رواية هذه ليلتي الفصل الثاني والثلاثون 32 بقلم نجمة براقة

رواية هذه ليلتي الفصل الثاني والثلاثون 32 بقلم نجمة براقة

رواية هذه ليلتي البارت الثاني والثلاثون

رواية هذه ليلتي الجزء الثاني والثلاثون

رواية هذه ليلتي الحلقة الثانية والثلاثون

بتخرج رصاصه من مسدس صلاح اثناء سقوطه على الارض، لتشق طريقها لصدر ناردين.. لحظات مرت علي الجميع بصعوبه واكثرهم ادم مقيد اليدين ولا يستطيع ان يلمسها، وهو ينظر إليها وهي تفقد الوعي
ليلي بصدمه _ نااردين، لا لا عشان خاطري قومي.. بتفكها بسرعه لتقع علي الأرض، فاقده للوعي، ولا احد يعلم ان كانت ما زالت على قيد الحياة ام لا، وفي تلك الاثناء يتبادل الطرفين اطلاق النار ومن ضمنهم كمال الذي اصابته رصاصه ف كتفه بعد ان اطلق رصاصه من خارج النافذه لتشق طريقها إلى رأس صلاح وتنتهي رحلته بكل ما فيها من شر وكره وحقد… هكذا كانت نهايته…( يلا اهو غار في داهيه)
آدم بصدمه_ ناردين
يامن يجري عليه ويفكه، وبعدين ادم يشيل ناردين ويجري بيها على العربيه وليلي ويامن وراه،
كمال يمسك في رجل ليلي ويوقفها
ليلي _ مش هلحقك، حصل صاحبك ومتنساش تلاقي مبرر تقوله لبابا على اللي عملته
كمال وهو يحتضر _ الشيطان كان اقوي مني سامحيني
ليلى _ انتو غلبتو الشياطين، موتو بقا وخلصونا منكم.. بتمشي وتسيبه ويامن بيروح وراها ويمسك ايدها
يامن بندم _ ليلى انا اسف
ليلي تبصله بكره وتشد ايدها منه وتجري على ناردين. وهو يروح وراها
ادم _ يامن اطلع بسرعه الله يخليك
يامن _ حاضر متقلقش ان شاءلله هنلحقها
داخل المستشفي

بيدخلو المستشفى، وادم بيكون شايل ناردين على ايديه وبيجري بيها داخل المستشفي وينده علي الدكاترة، لغيت ما بيجو الممرضات ويخدوها منه علي اوضة العمليات
ادم ببكاء _ يارب يارب
ليلي ببكاء _ هتكون كويسه متقلقش
ادم _ استر يارب
يامن _ هتكون كويسه ان شاءلله ادعيلها
ادم _ ، فين ماما
يامن _ اكيد في البيت
ادم _ محدش يقولها خالص ماشي
ليلي ببكاء _ حاضر بس اهدا شويه
ادم ببكاء _ اهدا ازاي دي الرصاصه جت في قلبها، مفتكرش ممكن تعيش
ليلي ببكاء _ قلبها ايه بس دي لسه بتتنفس لو جت في قلبها كنت قضت عليها
بيت فهد
فهد بيكون في اوضته وروكي جمبه وهو ماسك البوم الصور وبيتفرج في صور اهله بحزن،، وبعدين باب الاوضه بيخبط
فهد _ ادخل
نور تفتح الباب _ ممكن ادخل
فهد _ لا مش ممكن خليكي عندك
نور _ انا كنت جايه اعتذرلك
فهد _ تعتذري ليه، انتي كانت نيتك خير
نور _ طيب زعلان ليه طالما عارف كده
فهد تغلبه دموعه_ علشان وحشوني ،
نور _ انا اسفه بجد، مكنتش اعرف اني هزعلك اوي كده
فهد بدموع _ مش زعلان منك، انا زعلان عليهم هما، كلهم يموتو في يوم واحد اصحا من النوم ويبلغوني انهم ماتو،
نور _ هما ماتو ازاي

فهد _ في حادثة
نور _ ربنا يرحمهم ويبصرك
فهد بتنهيده _ يارب
نور _ طيب اسيبك ترتاح
فهد _ متشكر على سؤالك
نور _ العفو، بس متقفلش على نفسك كتير، هستنا اشوفك فوق عشان مش هقدر انزل هنا تاني
فهد _ ماشي
بتطلع فوق وبعد شويه تلاقيه جاي عندها
نور بإبتسامة _ حمدالله علي السلامه، متأخرتش اهو
فهد _ اتخنقت من قعدة الاوضه
نور _ ، عامل ايه دلوقتي
فهد _ كويس
نور _ انا اسفه على اللي قولته مكنتش عارفه ان ممكن اجرحك بكلامي
فهد _ انسي انا اصلا مش زعلان منك، … بتعملي ايه دلوقتي
نور _ قااعده زي كل يوم
فهد _ تحبي نخرج نتمشا شويه
نور _ لأ خلينا هنا احسن
فهد _ محتاج اخرج، تعالي معايا مش هتندمي
نور _ خايفه حد يشوفني
فهد _ مش هنبعد كتير

نور _ طيب
في الشركة
بسمه بتتصل ب احمد عشان تسأله على ادم وناردين،
احمد _ مصيبة يابسمه، استاذ صلاح اتقتل وناردين بنته في المستشفى بين الحياه والموت
بسمه بصدمه _ اتقتل،، طيب واستاذ ادم فين
احمد _ في المستشفي مع اخته
بسمه _ مستشفى ايه
في المستشفي..
بتدخل بسمه وتلاقيهم واقفين قدام باب غرفة العمليات، وادم بيلف يمين شمال بقلق
بسمه _ استاذ ادم،
ادم يلتفت لها _ بسمه.. عرفتي ازاي اننا هنا
بسمه_ من استاذ احمد،.. ناردين عامله ايه
ادم بحزن_ معرفش
بسمه_ ان شاءلله هتكون كويسة.. البقاء لله فى وفاة ولدك
ادم _ متشكر

بعد وقت مع غروب الشمس، بيتصل شامي ببسمه
بسمه_ الو
شامي بعصبيه_ انا مش قولتلك لو هتتاخري تاني متروحيش،
بسمه بحزن _ انا في المستشفى
شامي_ مستشفى ليه، انتي كويسه
بسمه_ انسه ناردين اضربت بالرصاص
شامي_ انتي بتقولي ايه يابسمه،
بسمه بدموع_ زي ما سمعت هي دلوقتي مش حاسه بحاجه خالص
شامي _ عنوان المستشفى ايه
بسمه_ متجيش انا هقدر اجي لوحدي
شامي_ العنوان يابسمه، بسرعه
بتديلو العنوان وبعد وقت بيجي
شامي بقلق_ الانسه ناردين عامله اية دلوقتي
ادم _ منعرفش مش راضين يخلونا ندخل
شامي تغلبه دموعه_ مين عمل فيها كده وليه
ادم يبصله ويلاحظ دموعه وقلقه _ مجرد حادثة غير مقصوده
شامي _ سلامتها…. بيبعد عنهم ويوقف في احدي الزوايا ويامن يروح وراه يلاقيه بيمسح دموعه
يامن_ ازيك
شامي _ كويس

يامن _ انا اللى وديتك المستشفى المره الفاتت فاكرني
شامي_ اه اهلا وسهلا.. انا ملحقتش اشكرك
يامن_ تشكرني على ايه انا معملتش حآجه.. واقف لوحدك ليه
شامي_ مفيش
يامن _ هتكون كويسه
شامي بلخبطه_ ان شاءلله
بعد وقت بيطلع الدكتور من عند ناردين،
الكل بيبصو عليه باهتمام
ادم _ طمنى يا دكتور
الدكتور _ ادعولها
ادم _ حالتها صعبه يعني
الدكتور _ الرصاصه كانت قريبه جدا من القلب ولولا لطف ربنا كانت توفت، احنا قدرنا ننقذها، بس لسه قدمها 48 ساعة عشان تطلع من مرحلة الخطر
ادم بحزن _ طيب ممكن اشوفها
الدكتور _ لا مش هينفع
ادم _ هبص عليها من بعيد مش هتكلم خالص
الدكتور بتنهيده _ طيب معاك خمس دقايق بالكتير
ادم _ متشكر

بيدخل ادم ويقعد جمبها
ادم بدموع _ شدي حيلك لازم تقومي، علشان ماما اللي متعرفش اللي حصل، عشان خاطري اتمسكي بالحياه، مش هينفع نخسر اتنين في نفس اليوم،
ناردين فاقده للوعي وتهلوس بأسم شامي
ادم بدموع _ اخص عليكي عشت معاكي طول عمري وبتهلوسي بإسم واحد غريب، طيب كنتي هلوستي باسمي انا، بس اطمني هو قاعد برا وشكله زعلان عليكي، فوقي وانا هجوزهولك، فوقي يا ناردين ، ويسند رأسه علي كتفها ويبكي
بالخارج
ليلي بتبعد عن المكان اللي فيه يامن وتروح تقعد في الاستراحة وهو يروح وراها
يامن بندم _ ليلى عشان خاطري اسمعيني
ليلي _ امشي يا يامن مش عاوزة اسمع حآجه
يامن _ هي غلطه واحده وكانت غصب عني
ليلى بدموع _ بقولك امشي او امشي انا
يامن _ انا اسف
ليلي بدموع _ انا ماشيه
يامن_ لا خليكي ، نتكلم لما تهدي
ليلي _ مفيش بين كلام انت دلوقت غريب عني . وبتمشي وتسيبه
بيطلع آدم من عند ناردين ويبص لشامي اللي واقف ومنتظره يقول حآجه عنها
ليلي _ عامله ايه يا ادم
ادم _ نايمه مش حاسه بحاجه
بسمه _ مكلمتكش حتي
ادم وهو ينظر لشامي_ مبتقولش غير اسم واحد
ليلى _ اسم مين

ادم _ مش مهم، انا هروح اطمن علي ماما، هي لسه متعرفش حآجه،
بيمشي ويربت علي كتف شامي، ويهمس _ متشكر على الزيارة،
شامي _ العفو
بيمشي ادم وبسمه وليلي بيتكلمو مع بعض وفي تلك الاثناء، بيدخل شامي من غير ما ياخدو بالهم، ويروح يقعد جمبها، ويمسك ايدها
شامي بدموع _ وحشتيني،، ادم بيقول انك بتهلوسي بأسم حد، اسمي انا صح…
ناردين بهلوسه _ شامي
شامي يبتسم وسط دموعه _ انا هنا، فتحي وبصيلي مره واحده.. يبتدي يبكي ويقبل يدها _ انا اسف على اللي قولته. فتحي وقولي انك. مش زعلانه منى … طيب فتحي وخلينا نهرب انا موافق
في بيت صلاح
ناهد _ فين ابوك واختك يا ادم
ادم بتردد_ موجودين
ناهد _ موجودين فين
ادم بدموع _ موجودين
ناهد بقلق_ في ايه يا ادم، حد حصله حآجه
ادم يبكي وميردش عليها
ناهد _ مالك يابني قلقتني، ابوك واختك فين
ادم ببكاء _ بابا مات و ناردين في المستشفى
ناهد بصدمه_ انت بتقول ايه، مين دول اللي بتتكلم عنهم
ادم ببكاء _ بابا وناردين
ناهد توقع من طولها

بعد اسبوع
شامي في سفريه مع فريد وبيتصل ببسمه يسال على ناردين
شامي _ اخبارها ايه
بسمه _ فاقت بس زعلانه علي ابوها ومبتكلمش حد خالص
شامي _ هتروحيلها امتي تانى
بسمه _ هروحلها كمان ساعه
شامي _ اكيد كلهم هيكونو جمبها
بسمه _ اكيد، ادم وليلي علي طول هناك
شامي _ طيب ابقي طمنيني عليها
بسمه _ انت هترجع امتي
شامي _ بعد خمس أيام
بسمه _ ترجع بالسلامة
في المستشفي
ليلى وادم قاعدين جمب ناردين
ليلي _ عامله ايه دلوقتي
ادم _ مش هترد عليكي انا من الصبح اكلمها مبتردش
ليلي _ الصدمه كانت شديدة عليها
ادم _ شديدة علينا كلنا، وماما كمان مش راضيه تطلع من اوضتها
ليلي _ ربنا يصبرها

ادم _ وانتي اكيد مكنش سهل عليكي اللي عرفتيه
ليلى بدموع _ اه.. مجاش على بالى انه ممكن يكون ليه يد في اللي حصل لبابا
ادم _ ولا انا جه على بالى اننا عايشين بفلوس حرام طول عمرنا
ليلى _ ناوي تعمل ايه بعد ما عرفت
ادم بتنهيده _ مش قراري لوحدي بس بعد ما اتكلم مع ماما وناردين اذا وافقو هنسيب كل حآجه لجمعيات الخيرية ونرجع بيتنا القديم
ليلي _ هتقدر تسيب كل حآجه بسهوله كده
ادم _ يمكن هيكون صعب في الأول بس مش هقبل اعيش بفلوس حرام بعد ما عرفت
ليلي _ طيب وافرض هما موفقوش
ادم _ يبقا هما حرين انا مش هكمل معاهم
ليلى _ اتمنالك الخير
ادم _ وانتي مش ناويه ترجعي مع يامن
ليلي _ لأ
ادم _ هو غِلط بس بيحبك
ليلي بدموع _ يامن من الاول وهو مش مطمن من نحيتي، وعمره ما هيطمن،

ادم _ معذور
ليلي _ معذور اه.. بس انا مش هعيش مع حد مش مطمنلي
ادم يحدث نفسه _ المفروض اني افرح، بس الله يرحمه حرمك عليه، الله يسامحك يا بابا مسبتش حآجه سليمة
بسمه بتخبط الباب وتقطع شروده
ليلي _ ادخل
بسمه _ عاملين ايه
ليلى _ تمام تعالي
بسمه تروح لناردين _ عامله ايه دلوقتي حبيبتي
ناردين تبص للباب في انتظار شامي اللي مشافتهوش من وقت ما فاقت وتحدث نفسها بقهر _ طلع كلامه حقيقه وكان بيخدعني، والا ايه يمنعه يجي يطمن عليه،، كسرت نفسي وقدرت تذلني بجد، بس انا الحق عليه معرفتش افرق بين المشاعر الحقيقيه والتمثيل… طلعتي غبيه غيرتي نفسك لشخصيه رسمهالك هو بنفسه وبعدين سابك تتعذبي،.. قلبه اسود مقدرش ينسا اللي عملته حتي بعد ما اتغيرت علشانه، ومحسش بالندم لحظه بعد ما كنت بين الحياه والموت بكرهك يا شامي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هذه ليلتي)