رواية الكتاب الفصل السادس 6 بقلم اسماعيل موسى

رواية الكتاب الفصل السادس 6 بقلم اسماعيل موسى

رواية الكتاب البارت السادس

رواية الكتاب الجزء السادس

رواية الكتاب الحلقة السادسة

كنت خلاص عرفت ايه إلى بيحصل فى عالم السحره،عشان كده سألت الجنى، كيف تساعدنى، قال الجنى هعلمك طلسم يثبت الساحر وبعد كده سيب كل حاجه عليه!؟
قلتله لا، انا عايز اتعلم السحر كله مش مجرد طلسم واحد، علمنى السحر وانا هساعدك :
الجنى قال السحر عالم واسع وانا معنديش وقت اضيعه معاك
كان لازم ابقى زيهم واخوفه، قلت لو ما علمتنيش السحر هبلغ الساحر عن خيانتك وانا متأكد انه هيحرقك، يعنى هتخسر حريتك وحياتك
صرخ الجنى، لا خلاص راح اعلمك السحر، وبدأت كل ليله اتعلم السحر الطلاسم لحد ما بقيت قوى جدا
رغم كده فضلت اخدم الساحر ده واتعرف على سحره تانين، لما عرفت انى مش هتعلم حاجه جديده من الساحر الى بخدمه اتكلمت مع ساحر تانى، عرفته انى ساحر وانى بدور على بنت ملك جان وانه لو قدر يساعدنى هضمنله خدمه من الجان، قال فيه ساحر يعرفه معاه بنت من الجن مكتفها بسلاسل ووواضع عليها حراسه شديده وبيخليها تتفذله طلبات ميقدرش عليها غير ملك من الجان او جان بدم ملكى، اعتقد الى بتدور عليها عنده، لكن الوصول اليه صعب مش بيخلى اى ساحر يوصله غير لما يقسم ليه باولاء ويؤدى طقوس معينه تخليه يكفر بالله، اول ما سمعت الكلام ده ورغم انى عرفت اسم الساحر قررت مقربش منه ولا حتى اتعامل معاه حتى لو فيها موتى
نفس الليله دى حاجب الملك وصلنى وهددنى ان الملك غاضب جدا ولو منفذتش أوامره هيأذى واحد من عيلتى
مصدقتش الكلام ده وهددت الحاجب لو ظهر مره تانيه هسخره واخليه عبد عندى
الصبح وصلنى خبر موت والدى فى حادثه رغم ان والدى سواق محترف
الخبر وصلنى قبل ما والدى ما يموت كنت بره البيت، ودى كانت نقطة تحول فى حياتى
حضرت الحاجب وبلغته انى وصلت لمكان بنته وشرطى الوحيد انى اقابله شخصيا
وفعلا قابلته شخصيا وحاولت من خلال سحرى انى احرقه
لكن مقدرتش، الملك كان صعب جدا ومحصن ضد سحرى
وكان يقدر يقتلنى لكنه امهلنى احضر بنته والا هيموت كل عيلتى، استغربت ليه الملك بعد ما عرف اسم الساحر رفض يروح بنفسه يحضر بنته وكان دا سر لازم احله

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الكتاب)