد مني حاجة غير ويعوضني عنها خير……….انا معتقدش اني هجرب احساس اني ابقي ام دا من تاني غير مع فريدة وكريم اللي وافقت اعيش معاك هنا علشانهم واللي انا هعتبرهم اكتر من ولادي واللي هخاف عليهم اكتر منك انت شخصيا لانهم بقوا ولادي اللي هكون مسؤولة عنهم بمزاجك او غصب عنك واللي هيكون عندي استعداد اني اضحي بنفسي حتي علشانهم………اللي عايزة انك تفهمه من كلامي دا كويس ان فريدة وكريم بقوا ولادي انا اللي هخاف عليهم من اي حد مهما كان مين حتي لو كان انت يا اياد ولو انت فكرت انك تدايق اي واحد فيهم ب اي طريقة انا ساعتها اللي هقف ليك………يا ريت تكون فهمتني
سيبته وقومت وانا شايله كريم……..دخلت الاوضة وحطيت كريم علي السرير ونمت جمبه …….فضلت باصة عليه وهو نايم……..دموعي بدات تنزل وانا بفتكر اليوم اللي عرفت فيه اني حامل في قمر
_هتفضل زعلان مني كدة كتير يعني
_هو انتي مش بتشوفي نفسك غلطانه ابدا يا رنا
_لا مش بشوف
_رنا……..بلاش تعصبيني بطريقتك دي
_طيب ما تتعصب…….دا حتي شكلك بيبقي احلي وانت متعصب كدة
فضل ساكت وباصص قدامه بعصبية
_طب انا اسفة ……..فارس انت عارف اني مش بحب انك تزعل مني ولا اننا ننام متخانقين ……..خلاص بقي
_هو اية اللي خلاص بقي يا رنا……..انتي عارفة كويس اني مبحبش اللي اسمها رقية دي لاني عارف هي قد اية بتكرهك ومش بتحبك وانتي بردو مصممة تصاحبيها وتكلميها
_والله العظيم هي اللي اتصلت بيا وانا اتحرجت اني مردش عليها لكن والله ما كُنت هقابلها لاني عارفة اني لو قبلتها انت هتزعل وانا مش بحب ازعلك مني……خلاص بقي يا فارس
قربت منه ونمت علي كتفه وبدا اتكلم وانا علي وشي ابتسامه
_يعني مش عايز تصالحني خالص!………حتي مش عايز تعرف ايه الخبر الحلو اللي عايزة اقولهولك
_خبر اي دا يعني
_قول انت سامحتني الاول وبعدين هقولك
_علي حسب الخبر…….لو حلو وممكن ينسيني غلطتك هسامحك غير كدة لا
_هي حاجة كان نفسك فيها من زمان
_اية دا عملتي رز باللبن دا انا نفسي فيه من زمان……..تسلم ايدك يا حبيبتي
_رز باللبن!………فارس انت بتتكلم بجد ولا بتهزر
_واية اللي هيخليني اهزر يا رنا يعني……..انتي بتقوليلي حاجة نفسك فيها وانا نفسي في الرز باللبن……..معملتيش!
_لا انا هقوم انام بدل ما ارتكب جريمة واعمل حاجه مينفعش اعملها
_استني بس………قولي اية هو الخبر الحلو
_اقول اية ………هو يعني اية الرز باللبن خبر حلو اصلا…….ضيعت عليا اللحظة يا فارس حرام عليك
_لحظة اية انا مش فاهم حاجة متقولي في اية
_انا حامل
_طب الحمدلله انك…….اية دا!
_اية!
_انتي قولتي اية دلوقتي
_قولت انا حامل ………كلها ٩ شهور وتكون بابا يا حبيبي
_رنا هو انتي بتتكلمي بجد ولا بتهزري
_هو في هزار في الحاجات دي يا فارس……..اكيد بتكلم جد يا حبيبي…….انا حامل
قام بفرحة واخدني في حضنه وهو مش مصدق اني حامل……..فضل حاضني…….بعد عني وبدا يتكلم بفرحة
_انتي عرفتي ازاي……..عملت اختبار الحمل وطلعت حامل ……..بكرة ان شاء الله هروح المستشفى واتاكد من النتيجة تاني
_لا لا بكرة اية……..احنا هننزل دلوقتي حالا نروح المستشفى ونعمل التحليل ونتاكد……..ايوة بس الوقت متاخر دلوقتي يا فارس مش هينفع
_مين قال انه مش هينفع………اللي مش هينفع اننا نستني لبكرة احنا لازم نروح ونتاكد دلوقتي حالا …….يلا بسرعة ادخلي البسي علشان نروح المستشفى وانا هروح اطلع العربية من الجراج
سابني ونزل علشان يخرج العربية………فضلت باصة عليه وانا بضحك……..لاول مرة كُنت اشوفه مبسوط كدة في حياتي
مسحت دموعي واخدت كريم في حضني وكُنت هحاول انام بس تلفوني رن……..اخدته من جمبي وبصيت فيه لقيت مريم بترن………اتعدلت في قعدتي بسرعة وفتحت عليها وبدات اتكلم
_ايوة يا مريم
_الحقيني يا رنا……..ماما تعبانة اوي يا رنا وانا مش عارفة اتصرف ولا اعمل اية…….. خايفة يحصلها حاجة……..انا عارفة انه هيبقي صعب عليكي انك تيجي وتشوفيها بس علشان خاطري انا تعالي انا مش عارفة اتصرف ومفيش غيرك هيلحقني

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حب اخر)