رواية ملحد سرق قلبي الفصل الثاني عشر 12 بقلم لؤلؤة محمد
رواية ملحد سرق قلبي الفصل الثاني عشر 12 بقلم لؤلؤة محمد
رواية ملحد سرق قلبي البارت الثاني عشر
رواية ملحد سرق قلبي الجزء الثاني عشر
رواية ملحد سرق قلبي الحلقة الثانية عشر
خالد ورسلان بيفضلوا يبصوا للي على الباب بصدمه وزهول
الشخص / السلام عليكم
رسلان / عمي انت بتعمل ايه هنا وعاوز ايه
خالد / هو انت مش ناوي تحل عن نافوخنا بقى
عبدالهادي بيخرج على الصوت العالي وبيلاقي أخوه واقف على الباب ورسلان وخالد بيزعقوله
عبدالهادي/ عيب ياواد انت وهو ده مهما كان عمكم تعالى يا صابر اتفضل
صابر / لا عاوز أدخل ولا عاوز أتفضل كل اللي أنا عاوزه ابنك يطلق بنتي يا عبدالهادي
بيدخل محمد بعد ماسمع الجمله دي / وانت مالك يا راجل انت أطلقها والا أولع فيها انت فكرت نفسك أب بجد والا ايه
عبدالهادي بهدوء / صابر حور مش بنتك حور دي بنتي .. أنا اللي ربتها وكبرتها وجبتلها بيت بالقسط وقولتلها ده أبوكي اللي جابه ومات قبل مايسد أقساطه عشان متحسش إن حد ليه جمايل عليها وكنت بدفع نص القسط من وراها وهي تدفع نصه ومفهمها انها كده بتدفعه كله أنا اللي حميتها منك زمان وهحميها منك دلوقتي
صابر / أب ايه اللي بتتكلم عنه انت سيبت ابنك يذلها ويكسرها وراح بكل برود قالها أبوكي ق،تل أمك
عبدالهادي بيبص لابنه بصدمه
بيتابع صابر كلامه بسخريه / طيب تمام هي بنتك … تعرف انت بقى بنتك فين بقالها شهرين ونص
عبدالهادي بيبصله بصدمه وزهول / م م مسافره …. وبعدين بص لرسلان وخالد / مش انتوا قولتوا انها مسافره
رسلان وخالد بيبصوا في الأرض ويسكتوا
عبدالهادي بيبص لمحمد بتوهان / بنت عمك ومراتك فين يا محمد
هو كمان مش بيرد وبيبص في الأرض بصمت وحزن وخوف من أن باباه يحصله حاجه
صابر باستهزاء / بنتك فين يا عبدالهادي …. ايه ساكت يعني مش قولتلي حور دي بنتي وبنتي هديها لراجل يصونها ويحميها منك زي ما انا حميتها منك زمان هجوزها للراجل اللي هيقدر يكمل مسيرتي في أمانها وحمايتها هو فين الراجل ده معلش أصلي مش شايفه
محمد / تصدق انك قليل الأدب وعاوز تتربى
وفجأه قلم بينزل على وشه محمد بيبص لباباه بصدمه / بابا انت بتضربني
عبدالهادي/ يا خسارة تربيتي فيك كنت فاكرك راجل طلعت عيل ده حتى العيل ليه لازمه عنك وانتوا يا رجاله بقالكم شهرين ونص أختكم مش عارفين مكانها وتقولولي مسافره لأ بجد فرحان بيكم أنا دلوقتي عرفت اني ربيت رجاله صح جتكم القرف فيكم وفي أشكالكم ….. أختكم فين يااااا يا رجاله
رسلان وخالد مبيعرفوش يردوا يقولوا ايه
عبدالهادي/ مراتك فين يا حيلتها …. ده دكر البط ليه لازمه عنك 😏
صابر / بنتي معايا يا عبدالهادي
كلهم بيبصوله بصدمه ازاي حور قعدت مع أبوها بعد اللي عرفته عنه ازاي قبلت بكده
عبدالهادي/ معاك !!؟ عملت فيها ايه يا صابر والله لو كنت أذيتها لأكون قات،لك
بتدخل حور / أنا بخير يا عمي وبعدين مفيش أب بيئذي بنته
رسلان / انتي بتقولي ايه يا حور انتي سامحتيه حتى بعد اللي عرفتيه
حور / أظن دي حاجه بيني وبين أبويا يا رسلان
خالد / ماعلينا من كل ده أهم حاجه انك بخير
الكل بيسلم عليها وعبد الهادي بياخدها في حضنه
عبدالهادي/ أنا أسف يابنتي سامحيني أنا السبب بس والله كنت فاكره راجل
حور بهدوء / ترضالي أتجوز واحد أذاني يا عمي
عبدالهادي بتنهيده / لأ يابنتي
حور / خليه يطلقني
عبدالهادي/ طلق حور يا محمد
محمد / هو ايه أصله ده اتجوز حور يا محمد عامل حور كويس يا محمد قولها كلام حلو يا محمد دلعها يا محمد اتكلم معاها وهزر يا محمد ودلوقتي طلق يا محمد لأ بقى محمد ده ليه رأي وقرار ووالله ماهطلق غير بمزاجي وهتفضلي مراتي وعلى ذمتي لحد مايجيلي مزاج أطلق غير كده ملكيش عندي حاجه وقام مشي
عبدالهادي بحزن / أنا أسف يابنتي والله عمره ماكان كده ولا كنت أتصور أنه يكون كده
حور بصدمه / يعني ايه ياعمي يعني مش هيطلقني
صابر / هو ايه اللي مش هيطلقك بص يا عبدالهادي ابنك لو مطلقش بنتي هرفع عليه قضية طلاق ووقتها المحاكم هي اللي تفصل بينا
خالد بيميل على رسلان ويكلمه بهمس / انت فاهم حاجه
رسلان بهمس / لأ
خالد / طب ايه اللي لم حور على أبوها حتى بعد اللي عرفته
رسلان بحيره / مش عارف هتجنن وأعرف ايه اللي حصل
عبدالهادي/ يا صابر احنا هنحاول نخليه يطلقها بهدوء ولو مطلقش نشوف اللي حور عاوزاه ونعمله
صابر / ماشي يا عبدالهادي أما نشوف أخرتها مع ابنك
خالد / حور هو انتي سامحتي أبوكي ليه
الكل بصله من سؤاله الغبي اللي مش في أوانه ولكن السؤال فعلاً كان شاغل عقول الكل
حور / الحكايه يا جماعه مش زي ما انتم فاهمين
عبدالهادي/ أومال ايه الحكايه يابنتي
حور / بابا مقت،لش ماما ياعمي اللي حصل ………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملحد سرق قلبي)