رواية طفلة ولكن عشقتها الفصل السابع عشر 17 بقلم شهد محمد

زين بصدمه: اا..آيه

آيه بسخريه:اه آيه ياجوز اختى يامحترم

زينب:هااى آيه

آيه:زينب ياحببتي غوري من قدامى عشان مجبكيش من شعرك زي المره اللى فاتت،فاكره المره اللى فاتت يازوزو؟؟

زينب بلعت ريقها بخوف:فاكره فاكره

flash back

زينب بدلع:اى يالوكا عامل اى

مالك باستغراب:لوكا !!!…زينب انا صاحب خطيبك مش خطيبك

زينب:واى يعنى..مانت من العيله بردو

آيه بعصبيه:ماتتعدلى يازينب بقا واعملى احترام لزين ف غيابه

زينب:وانا اتكلمت يا آيه انا بسلم ع لوكا بس،اصلي بقالى كتير

 مشوفتوش وهو كان واحشني الصراحه

آيه بغضب:لا انتى جبتي اخرك معايا

“وقامت جابتها من شعرها ووقعتها ف الأرض وفضلت تضربها ومالك بيشدها بالعافيه “

مالك بضحك:خلاص يا آيه خرشمتي البت،امشي يازينب بسرعه

زينب وهيا بتخرج برا القصر:متوحشه

آيه:عاااااا مسبتنيش ليه ع الملزقه دييي

مالك بخبث:وانتى اى اللى عصبك !؟…اى يعني اما تدلعنى؟

آيه بغضب:يسلااام !!..تدلعك قدامى كده عادييي

مالك بمكر: وانتى متعصبه ليه ؟،اى بتغيري عليا “وغمزلها”

آيه بتوتر:هاا…لالا ابدا..عن اذنك

وطلعت اوضتها وسط ضحك مالك

Back

آيه:جدعه ياروحي يلا برا ومشوفش وشك ف الشركه “وكملت بزعيق” فاهمههه !!!؟؟؟.

زينب بخوف وهيا بتخرج:فاهمه فاهمه

آيه وهيا مربعه ايديها وبتبص لزين:تفسر ب ايي الى شوفته من شويه دا؟

زين بتوتر:احم هفهمك يا آيه… هيا جاتلى وعايزانى ارجعلها وحضنتي مره وحده ومستوعبتش كده غير اما دخلتى 

آيه:امممم…وانت طبعا حنيت لايام زمان ياعيني

زين وطا راسه ف الارض وسكت

آيه:مكونتش اتوقع منك كده ابداا يا زين…وكنت فكراك بتحب اختى بجد وهتحافظ عليها،بس للاسف توقعى طلع غلط

زين:آيه انا بحب شهد فعلا

آيه بسخريه: واضح فعلا

زين:طيب ممكن اللى حصل دا ميخرجش برا؟

آيه:استحاله اسيب اختي مغشوشه فيك كده..لازم تعرف حقيقتك يازين..”وكملت بسخريه”.. سلام يا…ياجوز اختى

وخرجت برا وزين حط ايديه بين راسه بتفكير وتعب

_________________________________

آيه دخلت القصر وهيا بتدور بعينها ع شهد

آيه:داده شهد فين؟

خديجه:ف الجنينه يحببتي

شهد جت من وراها :مالك يا آيه

آيه:تعالى بسرعه عايزاكى ف مصيبه “وشدتها وطلعو اوضتها”

شهد:ف اي يابنتي

آيه:شهد لازم تصدقيني ف اللى هقولهولك دا

شهد:ماتقولى يبنتي في اي قلقتيني !؟

آيه:زين ياشهد بي..

شهد بجمود:بيخونى عارفه

آيه بصدمه:عارفه !!!!

شهد:اه

آيه:ازاى وامتى؟..وليه ساكته ؟

شهد بشرود:هتعرفو قريب يا آيه…بس من فضلك محدش يعرف بالموضوع دا

آيه:بس جدي لاز…

شهد:ارجوكى يا آيه بلاش 

آيه باستسلام:حاضر ياشهد

__________________________________

زين بعصبية:آيه هتقول لشهد وكل حاجه هتنتهى

مجهول بسخريه:انت لسه فاكر ان شهد لحد الان مش عارفه !؟

زين بصدمه:شهد عارفه !!..ازاى ؟

مجهول:انت فاكر ان شهد غبيه للدرجادى؟…زين،شهد طفله اه بس وقت الجد تنفع رئيسه دوله…شهد ع قد ماهى طيبه بس صدقني تفكيرها شيطانى..وبتعرف تاخد حقها كويس اوووى…هيا ممكن تبان من برا عادي وتمام ،بس من جواها فيه كوارث ف دماغها…شهد عيونها ف كل مكان علينا وعليك انت بالذات..ومش بتتجسس بس بتحس ب الى قدامها يكدب او لا…وهيا عارفه انك بتخونها وحنيت لزينب تانى.. وطبعا هيا باينه قدامك انها هاديه وراسيه !…بس صدقني كل دا هدوء ماقبل العاصفه وشهد بتفكر دلوقتى ف حاجه تنتقم منك بيها ومن اى حد خدعها…حتى انا !

زين :يااااااه شهد الى متربيه ع ايدي واللى فيها طفوله وطيبه يخرج منها كل دا؟

مجهول:صدقني انت اللى وصلتها لكده ولسه الله اعلم هيا بتفكر ف اى دلوقتى

زين:طب والحل؟

مجهول:مش عارف دماغى وقفت عن التفكير…بقولك اى اقفل دلوقتى وهكلمك كمان شويه

زين:تمام

__________________________________

احمد:ها عملتى اى؟

زينب:متقلقش الخطه ماشيه تمام…بس انا زودت حاجه من عندى

احمد بقلق:حاجه اى؟

زينب:وانا رايحه لزين كلمت آيه اخت شهد وقولتلها تروح مكتب زين بسرعه فيه مصيبه…هيا خافت طبعا وفكرت ان فيه ورق ضايع ف الصفقات ، بس راحت وشافتنى وانا حاضنه زين وزمان شهد عرفت

احمد بعصبيه:انتِ ازاى تتصرفي من دماغك كده

زينب ببرود:عادي يعني..اهو اى حاجه نضر بيها زين وخلاص

أحمد: وناويه ع اي

زينب:لسه التقيل جاى

__________________________________

*قاعد بيتابع شغله وهيا سرحانه فيه وجواها حزن كبير*

آيه ف نفسها:شكلى انا وانتى ياشهد ملناش نصيب نتحب بجد

“فاقت من سرحانها ع صوته الهادى”

مالك :مالك يا آيه،سرحانه ف اى ؟

آيه:مالك هو انت بتحبني فعلا؟

مالك  باستغراب: عندك شك ف كده ؟

آيه بسخريه:قول ماعنديش

“مالك قام بسرعه وقعد ع ركبته قدامها ومسك ايديها”

مالك بندم:انا عارف انى مقصر معاكى..وانى علطول مشغول ومش فاضي..بس صدقيني كل دا غصب عنى….فيه صفقات كتير اووى الفتره دى ولازم يخلصو…وانتى عارفه زين رامي الحمل عليا انا وعمر

آيه بدموع:يعني شغلك اهم منى يامالك؟

مالك شدها لحضنو جامد:ياروحي والله ابدا ، يغور الشغل قصاد سعادتك….انا مفيش حاجه ف حياتى اهم منك…وكمل بمرح”… ويستى ليكي عليا اول ماخلص كل الموال دا اخدك ونسافر اليابان وكوريا و وانجلترا كمان

آيه نطت بحماس:بجد يا لوكا 

مالك بحب:بجد ياعيون لوكا

آيه نطت حضنتو جامد:انا بحبك اووووى 

مالك:وانا بعشقك يامغلبانى