رواية تقاليد الريف الفصل الاول 1 بقلم دينا رجب

ماما..مريم ي مريم

انا..نعم ي ماما 

ماما..تعالي هنا

انا..نعم

ماما..خدي فلوس و انزلي اشتريلي شوية حاجات

انا..انا تعبانة ي ماما ممكن تخلي رحمة أو ادم ينزلوا

ماما..تعبانة عندك ايه بلاش دلع انجري اشتريلي الحاجات 

انا.. حاضر

اشتريت الحاجات و طلعت

بقلميDina Ragab  

…………………………………

انا..اتفضلي ي ماما حاجة تاني

ماما..اه روحي روقي البيت 

انا..ي ماما ما رحمة فاضية ما تخليها تنضف حتي انا جبت الحاجات و نزلت في عز الحر 

ماما..انا قولت انتي اللي تروقي كلمة واحده 

انا..ماشي 

رزقت البيت و لسة بريح سمعت صوت ماما بتنادي

ماما..مريم بت ي مريم

انا..نعم ي ماما

ماما.. بقالي ساعة بنادي

انا..معلش مسمعتش

ماما..خلصتي ترويق

انا..اه خلصت

ماما.. طيب…..كنت عايزة حاجة كمان

انا..اتفضلي

ماما..اغسلي المواعين بالمرة و اعملي كوباية شاي ليا 

انا..ي ماما  انا تعبت ما تقولي لرحمة اشمعنا انا

ماما..يلا انا قولت اللي عندي و لو مسمعتش الكلام هضربك بالحزام

انا..حاضر

بقلمي Dina Ragab

خلصت كل حاجة و قعدت في اوضتي اريح……….بعد شوية طلعت اتوضيت و صليت العصر و دخلت انام شوية ….

تعالو نتعرف علي الشخصيات 

مريم بطلة القصة عندها18سنة مش محجبة عيونها بني فاتح شعرها قصير لونة اسود و غزير مش ناعم اوي رموشها طويلة و لون بشرتها قمحاوي وطويلة

ادم اخو مريم عنده 11سنين بشرتة اغمق من مريم حاجة بسيطة سعرة اسود و رموشة طويلة و عنية بني و طولة متوسط

رحمة اخت مريم محجبة عندها 20 سنة طويلة عنيها بني 

ادم دلوع ماما و بابا أصل بابا و ماما من الارياف عندهم أن خلفة البنت وحشة مش بيحبوني انا بالذات عشان أنا بنت و بابا و ماما بيحبوا ادم عشان هو الولد الوحيد و كمان هو الأصغر و بيحبوا رحمة  عشان هيا الكبيرة اول فرحتهم يعني  

سلمي و جني صحاب رحمة نفس سنها صحاب من و هما صغيرين 

سلمي محجبة عيونها لونها اسود رفيعة و قصيرة بشرتها قمحاوية

جني محجبة لون عينيها بني غامق متوسطة الطول بشرتها بيضة

بقلمي Dina Ragab 

………………………………….

صحيت من النوم علي زعيق بابا و هو بيناديني 

بابا بعصبية..مريييم بت ي مريم

انا ..نعم ي بابا

بابا.. بجد اللي حصل ده انتي ازاي نايمة لحد دلوقتي و سايبة امك تشتغل لوحدها 

انا و انا في حالة صدمة ببص لقيتها بصالي و نظرتها بتقول اني لو اتكلمت هتضربني  

انا..انا اسفة يا بابا كنت تعبانة 

بابا..هو في حد ينام للمغرب 

انا..المرة الجاية هصحي بدري

بابا..ادخلي يلا حضري  الاكل بسرعة 

روحت حضرت الاكل و حطيته و عملت الشاي و غسلت المواعين و كنست البيت و عمال ما خلصت كانت الساعة 12 دخلت نمت و صحيت الصبح علي زعيق امي تاني و هيا بتنادي 

ماما..مريم بت ي مريم 

انا..نعم 

ماما..قومي يختي جيلنا ضيوف مهمين بكرة عيزاكي تنضفي البيت و تغسلي السجاد 

انا..مين دول 

ماما..و انتي مالك اعملي اللي قولت عليه يلا 

انا ..حاضر 

 غسلت المواعين غسلت السجاد و نضفت البيت كله وعملت الاكل ودخلت نمت من كتر التعب

بقلمي Dina Ragab

تاني يوم 

صحيت علي صوت ناس برة 

و ادم جاي بيقولي اجهزي  عشان الناس مستنينك و مشي و مفهمتش مستنيني ليه و ناس مين دول جهزت و طلعت سلمت عليهم و اتفاجئت بان بابا بيقول نسيب العرسان مع بعض شوية  

و برفع عيني و انا في حالة صدمة اشوف مين الشخص ده