Uncategorized
رواية بنت الجيران الفصل التاسع 9 بقلم ايما محمد
رواية بنت الجيران الفصل التاسع 9 بقلم ايما محمد
 |
| رواية بنت الجيران الفصل التاسع 9 بقلم ايما محمد |
رواية بنت الجيران الفصل التاسع 9 بقلم ايما محمد
قاطعها صوت خبط هادي قامت تشوف مين بيخبط واتفاجات بواحدة واقفة بتبصلها بقرف
نورسين: مش دا بيت جميلة؟
هدي: ايوا دا بيتها.. مين حضرتك؟
نورسين زقتها ودخلت الشقة وعلي طول دخلت علي الاوضة اللي جميلة نادت علي هدي منها عشان تسالها وتشوف مين جه
جميلة: انتي مين؟
نورسين: نورسين
جميلة: حصلنا القرف.. يعني سيادتك مين برضه؟
نورسين شدت كرسي وقعدت جنبها وبابتسامة كلها شر بدات تتكلم
نورسين: بصي يا بطة انا بس حبيت احذرك واقولك.. اكيد اسلام مقالكيش بس انا كنت زميلته في الجامعة وهو كان بيحبني وكان واعدني انه هيتقدملي كمان بس للاسف حصلت شوية ظروف وماكملناش
جميلة: وانتي بتقوليلي الكلام دا ليه؟
نورسين بلامبالاة: انا بس قلت احذرك.. اكيد مش هتقبلي تتجوزي واحد قلبه عند غيرك ف..
هدي قاطعتها: واكيد هو لو قلبه كان عند غيرها كان راح اتجوزها هي.. مش كدا ولا ايه؟
نورسين ببرود: انا عملت اللي عليا وحذرتك.. سلام
نورسين سابتهم ومشت وهدي راحت لجميلة اللي بدات تعيط بانهيار ، هدي حضنتها وبدات تهديها
جميلة: هو مش بيحبني
هدي: يا غبية وهو لو مش بيحببك كان هيخطبك ليه؟
جميلة بعياط: مش عاارفة
هدي: طب اهدي بس.. (بهمس) ولية فاقعة كدا ربنا ياخدها.. قال نورسين قال
*********
بعد ساعتين في مكتب اسلام
كان قاعد مركز في اشاعة مريض عنده بس اتفاجئ بفونه بيرن ساب الاشاعة وبص في الفون واتفاجئ بمامته بترن رد بسرعة بخوف وقلق من ان جميلة يكون حصلها حاجة بس اتصدم لما لقي هدي بتزعقله جامد وبتقوله انه لازم يقابلها في اي حته ، اتفقوا علي الكافيه وساب اسلام الاشاعة وطلع علي طول ع الكافيه اللي اتفقوا عليه ، دخل وراح قعد مع هدي و..
اسلام: في ايه يا هدي؟
هدي: وانت طالما بتحب الاخت نورس بتاعتك دي جيت خطبت جميلة ليه هاا؟
اسلام: نورس مين وزفت مين؟
هدي: نورسين يا اسلام.. زميلتك في الجامعة.. اللي كنت بتحبها وكنت متفق معاها ع الجواز
اسلام باذبهلال: انا.. انا بحبها ومتفق معاها نتجوز؟ مين قال الكلام دا؟
هدي بغيظ: الاخت نورسين.. ايه هتنكر؟
اسلام: اصبري بس عشان افهم.. نورسين مين دي اللي كنت بحبها؟.. وبعدين مين قالك ع الهبل دا اصلا؟
هدي بغيظ: نورسين بنفسها ياخويا.. جت من شوية وقالت كدا ومشت
اسلام بشك: جت فين بالظبط؟
هدي: جت البيت لجميلة
اسلام: احييه
سابها وقام جري طلع برا الكافيه ووقف اول تاكسي قدامه وطلب منه يوديه ع عنوانهم ، وصل اسلام البيت وطلع علي طول علي فوق خبط علي جميلة بسس محدش كان بيرد وفجاة لقي مامته طالعة بتساله بقلق
حكمت: في ايه يا اسلام بتخبط جامد كدا ليه؟
اسلام: مفيش يا امي.. هو.. هو انتي معاكي المفاتيح بتاعة شقتهم
حكمت بتطلعهاله باستغراب: اهي.. في ايه يابني
اسلام خد المفاتيح بسرعة وفتح دخل علي طول علي اوضة جميلة واتفجع لما ملاقاهاش موجودة لاحظ ان باب الحمام الموجود في الاوضة مقفول فبدا يخبط عليه جامد ، شوية والباب اتفتح وكانت جميلة اللي كان وشها محمر وباين عليه اثار العياط بصتله بصدمة لانها توقعت انها تكون هدي وفجاة تنحت ومقدرتش تتحرك لما شدها لحضنه وضمها جامد
اسلام: وقعتي قلبي ربنا يسامحك
جميلة منطقتش لانها مش مصدقة اللي هو عمله وهو فضل حاضنها
حكمت من وراهم: احممم.. انتو مخطوبين بس هاا.. مينفعش كدا
اسلام بعد وبصلها
اسلام: انتي كويسة؟
جميلة هزت راسها اه وهو رجع حضنها تاني
حكمت راحتله تبعده عنها
حكمت: يا بني قلنا عيب كدا.. انتو مخطوبين مش متجوزين
اسلام بعد و صدمهم ب..
اسلام:…….
يتبع……
لقراءة الفصل العاشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عنيد غير حياتي للكاتبة لبنى عبدالعزيز