رواية النصيب الفصل الثاني عشر 12 بقلم ريل محمد

رواية النصيب الفصل الثاني عشر 12 بقلم ريل محمد

رواية النصيب البارت الثاني عشر

رواية النصيب الجزء الثاني عشر

رواية النصيب الحلقة الثانية عشر

بلسان ياسمين
مررت سنين و الحمدلله ربنا عوضني عن كل الوحش اللي فحياتي ب لي لي و أسر اللي كان ليا سند و ضهر
بعد لي لي مكملت تلات سنين قلت لأسر انا عايزة اروح لدكتور اشوف موضوع الخلفة و لما رحنا الدكتورة قالت لي ان بسبب الحمل و المشكلة اللي حصلتللي في الولادة الأولى فنسبة اني اخلف تاني ضعيفة جدا وقتها انهرت و قلت له طلقني وانا مش هعرف اخلف و روح اتجوز وحدة تانية تخلف لك قال لي هو انا حصل قلت لك انا عايز خلفة ولا عيال و حتى لما جيت معاكي للدكتور عشان خاطرك بس انا مش عايز انتي ولي لي مالين عليا حياتي و مكتفي بيكم و بعدين انتي مش عندك لي لي مش هي بنتك ولا ايه و بعدين كل حاجة بأيد ربنا و هو اللي بيقسم لنا الخير و فكري فكل حاجة حصلت فحياتك هتلاقيها لخير و ما تعترضيش على أمر ربنا
فضلت فترة زعلانة بسبب الموضوع دا بس بعدها حمدت ربنا و ان انا مش لوحدي و لي لي بنتي و ان غيري معندوش و راضي .فالحمدلله على النعم اللي عندي. ❤💖

بعد سنوات لي كبرت و بقت ١٠ سنين و طبعا اتكلمت معاها و فهمتها ان انا مش امها الحقيقة وان امها ماتت لما ولدتها عشان تعرف و تفضل تدعي لأمها و هي اتقبلت الموضوع في مرة غلطت مرضيتش تعرف انها غلطانة ضربت ولد في المدرسه عشان ضايقها بالكلام و ام الولد اشتكت للمديرة و طلبوني في المدرسه و لما قلت لها تعتذر من الولد عشان ضربتو رفضت و قالت لي بيغلس عليا و انا مش هسكتلو و بصت للولد و قالت لو لو فكرت تاني تجلس عليا أو تضايقني انا هضربك تاني و المديرة عملت لها فصل يومين و انا زعلت منها و قلت لها ان انا زعلانة منها لحد ما تعترف بغلطها و مش هتعمل كدا تاني فهي كمان عاندت و قالت لي ان مش بسيب حقي قلت لها انا اه زعلانة علشان ضربتي الولد بس زعلانة منك اكتر في انك انا بقولك اعتذري رفضتي وهددتي الولد قدام امه و المديرة و اتفصلتي من المدرسه و صغرتيني قدام المديرة و بينتيلها انه انا معرفتش اربي و سبتها و فضلنا يوم كامل مش بنتكلم مع بعض قلت لأسر انده ليليان للغداء قالي ماشي جت قعدت و بتبصلي قلت لأسر قول لناس اللي معانا على السفرة ياكلو قال لي ناس مين هو انتو متخانقين قلت له اه انا مبكلمهاش لقيتها بتبصلي و عنيها فيها دموع صعبت عليا قامت و جات قعدت علي رجليا و حضنتني و قالت لي انا اسفة يماما و عيطت و انا كمان عيطت مسحت لها دموعها قلت لها متعيطيش قالت لي و انتي كمان أسر كان بيضحك علينا

قال للي لي خلاص يلا انزلي اقعدي فكرسيكي وكلي قالت له لا و انا باكلها فبقها قال لي دي بقت شحطة بتاكليها قالت له انت مالك انت اللي شحط قلت لها لي لي عيب دا بابا مينفعش تردي عليه كدا قولي له اسفة بصت له وقالت اسفة قال لها مش كن قلبك يا بت و بصلي وقال لي وانا ايه مش هتاكليني زيها قلت له لا بنتي حبيبتي بس مش كدا يا لي لي قالت لي ايواة يا ماما وطلعت له لسانها و جريت و هو جري وراها دخلت اوضتها و هي بتضحك رجع قعد على السفرة و قال لي ماشي بتفضليها عليا … خليها تنفعك مسكت ايده و قلت له لا يا حبيبي دا انت اللي فقلبي و اول حب فحياتي و دي بنتي كل واحد فيكم مكانته فقلبي غير التاني و بحبكم الاتنين اكتر من بعض
فيوم تعبت و أسر أصر انه نروح المستشفى و رحنا الدكتورة كشفت و قالت مبروك المدام حامل اتصدمت و فرحت اوي وعيطت و أسر فرح جدا و رجعنا البيت لما دخلنا لي لي جريت عليا أسر قال لها ان هيكون عندك اخ بصت لي بزعل و جريت اوضتها و انا رحت وراها لقيتها قافلة الباب قلت لها افتحي يا حببتي انت زعلتي ليه أسر قال لي سبيها تاني يوم صحيت

الصباح لوحدها و لبست هدوم المدرسة رحت اصحيها لقيتها جاهزة قلت لها تعالي افطري قالت لي مش جعانة قلت لها عايزة اتكلم معاكي ممكن قالت لي ممكن قلت لها انت زعلانة مني قالت لي لا قلت لها ايه اللي مزعلك قالت لي انت هتخلفي بيبي وهتحبوه اكتر مني و انتي هتحبيه اكتر مني عشان هو حيكون ابنك و انا مش بنتك و مش هتحبيني زي الاول و كانت بتعيط انا كمان عيطت وقلت لها هي دي فكرتك عني انا عمري مشفتك غير بنتي و لو خلفت عشرة مش هحبهم قدك و عمري ماهفرق بينكم و خدتها فحضني قالت لي وعد قلت لها وعد يلا عشان تفطري و الا انا هزعل منك قالت لي لا خلاص هاكل …عدت الايام و ولدت جبت ولد سميته اياد في أول أيام لي لي مكنتش بتحبه و بتغير منه و مكنتش بترضى انه ينام معايا هي كمان بتيجي تنام معانا و أسر يقول لها انتي كبيرة روحي نامي فاوضتك تقول له مش رايحة رواح انت وابنك قال لها انا نفسي تحترميني يا بت مع الايام بقت بتحبه اكتر مني و من ابوها