Uncategorized
رواية خطة رنا الفصل الخامس 5 بقلم روني محمد
رواية خطة رنا الفصل الخامس 5 بقلم روني محمد
 |
| رواية خطة رنا الفصل الخامس 5 بقلم روني محمد |
رواية خطة رنا الفصل الخامس 5 بقلم روني محمد
-: شيل ايدك يا حيوان ، انا همشي لوحدي …
-: لسانك ده مش لايق على شكلك خالص ، بس عموما انا بحب القطط الي بتخربش اوي..
-: ان شاء الله الي بتقول عليها دي تمسك في زمارة رقبتك و…
ريم بهمس : اسكتي بقى وخلينا نمشي معاهم من سكات لغايه ما نعرف اخرة الي احنا فيه دا ايه وعاوزين مننا ايه…
-: في ايه عندك يا ابراهيم هما الحلوين مش عاوزين يمشوا معاك ولا ايه..
ابراهيم : في واحده كده شايفه نفسها شويتين ، وبعون الله انا هخليها تعرف ان الله حق..
رنا بغضب : بص بقى انت …
قاطعتها ريم : احنا اسفين وارجوك سبنا نروح لأهلينا ، احنا مطلعناش سياح زي ما كنتم فاكرين احنا طلبة غلابة واديكم اخدتم تليفونتنا ، والفلوس الي معانا…
– : امشي ياختي منك ليها والباشا الكبير هو الي هيقول هنعمل فيكم ايه … مش يمكن يخليكم معانا على طول…
تمسكت الفتاتان ببعضهما وهما يركضا نحو باقى افراد الرحلة….
———–خطة رنا بقلمي روني محمد
-: يعني ايه مش عارف توصل لأي حد فيهم..
-: زي ما حضرتك شايف انا اتصلت بكل مشرفين الرحلة تليفونتهم مقفولة حتى السواق كمان ، الظاهر المكان الي هما فيه مفيهوش شبكة..
-: ازاي يعني رحلة طالعة من الكلية وفيها ولاد ناس متعرفش هما فين ؟
-: يا استاذ ليه القلق ده كله كلها ساعه ولا اتنين واكيد هيكلمونا…
-: وانا لسه هستنى ساعة ولا اتنين ، عرفني بالظبط هما راحو فين ؟
————-خطة رنا بقلمي روني محمد
ريم : رنا انا خايفة اوي دول شاكلهم مش ناويين على خير..
رنا : اطمني انا سمعتهم ان هما كانوا قاصدين اتوبيس سياحي في اجانب مش احنا…
ريم : طب يعني هما مسابوناش ليه ، هما كده هيطلبوا فلوس من اهلينا ولا ايه ؟
-: ههههههههه انتي ابوكي مش هيدفع فيكي اكتر من ثلاثه جنيه وربع وانا ميجو زوجي وقرة عيني هيقولهم حلال عليكم الدبلة الي خدتوها ….
-: بذمتك انتي عندك دم ليكي نفس تهزري
-: ومهزرش ليه مش شايفه الاكشن الي احنا فيه ، ولله انا حاسة ان أمجد دعا عليا عشان مقلتلهوش اني مسافرة ولا تلاقيه ميعرفش اصلا…
-: اسكتي طيب الا حد يسمعنا ويزعق…
—————–خطة رنا بقلمي روني محمد
-: وبعدين يا باشا هنعمل ايه فالناس الي جوه دي …
-: ما انت الي طلعت طور بقى يا غشيم مش عارف تفرق بين اتوبيس التلاميذ واتوبيس السياح
-: الي حصل بقى يا باشا ، الجو كان كله عفره والشبورة كانت مالية الجو ومخدش بالي..
-: انت بعملتك دي ضيعت علينا الملايين الي كنا هناخدها ، وكمان هتخلي الحكومة تفتح عنيها علينا وتدور
-: خلاص احنا نسبهم يمشوا ونختفي شويه ، الدنيا تهدى ونرجع تاني لشغلنا ..
-: وهي الحكومة هتعديهلنا كده بالساهل…. طب ما تشوفلنا كده يكون حد منهم ابن حد من الكبار الي فالبلد ونساومه على فلوس..
-: صح يا باشا ، انا هروح أدعبس كده علله يطلع من وراهم هبرة كبيرة…
———— خطة رنا بقلمي روني محمد
-: مم موصلوش ..
أمجد : ازاي يعني أمال راحوا فين ، دول كانوا مفروض يوصلوا هنا من أكتر من 4 ساعات..
-: مم مش عارف يمكن الاتوبيس عطل ولا رجعوا من الطريق..
-: منا جي من نفس الطريق كنت شوفتهم ، انا مش مرتاح لصوتك ، انت عارف حاجه ومش عاوز تتكلم بص كده يا حج ولا يا شيخ زي ما بيقولوا لو مقبتش وطلعتلي بمعلومة دلوقتي انا هطلع روحك في ايدي..
-: يابني انا راجل غلبان على قد حالي ملييش في الغلب ده
-: انطق قولي الاتوبيس بالناس الي كان فيه راح فين…
اخذ الرجل يلتفت يمينا ويسارا وهو يتأكد من الا يستمع اليه احد
-: بص يابني تعالى بعيد شويه وانا اقولك…
ابتعدا الاثنان عن الواحة قليلا
-: ادينا بعدنا قول بقى هما فين ؟
-: اتخطفوا!!!!!!
-: ايه!!!
-: وطي صوتك دي فيها قطع رقاب ، الي خطفوهم قبيلة اسمها “ولاد سالم ” ودول حياتهم كلها قتل ودم ، واحنا مش قدهم….
أمجد بغضب : ازاي يعني ناس جيالكم انتو مفروض تحموهم مش تتستروا على الي خطفوهم ..
-: سيب هدومي يابني بس عشان اعرف أتكلم…
-: الله ما طولك يا روح انجز مراتي فين ؟
-: اطمن هما مش هيعمللهم حاجه ، هما لما وقفوا الاتوبيس كانوا فاكرينه اتوبيس اجانب وكانوا ناويين ياسوموا الدولة على فلوس ولما لقيهوم مصريين اكيد هيسبوهم…
-: وانا لسه هستنا قولي على مكانهم ولازم نبلغ البوليس …
-: ارجوك يا بني احنا مش قدهم اولاد سالم لو عرفوا اني انا الي وشيت عليهم هيجوا يحرقوا الواحة بالي فيها …..
يتبع…..
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي