Uncategorized

رواية غمزة الفهد الفصل الثاني 2 بقلم ياسمين الهجرسي

 رواية غمزة الفهد الفصل الثاني 2 بقلم ياسمين الهجرسي
رواية غمزة الفهد الفصل الثاني 2 بقلم ياسمين الهجرسي

رواية غمزة الفهد الفصل الثاني 2 بقلم ياسمين الهجرسي

أحببتك جداً لدرجه أنه عندما تغيب عني يغيب معك كل شيء.
 إنّ في حضور عينيك تتلاشى الوجوه، فلا أُبصر سِواك.
 يبلغ الحُب القمة متى تنازلت المرأة عن عنادها، والرجل عن كبريائه.
منزل الحاج الراوى
هنيه دخلت اوضه بناتها وفتحت الستاير والبلكونه وبتصحي البنات قومي  انتي وهي وبطبطب عليهم زينه يا فجر يالا يا بنات بابا راجع النهارده عشان خاطرى يالا هتاخر لسه مجهزتش كلها ساعتين وهيكون هنا ووقفه تبصلهم وهم علي سريرهم مش بيرده عليها  .
زينه: قاعدت وبكسل بتلم شعرها قولي يا امي حضرتك عاوزه مننا إيه سبينا ننام شويه لحد ما يوصل وهتلاقينا قدامك .
هنيه : لا يا حلوه انتي والكسلانه التانيه دى قوم اختاره العبايه اللي هقبله بيها.
فجر : يا مامتي يا حبيبتي مش أحنا اشترينا ديرسات كتير امبارح وكلهم هيجننه بابا البسي اي واحد فيهم .
زينه: وخصوصا انك قمر وموزه وهم نفس الالوان اللي بيحبها بابا.
هنيه: قعدت ماهو بصراحه انا خايفه مش يحبني فيهم ويزعل مني وبصتلهم ورفعت صوبعها بتحذير ساعتها هموتكم من الضرب .
زينه وفجر بصه لبعض قومي وزينه غمزت ل فجر وقامت راحت حضنتها .
زينه : بس يدوب تلبسي ونحط ليكي ميك اب خفيف عشان عقل سعد يطير خالص.
 فجر : يا لهوى لو طنط مكيده هنا وشتفتك انا متاكده انها هتولع في نفسها ابسط يا هنون وفضلوه يزغزغوها وهي تضحك وفعلا راحو معاها اوضتها .
زينه : هو اللون النبيتي دا بيبقي عليكي طلقه يا مامتي وبابا بيحبه جدا .
فجر : وانا هعملك ميك اب خفيف يظهر جمالك اللي بيسحر سعد الراوى.
هنيه اخلصي انتي وهي علي ما اخد شور بسرعه ودخلت جرى.
زينه : ماسكه دريس امك رهيبه في دريس موزه وابوكي هياقلب عليها وهي هتزعل مننا .
فجر : ابوكي بينسي الدنيا لما يشوفها في العادى فمبالك لما يشوفها وهي موزه كده انا متاكده انها هتعجبه بس هي  عشان خارجه قومي هاتلها شوز اللي بكعب عالي من الجديد اللي جبناه امبارح.
هنيه : كمان كعب عالي واخدت دريس من علي السرير ولبسته وبدات تسرح شعرها وفجر اختارت لها روچ وطرحه وظبط نفسها وبصت في مرايا تاني كده حلوه يا بنات .
هنيه : حلوه كده ولا اخف روچ شويه احسن سعد يزعل .
فجر : اوعي يا ماما تعملي حاجة اصل هزعل منك إنتي والله رقيقه جدا وابسط يا جميل منافستك الشريره مش هنا وهيخلالك الجو يا عم.
وتليفونها  رن وهي  جريت عليه والبنات فضلت تضحك عليها .
هنيه: ردت عليه حبيبي انت فين وبتشاور للبنات تبطل ضحك.
سعد: قلب حبيبك انا علي بابا الفيلا الخارجي انزلي بسرعه عاوز اول حد اشوف انتي .
هنيه : عيوني حاضر نازله حالا يا عمرى سلام.
وخرجت جرى ورجعت للبنات بسرعه البسه وانزله عشان تسلمه علي بابا.
هنيه : انكسفت لما شافت حماتها الحجه راضيه قاعده مع الحاج الراوى حماها وبصت في آلأرض السلام عليكم
الحاجه راضيه : بسم الله مشاء الله إيه قمر دا كله  ربنا يحميكي مادام نزله تجرى كده  والفرحه مليه وشك بتقول ان سعد جه.
الحاج الراوى : أكيد السعاده ماليه وشها يبقي جه وواقف بره منتظرها تخرجله عشان تبقي اول واحدها شافها سبيها تخرح زمانه بعيد الدقايق عشان اتاخرت.
الحجه راضيه : اجرى ياختي بس ياريت يقدر يتحكم في نفسه لما يشوفك .
نزله البنات انتي لسه هنا يا ماما بابا واقف بره بقاله كتير وبيرن عليكي وانتي سايبه التليفون فوق اتفضلي تليفونك.
هنيه : عجبكم كده اخرتوني وخرجت جري .
سعد : اول ما شافها ابتسم وصافر صفاره كبيره إيه قمر دا برنسيس حياتي انا وباسها من جبهتها وفتح حضنه وحضنها   ودفن وشه في رقبتها ااااه وحشتني بحبك يا هنايا .
هنيه : انت وحشتني اووووى اووووى
اووووى اووووى اووووى اووووى يا سعد وبتبوسه في خده .
 سعد : اهدى يا بت اصل اشيلك واطلع بيكي على اوضتك واحبسك معايا لحد ما اشبع منك.
هنيه: بتضحك دا هيبقي احلا سجن لا انا اهدى احسن اصلي ماما راضيه تتضربني بالنار دى من الفجر وهي مخلينا مقعدناش وخلتني عملتلك كل الاكل اللي بتحبه من ايدى.
سعد : ربنا يخليكم ليا يارب واخدها تحت دراعه ودخل بيها.
اول ما شاف البنات فتح ليهم حضنه حبايب قلب بابا وحشتوني جدا .
زينه: انت كمان وحشتني يا بابا ربنا يخليك ليا.
فجر: سبيلي موز بتاعي شويه وراحه حضنته وحشتني يا بابا .
سعد : وانتم وحشتوني وحضنهم هم الاتنين.
وراح سلم علي ابوه وباسه من دماغه وايده ازيك يا حاج .
وراح قاعد علي ركبه تحت رجلين الحجه راضيه وحشتني يا امي ازى صحتك .
الحجه راضيه : الحمد الله يا ابني نورت الدنيا يا سعد ربنا ما يحرمني منك يااااارب ابدا.
سعد : ربنا ما يحرمني منكم يارب وقام قعد بيدور علي هنيه مش شايفها.
البنات بيضحكه مدورش يا بابا راحت تديهم تعلمات يحضره الاكل انت عارف دى طقوس اجباريه .
هنيه خرجت يالا يا بنات جهزه السفره معاهم  وفعلا اكله والبنات طلعت اوضتهم وبعد الغدا 
الحاج الراوى اعملي قهوه يا هنيه وهاتها نشربها في الصالون .
سعد لا خلي اي حد يعملها وتعالي انتي
هنيه : حاضر يا سعد وبتتكلم بهدوء وحزن لانها حسه ان الوقت بيمر وهيسبها عشان مكيده وسابته وراحه تطلب قهوه.
سعد : بيكلم نفسها هي مالها ليه عيونها حزنت فجأه كده وخرج مع ابوه وأمه وراحوا يقعده في الصالون . 
قاعده الحجه راضيه والحاج الراوى وهنيه وسعد وبيخططه هيعمله إيه عشان فهد راجع البلد وهم بيشربه القهوه.
سعد : مالك زعلانه ليه يا هنايا انا ووشك قلب فجاه وخلتها تضلم في وشي انتي عارف قلبي بيبقي هيقف لما تزعلي مني .
هنيه : ابدا يا سعد ما فيش حاجه وحطت ايدها علي ايده وابتسمت حمدالله علي سلامتك يا سعد اسبوع كان طويل اوى يا حبيبي .
سعد : غصب عني يا نن عيني وبيقرصها في خدها انتي عرفه لو بايدى كنت اخدتك معايا في كل مكان اروحه بس انتي قلبك حنين ومش بتردى عشان البنات ومن قبلهم فهد .
وفجأة سمعوه صوت تكسير أطباق كتير في المطبخ.
قامت هنيه وبتتكلم وهي ماشيه  أكيد دى شربات انا قولتلها انتي اعصابك تعبانه من الصبح رواحي ارتاحي في وسط ولادك بس شكلها مش بتسمع الكلام.
الحجه راضيه : هاتيها اشوف مالها هي فعلا طول اليوم زعلانه وبوظت الفطير.
الحاج الراوى: أكيد تعبانه روحيها ترتاح في بيتها ولما تخف ترجع الشغل.
الحجه راضيه : هنشوف مالها دلوقتي لما هنيه تجبها
 قولي صحيح يا سعد  قبل ما هنيه تسمعنا وتزعل وهي الايام دى حساسه جدا اللي الوقت اتاخر ومكيده لسه ما رجعتش من عند اختها كلمها اطمن عليها.
سعد: بيتكلم بعدم اهتمام يارتها ما ترجع خالص افتكرى اي حاجة غير البومه دى وبيضحك نفسي اعرف اللي سماها مكيده كان عارف منين انها هتطلع ام ابعه واربعين وكلها حقظ وشر وغدر .
الحاج الراوى: بيضحك الله يحظك يا سعد في حد يقول كده علي مراته وفضلوا يضحكه مع بعض .
✨✨✨✨✨✨✨✨✨✨
في المطبخ
دخلت هنيه وبتبص علي الاطباق المكسوره واتخضت من المنظر وبصتلها واتكلمت الله يسامحك يا شربات دانتي كسرتي طقم كله حرام عليكي وسكتت لما شافت انها منهار في العياط قربت منها مالك بتعيطي ليه حصل خير حقك عليه اتعصبت عليكي اطلعي كلمي الحجه وبعدين نتكلم وبصت للبنات نضفه المكان يالا متقفوش تتفرجوا عليا ورانا شغل كتير. 
وسابتهم وخرجت وري شربات وراحت قعدت جنب سعد وبتبصله وابتسمت بحب .
سعد : قرب منها عشان  محدش يسمعهم مالك يا بت كل يوم احلا من اللي قبله ليه هاااااا تعرفي انك انتي اجمل نساء الكون في عيون واعملي حسابك انا هفترسك بس نحل مشكله شربات اللي هقوم اخليها مش بدوده عشان تاخرني علي قمرى مراتي حبيبتي
موزتي ااااااااه لو يسبوني كنت اشيلك واطلع بيكي حالا والباقي يعني عليه ربنا .
هنيه: ابتسمت انا حلوه عشان عنيك هي اللي شيفاني و انت كمان مافيش ولا هيبقي في راجل زيك انت اللي زيك خلصه في حرب يا قلب هنيتك اهدى بقي عشان انت بتوجع قلبي ومش هستحمل بعدك عني بعد كده عشان الاسبوع دا بتاع مكيده ودموع غرقت وشها وقامت وبعدتت عنه قاعدت جنب الحجه راضيه .
الحاج الراوى : سمعني يا سعد وبينادى عليه وبص مكان ما سعد  مركز وكانت نظراته علي هنيه وشاف دموعها وحول نظراته ل سعد بكلمك يا سعد .
سعد : بصله بحزن اسف يا حاج نعم وقام من مكانه قرب منه.
الحاج الراوى: فهم ان سعد حزين هو علي اد ما هو شايل حمل اشغال العيله واشغال البلد كلها من وهو صغير لانه ابنه الوحيد الا انه قلبه حنين واي حاجه بتأثر فيه اتكلم بهدوء خد رقم صلاح جوز شربات وكلمه خاليه يجي حالا عشان اشوف هو اتجنن بيمد ايده علي مراته وسهر وشرب المخدرات دى إيه.
سعد : هاتي يا شربات رقم ومد ايده اخد منها رقم واتصل عليه
 السلام عليكم وبعصبيه وصوت عالي تكون في فيلا الراوى خلال خمس دقايق واياك تتاخر.
شربات: بتعيط ابوس ايدك يا ابويا الحاج وقربت عشان تبوس ايده والحاج الراوى سحب ايده 
الحاج الراوى: استغفر الله العظيم ليه كده يا بنتي تشيلني ذنوب .
الحجه راضيه: خايفه ليه يا شربات هو ميقدرش يعمل فيكي حاجه وابوكي الحاج هيشدد عليه انه لو مد ايده عليكي هيترده من البلد .
سعد : قاعد في دنيا تانيه خالص سرحان في حبيبته اللي قاعده تسرق النظرات ليه وبيكلم نفسه ليه كده يا هنيه توجعي قلبي عليكي ما انتي عارفه ان دموعك بتدبحني 
وطلع تليفونه وبعت لها رساله علي واتس ساب وكتبلها 
هنايا وعشقي وجنوني أقسم لكي أني أرى بكي، سعادتي وموطني، وأشياء لا توصف، ولا تُحكى. ورفع عيونه وبصلها عاوز يشوف نظررات عيونها وهي بتقرأ رسايله.
هنيه: بصتله وابتسمت له وردت عليه وان كنت انا عشقك وجنونك خليك معايا النهارده حضنك وحشني ورجعت بصتله برجاء وكتب وحياتي ياسعد ومن بكره خليك معاها بس أنا هموت لو منمتش في حضنك النهارده.
سعد : مليون بعيد الشر عليكي انا مليش غيرك انتي دنيتي وكياني وعمرى ووطني وروحي  ربنا يحميكي ليا لو عاوزني ابات معاكي النهارده اضحكي وبصلها.
هنيه: ابتسمت ودموعه فرت من عيونها وكتبتله بعشق تراب جليك ربنا يسعدك زى ما بتسعدني .
وفاقه من عشقهم اللي ما بيخلصش علي دخول هريدى بيبلغهم ان صلاح وصل.
سعد : قام وقف دخله حالا يالا بسرعه 
شربات جريت وقفت جنب الحاجه راضيه وبتبص ل صلاح بخوف وبصت في آلأرض.
صلاح: السلام عليكم وراح عشان يبوس ايد الحاج الراوى ازيك يا ابا الحاج.
الحاج الراوى: سحب إيده ابعد يا صلاح وقولي بصراحة انت ضربت مراتك ليه والفلوس اللي انت بتقبضها من شغلك بتروح فين.
صلاح : هي بنت المركوب دى قالتلك عني إيه اظاهر العلقه كانت خفيفه وبيبصلها بتحذير .
سعد : انت بتبصلها كده ليه وعلقه إيه يا حيوان اللي بتتكلم عليها هو انت لما تضربها ومتصرفش علي ولادك وتروح تسهر علي قهوه وتصرف فلوسك علي تصرفاتك  الحرام  وترجع اخر الليل تستقوي علي مراتك الغلبانه هي دى رجوله .
صلاح : حضرتك يا سعد باشا فاهم غلط هي كدابه وأكيد كذبت عليكم عشان تبان محترمه هي يعني عشان بنشتغل وبتساعد في مصروف البيت تبقي تتحكم فيه هي كده كده فلوسها اللي بتزلني بها دى ملهاش لازمه عندى تسيب البيت وانا هتجوز غيرها من الصبح  .
الحجه راصيه : بصت الحاج الراوى اسمحلي يا حاج بعد اذنك .
وهو بصلها بمعني انه موافق انها تتكلم.
الحجه راضيه : هو انت فاكر ان فلوس مراتك هي بتصرف علي بيتك  زى ما انت بتقول انها مفكره كده لا انا مربيها وعارفه تربيتها كويس وانك لو اتجوزت غيرها هترتاح لا دا يمكن تفضحك في البلد عشان انت ظالم وربنا مبيرداش بظلم
 بيتك دا قايم على صبر وكفاح وتغافل ودعوات ودموع وتضحيت والحب وتخطيط ومجهود وصحه مراتك اللي مبتبخلش عليك ولا علي ولادك بها رغم انها هتبقي هتموت من التعب بس مبتتاخرش عنكم العمدان اللي رافعه سقف بيتك دى ايد مراتك ولو سبتها السقف هيقع عليك وهتلاقي نفسك وعيالك في شارع اتقي الله يا صلاح لان البطران اخرته قطران سمعت انا قولتلك إيه اتقي الله.
الحاج الراوى : اسمع يا صلاح لو ايدك اتمدت علي مراتك مره تانيه انا هيبقي ليه تصرف تاني معاك .
سعد : وانا من بكره هزود مرتبك عشان شربات تقعد في البيت تربي ولادكم وتاخد بالها من دراستهم  وانت اتقي الله وابعد عن الشله الشمامه اللي انت عارفهم ومش هقولك لو كلامي ما اتنفذش هعمل فيك إيه يالا صلاح صالح مراتك وخدها وروح وطلع فلوس كتير امسك شوف بيتك ناقصه إيه هات قبل ما تروح عشان تفرح ولادك .
سعد : مد ايده اخد منه الفلوس شكرا ربنا يجعله في ميزان حسناتكم وراح قرب من شربات متزعليش يا شربات حقك عليه وباسها من دماغها .
شربات : ربنا يكرمكم يارب زى ما اكرمتوني يارب .
واخدها وخرجوا وكلهم بصه لبعض ودعولهم بالهدايه.
 هنيه : اقوم اجبلكم العشوره اللي بتحبوها .
سعد : هاتيلي نصيبي في اوضتك يا هنايا .
مكيده دخلت من بره ووقفت مكانها اول ما عنيها وقعت علي هنيه وبتكلم نفسها هي مالها عامله كده ليه دى اصبي من بناتها ياخربيتك يا هنيه من يومك وانتي كل يوم يعدى عليكي تحلوا اكتر من اليوم اللي قبله آه لو كنت في ربع جمالك كان زمان سعد خاتم في صباعي ربنا يبتلكي بشويه مرض ولا ياخدك احسن وفاقت  وسمعت كلام سعد ودخلت وهي الغيره بتاكل قلبها.
السلام عليكم ازيك يا عمي وانتي يا مرات عمي صحتك عامله إيه النهارده وبتتكلم بتهكم  ومن غير ما حد يرد عليها بصت ل سعد بتحدى هو مش الاسبوع دا بتاعي يبقي هتنام عندها ازى وبتتكلم بصوت عالي .
سعد : قرب منها صوتك دا لو علي تاني هطع لسانك وبعدين  هي المدام مش عارفه اني مسافر بقالي اسبوع ولسه راجع ليه ماكنتش موجوده عشان تستقبلني.
مكيده : أختي كانت تعبانه وروحت ازورها إيه اجرمت ولا عشان انت راجع اقعد مستنياك زى الست امينه.
سعد : لا ما اجرمتيش ولا انتي تنفعي تكوني الست امينه لأنك ابعد ما يكون عنها انتي إيه فهمك في الاصول اصلا بس كنتي تقدرى ترجعي بدرى ما انتي كل يوم عندها بس ازى مكيده هانم تنتظر جوزها 
 بس اللي دائما بتنسيه ان انا حر اختيار المكان اللي ارتاح فيه ولعلمك بقي انا هبات شهر مش اسبوع عند هنيه واخبطي دماغك في الحيط أو اقولك ارجعي مكان ما جيتي .
وبص ل هنيه خمس دقايق الاقيكي في اوضتك وسابها ومشي .
مكيده : بكبرياء براحتك يا سعد بس استحمل اللي هيحصلك وبتكلم نفسها وبصت ل راضيه عن اذنك يا مرات عمي اصلي راجعه تعبانه .
تصبح علي خير يا عمي وطلعت وهي بتغلي من هنيه .
✨✨✨✨✨✨✨✨✨✨
اوضه سعد وهنيه
دخلت هنيه بصنيه عليها أطباق العشوره حاطتها علي تربيزه جه سعد من ضهرها وحضنها وحشتني يا هنايا اوى بعد كده مش هسافر فتره دى كلها وحشتني يا بت وحشتك ولسه بتحبيني زى زمان يا هنايا.
هنيه : انا لما اتجوزتك وحبيتك وعيشنني في حبك انا حصلي إيه هقولك ومسكت وشه وقربت تشم انفاسه  
عارف لما حبتني حصلي إيه  لأنك راجل بجد …..
انا….. احلويت لما حبتني … 
لأن حبك بيرسم ملامحي…. ويبروزها  ويبهت عليها ……فتلاقيها جميلة جمال الحب ذاته…..
وبتلاقي عنيه بتلمع وبسمتي مزينة وشي انا لحظتها….. ضعفت لما حبيتك لان وقتها لاغيت كل احساسي  وحسابات عقلي …..
بعيش بحسابات قلبي ….. بعيش بحبك وليك لأنك حبيبي….. عشان كده تلاقيني أضعف خلق الله وقت ما الاقي نظره رضا في عيونك.
انا….. بستقوى لما بتسبني …لان وقتها كشف حسابات عقلي  الملغية في وجودك  ويطالب بحقه في السيطرة مادام حسابات قلبي في حبك بعدت عني  …..
بموت لما بتبقي معاها غصب عني عارفه اني أنا اللي اخدتك منها وهي مراتك قبلي ورغم اني المفروض فات علي جوازنا سنين لا عمر بس انا هفضل كل مره تبات فيها عند مكيده نار قايده في قلبي متزعلش من حبي يا سعد بحبك لدرجه مستحيل عقلك يتخيلها وسندت دماغها علي صدره يمكن اكون ببالغ في حبك بس مش قادره يا سعد بلاش النهارده تسبني يا سعد انام وروحلها .
سعد: ضمها وباسها من راسها هو انا عملت إيه حلو في حياتي عشان ربنا يرزقني بيكي ربيتي ابني وخلتيه راجل يعتمد عليه وخلفتي بنتين زى القمر ادب واخلاق وواخدين جمالك كمان هونتي عليه مراره الايام اللي عيشتها ولسه بعيشها مع مكيده نستيني وهم حب ام فهد وحزني عليها عشت معاكي اكتر من عشرين سنه بحسهم انهم عشرين ثانيه ومش عارف اشبع منك إنتي تعرفي من اول يوم شوفتك فيه وانتي بتضربي الواد خليل عشان كان بيعاكسك ولما حاولت ادخل وانتي وقفتي في وشي وقولتي انه حقك ورفعتي عليه الشبشب عشان تضربيه  وانا هتجنن عليكي فضلت شهر افكر فيكي وساعتها قررت اتجوزك وروحت للحاج قولتله اني عاوز اتجوز لاني مش مرتاح مع مكيده قالي اتجوز بدل الواحده اربعه ساعتها ادخلت الحجه وقالت ان مكيده حامل اتصدمت لاني كنت مقرر أطلق مكيده بسبب قسوتها علي فهد الحاج شاف الصدمه علي وشي لقيته بيقولي شاور علي أكبر عائله في البلد وانا اجوزك منها وهو عشان مكيده حامل هتغير رايك لا شاور ومن بكره تكون في بيتك ساعتها قولتله بس هي بنت عاديه وشغاله عندنا في المزرعه وانا نفسي اتجوزها وهي يتمه وغلبانه اوى امي قالت وهي عشان فقيره هنرفض ما أحنا  جوزانك بنت العائلات كانت نفعت اتكل علي الله وانا هروح اشوفها اخر النهار في سكن العاملات واشوف رائيها إيه 
وكنتي نصيبي واحلا نصيب في الكون كله يا هنايا انا .
هنيه: بتحبني يا سعد وبتبصله بنظره سحبت منه اي قدره علي سيطره علي نفسه وابتسمت.
سعد : بحبك دى كلمه مش هتوصف خلي لكي بس أنا هسبتلك دلوقتي حبي اصلي بحب اسبت احساسي ومشاعرى عملي وغرقوا في بحور عشقهم اللي مبيخلصش . 
✨✨✨✨✨✨✨✨✨✨
في صباح يوم جديد
الحاجه راضيه :  يلا يا بنات انت وهي خلصه الاكل عشان حفيدي على وصول وانت يا غفير هريدي اضربه نار عاوزه المركز كله يعرف ان فهد كبير الناحيه على وصول مش عاوزه بيت في البلد ما يبقاش فيه لحمه وكسوه السنه شتوي وصيفي ووزع على كل الكبير والصغير وشوفي الصوان خلص ولا لسه وخلوا الطباخين يهمه شويه 
مكيده : براحه علي نفسك شويه اصل يحصلك حاجه وصحتك غاليه عندنا اووووى اصل مين يعني اللي جاي ده لو 11المحافظ مش هتعملي كده.
الحجه راضيه : وهو المحافظ يجي زى حفيد الرواي لا يا مكيده انتي فاهمه غلط  حفيد الرواي اسم الله عليه قبل ما يقعد علي الكرسي ويحط رچل علي رچل يكون ماسح لحفيدى الكرسي بمنديله اللي بيحطه في بدلته عشان يتقمع به وسط البهوات  عشان البشمهندش فهد الراوى يقعد عليه وفهد يتشرط كمان والمحافظ يقول حاضر وامرك .
مكيده : ماتفرحيش اوي كده يا مرات عمي أما نشوف  فهد الراوى اللي اتربي واتعلم مع الخوجات هيرجع اخلاقه عامله ازى وقبل ما تكمل كلامها كانت هنيه رد عليها.
✨✨✨✨✨✨✨✨✨✨
في بيت عزت رشدى
أحمد وعبدالله وبسنت قاعدين بيرتبه مفجأه لغزه عشان عيد ميلادها بكره 
أحمد : يا بابا تعالا بقي لما نتفق عشان عاوزه انزل العيادة.
بسنت : يا ماما اخلصي زمانها راجعه ومش هنعرف نتكلم تخصلوا بقي .
عزت : جه عاملين هيصه ليه اخلصوا عاوزين إيه تعالي يا ام أحمد لما نشوف عاوزين إيه.
عبدالله : أحنا رتبنا كل حاجه لعيد ميلاد غمزه بكره زاهم حاجه الهدايا بقي أنا اول هديه وحطها علي التربيزه جبتلها لاب توب .
أحمد :وانا جبتلها المتوسكل اللي نفسها فيه وبالمواصفات اللي هي عاوزها.
بسنت:  وانا خلصت البيت القديم وعملته عياده تليق بحيونات البلد كلها وطبعا عشان اختي حبيبتي بتحب النوم فرشت لها اوضه يرمح فيها الخيل واوضه نوم كامله عشان تمام وترتاح وناقص بس حضرتك وست  الكل تيجه تشفوها وتقوله رايكم.
انعام : ربنا يخليكم لبعض أنتم احن اخوات في الدنيا وهي غمزه جدعه وتستاهل.
أحمد كده اجهزه أنتم الاتنين وتعالوا اخدكم معايا شوفه عياده بنتكم وباركوها عشان متزعلش انكم ما شفتوش العياده .
عزت : روحي يا ام عزت البسي نروح مع ابنك قبل ما ترجع وتقول رايحين فين ونطر نكدب ونشيل ذنب وانتي يا بشمهندسه تعالي معانا وانت يا بشمهندس عبدالله خليك هنا عشان اختك لما ترجع .
عبدالله : ماشي هسبكم عشان انا طبعا اللي زرعت جنينه العياده عشان الحيوانات تكون نفسها مفتوحه وهي بتتعالج العامل النفسي مهم بردو وبيضحك هو واحمد .   
يتبع…
لقراءة الفصل الثالث : اضغط هنا
لقراءة باقي فصول الرواية : اضغط هنا

اترك رد