رواية بنت البواب الفصل الثاني والثلاثون 32 بقلم مجهول

رواية بنت البواب الفصل الثاني والثلاثون 32 بقلم مجهول

رواية بنت البواب البارت الثاني والثلاثون

رواية بنت البواب الجزء الثاني والثلاثون

رواية بنت البواب الحلقة الثانية والثلاثون

ركضت عنود حتي وصلت الجناح الخاص بيهم وهي تبكي بحزن علي ما أصابها من وجع.. لماذا يفعل هذا بها.. لماذا من أول عقبة يترك يدها.. الم يشعر بما احست عندما ترك يدها .. أخذت عنود زجاجة العطر وقفزتها بكل الم و وجع تشعر بيه وألقتها على المرآة بكل قوتها حتي تكسرت الي أشلاء وهي تهتف بغضب وبكاء : بيعمل معااااااايا كدا ليه.. انا عملتله ايه ؟؟؟؟
دخلت أسيل الجناح وهي تري إنهيار صديقتها التي كانت تقفز كل شيء تراه أمامها وتبكي بحرقة..إقتربت منها واحتضنتها :اهدي يا عنود يا حبيبتي .. مهاب مش قصده يضايقك بالشكل ده.. هو مش قصده اللي فهمتيه ابدا كل الحكاية ان البنت هي اللي احتمت فيه مش اكتر
عنود بدموع : احتمت في !!دي حبيبته القديمة.. ده وشه اتغير تماما اول لما شافها.. ده ساب أيدي علشانها.. عارفة يعني ايه يا أسيل لما تكوني ماشية جمب زوجك وماسك ايدك وفجأة يسيبها اول لما يشوف حبيبته القديمة يااااااااااا إحساس وحش اوي ممكن أي حد يشوفه سهل بس بالنسبة ليا كبير اوي..
كانت أسيل تستمع اليها ولا تقاطعها حتي تخرج ما بداخلها من كبت
اردفت عنود بدموع : عارفة يا أسيل مهاب عارف اني بحبه علشان كده عمل كدا عارف انه مهما يغلط في حقي وفي كرامتي بردو هرجعله ..
ثم مسحت دموعها بقوة: بس المرة دي انا مش هاجي على كرامتي علشانه لازم يعرف أنه جرحني أوي.. ثم هبت واقفة أخرجت حقيبتها ولملمت ملابسها بعنف ..
أسيل : هتعملي ايه يا عنود؟!
عنود :هرجع القاهرة يا أسيل..ثم اردفت بدموع : مش طايقة أي حاجة حواليا يا أسيل؟! مشهد مهاب وهو بيسيب أيدي ويمسكها مش عايز يروح من بالي
إقتربت منها أسيل و طبطبت عليها بحنان : خلاص يا حبيبتي انا كمان هروح أحضر الشنط علشان نرجع
عنود : خليكم يا أسيل مينفعش تسيبه شهر عسلكم علشان خاطري انا هرجع لوحدي..
أسيل بحب : وانتي من أمتي سيبتي حد لوحده يا عنود.. أي حد بيقع في مشكلة بتقفي جانبه حتي لو هتأذي نفسك.. جي الدور أننا نقف جانبك
ارتمت عنود في احضانها :شكرا يا أسيل انك جانبي..
طبطبت أسيل علي ظهرها :خلينى اروح أحضر الشنط..اماءت لها عنود وهي تمسح دموعها
*************************

كان يقف متحيرا هو لا يقصد اهانتها فقد تصرف تلقائيا دون وعي ولكن لم يقصد أن يجرحها..
خلود بدموع : مهاب أنا آسفة لو سببتلك مشكله
مهاب : لا متقلقيش عنود قلبها طيب وانا هعرف اصالحها ..المهم انتي هتعملي ايه؟!
هتفت ببكاء : مش عارفة.. مش عايزه ارجعله.. ولا ارجع بيت اهلي علشان هيرجعوني تاني ليه انت عارف زمان لما اجبروني ان اتجوزه واسيبك و برضو دلوقتي لو رجعت هيجبروني ارجعله بالعافيه..
مهاب: طيب هتعملي ايه وهتروحي فين ؟!
خلود: مش عارفه لسه..
مهاب :طيب تعالي عندنا الفيلا انا مش هينفع اسيبك لوحدك..
بصتله خلود بامتنان ثم اردفت : بس انا كده ممكن اعمللك مشكله كبيره مع مراتك..
مهاب: انا هتكلم معاها و افهمها ..تعالي معايا ..
واخذها وذهب الي الفندق بإتجاه جناح مروان واسيل.. دق الباب وفتح له مروان وكانت تقف خلفه اسيل وهي تلملم ملابس ولكنها تركتها عندما شاهدت خلود وهي تقف بجانب مهاب..
نظرا مهاب الى مروان واردف قائلا مروان خلود مش هينفع نسيبها لوحدها هتيجي معانا الفيلا لان مفيش مكان تاني تروحه .. اتصدم مروان واسيل من ذلك الغبي الذي يخرب حياته وهو لا يدري.. نظرت له اسيل بغيظ ثم اردفت قائله : وهي تضغط على كل حرف الاحسن يا مهاب انك تروح تشوف عنود لان هي محتجالك دلوقتي و يا ريت تحاول تصالحها لان هي زعلانه و محتاجه إن انت تقف جنبها دلوقتي اكثر من اي حد تاني
احرجت خلود واستدارت حتى تذهب ولكن اوقفها مهاب..
نظر مهاب الى مروان برجاء حتى يقبل طلبه أماء له مروان بقلة حيلة بالموافقه ثم نظر مهاب الى خلود واردف قائلا خليكي هنا عند مروان وأسيل لحد ما اروح اشوف عنود واجيبها ونمشي
تحدثت أسيل لنفسها بغيظ : لا وهي هتيجي معاك على طول ..أما غبي صحيح..
وذهب مهاب الى الجناح الخاص بيه هو و عنود
*************************
دخل مهاب الجناح ولكنه اتصدم عندما شاهد منظر المكان الذي تعم فيه الفوضى ورأي عنود التي عيونها تشبه كاسات الدم من كثرت البكاء
مهاب وهو ينظر الي الزجاج المتناثر فى كل مكان اقترب منها بلهفة قائلا : عنود حبيبتي انتي كويسة؟!.. ليه كل ده الموضوع مش مستاهل ؟! انا والله مش قصدي ازعلك انتى فهمتيني غلط.. بس هي محتاجه مساعده انا وقفت جنبها زي اي حد ما تفهمنيش غلط انا مش قصدي ازعلك خالص ..
ضحكت عنود بسخريه مش قصدك تزعلني خااااالص صح!!! مش قصدك تزعلني لما سبت ايدي وحاميت حبيبتك القديمه.. مش قصدك خاااالص..

مش قصدك لما كنت بتضرب زوجها بغل لانه اخذ منك حبيبتك.. مش قصدك خااالص لما انا شفت نظرتك ليها..
مكانش قصدك خالص.. لما انا مشيت وسبتك ماتجيش ورايا ولسه فاكر تيجي دلوقتي.. ما كانش قصدك خااالص بصراحة ..ثم صقفت بيديها المرتجفة واغمضت عيونها الباكية ثم اردفت بوجع : برافو بس اقولك حاجه انا اللي غلطانه علشان دايما انا اللي بدي كل حاجه.. و لما بتزعل بصالحك و لما بتزعلني برده بصالحك انت انسان اناني مبتفكرش غير في نفسك وبس ومفكرتش في كرامتي انا اه طيبه وقلبي ابيض بس اللي ييجي على كرامتي يا مهاب هدوس عليه وهعدي ومش هيهمني اي حاجه حتى لو كنت انت..
واخذت حقيبتها وخرجت تحت انظار مهاب الذي لم يتخيل انه جرحها بهذا الشكل هو يحبها كثيرا بل يعشقها ولم يقصد اهانتها..خرج يركض وراءها حتى يلحق بها..
هتف مهاب: عنود استنى انتى رايحه فين؟!
عنود: راجعة القاهره
مهاب : عنود طب استني هنرجع سوا ثم اقترب منها واحتضنها والله ماكان قصدي اجرحك كده انا اسف يا حبيبتي..
بكت عنود بين احضانه..فهي تضعف بين يده
اردف مهاب قائلا : انا بساعدها بس يا عنود مش اكتر انتى اللي في قلبي وبس و بحبك انتى وبس.. خليني احضر الشنطه بتاعتي و نمشي سوا..
لان قلبها قليلا ووافقت ودخل مهاب أحضر حقيبته وذهبوا باتجاه السياره ولكن الصدمه الاكبر عندما شاهدت عنود خلود وهي جالسه في سياره مهاب ابتعدت عنه عنود هي دي بتعمل ايه في العربيه بتاعتك يا مهاب!!!!! ممكن افهم!
مهاب: يا عنود بقولك هي محتاجه مساعده و معندهاش مكان تقعد فيه هتيجي معانا الفيلا و هتقعد شويه لحد ما تظبط أمورها ..
ضحكت عنود بسخريه ثم اردفت بدموع: انا اللي غبيه .. و غلطانة اني صدقتك.. وتركته وذهبت بإتجاه سياره مروان واستقلت المقعد الخلفي..
ذهب بإتجاهها مهاب..
مهاب :عنود انت هتعملي ايه تعالى يلا اركبي معايا
عنود: لا
مهاب بعصبيه: بقولك تعالى يلا اركبى معايا
عنود بعصبيه اشد: انا مش هركب معاك.. روح لحبيبة القلب بتاعتك وساعدها وسبني انا اولع .. انا اصلا مهمكش في حاجة..
نظرا له مروان ثم اردف قائلا خلاص سيبها يا مهاب تركب معانا.. واضح ان اعصابها تعبانه وكمان علشان المشكلة متزيدش اكتر من كدا..

عنود : ياريت تطلقني يا مهاب وده آخر كلام عندي
اتصدم مهاب من نطقها لكلمة طلاق ثم اردف بغضب :مااااااشي يا عنود براحتك وتركها وذهب استقل سيارته وانطلق بأقصى سرعة
نظرت عنود الي سيارته وأردفت بدموع : انت اللي ابتديت يا مهاب..
نظر مروان وأسيل الي بعض بقلة حيلة ثم انطلق مروان هو الآخر متجهآ الي القاهرة..
أخرجت عنود هاتفها وشغلت اغنية شيرين واسندت رأسها علي زجاج السيارة ودموعها تنساب علي وجنتيها..
(متحاسبنيش على ذنب عملته انته يا حبيبي ومتلومنيش
طول عمري بخاااف ان انا اجرح يوووووم احساسك متسبني اعيش
انارفضه ارجعلك بعد خيانتك ليا مفيش عمري مشكات لو حتي ثوووووانى في اخلاصك
يمااااا أقولت عليك ..ان انته انانى مبتفكرش الا في روحك بتقولى عيشلك وانته عايش بس
لروحك
انا شوفت عنيك.. وكمان بتكدب عيني وجى تقول حكايات ..
كل ما اقربلك تبعدني عنك مسافات
كل ما أقربلك تبعدني عنك مسافات
منك لله
منك لله.. قلبي بيتألم من جواه من الى انا حساه ماشيه ومشيفه انا قدامي ولا حوليه
بقي سهل عليك انك تجرحني وتظلمني انا هونت عليك
كان نفسي تجرب احساسي صعب عليا
يما أقولت عليك ان انته انانى مبتفكرش الا في روحك بتقولى عيشلك وانته عايش بس
لروحك ..بتقولي عيشلك وانته عايش بس لروحك
انا شوفت عنيك وكمان بتكدب عيني وجى تقول حكايات
كل ما أقربلك تبعدني عنك مسافات..كل ما أقربلك تبعدني عنك مسافات..
منك لله)

*************************
رجعوا كلهم الفيلا ومهاب اخد خلود وخلاها تقعد في الملحق الخاص بالضيوف وتركها بعد استقرارها فيه وراح علشان يشوف تلك المجنونة التي تصمم علي لملمت كل أشياءها وترك الفيلا التي لم يقضوا فيها يوم واحد بعد.. دخل الغرفة وجدها تحزم امتعتها كلها بلا استثناء..
مهاب : ياااه ده انتي بتلمي كل حاجتك معني كدا انك هتمشي خالص وفعلا عايزة تتطلقي..
أرادت عنود أن تجعله يشعر بما احست وهي تعرف نقطة ضعفه جيدا
عنود : اه يا مهاب هطلق منك وارجع لحبيبي القديم اكيد هو هيعرف يقدرني كويس ومش هيجرح كرامتي زي ناس..
نفرت عروقه واحمرت عيناه بشدة واقترب منها وهي ترجع للخلف حتي اصتدمت بالحائط وهو يشعر بغيرته تجتاحه بشدة رفع يده وامسك ذراعيها بعنف ثم اردف وهو يجز على اسنانه بعنف :مين حبيبك ده؟ ها ..ااااااااانطقي بقولك
أغمضت عيونها بخوف من شدة عصيبته ولكنها تشجعت عندما تذكرت تلك الخلود حبيبته القديمة.. ابعدته عنها بقوة وعنف ثم اردفت وهي تمشي وتحمل حقيبتها :ملكش دعوة بيا روح ساعد حبيبتك وياريت تطلقني بسرعة من غير أي مشاكل.. وتركت الغرفة بل الفيلا بأكملها تحت نظرات الكل اللي مش عارفين يعملوا أي حاجة أو يقنعوا عنود أنها ترجع عن قرارها.. ولكنها قبل أن تخرج من الباب اوقفها صوت مهاب الذي دوي في المكان كله : عنوووووود لو خرجتي هتبقي طالق..
هو تخيل انه اذا ضغط عليها بهذا الشكل سوف تخضع له وترجع عن قرارها ..
رمت الحقيبة من يدها واستدارت وذهبت بإتجاهه ونظرت له بتحدي:علي فكرة ده كان طلبي لو تفتكر.. ثم أخذت حقيبتها وذهبت وهي تدعي أنها لم تتأثر بما حدث ولكنها عندما استقلت السيارة انهارت حصونها وبكت بحرقة علي انفصالها من اكتر انسان حبته فى الدنيا ولكنه لم يقدرها ..
*************************
وقف مصدوم مما حدث هو تخيل أنها سوف ترجع لانها تعشقه ولكنه تذكر كلامها الذي قالته له : انت لو جيت علي كرامتي هدوس عليك يا مهاب
رما بجسده علي المقعد ووضع كفيا يدري وجه بألم تحت انظار مروان وأسيل الذين رق قلبهم علي حالته
مروان : مهاب أن شاء الله كل حاجة هتتحل وترجعوا زي الأول وأحسن بس انت سبها تهدي اعصابها شوية..أماء له مهاب وتركهم وصعد الي غرفته دخل وهو ينظر لكل شئ حواليه وعلي السرير المزين بالورود والعطور وبكي نعم نزلت دموعه وما اغلي دموع الرجال اذا نزلت ثم اردف قائلا لنفسه :غبي وضيعتها من أيدي غبي غبي غبي قال كلماته الأخيرة وهو يقفز كل شيء يأتي في يده..
*************************
دخل مروان وأسيل غرفتهم وهم في قمة حزنهم علي افتراق مهاب وعنود جلست أسيل علي الاريكة ونام مروان ووضع رأسه علي قدمها فمشت اناملها تتخلل خصلات شعره الناعمة ثم اردفت قائلة : احنا مينفعش نسيبهم كدا يا مروان لازم نعمل أي حاجة..
مروان بغيظ: هنعمل إيه بس يا حبيبتي دول الاتنين عايزين الحرق ودماغهم عايزة تكسير الاتنين بيموتوا في بعض بس عنادهم هو اللي عامل كدا.. انا اول مرة اشوف مهاب في الحالة دي حتي بعد خلود ما اتجوزت كان قوي وموصلش للحالة اللي انا شوفته فيها النهاردة دي
أسيل : خلاص انا عرفت هعمل إيه علشان ارجعهم لبعض وبعدين اصلا عنود متقدرش تعيش من غيره بس لازم الاتنين يتعلموا ازاي يتمسكوا ببعض اكتر من كدا لأن الحب لوحده مش كفاية..
مروان : هتعملي ايه يعني يا روحي
أسيل : اسمعني كويس علشان كلنا هنشترك في الخطة دي وشرحت له أسيل ما سوف يتم..
*************************

بعد أسبوع من فراق مهاب وعنود..خرج مهاب حتي يطمئن علي خلود فهو لم يعيرها أي اهتمام من يوم ما تركته عنود ولكنه احس أنه مقصر معاها فذهب حتي يطمئن عليها دق الباب و فتحت خلود وفرحت كثيرا ..فقد وصل إليها خبر انفصاله عن زوجته وأن الساحة فارغة أمامها ..
خلود بابتسامة : مهاب ازيك عامل ايه ..كدا نكون في بيت واحد ومشوفكش ابدا
مهاب : معلش يا خلود انا بس كنت مشغول شوية
خلود : طيب ادخل هتفضل واقف برا كدا
دخل مهاب الي الداخل وجلسوا يتحدثون ولكن مهاب وجدها تتقرب منه وامسكت يده وهي تنظر له بعشق ثم اردفت بصوت هامس وهي قريبة من وجهه بشدة :وحشتني اوي اوي يا مهاب..كل السنين دي عدت عليا ومقدرتش أنساك كنت لما ببقي مع جوزي كنت ببقي متخيلاه انت مش هو.. دلوقتي انت انفصلت عن مراتك وانا هنفصل عن جوزي ونكون لبعض..

يتبع..

• لقراءة الفصل التالي : اضغط هنا
• لقراءة باقي حلقات الرواية اضغط على (رواية بنت البواب)