رواية تصحيح اخطاء الفصل الثالث 3 بقلم بسنت الشيخ

رواية تصحيح اخطاء الفصل الثالث 3 بقلم بسنت الشيخ

رواية تصحيح اخطاء البارت الثالث

رواية تصحيح اخطاء الجزء الثالث

رواية تصحيح اخطاء الحلقة الثالثة

احمد : خير رايحه علي فين من غير ماتقوليلي
حنين : رايحه بيت اتقدر فيه ومحدش يقلل مني
يونس : عيب كده يبنتي احنا محدش قلل منك ولا حد يقدر
حنين : لا يعمي ابنك قدر
احمد : وانتي كده المفروض سايبه البيت وماشيه صح ….اممم…(وطي عليها جنب ودنها وقال )
: لو مشيتي وسيبتي البيت انا مش هاجيبك
حنين اتصدمت من كلمته دي هي عارفه انه بيحبها ومبيعرف ينام بعيد عن حضنها ليله من ساعه ما اتجوزوا حاسه ان هي متعرفش الشخص اللي قدامها مش هو ده الشخص اللي استريحت معاه وحبته
حنين بدموع : طلقني يا احمد انا مش راجعه تاني البيت ده بنتك في بيت جدها ابقي تعالي شوفها
احمد بوجع : ده كل اللي عندك ده اللي بتعرفي تقوليه طلقني ماشي حنين ماشي
وسابها وكان داخل البيت

يونس بزعيق وصوت عالي : اتلم انت وهي اعملوا حساب للي واقفين قدامكوا وانت يا افندي تعالي خد مراتك وصالحها
حنين : بس ي…….
يونس : من غير ولا كلمه المفروض انك عارفه الاصول وتسمعي كلام الكبير قولت اطلعي مع جوزك واتصافوا ولو بقيتي عايزه تمشي بنفسي هوديكي لوالدك ومش هتحتاجي كمان ان حد ياخدك….يلا اتفضلوا … شيل شنطه مراتك طلعها
شال احمد الشنطه وطلعت حياه معاه وفتح باب الشقه ودخلوا وقفل الباب وبعد فتره صمت
حنين : انا لولا عمي قالي اطلعس مكنتش داخله تاني لكن انا مقرره هعمل اي
احمد : انا لي كده لي عملتي مشكله ووصلت لانك تطلبي الطلاق … كل ده عشان روحت اعمل لاختي شويه حاجات
حنين حطت حياه ودموعها انفجرت ومسكت ايده : اتفضل يا دكتور يا محترم شوف كشافات البيت اللي بايظه بقالها اكتر من ست شهور والشفاط اللي ما اشتغلش من ساعه اتجوزت عشان سيادتك مكسل تطوله والغساله اللي مبتنشفش وقولتلك نجيب الراجل يعملها وطنشت ده غير ازاز الحمام اللي انت بردو مكسل تعمل المفصله بتاعته ده غير اني مش بشوفك غير يوم الاجازه اللي انت بتقضي نصه علي التليفون وفي الاخر تقولي ان انا مش ست ……الست دي حملت وخلفت وبتيجي من شغلك معزز مكرم تعملك اكلك وتشوف طلبات البيت وتربي بنتك وفي الاخر بتعيب فيا وتقولي لو مشيتي مش هجيبك

ورايح تعمل لاختك اللي بايظ في شقتها واجيب انا كمان اخوها يعملي اللي بايظ ويبقي انت لازمتك اي هاااا قولي
احمد : انتي ناسيه انك قولتيلي اني مش راجل
حنين : لا يحبيبي ده بعد اي بعد م قولتلي اني مش ست واني حرام اظلمهم معايا ….عيش بقي من غي اللي انت شايفها مش ست دي ومالهاش لازمه
احمد : طيب حقك عليا انا كان عندي كام مشكله وطلعت همي فيكي وعندك حق مكانش المفروض اسيب بيتي الحاجه بايظه فيه حقك عليا
حنين : وبعدين ….. الموضوع هيخلص علي كده صح
احمد : اي حاجه انتي عايزاها خلاص بقي حقك عليا وادي راسك ابوسها وايدك
بعد ما باس راسها اخدها في حضنه وهي طلعت كل اللي جواها وعيطتت كإنها اخر مره هتعيط فيها. …وبعد ما طلعت كل الجواها بعدت عن حضنه وقالت بقوه ……..
حياه بصوت قوي وتحدي:…….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية تصحيح اخطاء)