رواية روح الفصل الثاني 2 بقلم رحمة سلامة

رواية روح الفصل الثاني 2 بقلم رحمة سلامة

رواية روح البارت الثاني

رواية روح الجزء الثاني

رواية روح الحلقة الثانية

كنت متشوقه اني اشوف عريس نور…طب انا هدخل اسلم عليهم
واشوفه بس ثانيه واحده!!..ادهم لأ..لأ مش ممكن…دموعي نزلت تلقائي
من عيني جريت ع التوليت قبل مايشوفوني وانا غرقانه ف دموعي…
الف سؤال ف دماغي ملهمش اجابه..ازاي!..ازاي كانت بترقص وبتغني جنبه
وانا الأحق بمكانها ده…ازاي حلم اربع سنين هي حققته ف شهر يمكن لو
مكانتش صحبتي مكنتش هزعل نفس كم الحزن ده…لكن انا اتكسرت
مرتين من حبيبي واعز صاحبه ليا…انا مش لازم ابينلهم ضعفي ، عدلت
الميكاب ال ساح من كتر العياط وطلعت اسلم عليهم بابتسامه… طبعاً
هما استغربوا من ثباتي وابتسامتي ميعرفوش أن قلبي بيتقطع من
شده الحسره والكسره ال سببوهالي ، مشيت من قدامهم بكل هدوء
قبل مابركان دموعي يثور طلعت برا القاعه ومش شايفه قدامي من
العياط (خبطت فيه)

-انتي ورايا ورايا
مردتش عليه وبصتله وعيني مرغرغه دموع
-اي ده انتي بتعيطي
-ملكش دعوه
-حتي وانتي بتعيطي لسانك طويل
=…………..
-طب خلاص اهدي…طب بصي تعاللي نتمشي هنا شويه وقوليلي مالك
متخافيش مش هخطفك
بصراحه كنت ف وقت محتاجه فيه اني افضفض واتكلم وخصوصا مع
حد ميعرفنيش…مشيت معاه وانا مكمله عياط وريأكشن وشي ثابت
-خليكي هنا ثواني هجيب حاجه وراجعلك
-راح فين ده كمان..انا اي ال مشاني معاه اصلا… انا قايمه امشي
-هتمشي لي خلاص انا جيت اهو
-لأ.. لأ مكنتش همشي ولا حاجه
-طب خدي امسحي دموعك جيبتلك مناديل وشوكلاته
-شوكولاته!!!
-اه..قولت اكيد بتحبيها ف جيبتلك عشان تروقي…كُلي كُلي ياشيخه
محدش واخد منها حاجه
-ضحكت ع طريقه كلامه الطيبه
-ايوا كدة شوفي ضحكتك حلوة ازاي
-فتحلي الشوكولاته وادهالي
-يلا بقا قوليلي كنتي بتعيطي لي…احكي براحه من غير عياط وانا
اوعدك هسمعلك ومش هقاطعك…اه صحيح انتي اسمك اي!؟
-اسمي روح وانت…انت اسمك اي؟

-لؤي
-اسمك حلو
-ابتسم ابتسامه بسيطه وبص ف الارض…يخربيت تلقائيتي ال كسفاني دي
-طب يلا احكيلي
-اخدت قطمه شوكولاته واتنهدت وبدأت احكيله نظرته ليا كانت
مشجعاني اني اكمل كان مطمني بعيونه الحنينه وملامحه الطيبه
كنت كل ما اوقف كلام يهز دماغه ويبتسم ابتسامه لطيفه تشجعني
اني اكمل
(خلصت كلام)
-بصي يروح انا شايف انك مكبره الموضوع حبتين
وقّفت مشي وبرقتله وبصوت عالي قولت (نعم!! مكبره الموضوع)
-اهدي بس انا مقصدش
-امال تقصد اي
-اقصد اقولك أن هما مايستهلوش انك تعملي كل ده عشانهم
متوهميش نفسك أن دي النهايه وان انتي مش هتقدري تتخطي
الحصل لأ بالعكس كله هيعدي وكله هيهون متفكريش كتير وتدخلي
نفسك ف مود زعل انتي اقوي من اي حاجة تأثر عليكي..وبعدين
انتي تستاهلي احسن منه ميت مره وخصوصا انك بنت جميله
ورقيقه ملامحك ملامح اطفال…احم ده بغض النظر ع العملتيه معايا
وانتي داخله القاعه
-ضحكت..بجد انسان سُكر اوي كلامه رجعلي ثقتي ف نفسي واداني
طاقه ايجابيه جامد غير أنه بيعمل اي حاجه عشان يضحكني بجد
مش عارفه لولاه كنت عملت اي
-سرحانه ف اي

-هاا…ولا حاجه
-طب انا تعبت من المشي تيجي نقعد شويه
-بجد محستش بالمشي ده كله يلا نقعد
-بصي في كافيه اهو تعالــ…
-كافيه اي بس هو في احلي من قاعده الرصيف
-رصيف!!!؟
-تعالي بس ورايا تعالي….وجريت بشقاوه الهوا كان بيطير فستاني كنت
حاسه اني طايره زي الفراشه المبسوطه بجمال جناحتها…هنقعد هنا
-انا لما قولت انك مجنونه مكدبتش
-اقعد بس
-(بضحك)…اديني قعدت
-انا حكيتلك عني قولي بقا اي حلمك أو طموحك احكيلي يلا

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية روح)