رواية ممتن لقطتي الفصل السادس 6 بقلم فاطمة سمير رجب

رواية ممتن لقطتي الفصل السادس 6 بقلم فاطمة سمير رجب

رواية ممتن لقطتي البارت السادس

رواية ممتن لقطتي الجزء السادس

رواية ممتن لقطتي الحلقة السادسة

_يا الله بجد عسل أوي؟
ضحكت على ملامح وشها المتاثرة من بعد ما حكتلها قصتي أنا وعلي:
_عسل أسود يا أختي.
ضربتني في كتفي:
_إيه يا بت البرود اللي كنتي فيه ده، ده الراجل طلعت روحه علشان يتجوزك.
ضربتها بالمخدة في وشها:
_ يا الله هو أنا كل ما أحكي لحد يقولي كده في إيه هو أنا كنت بعذبه.
بصتلي مرام بسخرية:
_لا، ده أحنا مفترين.
هزيت رأسي باقتناع:
_حيس كده ماشي.
لسه هتتكلم قطع كلامها صوت تليفوني مسكته بعدم اهتمام اتحول لفرحه بعد ما شوفت الاسم:
_حبيبي ونور عيني والله، ها جبت الموز؟
سمعت صوته وهو بيتكلم بسخرية:
_آه يا أختي جبت، ما أعرفش أنا اللي بتتوحم على موز في الصيف دي إيه؟
_الله وأنا مالي ده البيبي.
اتكلم بسخرية:
_آه ومن يومين كان البيبي برضوا لما كان عاوز يتمشي الفجر.
_لا بقى أنا شكلي اتغشيت، البضاعة طلعت مضر.وبة.
اتكلم بتوعد:
_طيب انزلي أنا واقف تحت نروح البيت ونشوف الكلام ده.

_أنا بضاعة مضر.وبة.
طبطت على كتفه وأنا بأكل الموز -بعد ما روحنا-:
_مين قال كده؟ ده أنت زين الرجال.
رفع حاجبه باستنكار:
_يعني مش إنتِ اللي قولتي كده؟
هزيت رأسي بنفي:
_لا دي الهرمونات.
كان لسه هيتكلم سمعنا صوت عراك زيزو وليلو، ضحكت وأنا بشاور عليهم:
_حتي دول بيتعاركوا.
ناولته صوبع موز وشاورتله يقعد جمبي في البلكونة، أخده وقعد جمبي وهو بيضحك..
بصلي بعشق وهو حاط إيده على بطني اللي فيها ثمره جبنا، اتكلم وهو بيبتسم أجمل ابتسامة شوفتها في حياتي:
_صدقًا، أنا ممتن لقطتي.
تمت بحمد الله

لقراءة باقي حلقات الرواية اضغط على : (رواية ممتن لقطتي)