رواية عشقت مريضي الفصل الثامن 8 بقلم سلمى محمود

رواية عشقت مريضي الفصل الثامن 8 بقلم سلمى محمود

رواية عشقت مريضي البارت الثامن

رواية عشقت مريضي الجزء الثامن

رواية عشقت مريضي الحلقة الثامنة

شهقت صدمه خرجت منهم بعدما استمعوا لحديث ذلك المجنون
امنيه بصدمه وغضب/ انت اتجننت يا ادهم… ايه الى انت بتقوله ده
ادهم ببساطه/هوا انا قولت اى غلط
امنيه بغضب/قولت اى غلط…. انت واعى لنفسك… هجيب الزرعه دى وهلبسها فى دماغك… يمكن يفوق
هيثم محاوله التحكم فى اعصابه/ انت عندك دم… جواز اى الى عاوز تتجوزه فى المصيبه الى انت واقع فيها دى
ادهم بهدوء/ بردو فين الغلط الى انا غلطته…. امنيه انا عاوز اتجوزك
امنيه بهدوء مصطنع/ انا هاديه هاديه خالص اهو…. الاستاذ عاوز يتتجوزنى لى
ادهم/ هوا الواحد بيتجوز لى
امنيه بابتسامه غاضبه/ اها قولى الواحد بيتجوز لى
ادهم بتعلثم/ علشان…. اممممم…. اه
امنيه ببرود/ اقولك انا عاوز تتجوزنى لى…. حضرتك عاوز تتجوزنى علشان تكسر جهاد… وتبين ليها انها خلاص معدتشى فارقه معاك… وانك اتخليت عنها هى والبيبى… فاهى تتراجع وتنزل البيبى وترجعلها وترمينى صح
ادهم بدهشه من ردها/ لاء طبعا مش كده…. انا مقصدشى كده
امنيه وهى تتركه وتذهب/ ولا تقصد… انا راجعه القاهره
ادهم وهو يركض خلفها / امنيه استنى بس هفهمك
مى وهى تنظر لهيثم بهدوء/ اى وانت مش هتجرى انت كمان
هيثم بغمزه وابتسامه ماكره/ هوا بيجرى ورا الشمس وانا القمر قاعد جمبى…. اجرى لى بقا
نظرت له مى بخجل وتوردت وجنتيها فتحدث هيثم بمشاغبه/ انتى اكسفتنى من اى بس… دا انا لسه بقول ياهادى يامعذب فؤادى

مى بخجل/ بس ياهيثم…. واكملت بجديه…. قولى ياهيثم
هيثم بتسبيل/ ياعيون هيثم…. قولى ياقلبى
نظرت له مى بتحذير واكملت بجديه/ هيثم انت حبيبتنى امتا….. يعنى فجأه كده…. انا الى اعرفه انك بتحب امنيه مش بتحبنى انا
اعتدل هيثم فى جلسته وقال بهدوء/ مى… حبيبتك امتا وازاى…. صدقينى معرفشى… وبس كل الى لازم تعرفيه انى حبيبتك انتى مش امنيه
اما بالنسبه لامنيه… فا دا لاكان حب ولا كان اعجاب
مى باستغراب/ اومال كان اى
هيثم بشرح/ انا وامنيه ياستى زى ما انتى عارفه ولاد خاله ومتربين مع بعضنا… عارفين كل حاجه عن بعض
وخالتى وامى زرعوا فيا ان امنيه ليا… البت محدش هيتجوزها غير ابن خالتها وانا كبرت على كده.. ولما واجهت امنيه واتكلمنا… اكتشفت انى بحبها لانها اختى الى ماليش غيرها
ودورت فى قلبى كويس لاقيت قاعده ومربعه يا تفاح امريكاوى انتى
نظرت له مى بخجل / وانا كمان بحبك
هب هيثم واقفا من مكانه واخذ يدها متجها للداخل بخطوات مسرعه
مى بصدمه/ فى اى ياهيثم بتجرى لى
هيثم/ هنرجع القاهره حالا
مى بدهشه/ لى… احنا مالحقناش نقعد
هيثم/ هتجوزك حالا… مش هستنى
ضحكت مى عليه بشده
اما عند امنيه وادهم… كان ادهم يلحق بها

وقف ادهم يلتقط انفاسه/ يا امنيه استنى معنتش قادر اجرى علشان خاطرى
وقفت امنيه مكانها ولم تلتفت له وربعت يدها امام صدرها وقالت ببرود/ افندم عاوز اى
ادهم وهو يتحرك ليقف امامها/ عاوز افهم انتى مش عاوزه تتجوزينى لى
امنيه بغضب/ انت مجنون اى الى انت بتقوله ده…. روح صالح مراتك بطريقه تانيه ومالكشى دعوه بيا
امسك ادهم يدها وجلعها تجلس جواره على العشب / ممكن تقعدى كده وتهدى علشان نعرف نتكلم
امنيه بغضب/ مافيش كلام بينا بعد الى قولته
ادهم بهدوء/ طب اسمعينى طيب
امنيه/مش عاوزه اسمع منك حاجه… روح اقعد جمب مراتك… هى محتاجاك جمبها
ادهم/ طب ادينى فرصه احكيلك كل حاجه
امنيه بنفاذ صبر/ اتفضل قول الى عندك
ادهم بتنهيده/ بوصى ياستى……
♧♧♧♧♧♧♧♧♧
فى داخل القصر كانت الفتيات يجلسن سويا
سمر بحماس / قوليلى بقا يا اسراء،…. اى اخبار المستشفى والمزز الى هناك
ضربتها فاطمه فى ذراعها/ اتلمى ياختى…. اشحال مكنتيش مخطوبه
سمر بضحك/ وفيها اى اهو بعرف الاخبار
اسراء بضحك/ ماكانشى فى موزز انا الموزه الوحيده
فاطمه بضحك/ ياجامد…
جاء كريم من الخلف / طب اخد انا بقا موزتى واخلع
فاطمه ببرود/ يلا يابابا روح العب بعيد
كريم بغضب/ بت بقولك اى مالكيش دعوه بيا انا وخطيبتى

فاطمه بتشنج/ خطيبتك… طب روح بقا مافيش خطوبه ومعندناش بنات للجواز
كريم بغضب/ بقولك اى انتى كلمه كمان وهتجوز البت وغصب عنكو
وامسك يد سحر وخرج للحديقه
نظرت فاطمه فى أثره بصدمه/ شوفى الواد وبجاحتك… سحب البت من وسطينا
اسراء بضحك/ ياللهول الصاعقه
جاء يحيى ركضا/ ايسو تعالى معايا بسرعه
اسراء بدهشه/ فى اى يايحيى بتجرى لى
يحيى ممسكا يدها / تعالى معايا بس… هوريكى حاجه حلوه
خرجت اسراء مع يحيى
نظرت اسراء لاثرهم بصدمه/ كل واحد خد موزته وخلع
همس مازن بجوار اذنيها/ طب يلا اخدك ونخلع
شهقت فاطمه بصوت عالى واحمرت وجنتيها نظرت خلفها وجدت مازن قريب منها وبشده… ابتعدت عنه بخجل وقالت بغضب/انت مقرب كده… واحد قليل الادب
مازن بخبث/ هوا انا عملت حاجه… بعدين انا عاوزه اسألك على حاجه
فاطمه بغضب/ عاوز اى

مازن بمكر/ عاوز اروح المرمى الى ورا القصر
فاطمه باستغراب / لى
مازن / عاوزه ادرب شويه
فاطمه بسعاده/ طب تعالا اوريك… وتعملنى
خرجت بحماس وخلفها مازن يضحك عل تلك الطفله
وصلوا الى المكان المخصص للرمايه يتدرب فيه يحيى وكريم على التصويب والرمايه
وقفت فاطمه تنظر للمكان من حولها/ هنا المكان الى اخواتى وبابا وعمى بيدربوا فيه
نظر مازن للمكان بهدوء واخرج مسدسه وقام بتعميره مصدر صوت افزع فاطمه
فاطمه بشهقه وصوت عالى / اى ياعم مابراحه خرمت ودنى
مازن بغضب فهو يكره الصوت العالى / اولا…. دا انا بس عمرت المسدس معملتش حاجه لسه للفزع ده
ثانيا…. صوتك لو على هفرغ المسدس فى دماغى
فاطمه بغضب/ مسدس اى الى هتفرغه فى دماغى انت عبيط ولا اى… انت لسه متعرفش انا مين
مازن بسخريه/ مين ياعنى… فاطمه بنت عمى… ها وبعدين
اردفت فاطمه بثقه/ انا فاطمه سفيان السوالمى
مازن بسخريه/ حصلنا الفزع… انا بقا سياده الرائد مازن هشام السوالمى… يا…يابنت عمى
فاطمه بسخريه/ طب يلا يا استاذ ادرب
مازن ببرود/ طب روحى يلا ياشاطره العبى بعيد علشان متتعوريش
فاطمه بغضب… اقتربت منه وامسكت المسدس بسرعه واطلقت عده رصاصه على الاهداف الموضوعه امامها واصابتها جميعها بنجاح

اعطت المسدس لمازن الذى كان يطالعها ببرود مع ابتسامه جانبيه باعجاب لمهارتها/ مش بطال شغلك كويس… بس عاوزه شويه تمرين
اقتربت منه بسخريه وضعت يدها على رقبته من الجانب / مكسوف تقول انى احسن منك
نظر لها بسخريه وظل ينظر لعينيها بثبات واطلق رصاصات دون ان يشيح بنظره عنها
نظرت له ولبراعته بصدمه
ابتعدت عنه ونظرت له بسخريه وصفعته على رقبته من الخلف كنوع من الهزار / مش بطال ياسياده الرائده
نظرت له ووجدت عينيه اصبح لونها احمر من شده الغضب
ثوانى وادركت مافعلته ونظرت له بخوف وركضت للداخل
وتركت مازن خلفها يتابعها بغضب ووعيد
♧♧♧♧♧♧♧♧♧
اما عند كريم وسمر
كان كريم متعلق بأحد فروع الاشجار… مثبت قدمه على الفرع بشده… وجسده متدلى للاسفل وكان يرفع جسده للاعلى ليلامس فروع الاشجار ويلتقط الورد الابيض ثم يعود بجسده لاسفل
ويمده يده بالورد لسمر
عندما اتنهى قال كريم وهو مازال معلق فى فرع الشجره/ مش ناويه تقولى حاجه علشان التعليقه السوده دى
ضحكت سمر عليه بشده وقالت بخجل/ انت حلو اوى ياكريم… ربنا يديمك ليا
سقط كريم على الارض بحده… متأوه بألم وهو يمسك ضهره/ ااااه ياضهرى…. دا الرومانسيه دى صعب اوى ياجدع
اقتربت منه سمر وارتسمت على وجهها ملامح الذعر
/كريم انت كويس… حصلك حاجه… انت ساكت لى… هطلب الاسعاف
امسك كريم بهدوء وقال بحنان/ اهدى ياحبيبتى… متقلقيش انا والله بخير
سمر بدموع/ كريم متكدبش…. انت وقعت على ضهرك جامد…. انت تعبان… قومى نروح المستشفى
كريم مهدئا/ اهدى ياروحى انا والله بخير صدقينى… سندينى بس ندخل جوه
ساعدته سمر فى الوقف وامسكته يده مسنده اياه/ تعالى… انت لازم ترتاح
نظر كريم لها نظره مطولا قائلا بحب/ بتحبينى ياسمر!

نظرت سمر اليه وعنيها مليئه بالدموع/ لسه بتسأل ياكريم بحبك ولا لاء… انا بعشقك مش بس بحبك
نظر كريم لها بعشق/ انا بقا عديت مرحله العشق بكتير ياسمر…. معنتش لاقى كلام يعبر عن كل المشاعر الى جوايا ليكى…. اكمل بخبث…. بس بعد الجواز هعبر عن كل حاجه
لكزته فى ذراعه/ اتلم
سمر بتوتر/ كريم فى حاجه حصلت وعاوزه اقولك عليها
ضيق كريم عينيه وقال/ حاجه اى
سمر بتوتر/ انا سمعت هدير بتتكلم فى التليفون الصبح مع واحده صحبتها وبتقولها انا هخلص منهم واخد حق امى واختى وابويا
كريم انا خايفه اوى
كريم بطمئنانيه/ متقلقيش ياحبيبتى طول مانا معاكى
واكمل بغموض…. هدير دى انا هعرف اتصرف معاها كويس
♧♧♧♧♧♧♧♧♧
اما عند اسراء ويحيى
كان يحيى يمسك بيد لسراء راكضا فى الحديقه حتى وصل الى غايته… اسطبل الخيول
نظرت ليحيى باستغراب/ اسطبل الخيل… اشمعنا
يحيى بحماس/ اصل مرجانه بتولد
اسراء بدهشه/ مرجانه مين
يحيى/ الفرسه بتاعتى… بتولد دلوقتى… تعالى نشوفها
ذهبت اسراء وراء يحيى لداخل الاسطبل… وجدوا الفرسه مرجانه تنازع.. ولا تسطيع اخراج مهرتها
يحيى بحزن/ اسراء الحقى مرجانه مش عارفه تولد… ساعديها مش انتى دكتوره
نظرت له بتشوش/ اساعدها ازاى… انا مش بعرف
يحيى بدموع / علشان خاطرى يا اسراء ساعديها….
اتجهت اسراء الى الفرسه مرجانه لمساعدتها لتلد صغيرتها
بعد نصف ساعه نجحت اسراء فى تلك العمليه وساعدت مرجانه لتلد صغيرتها
اقترب يحيى من مرجانه وربت على عنقها قائلا بحنو/ حمد لله على السلامه يامرجانه
جاءت هدير من خلفهم/ برافو يادكتوره

نظرت لها اسراء بابتسامه / ميرسى ياهدير
وقفت اسراء امام هدير / اسفه معرفناش نتعرف كويس… ومقابلتنا مكنتش لطيفه اوى
نظرت لها هدير وقالت بسخريه/ ولا عمرها هتكون لطيفه
اسراء باستغراب/ لى كده…. ان شاء الله تبقى علاقتنا حلوه واخوات
اقتربت من هدير/ مش هنكون اخوات ولا عمرنا هنكون اخوات
يحيى وهى يدفع هدير بعيدا/ ابعدى عنها ومش تقربى منعا تانى
تجاهلت هدير كلامه/وابعدى عن يحيى احسنلك… يحيى خطيبى ياحلوه
♧♧♧♧♧♧♧♧♧
فى مطار القاهره الدولى وصلت الطائره القادمه من روسيا…. هبط منها وائل وتحرك داخل المطار بكبرياء وخلفه حرسه يحاوطنه من كل الاتجاهات… كان يسير بينهم بعظمه وكبرياء ونظرات الاعجاب من الفتيات تلاحقه فى كل خطوه
كان يلاحظ نظاراتهم وينظر لهم بسخريه
جميعهم يسعون وراء المال والشهره
ركب سيارته ثم تحركت السياره وخلفها سيارات الحرس
بعد وقت كويل وصل وائل الى غايته المنشوده
هبط من سيارته ووقف امام العماره… نظر لحراسه وامرهم بالانتظار
وائل وهو يصعد داخل العماره/ خليكم هنا ومحدش يتحرك من مكانه وراقبه المكان كويس
تخرك وائل فى مدخل العماره ووقف فى انتظار هبوط الاسانسير…. الذى هبط بعد ثوانى…. تحرك للداخل
وصعد المصعد للطابق المنشود
وقف امام الشقه وضرب الجرس
ثوانى وفتح الباب… دخل بهدوء
الفتاه/ اتأخرت كده لى

وائل وهو يجلس عل الاريكه/ العربيه بتاعتى عطلت فى الطريق بس
هزت الفتاه رأسها ايجابا… وقالت بحب محتضنه وائل/ وحشتنى والله يالولو
وائل وهو يدفعها بعيدا عن احضانه بقرف/ لولو فى عينك ياحلوه… قولتلك ميه مره بلاش ام الاسم ده علشان بكرهه
ضحكت الفتاه بصخب/ متزعلشى يالولو… بحب ادلعك
وائل باستسلام/ ماشى ياستى دلعينى براحتك…. المهم اى الاخبار
الفتاه بجديه/ كل حاجه تمام وزى ما أمرت يابوص
والقصر اتحط تحت المراقبه وتقدر تعرف كل كبيره وصغيره بتحصل هناك
وائل/ والكاميرات والميكروفون
الفتاه/ جبتهم بأحدث الاجهزه كمان علشان مايبانوش
وائل بيعيون تلمع بنار الانتقام/ واخيرا… جه الوقت وهنتقم منهم… ومن كل واحد اذانا
الفتاه بكره/ عاوزه اشوفهم مزلولين قدامى كده
وائل/ قريب اوى هجيب حقى وحقك كل الى اذوهم… وهقتلهم
الفتاه/ ناوى على اى
وائل بخبث/ عل كل خير ياحبيبتى… قومى هاتيلى اكل لان هموت من الجوع
تحركت الفتاه من مكانها متجهه للمطبخ/ من عيونى وثوانى والاكل يكون جاهز
اسند وائل رأسه للخلف واخرج هاتفه ونظر للصوره الموضوعه خلفيه وتحدث بعشق/هانت ياحبيبتى متقلقيش…. معدشى غير خطوه وتبقى بتاعتى
بتاعتى وبس… وهتبقى ملك لوائل العزيزى
♧♧♧♧♧♧♧♧♧

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عشقت مريضي)