رواية بائعة الكشري الفصل الثاني 2 بقلم أميرة محمد

رواية بائعة الكشري الفصل الثاني 2 بقلم أميرة محمد

رواية بائعة الكشري البارت الثاني

رواية بائعة الكشري الجزء الثاني

رواية بائعة الكشري الحلقة الثانية

~ليث مسكها من قفاها
ليث: مش مكفيكي انك اتاخرتي لأ وكمان بتردحي للحارس انتي اي يشيخه
ساره: صلي عالنبي في قلبك مش كده يجدع
ليث: عليه الصلاة والسلام
ساره: ها
ليث: اي
ساره: ايه مش هشتغل
ليث: للاسف انا محتاج مربيه وكل الى جبتهم كانو بيسرقوني بس انتي هتربي الاولاد ازاى انتي عايزه الى يربيكي
ساره : احمم انت بتغلط فيا
ليث : لأ وانا اقدر
ساره: بس بقولك اي هي دي الڤله
ليث: ايوه
ساره: يا الله ده قصر مش ڤله
ليث وهو بيرفع ايدو في وشها : خمسه خمسه في وشك قولى ماشاءالله
ساره : لأ ياخي فهمت غلط انا مش بحسد انا بقُر بس
ليث : بس

ساره : ههههه المهم انت عايش مع مين
ليث: بصي انا عايش مع جدي وامي وبنت عمي
ساره: تمام طب امك دي طيبه ولا هتعمل عليا دور الحما العقربه
ليث: نعم
ساره : متخدش في بالك (في نفسها: مش هو ده الى بيحصل في الروايات )
•••••••••••••••••••••••••••••••••
خدها وطلع اوضه الاطفال (اياد وزياد عندهم 7 سنين)
ساره : اي ده انت بتعرف تفرق بينهم
ليث: طبعا
ساره : طب وانا هتعامل معاهم ازاى
ليث: وانا مالي ده شغلك مش هتعرفي هجيب غيرك
ساره : علفكرا بقي انت مش جدع بس صحيح نسيت اهم حاجه
ليث: اي هي اهم حاجه
ساره: المرتب طبعا

ليث: انتي مستحيل تكوني طبيعيه على العموم 6000 كل شهر ولو لقيت شغلك كويس هزودك
ساره: بتهزر 6000 جنيه كل شهر ده هعيش هانم يجدعان
ليث: المهم عايزك تتعاملى مع امي وبنت عمي بأدب وتحاولى قد ما تقدري تتجاهليهم تجنب للمشاكل
ساره: الله يطمن قلبك زي ما طمنت قلبي
•••••••••••••••••••••••••••••••••
ساره باتت مع الاولاد بعد ما ليث طلب منها تبات كل يوم معاهم وهي وافقت
تاني يوم نزلت المطبخ
ساره: انا دلوقتي اكتشفت انكم جلده يجدعان من امبارح مش تبعتولى اكل ولا حتي النهارده اي ده
فوزيه (مديره الخدم الى في المطبخ): يا فندم مينفعش الفطار نحطه قبل الساعه 8
ساره: يا وليه يا مفتريه عايزاني اقعد كمان نص ساعه ماكلش
فوزيه: حضرتك هي دي التعليمات الى وخدينها من احلام هانم
ساره: انا ولا اعرف احلام ولا كوابيس انا عايزه اكل
وحده من وراها: اي الصوت العالى ده في اي يا فوزيه
فوزيه: والله يا مي هانم هي الي صوتها عالي
ساره : بتبعيني يا فوزيه ماشي
(كانت بنت جميله شعرها بني عيونها ازرق بشرتها بيضه طويله ورفيعه بس لبسها مبين اكتر ما هو مغطي )
نسرين : انتي مين يا بتاعه انتي

ساره : بتاعه في عينك يا زباله انتي فاكره نفسك مين يابت بقي انا ساره يتقلي بتاعه
نسرين : اي البيئه دي انتي اي الى جابك هنا
~ كانت ساره هترد لقت ليث جاي عليهم بغضب
ساره بهدوء وزعل : يا هانم انا مش قصدي انا اسفه حضرتك
ليث : حضرتك وهانم اي الى بيحصل هنا
نسرين : يا ليث ~~
ساره: استني يا هانم عنك انا بص يا بيه حضرتك انا مكلتش من امبارح والنهارده بقولهم عايزن اكل الهانم مي تقولي انت بيئه وزباله وقعدت تشتم فيا وتقولى انتي مينفعش وحده زيك تبقي هنا (وكملت بتمثيل) هو انا عشان غلبانه تجو على كرامتي كده خلاص انا همشي ومش هتشوفو وشي تاني
ليث بغضب: حصل كده يا نسرين
نسرين : والله يا ليث دي كدابه
ليث: نسرين انا قولتلك اياكي تعاملى اي حد بالمعامله بتاعتك دي انتي بتخليني مش طايق ابص في وشك اكتر وانتي يا ساره اطلعي اوضه الاولاد وانا هخليهم يجبولك اي حاجه انتي عايزاها فوق
ساره: حاضر يا بيه الله يخليك

ليث في نفسه ( بيه غريبه دي )
وهي ماشيه ميلت عند نسرين وقالت بصوت واطي : تستاهلى ~ وبصلتها وطلعت ليها لسانها من غير ما يلاحظ ليث
•••••••••••••••••••••••••••••••••
في اوضه احلام والدة ليث
نسرين: انا هتجنن ازاي يعاملني قدام الخدم كده ويقلل مني بس البت دي انا حطيتها في دماغي خلاص
احلام : اممم لو الى حكتيه ده صح يبقي البت دي لازم تمشي باسرع وقت
(سيده كبيره في السن لكن لسه محتفظه بجمالها)
نسرين : والله هو ده الى حصل بس هي الظاهر عليها مش سهله
احلام: مش عليا الكلام ده
•••••••••••••••••••••••••••••••••
عند ساره
ساره : انت اياد وانت زياد
زياد : غلط انا اياد
ساره: هو انت مش لسه قايلي انك زياد ياض
اياد : لأ بيضحك عليكي انا زياد
ساره: يعني انت زياد وانت اياد
اياد: غلط انا اياد
ساره: امشي ياض انت هو مش عايزه اعرف

زياد : اي ياض دي بابا ليث قالنا انك محترمه وهتعلمينا حجات حلوه
ساره: يعني انا مش محترمه طب تعالو بقي وربنا ما انا سيباكم يا شويه جزم
~ دخلت نسرين
نسرين: جزم اي يا زباله انتي دول اسيادك
ساره: بما ان ليث مش هنا فتعالى اوريكي الزباله دي هتعمل اي
~ ومسكتها من شعرها وادي اديلو ادي ونسرين تصرخ على الخدم انهم يساعدوها
ساره: وربنا الى هيقرب هيكون زيها كده
~ وكملت ضرب في نسرين لحد ما واحد من الخدم قال : ليث بيه جه والعربيه بتاعته بره
ساره : احلف
~ سابت نسرين الى جسمها كلو كدمات
ليث وصل عندهم وهو بيقول في نفسه (انا قولت نسرين وساره مش هيجبوها البر )
ليث: اي الى بيحصل هنااا
ساره : وهي بتمشي اياد كان بيجري وقعت علي وشها
اياد الغلبان : اناا
ساره: ايوه انت يا حبيبي ( وغمزت ل اياد وزياد الى بقو عصابه معاها)
اياد: لأ مش انا ده زياد

زياد: وربنا ما انا هتلاقيه اياد
اياد: لأ انت يا زياد
زياد : مش انا انت
ليث : بسسس خلاص هو واحد منكم وانت لسا اطفال خلاص يا نسرين سماح دول اطفال
نسرين: علفكرا مش هما دي ساره
ساره ببراءه : شوفت يا بيه بتتبلا عليا طب اسال كل الى قاعدين وان قالو انا اعمل الى انت عاوزه
ليث: كلكم شوفتو الى حصل ساره هي الى عمل في نسرين كده
وحده من الخدم بعد ما شافت نظرات ساره ليها : لأ يا بيه لأ مش هي
واحد كمان: يا فندم مش ساره هو واحد من الاطفال
نسرين: ايه الى انتو بتقولوه ده
ليث : خلاص يا نسرين انا هجبلك دكتور
~ وكان فيه الى بتراقب من بعيد ومحدش واخد بالو منها
احلام : لازم اخلص منك قريب حتي لو بالقتل
•••••••••••••••••••••••••••••••••
بعد مرور شهر كامل ساره حبت اياد وزياد اوي وهما كمان اتعلقو بيها وليث كل فتره يجي يقعد معاها ويحس بشعور غريب تجاه ساره كانه مش عايز يسبها ويمشي وكمان طول الشهر نسرين واحلام مش بيكلمو ساره مش تجنب للمشاكل لأ بيخططوا للى في دماغهم

~ في اوضه اياد وزياد
زياد : يا ساره بقي هاتي الشبسي متبقيش انانيه
ساره: ساره حاف يا جزمه ومش هديك ولا وحده
زياد : لو بابا ليث هنا كنتي اتحولتي في ثانيه
اياد : ايوه شوفتها وهي بريئه اوي قدامه وقدامنا احنا بتورينا امنا الغوله
ساره : امنا الغوله طب تمام هوريك دلوقتي امنا الغوله
~ طلع اياد وكمان زياد يجرو وهي تجري وراهم
~ جات نسرين
نسرين : ساره يا ساره
ساره وقفت وقالت : ساره غريبه دي خيررر
نسرين وهي بتكتم غيظها منها: خدي عملتلك
بيتزا تحفه علشانك
ساره بصدمه : ها
نسرين: خدي اهو انا طالعه
~ اخدت ساره البيتزا
ساره: هي مع انها غريبه بس محدش ينفع يرفض الاكل بسم الله
~اكلت وبعدين فضلت تكح جامد ووقعت عالأرض

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية بائعة الكشري)