رواية سجينة مع وقف التنفيذ الفصل الثاني عشر 12 بقلم أميرة أسامة
رواية سجينة مع وقف التنفيذ الفصل الثاني عشر 12 بقلم أميرة أسامة
رواية سجينة مع وقف التنفيذ البارت الثاني عشر
رواية سجينة مع وقف التنفيذ الجزء الثاني عشر
رواية سجينة مع وقف التنفيذ الحلقة الثانية عشر
فتحت شيماء الباب وبصتلهم
شيماء…تقدروا تدخلوا
بصت عاليا لناصر بخوف وهي دموعها نازله
ناصر….يلا ياعاليا انا معاكي مسكها من ايدها وسط الجميع ومشي بيها لحد باب الاوضه
عاليا….بمجرد ما رفعت عينها علي السرير جحظت عينها🥺🥺💔
فرحه مع خوف مع صدمه مع عدم إستيعاب و تصديق
سابت ايد ناصر بهدوء دخل بهدوء و بخطوات مرتعشه
دخل ناصر وقف جمب الباب ومعاه سيف وعمر وياسر حتي مرعي.
فضلت عاليا تقرب ريم قدامها عايشه بتحلم ولا حقيقه الف سؤال بيهاجم عقلها خطواتها من الباب لحد السرير امتار بسيطه لكن حاسه انهم مسافه طويله
ريم قاعده قدامها عالسرير ملفوف علي راسها شاش ايدها ملفوفه بالجبس ومتعلقه علي رقبتها اثار كدمات بسيطه علي وشها لكن بدأت تروح دموعها نازله مش بتقف
قربت عاليا منها اكتر واول ما وقفت قدام السرير مدت ايدها لمست وشها بهدوء وفضلت تمشي ايدها علي كل جزء فيها كأنها بتأكد لنفسها ان ريم عايشه. وانها لمساها بأيدها ومش بتحلم
قعدت جمبها علي حرف السرير وهي ضهرها ليهم.
عاليا….بدموع انتي عايشه صح انتي قاعده قدامي ياريم ردي عليا وقوليلي اني مش بحلم ردي عليا وقوليلي ان الوجع اللي شوفته في بعدك خلص خلاص قوليلي انك كويسه ومش هتسبيني تاني ياريم💔 قوليلي اني لمستك بأيدي واني شيفاكي بعيني
ريم…بوجع وتعب واضح وظاهرحتي علي مخارج كلامها
أحضنيني ياعاليا💔
غمضت عاليا عينها بوجع ودموعها بقت زي الشلال وقربت منها بهدوء ضمتها في حضتها.
وفي اللحظه دي انهارت عاليا
خلت كل اللي واقف متأثر والدموع بتلمع في عيونهم حتي ناصر كان واقف بيحارب دموعه.
عاليا….كنت محتاجه حضنك يا ريم كنتي فين ياقلبي وحصلك ايه.
في اللحظه دي أتصدم الكل من رد فعل ريم اللي صرخت بأعلي حس عندها وكأن الصوت خارج من قلبها اللي اتدمر خارج من جواها.
ريم…اااااااااااااااااااه💔
اااااااااااااه ياعاليا ضحي ياعالياااااا
عاليا….بخوف عليها وهي منهاره بس ياريم بس عشان خاطري💔
ريم….اااااااااااااااااااااااااااااااه
عاليا….بس بس اسكتي 😭😭
ريم….ضحييييييييييييييي قلبي يااااااااارب
جري عليها عمر..
عمر….ريم ريم اهدي ياريم ريم احنا اتفقنا من الاول انتي وعدتيني ياريم تمسكي نفسك انتي عارفه ان ده غلط عليكي.
عاليا….عشان خاطري اسكتيييييييي💔 مش بعد مالقيتك هتضيعي مني ارجوكي اسكتي.
قعد سيف بإهمال وهو بيرمي جسمه علي اقرب كرسي وحط ايده علي راسه غمض عينه وحاول يسيطر علي دموعه بمجرد ما أفتكر علي حاله ريم تقول ان اللي شافته كان اكبر بكتير من ماهما توقعوا صرختها واللآه اللي طالعه من قلبها تقول انها عاشت يوم صعب هيفضل في ذاكرتها.
عمر….ريم من فضلك اهدي مش عايزين نرجع للمهدئ تاني.
عاليا….انا معاكي ومش هسيبك بس ارجوكي اسكتي.
عاليا….بوجع مش عارفه سيبوني محدش حاسس بيا محدش عاش اللي انا عيشته ضحي وعلي يا عاليا ليه ليه ياعاليا ليه عايزه ضحي ياعاليا عايزه اخدها في حضني ضحي ياعاليا تعبانه انا بس اللي حاسه بيها كنا لوحدنا ياعاليا دعيت ربنا كتير بس صوتي موصلهوش ياعاليا صوت ضحي كان مغطي علي صوتي ربنا مسمعنيش يا عاليا صوت ضحي كان اقوي صوت في الدنيا🥺💔
طلبت منها تسكت عشان ربنا يسمعني مكانتش بتبطل صريخ صوتها في ودني ياعاليا معرفتش اعملهم حاجه.
انا كنت في كابوس ياعاليا ومش عارفه اخرج منه لحد الوقت صحيني منه ياعاليا ورحمه ماما
شوفولي حد يصحيني أرجوكم انا تعبانه منه اوي.
حضنتها عاليا تاني وهي منهاره
انهارت ريم اكتر في حضنها
ريم…..ضحييييييي
عمر….ياسر هات الحقنه بسرعه.
ريم…لاااااااا مش عايزه حقن مش عايزه انام انا عايزه افوووووووق عايزه اشوف ضحي متخليهوش ينيمني يا عاليا النوم مش بيريحني النوم بيوديني نفس المكان تاني
عاليا….طيب اهدي اهدي عشان خطري مش هيديكي حاجه بس اسكتي عشان خاطري.
ريم…طيب فين ضحي فين خالتو مجتش معاكي ليه خديني ليهم ارجوكي عايزه ارجع بيتنا انا خايفه عاليا وديني بيتنا رجعيني أوضتي انا وضحي مشيني ياعاليا لو بتحبيني متسبنيش تاني انا محتجالكم اوي
عاليا….هنمشي يا ريم هنمشي يا حبيبتي ومش هسيبك عمري تاني
ريم….فين خالتو وضحي جرالها ايه لحقتوها مش كده.
عاليا…بوجع غمضت عينها وهي بتعيط اهدي ياريم خالتو كويسه وضحي كمان كويسه بس انا لما عرفت انك هنا جيت بسرعه هما في القاهره مش هنا خالتو قاعده مع ضحي ياريم مش هينفع تسيبها.
ريم…بشرود وتوهان فضلت تبص علي وشوشهم كلهم وتهز راسها برفض
لاااا لاااا انتي بتكدبي عليا ضحي لا يمكن تكون كويسه انا شوفتها بعنيا🥺🥺 بعد اللي حصل فيها ضحي مش كويسه يا عاليا شوفتها غرقانه في دمها شوفتها اه اه انا شوفتها مكانتش بتتحرك صوتها بدأ يختفي شويه بشويه لحد ما بقي ملهاش صوت ناديت عليها وانا بصرخ مردتش عليا
مستر علي صرخ فيا وقاللي اجري
اجري ياريم جريت جريت غصب عني يا عاليا سمعت صوته وهو بيتألم فضل يعافر ويصرخ محدش سمعه واختفي صوته زي ما صوت ضحي أختفي ولقيت حد بيمسكني عافرت كتير وبعدين وقعت جامد علي راسي حسيت بالدم غرق الدنيا وبدأت عيني تغمض وانا سامعه صوته بيقول دي ماتت هي كمان يلا بسرعه أستسلمت للموت وغمض عيني وحاجه فوقتني من تاني قمت فضلت ابص حواليا الدنيا ضلمه مبقتش فاكره انا سبت ضحي فين فضلت اجري لحد ما تعبت ومش عارفه ايه اللي حصل تاني
كل اللي فكراه انه قال دي ماتت هي كمان يعني ضحي ماتت ضحي وعلي ماتوا يا عاليا
ضحيييييييييييييبيي.
حضنتها عاليا وهي منهاره ومش قادره تنطق.
اخيرا بعد صمت دام كتير نطق ناصر. قرب منها وبصلها بحزن
ناصر….قوليلي مين اللي عملها مين اللي طلع عليكم ياريم مين اللي قتل اخويا
ريم….بتوهان ضحي ماتت قتلها واغتصبها.
ناصر….ردي عليا ياريم وانا أوعدك حقهم هيجي.
عمر….انا اسف بس انا رأيي كفايه عليها كده نسيبها حتي ترتاح شويه اللي بيحصل ده غلط عليها والله الحركه والانفعال والصريخ ده غلط عليها جدا العمليه مكانتش بسيطه.
عاليا….نامي ياريم ارتاحي شويه وانا هفضل جمبك والله مش هسيبك ومش همشي من هنا غير وانتي معايا.
ريم…..هيقتلني لو عرف اني عايشه هيقتلني هيعمل فيا زي ما عمل في ضحي.غمضت عينها بتعب.
عاليا…بدموع محدش هيقدر يقرب منك متخافيش انا جمبك.
غمضت ريم عينها بأستسلام وهي ماسكه في ايد عاليا.
فضلت عاليا تعيط وهي بتبوس ايدها.
شيماء…اهدي يا انسه عاليا هتبقي كويسه اللي شافته كان كتير عليها هتاخد وقت لحد ما تبقي كويسه بس لازم انتوا تتماسكوا شويه مينفعش كده.
عاليا….اختي بتضيع مني انتي شايفه حالتها عامله ازاي.
ياسر…..حالتها دي طبيعيه جدا بسبب الصدمه انا كنت متوقع كل ده يحصل لما تواجه.
عمر…عشان كده مكنتش عايز ده يحصل الوقت كان لازم تشد حيلها اكتر من كده
ناصر…..انا عايز اشوف الميموري من فضلكم ريم حالتها متسمحش ابدا اننا نضغط عليها وانا مش هقدر استني وبيني وبين اللي عملها خطوه.
ياسر…..هتشوفه بس مش الوقت
ناصر…بغضب انا عايز الميموري حالا.
ياسر….اهدي يا استاذ ناصر والله انا مراعي جدا حالتك بس معلش استني شويه انتوا صايمين والحاله اللي انتوا فيها دي غلط عليكم كلكم انتوا هتفضلوا معانا وهنفطر كلنا سوا وبعد الفطار أبقي شوف اللي انت عايزه.
ناصر…انا مش عايز افطر انا عايز اشوف الميموري احنا لازم نتحرك فوراً كلنا من هنا.
عمر….مش هينفع ريم مش هتقدر تتحرك الوقت الحركه غلط عليها خصوصا بعد المجهود الذهني اللي عملته والحركه و الصريخ ده كله ده في خطر علي حياتها.
ناصر….واحنا لايمكن نفضل اكتر من كده لازم نتحرك .
ياسر…استاذ ناصر معني ان ريم تظهر هي والميموري اللي عليه الحقيقه ان هيبقي فيه سين وجيم مش هتقدر عليه صدقني.
ناصر…..هبعدها هوديها قنا ومش هخلي اي حد يتعرضلها.
عمر….مينفعش مش هتستحمل المسافه دي كلها صدقني الطريق طويل و متعب عليها جدا.
ناصر….بغضب طب اعمل اييييه حسوا بيا انا في نار
عمر…طيب تعالي بس نقعد بره واهدي شويه خلينا نكون متفقين ان طول ما اللي عملها ميعرفش حاجه عن ظهور ريم والدليل اللي معاها فاهو مطمن اعتبر ان ريم مظهرتش الوقت خالص واستحمل بس يومين تشد حيلها وبعدين اعملوا اللي انتوا عيزينه.
ياسر….يلا تعالي نقعد بره ونسيبها ترتاح وبعد الفطار هنتكلم
بصله ناصر وسكت.
ياسر…متبصليش كده ده الصعايده دول اصل الكرم وانتوا هنا ضيوفنا مش عايزنا نقدم واجب الضيافه دي الاصول برده يلا تعالوا معايا.
خرجوا كلهم وفضلت عاليا مع ريم هي وشيماء.
شيماء….هتبقي كويسه متخافيش عليها.
عاليا…يارب🥺💔
شيماء….بقولك ايه انتي كمان شكلك مرهق جدا اطلعي نامي جمبها خليها تحس بيكي ارتاحي لحد معاد الفطار وان شاء الله هتصحي كويسه. يلا انا هسيبك الوقت بس لو احتاجتي حاجه انا بره معاهم ماشي.
هزت عاليا راسها وهي عينها علي ريم وبمجرد ما خرجت شيماء نامت عاليا جمبها علي السرير وهي حضناها وماسكه فيها بقوه
فضلت تبوس في وشها وتشم ريحتها و تمسح علي خدها بحنان وبعدين غمضت عينها وفي ثواني نامت من كتر التعب🥺
…………
خرجت شيماء وقفلت عليهم الباب.
ياسر….ايه ريم نامت؟
شيماء…اه نامت كالعاده بتسقط و بتنام بدون اي مقدمات.
سيف…بحزن طيب هو ده طبيعي يا دكتور؟
عمر…بعمليه شديده طبيعي جداً ده تأثير العمليه زي ما قولتلكم العمليه مكانتش بسيطه بس كمان ريم من الناس اللي تقف قدام حالتها تندهش لو حد غيرها وده طبيعي جدا كان هيبقي حالته أسوء كان ممكن بعد العمليه يدخل في غيبوبه مؤقته او يفضل بعد العمليه فاقد الوعي فتره
بس ريم بعد كام ساعه من العمليه فتحت عينها اه مكانتش بتتكلم او تتحرك بس لما كنت بسألها سمعاني شيفاني كانت بترد عليا بعينها فا ده كان مطمني لما دكتوره شيماء شافتها قالت انها فضلت في وعيها كتير تغمض وترجع تفتح حتي لما اتنقلت في الاسعاف لحد ما وصلت المستشفي وأستلمتها من ياسر كانت في وعيها وبتكلمنا كانت مرعوبه وفضلت كتير ماسكه ايدي و تترجاني قبل ما تاخد البنج عشان العمليه اني مبلغش مكانتش عايزه حد يعرف انها عايشه او بالتحديد الشخص اللي عمل كده كان كل همها ان الميموري يفضل معانا كل ده وهي عندها نزيف شغال مش بيقف الشخص اللي ضربها اداها بحجر كبير في راسها وده اللي عمل الارتجاج وطبعاً الارتجاج ده بيحتاج ان بعد العمليه المريض يرتاح اطول وقت ممكن ميتحركش كتير لان كمان الحركه بتسببله دوار شديد جدا وعدم إتزان الكلام الكتير المجهود الضغط الذهني بس في حاله ريم انا والله مستغرب جواها قوه رهيبه للتمسك بالحياه وكأنها متمسكه بالحياه عشان الحقيقه تظهر. وطبعا النوم المفاجئ ده اقل حاجه ممكن تحصل اعراض طبيعيه يعني.
سيف….طيب هو خروجها من المستشفي في الوقت ده عادي يعني ميأثرش عليها.
عمر….هو لو اي مريض غيرها المفروض يفضل وقت اطول بس هي الي حد كبير حالتها مستقره الحمد لله زي ما قولت لحضرتك احنا خرجناها بسبب اللجنه اللي كانت موجوده واحنا كنا و عدناها محدش هيعرف اي حاجه وهي طبعا مكانش معاها مرافق فا وجودها كان هيبقي في شك وطبعاً هي كانت امانه معانا من اول ما استلمناها في الحقيقه كلما أتعاطفنا معاها بعد الحادثه اللي حصلت واعتبرنا نفسنا اهلها جبناها هنا عشان تكون تحت رعايتنا انا ودكتور وياسر ودكتوره شيماء محدش فينا قصر معاها وبقت واحده مننا خلاص عايز كمان اقولك حاجه هي كانت ملتزمه جدا بالتعليمات كنت مانع عنها الكلام والانفعال خالص طلبت منها ان الكلام يكون في اضيق الحدود وهي التزمت لما كانت تسرح وتعيط اقولها ده غلط لازم تستحملي وتكوني قويه عشان تقدري تقفي علي رجلك بسرعه وحقك يرجع كانت متعاونه جدا وجود انسه عاليا كنت عارف ان ده هيكون نتيجته كنت خايف وطلبت منها نأجل المقابله دي بس هي وعدتني تكون قويه لكن طبعا ده شعور داخلي جواها متقدرش تتحكم فيه انا عاذرها جدا بس اتمني ان الشعور ده ينتهي بسرعه عشان متتأثرش و يحصل مضاعفات عشان كده طلبت منكم بلاش نسألها كتير ونضغط عليها.
سيف….احنا مقدرين حالتها ومش حابين اننا نضغط عليها بس كمان محتاجين نعرف الحقيقه علي الاقل عشان هي ترتاح كلنا تعباين من اللي حصل بس هي شافت اللي حصل بعينها ولازم تحس ان حقها بيرجع.
عمر….انا فاهم ده كويس بس كمان بلاش نستعجل عليها الحقيقه موجوده وهي معانا يعني الحق عمره ما هيضيع كل حاجه هتعرفوها انهارده بس انا كنت طالب منكم ان حتي لو عرفتوا كل حاجه عالاقل نستني يومين لان بمجرد ما الحقيقه تتعرف لازم ريم تقول اقوالها اولا الكلام الكتير تعب عليها ثانيا لما هتحكي هتفتكر و ترجع تعرض عقلها للتفكير وترجع لذكري صعبه عدت عليها.
ناصر….بعد صمت دام كتير..طيب الوقت يا دكتور انا حابب اننا ناخدها معانا ايه العمل تتنقل عادي في العربيه ولا لازم اسعاف
عمر…ولا ده ولا ده ريم مينفعش تتحرك الوقت السفر غلط عليها مش هتقدر تتحمل المسافه دي كلها.
ناصر…مش هوديها قنا عشان المسافه هي هتروح علي القاهره.
عمر…صدقني الافضل انها تستني يومين تلاته عالاقل خليها معانا زي ماهي واكيد انتوا الوقت متطمنين عليها.
ناصر….اختها مش هتقدر تسيبها.
عمر…تفضل معاها و هنشيلهم فوق راسنا متقلقش.
هنا حس ناصر انه مضايق ومش عارف يعمل ايه خصوصا ان الكلام ده لو اتقال قدام عاليا هتوافق عليه فورا من غير اي وعي منه نطق ناصر
ناصر….انا نفسي مش هكون مطمن ومش هقدر اسيب مراتي في مكان وانا في مكان!!!!!!
بصله سيف ومرعي بذهول😳
من غير تعليق علي اي كلام
و بصله عمر وياسر بأستفسار.
عمر….مرات حضرتك هي انسه عاليا مراتك؟
ناصر….ايوه مكتوب كتابنا.
عمر…امممم طيب علي فكره البيت هنا كبير وابشقه اللي تحت تقدروا تقعدوا فيها انتوا ضيوفنا وعلي راسنا علي الاقل يومين بس اطمن اكتر ان ريم هتعدي الوقت الصعب ده ولقائها هي واختها وبعدين تقدر تاخدهم عالقاهره زي ما تحب وانا بنزل القاهره تقريبا يوم بعد يوم عشان بتابع شغل هناك في القصر العيني هعدي عليها واتابع حالتها بنفسي وكمان في دكتور هخليه يتابعها الايام اللي مش هبقي فيها هناك هيساعدكم كتير لو حصل اي حاجه اتفقنا.
ناصر….بقله حيله تمام يا دكتور انا مش عارف بجد اقول لحضرتك ايه ودكتور ياسر و المدام بجد حضراتكم عملتوا اللي عليكم وزياده.
ياسر…متقولش كده احنا اخوات وده واجبنا المهم الوقت تعالوا انزلوا تحت شويه ارتاحوا انتوا جايين من سفر مع الصيام مع اللي حصل ده كله اكيد محتاجين ترتاحوا وبما ان ريم و انسه عاليا نايمين انا وعمر هنروح بسرعه كده المستشفي لاننا منزلناش واستنيناكم وقبل الفطار هنكون هنا نفطر مع بعض وبعدين هتبقي تشوف الميموري.
بص ناصر لشيماء بأستفسار هي عاليا نايمه؟
شيماء…ايوه قولتلها ترتاح شويه شكلها تعبان خالص واكيد محتاجه تكون مع اختها الوضع كان صعب عليهم هما الاتنين الله يكون في عونهم انزلوا انتوا ارتاحوا وانا موجوده معاهم هنا اطمن عليهم متقلقش.
ناصر…شكرا جدا تعبناكي.
شيماء…تعبكم راحه.
قام عمر وياسر وخدوهم علي تحت.
عمر…اعتبروا البيت بيتكم وده الكارت بتاعي لو في اي حاجه كلمني خدوا راحتكم ده بيت اخواتكم ومعاكم هنا والدتي واختي وجوزها والمدام بتاعتي ودكتوره شيماء يعني انتوا مش لوحدكم واحنا مش هنتأخر عليكم.
ناصر…انا مش عارف اقولكم ابه بجد اسفين جدا علي للازعاج اللي سببناه لحضراتكم.
عمر….متقولش كده وبلاش الحساسيه الزياده دي انا قولتلك احنا اخوات و كمل بأبتسامه وزي ما الصعايده اهل الكرم والجدعنه الاسماعيليه ولادها جدعان بردو
ناصر…بأبتسامه يدوم الكرم والجدعنه.
عمر….يلا هنسيبكم بقي ترتاحوا وانا هبلغ اللي في البيت قبل ما امشي انكم موجودين.
ناصر…تمام شكرا ليكم.
عمر….العفو سلام عليكم.
خرج عمر وياسر وسابوهم يرتاحوا قعد ناصر علي الكنبه وحط ايدول علي راسوا بتعب
مرعي…جوم ياولدي ارتاح انت وهو شويه لسه اربع ساعات عالفطار.
ناصر…بتعب هتاچي منين الراحه بس يا مرعي .
سيف….ناصر انت ليه قولت ان عاليا مراتك؟
ناصر….كنت عايزني أعمل أيه عاد أسيبهم مع ناس غريبه عنيهم ريم جاعده في شجت الدكتور ياسر يعني اكيد بيبيت معاهم هنجول ان ريم وضعها يسمحلها لانها مريضه طيب واختها كيف هتجعد مع راچل غريب اكيد ما هتاخدش راحتها كيف نهملهم ونسافر يا سيف.
سيف….انا فاهمك بس بردو متنساش اننا كنا اغراب لعاليا وكانت معانا.
ناصر…بأرتباك ايوه صوح بس كمان كانت جاعده لحالها في المضيفه واني اللي كنت مجعدها لحد ما اختها تظهر ثم اني ضامن حالي و ضامنك وعارف ان محدش فينا ممكن يتعرضلها انما مش ضامن غيري دول امانه يا سيف.
سيف…بس هما شكلهم ناس محترمه.
ناصر….عارف وولاد اصول كمان بس ميصحش احنا وهما يا سيف مشكلتنا واحده هنجدروا نفهم علي بعضينا لكن غيرنا مضمنش البتين بجيوا لحالهم يا سيف واحنا عارفين حكايتهم البت الصغيره مرعوبه من اللي شافته
وهي الوجت في خطر مينفعش نهملهم ومكانش هينفع افضل معاهم لو مفيش حاچه تربطني بيهم فهمتني يا سيف.
سيف…بتنهيده فهمتك يا ناصر.
ناصر…كلمت عز عشان تشوف معاه اخر الاخبار.
سيف….اخر مره كلمته بعد ما اتحركنا من البلد قالي انه هيروح بكره بالعامل ده النيابه يكسب وقت عشان خايف العامل يغير رأيه او يخاف من عزام
ناصر….ليه يا سيف كنت منعته كلمه الوجت وخليه ما يروحش
سيف…ليه ياناصر؟
ناصر…بغضب عشان اني اللي هاخد روحه بيدي يا سيف حج اخوي هچيبه بيدي تاره اني اللي هاخده منيه ومن عيلته كلاتها وبعد الفطار هجلب عليه الاسماعيليه وهچيبه وهاخد روحه
النهار ماهيطلعش غير واني جاتله كيف ما جتل علي.
سيف…ناصر ارجوك بلاش عشان خاطري خلي القانون ياخد مجراه هو كده كده هيتعدم كل حاجه بتدينه يعني مش هيقدر يخرج منها انا محتاجك معايا ياناصر متسبنيش زي ما علي سابني 🥺
بصله ناصر بحزن وخده في حضنه. ماجدرش يا سيف والله ماجادر اني واللي جتل اخوي في نفس البلد كيف اهمله بس
سيف….مين قال اننا هنسيبه بس متضيعش نفسك احنا من غيرك مش هنعرف نكمل متقضيش عليا انا كنان يا ناصر انت وستي اللي باقينلي متعملش فيا كده.
مرعي….سيف معاه حج يا ناصر يا ولدي متضيعش حالك مع واحد خسيس كيف عزام هو إكده او إكدن ميت سلم الدليل ياولدي والحكومه هتچيبه وهينعدم وحج علي هيرچع.
خد ناصر نفس طويل …طيب يلا جوموا أرتاحوا شويه عشان بعد الفطار نعرفوا هنعمل ايه عاد اكيد انتوا التنين ماعينفعش تفضلوا إهنه.
سيف…ماشي يا حبيبي يلا قوم انت كمان ريح شويه.
ناصر….ماشي.
………………
نام مرعي علي الكنبه مكانه ودخل ناصر في اوضه يرتاح فرد جسمه علي السرير لكن مقدرش ينام
سيف مرضيش يسيبه ودخل نام جمبه كان خايف ناصر ينزل من وراهم ويروح لعزام.
………………………..
عدت الساعات بسرعه كان فاضل علي الفطار نص ساعه
رجع ياسر وعمر.
طلع عمر علي شقته وطلع ياسر فوق في شقته فتحتله شيماء.
شيماء….حمد الله عالسلامه يا حبيبي.
ياسر…الله يسلمك ايه هنا لسه نايمين.
شيماء…بيتهيألي صحيوا كنت سامعه صوت انسه عاليا الوقت.
ياسر…طيب حصل اي حاجه.
شيماء…لا أطمن بخير يلا ادخل غير هدومك وخد حمامك لحد ما الفطار يجهز.
ياسر…طيب اعملي حسابك عمر هيفطر معانا عشان خديجه مراته راحت لمامتها انهارده وامي هتفطر مع رحمه وجوزها انا فهمتهم ان قرايب ريم موجودين كنان عشان لما يشوفوا الميموري يبقوا لوحدهم.
شيماء…بتفهم تمام يا حبببي يلا ادخل وانا الوقت ابقي ادخل اشوفهم.
ياسر…تمام.
……….
في اوضه عاليا وريم.
كانت عاليا و خداها في حضنها ودموعها نازله.
عاليا….كنت خايفه عليكي اوي.
ريم…بتعب وانا كنت محتجالك اوي ياعاليا كنت خايفه عليكي وبفكر ياتري حالتك عامله ايه.
عاليا….كنت بموت كل ثانيه وانا مش عارفه انتي فين مبطلتش ادعيلك لحظه يا ريم
ريم كانت بتسمعها ودموعها نازله.
ريم….اول مره رمضان يعدي علينا و متبقاش مع بعض.
ابتسمت عاليا من وسط دموعها انتي عارفه اني جبتلك العروسه اللي طلبتيها كل يوم كنت اخدها في حضني واكلمها كأنك معايا.
ريم…بوجع انا مش مصدقه انك معايا يا عاليا
عاليا…انا معاكي يا حبيبتي وجمبك ومش هسيبك تاني ابدا.
ريم….انتي ازاي جيتي مع مستر سيف و اخو مستر علي اتقابلتوا ازاي.
عاليا…بوجع دي حكايه طويله يا ريم تفوقي بس و احكيهالك احنا متقابلناش انا كنت عندهم في الصعيد.
ريم….الصعيد!! ليه وايه اللي وداكي.
عاليا….استاذ ناصر بعد اللي حصل كان فاكر ان انتي ليكي يد في اللي حصل واختفائك زود شكه خدني معاه علي اساس انك لما تعرفي تيجي تخلصيني من ايده مكانش يعرف ان انتي نفسك محتاجه المساعده.
ريم….بدموع عملك ايه آذاكي.
عاليا…لا لا خالص اطمني هو شخص محترم هو وجدته وسيف كمان كانوا بيعتبروني منهم يمكن الاول كان طريقته مختلفه وكان شايفني بداري عليكي او عارفه مكانك بس هو من جواه مكانش عارف بيعمل ايه كان عامل زيي بيحاول يتعلق بأي حاجه توصله باللي عمل كده في اخوه
ريم…..بدموع مستر علي كان بيحبه اوي
عاليا…عارفه ريم مش عيزاكي تقولي اي حاجه قدام الناس هنا عن اللي قولتله ده احسن يقلقوا ويبلغوا عنه.
ريم….انا عايزه ارجع البيت يا عاليا عايزه اطمن علي خالتوا هي اكيد تعبانه وحالتها وحشه كفايه عليها اللي حصل لضحي.
غمضت عاليا عينها بألم ودموعها نزلت تجري 🥺💔
عاليا….هنروح يا حبيبتي وهوديكي ليها
ريم…بدموع وحشتني اوي يا عاليا🥺🥺💔
عاليا…انتي كمان وحشتيها اوي يا حبيبتي وهي مستنياكي😫💔
ريم….بوجع ضحي يا عاليا ضحي 💔😫😫😫
عاليا…بدموع احنا قولنا ايه كفايه عشان خاطري ورحمه ماما كفايه لو بتحبي ضحي بجد كفايه عشان متتعبيش🥺
خبطت شيماء في الوقت ده وفتحت براحه وهي مبتسمه.
شيماء….القمر بتاعي عامل ايه الوقت.
عاليا…بدموع ابتسمت الحمد لله بخير.
شيماء….احنا مش قولنا بلاش عياط يا انسه عاليا عشان متتعبش.
عاليا….كانت وحشاني اوي 💔 كنت هموت عليها مش مصدقه انها قدامي.
شيماء…ربنا يخليكم لبعض هي زي الفل اهي واطمني هي قدامك يا ستي ومش هتسيبك ولا تسيبيها تاني. ولا ايه يا ريم.
ريم….بأبتسامه بسيطه من وسط دموعها انا تعبتك معايا اوي انا مديونالك بحجات كتير مهما عدتها مش هقدر اوفيكي حقك انتي ودكتور ياسر ودكتور عمر.
شيماء…بتأثر متقوليش كده ابدا انتي اختي ربنا عالم من يوم ما شوفتك يا ريم وانتي دخلتي قلبي وحبيتك وخوفت عليكي كأنك مني كان كل همي اني انقذك.
عاليا….لو في حد مديون بجد فا هو انا مش ريم 🥺🥺 انتي رجعتيلي روحي بمكالمتك ليا كل اللي عملتيه مع ريم في رقبتي ليوم الدين
شيماء….انتوا عايزني اعيط بقي ولا ايه والله انا ما عملتش اي حاجه واي حد مكاني كان عمل كده واكتر واوعي تفكري يا ست ريم انك لما تمشي من هنا هسيبك انا علي طول هجيلك وأسال عليكي احنا بقينا اخوات خلاص.
عاليا….بأبتسامه طبعا ربنا يديكي علي قد نيتك الجميله♥️
شيماء….طيب خلينا بقي في المهم هتفطري بره ولا هتاكلي مع ريم هنا هي ريم كده كده فاطره بس ده معاد اكلها لو عايزه تفطري مع جوز حضرتك براحتك.
عاليا…..لا خليني معاها.وفجأه انتبهت عاليا لكلمته 😳
ريم….جوزها!! انتي اتجوزتي يا عاليا.
بصتلهم شيماء باستغراب…اه انا اقصد استاذ ناصر هو قال انك مراته
عاليا…بتوتر و أرتباك اه اه انا بحسب بتقولي لريم
ريم….لعاليا انتي اتجوزتي ؟
بصتلها عاليا بعينها كأنها بتقولها هفهمك بعدين اه اه ياريم هحكيلك كل حاجه بعدين لما تبقي احسن.
ريم….فهمت ريم ان في حاجه بسرعه غيرت الكلام هو انا ممكن اطلع افطر معاكم بره انا وعاليا.
شيماء….طبعا لو هتقدري ومش حاسه بدوخه تعالي طبعاً انا هقوم اجهز السفره بسرعه يادوب الاذان هيآذن خلاص.
عاليا…محتاجه اي مساعده.
شيماء…لا يا قلبي خليكي معاها بعد اذنكم.
…………..
اول ما خرجت بصتلها ريم
ريم….هو في ايه انا مش فاهمه حاجه.
عاليا….ولا انا ياريم مش عارفه ليه قال كده
ريم….يعني ايه وليه هيقول كده اصلا.
عاليا…يمكن مقدرش يقول اني كنت معاه في الصعيد وانه مخليني عنده لحد ما تظهري.
ريم…ممكن هو بجد معملكيش اي حاجه.
عاليا…خالص والله اطمني ناصر حد محترم جدا هو يبان عصبي و يخوف بس هو طيب
سمعوا صوت الباب بره وسمعوا صوت ياسر بيرحب ييهم و بيدخلهم مع عمر اخوه اللي عدي عليهم وجابهم.
عمر….ريم كويسه.
ياسر…اه كويسه شيماء لسه خارجه من عندهم وبتقول انها هتفطر معانا بره هينفع ولا ايه
عمر…اه عادي لو قادره تيجي هي لازم بردو من وقت للتاني تتحرك بس حركات بسيطه والمكان هنا مش بعيد.
ياسر….تمام هروح اجيب العصير بسرعه منورين يا جماعه.
سيف…ده نورك.
ناصر…منوره بيكم يا دكتور.
……..
دخل ناصر لقي شيماء مبتسمه.
ياسر….الجميل مبتسم ليه.
بصتله شيماء وضحكت مش جوزها!
بصلها باستغراب 🤔هو مين
شيماء…استاذ ناصر مش متجوز عاليا
ياسر…وانتي ايه اللي عرفك
شيماء…سألتها هتاكل مع ريم ولا مع جوزها بره استغربت وارتبكت وسالتني جوزي وريم سألتها انتي اتجوزتي وبسرعه حاولت تفهم كلامي وقالتلي لا هفطر هنا
ياسر….طب وهو ليه قال كده
شيماء ..بأبتسامه ودي عايزه كلام يا دكتور ده انت حبيب قديم وبتفهمها وهي طايره شكله بيحبها واكيد غيران انها تفضل هنا وانت وعمر موجودين.
ياسر…بابتسامه قولتيلي بقي بس هو شكله محترم.
شيماء…فعلا عموما كفايه اللي فيهم ربنا يعينهم و يسعدهم
ياسر…بأبتسامه طب يلا بقي الاذان اذن هروح اديهم العصير وهخبط علي البنات عشان يخرجوا
شيماء….بضحك بس اوعي تدخل احسن ده صعيدي 😂
ياسر….وانتي فكراني هدخل انا مش مستغني عن عمري😂😂
……….
خرج ياسر اداهم العصير وخبط علي باب الاوضه ثواني وفتحت عاليا.
ياسر…يلا يا انسه عاليا الفطار ريم هتقدر
عاليا…ايوه هجيبها حالا.
عمر….لحظه انا هساعدها.
دخل عمر وساعدها هو وعاليا قامت براحه وفضلت واقفه ثواني عشان الدوخه لان بقالها فتره نايمه.
عمر…براحه خالص يا ريم متستعجليش. لو مش قادره خليكي
ريم…لا خليني اخرج انا زهقت هقدر متقلقش.
عمر….طيب يلا براحه.
خرجها عمر هو وعاليا وقعدت علي كرسي السفره براحه.
ناصر…عينه كانت علي عاليا
رفعت عاليا عينها لاقيته باصصلها ارتبكت وبسرعه بعدت عينها عنه.
جابت شيماء الاكل وبدأوا ملهم ياكلوا سوا كان الوضع العام بين ترحيب من عمر وياسر وشيماء و احراج للباقي لكن طريقتهم الطيبه معاهم خلتهم فكوا شويه
بعد الاكل شكرهم ناصر وسيف وعاليا وراحت شيماء تشيل الاطباق ساعدتها عاليا ورجعت تاني قعدت مكانها لحد ما شيماء تعملهم الشاي.
………..
عاليا كل شويه تبصله عايزه تحاول تعرف ليه قال انها مراته بس كانت محرجه تسأله.
سيف….عامله ايه الوقت يا ريم.
ابتسمت ريم بتعب زي ما حضرتك شايف يا مستر سيف مبقتش انا.
سيف…بابتسامه متقوليش كده لسه زي القمر يا باربي.
ابتسمت ريم…حضرتك لسه فاكر مبقتش باربي خلاص.
سيف…هتبقي كويسه.
اتجمعت الدموع في عينها وبصتله ميتهيأليش🥺💔
سيف….بتآثر متقوليش كده انتي قويه يا ريم وانا واثق انك هتعدي كل ده و هترجعي احسن من الاول.
عاليا….اكيد ريم قويه و هتقدر تتخطي كل اللي حصل🥺
ناصر…حمدالله علي سلامتك يا انسه ريم.
بصتله ريم بريبه….الله يسلمك.
جات شيماء حطت الشاي ورحبت بيهم تاني وقعدت معاهم.
عمر….ريم استاذ ناصر كان عايز يرجعك معاه انهارده بس انا طلبت منه تفضلوا يومين كمان عشان اطمن اكتر انك بقيتي احسن وصحتك تبقي افضل و تقدري انك تسافري. انسه عاليا هتفضل معاكي هنا واستاذ ناصر واستاذ سيف وحاج مرعي ضيوفنا وهيفضلوا معانا في الشقه اللي تحت يعني متقلقيش مش هيسيبوكي.
ريم…بس انا كويسه خلاص يا دكتور عمر بالله عليك انا عايزه امشي
عمر…دول يومين بس ياريم ايه لحقتي تزهقي مننا
ريم….لا خالص والله انا بس عايزه اطمن علي خالتو
بصوا كلهم لبعض.
ريم….وبعدين كفايه اوي بجد اللي عملتوا معايا لحد كده
ياسر….احنا معملناش معاكي حاجه ياريم وبعدين احنا خلاص بقينا اهل احنا اتعودنا علي وجودك كفايه فرحه شيماء بيكي
شيماء…خلاص يا ست ريم ادام عاليا جات تسيبيني.
ابتسمت ريم لشيماء لا والله ابدا انتي عارفه انتي بقيتي ايه بالنسبالي بس انا محتاجه ارجع بيتي محتاجه اكون مع خالتو هي محتجاني وكمان انا عايزه حق ضحي ومستر علي يرجع كفايه كده بقي🥺🥺🥺💔
عمر…..طيب يوم واحد بس يا ريم خليكي لحد بكره علي الاقل كمان الجماعه يرتاحوا دول جايين سواقه 8 ساعات.
ناصر….ريم انا عايز امشي و اجيب حقهم اكتر منك بس لو ده في خطر عليكي مفيهاش حاجه لما تستني مجاتش علي يومين ولو نفع تمشي بكره هنرجع كلنا بكره.
هزت ريم راسها بهدوء وسكتت.
بص ناصر لعمر….دكتور عمر انا عملت كل اللي قولت عليه واستنيت لبعض الفطار بس صدقني مش قادر خلاص من فضلك ريحني بقي.
بص عمر لياسر وشيماء وبعدين رجع بص لناصر بحزن وهو بيهز راسه ورجع وجهه كلامه لشيماء.
عمر….دخلي ريم يلا ترتاح شويه جوه وب….
قاطعته ريم
ريم…من فضلك يا دكتور متقلقش انا بخير وهفضل معاكم
عمر…ريم معلش ادخلي انتي ارتاحي مش هينفع تكوني موجوده الوقت اسمعي الكلام
ريم….بدموع اللي هيشوفوا انا كنت موجوده فيه بنفسي 🥺
و شيفاه في عيني طول الوقت
لازم اكون موجوده بس قبل ما تشغل الڤديو لازم احكيلهم اللي حصل🥺🥺🥺💔
بصولها كلهم بترقب وبصتلها عاليا برجاء.
عاليا….بلاش عشان خاطري يا ريم ادخلي جوه و اسمعي الكلام🥺
ريم…مبقاش ينفع يا عاليا خليني اتكلم وارتاح انا استنيت اللحظه دي كتير. رجعت بصتلهم تاني
ريم….سمعت انا وضحي العمال بيتكلموا علي انهم تاني يوم الصبح هيحطوا صبه لدورين زياده لما روحنا نتغدي بلغنا مستر علي بكل اللي سمعناه كان مضايق جدا. ومتعصب و خدنا ورجعنا تاني علي الموقع اتكلم مع مستر عزام وبعد كده بدأ صوتهم يعلي مستر عزام مصمم ان الادوار مش هتآثر لان الاساس من البدايه معمول حسابه والبرج يتحمل ومستر علي رفض قاله معنديش استعداد اني اتحمل ارواح ناس بريئه في رقبتي
بدأ مستر عزام يتعصب اكتر وأتحول تماما بقي يقوله انا خسرت نص مليون جنيه والادوار دي هتكون تعويض وعلي الاقل خليها في برج واحد بس اعوض الخساره مستر علي رفض ومشي وسابه بيتكلم مستر عزام كان بيزعق جامد وقاله ان الادوار هتتعمل غصب عنك ركب مستر علي ومشينا واحنا في الطريق بلغ مستر عز باللي حصل عشان يبدأ ياخد إجراء قانوني قبل ما نوصل عشان مستر علي مكانش هيلحق وكان عنده سفر بليل للصعيد وكان عايز يخلي مسؤوليته انه بلغ قبل ما مستر عزام يلحق يصب الخرسانه الصبح🥺
مشينا كتير لحد ما الليل دخل والدنيا حوالينا مانت ساكته كل فين وفين تيجي عربيه🥺
وفجأه حسينا ان مستر علي متوتر و بيبص كتير في المرايه وضوء كشاف قوي ضارب في المرايات بدأ يسرع اكتر وبعدها حسينا بخبطه في العربيه صرخت انا وضحي ووقتها عرفنا ان في حاجه غلط🥺
حاول مستر علي يهدينا وخلي ضحي رجعت وراء حاول كتير يطلع من العربيه اتفاجيئ انهم عربيتين مش واحده مكانش عارف يتحكم في العربيه وحس ان في حاجه خطر طلب اننا نبلغ البوليس مكانش في شبكه مفيش حاجه كانت بتجمع🥺🥺
لما حس بالخطر قرر انه يقف فضلنا كتير. نقوله بلاش كمل قال مش قادر العربيه هتتقلب لازم اقف اشوف مين دول وعايزين ايه
طلب مني اول ما ينزل اصور كل اللي هيحصل واني اقفل كل البيبان علينا🥺🥺
فضلنا نقوله لا كتير🥺🥺🥺😫
بس هو مكانش في حاجه يعملها غير انه يقف العربيات كانت بتحاوطنا ومش عارف يطلع منهم
ووقف وبنزل و قفلتا وراه بسرعه وشغلت الموبايل اصور
في البدايه هتلاقوا الصوره باينه وبعد كده الصوره كانت بتتهز ومش جايبه حاجه غير صوت 😫🥺 بصت لعمر تقدر تفتح الوقت الڤديو كل حاجه هتسمعوها باقي الحكايه من بعد ما مستر علي نزل💔
بص ناصر بصدمه وغضب لعمر
مسك عمر موبايله جاب الڤديو وقرب الموبايل من ناصر 🥺
مسك ناصر الموبايل سيف وعاليا كانوا جمبه باصين علب الموبايل بترقب حط ناصر صباعه علي التشغيل وبدأ الڤديو علي صوت صريخ قوي💔🥺
ريم…..مستر علييييييييي
ضحي….لاااااااا مستر عليي
ريم….انت بتعمل كده لييييييه😫
ظهر في الفديو اتنين مكتفين علي وواحد واقف وراه حاطت السكينه علي رقبته.
وشخص تاني واقف قدامه بيكلمه
علي…..انت اتجننت انت بتعمل ايه؟
الشخص….طول عمري تابع ليك طول عمري بعمل كل اللي انت عايزه واقف في ضهرك شايل شغلك علي كتافي عمري ما خذلتك سبت كل حاجه في حياتي عشانك يا علي عشان اقف معاك ونكبر سوا زي ما كنت بتقول كل حاجه كانت بتجيلك بكل سهوله وانت قاعد باشا حاطت رجل علي رجل انا اللي كنت بتعب وبتمرمط لحد ما الشركه بتاعتك وقفت علي رجلها كل ده مش مهم ياعلي لكن انك تاخد مني الانسانه الوحيده اللي حبتها علي جثتي يا علي
علي…انت بتقول ايه؟
الشخص…بصوت قوي ضحييييي ضحي يا علي اللي كنت بتمني بس رضاها روحتلها وقولتلها اني بحبها وطالبها في الحلال
وفجأه لف وهو بيبص لضحي وريم بتوره الكل اتصدم ..
سيف….عززززززز😳
عاليا…حطت عاليا ايدها علي بوئها🙊🙊
ناصر…😳😡😡عز
عز….قولتلها هعملك كل حاجه في الدنيا قالتلي انت زي اخويا يا عز مش هقدر اشوفك غير كده.
الكلام ده كان من 3 ايام
سبتها ومشيت وانا متحطم جيتلك في نفس اليوم كنت ناوي اتكلم معاك لقيتك بتصدمني وبتصارحني بحبك ليها سألتك طب وهي ؟قولتلي مش عارف بس هقولها وقولتلي كمان انك حاسس انها بتبادلك نفس الشعور
سمعتك وانت بتكلمها في البريك وبتقولها علي اللي جواك أبتسمت وسكتت طلبت منها انك تشوف اهلها بعد ما ترجع من الصعيد وهي وافقت وقالتلك انها مش هتقول حاجه لوالدتها الوقت غير لما ترج….ليه ياعلي قولي ليه كل حاجه انت بتعوزها بتطولها بسهوله ومن غير اي تعب ليه انا ديما عالرف ومش معمول حسابي
علي….اعقل يا عز كل شئ قسمه ونصيب انا لو اعرف انك بتحبها مكنتش خدت الخطوه دي يا صاحبي بس انت بنفسك بتقول هي قالتلك انك اخوها
عز بغضب…عشان انت موجوووووود وانا يا علي مش هستني لما تسافر وترجع تاخدها مني.
ضحي…بصريخ وانا مش هبقي ليك يا حيواااااان😫😫
عز….مبقاش بمزاجك يا ضحي
بص عز للرجاله اللي مأجرهم شوفوا شغلكم
علي….عزززز استني ياعززز وفجأه لقي لكمه قويه في وشه وبدأ يكون في بين علي والتلاته اللي معاه قتال.
صوت الصريخ بيعلي اكتر
والموبايل مبقاش يصور
سمعوا صوت كسر في الشباك
وضحي بتصرخ جامد هي وريم.
ضحي….لااااااا ياعز سبني اااااه عليييييييي
علي….سيبها يا عزززززززز
ريم….حد يلحقناااااااااا يا ضحييييييي
ضحي…لا يا عز والنبي ابوس ايدك لاااات لاااااا ابعد عني يا حيوانننن
علي….يا عززززززز اه 🔪ودي كانت اول طعنه وعلي مستمر في الضرب.
صريخ مستمر من ضحي تبعه صرخه قويه موقفتش
ضحي…لاااااااااااااااااااااااااا وفجأه انقطع صوت ضحي وفضل صوت ريم.
علي….يا ابن الكاااااااااللب اه.🔪
عز….انا كنت عايزك في الحلال رفع ايده وضربها اول طعنه🔪
ضحي….اااااه
عز….بس انتي اللي مشوفتنيش انا كنت بحبك..🔪
ضحي….اااااه💔
قام عز زي المجنون راح لعلي وهو بيطعن فيه وبيعيط
عز…..ضحي ماااات 🔪
علي…ااااه
عز…انت السبب🔪
علي…ااااه.
واحد من اللي معاه خلاص يا باشا واحد مننا اتضرب يلا مفيش وقت
عز….بضياع انت السبب في كل ده🔪
علي…ااااه
ريم…..ضحيييييييييييي كفاااااااايه
عز….هاتها بسرعه.
علي…اجري ياريم اجرررري
وفجأه بقي في حركه كتير في الموبايل و مره واحده فصل
……..
ريم….بتعب وانهيار. ضحي ماتت ضحي ماتت علي مات كلهم راحو
عاليا…ضحييييييييي😫وفجأه وقعت عاليا من طولها
ريم…مكمله كلام مع نفسها وكأنها في دنيا تانيه ومش حاسه بعاليا اللي فقدت وعيها
ناصر.. واقف عينه بيطلع منها شر وجحيم😡 ومش حاسس بعاليا اللي وقعت جمب رجله وياسر وعمر وشيماء بيفوقوا فيها
سيف….واقف دموعه نازله و مصدوم
مرعي…واقف حاطت ايده الاتنين علي دماغه.
وكأن في لحظه كل واحد فيهم بقي في دنيا تانيه والارض بتلف بيهم🌎
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية سجينة مع وقف التنفيذ)