روايات

رواية نجمة احتلت عرش قلبي 2 الفصل الرابع 4 بقلم يارا الرويني

رواية نجمة احتلت عرش قلبي 2 الفصل الرابع 4 بقلم يارا الرويني

رواية نجمة احتلت عرش قلبي 2 البارت الرابع

رواية نجمة احتلت عرش قلبي 2 الجزء الرابع

رواية نجمة احتلت عرش قلبي 2 الحلقة الرابعة

جودى : مفيش يا ماما انا بس اتخبطت وانا فى المعمل
جميلة : يحبيبتى طب بتوجعك اوى روحتوا المستشفى
جودى : كريم كشف عليا وقال انى مش محتاجه اروح يلا عن اذنكوا انا طالعة اوضتى
فرحة : تمام يحبيبتى اطلعى
جميلة : شكراً يا كريم كويس بجد انك معاها فى الكلية
كريم : على ايه يطنط عن اذنكوا
جميلة : اتفضل يحبيبى
عند سيليا وسندس
سندس: تصدقى انى نفسى يبقى عندى اللامبالاة اللى عندك دى بجد يعنى المستر طردنا وقالك انتى بالذات متدخليش الا بولى امرك وقاعدة بتحشرى برضوا
سيليا وهى بتاكل: مكلش يعنى واتعب عشانه وبعدين فكك بقى هقول لى ابيه مروان وهيجى معايا وخلص الموضوع انتى مالك حاسكى مضايقة من ساعة مدخلنا
سندس: حمزة
سيليا: تاااانى
سندس: بجد بقى مستفز اوى وطول الوقت يصغنن يصغنن انا بجد تعبت منه
سيليا: طب ما هو معاه حق انه يشوفك صغيره انتى شايفة فرق السن اللى ما بينكوا
سندس بزعل: معاكى حق

 

 

 

سيليا وهى بتمسك ايدها: متزعليش يسندس انا بس بقولك الواقع عشان متتعشميش كتير حبى حد من سنك عشان ابيه حمزة مسيره هو كمان يحب واحدة من سنه
سندس بدموع : خلاص يا سيليا بجد متوجعليش قلبى اكتر من كدا يا رب ام’وت ومشوفش اليوم اللى هيكون فيه مع واحدة تانية
سيليا: بس يبت متقوليش كدا بعد الشر عليكى يلهوى طب بتعيطى ليه دلوقتي
سندس بعياط : انا بجد مش هقدر اشوفه مع واحدة تانية غيرى انا بحبه اوى يسيليا
حمزة وقتها دخل المطعم
حمزة : الله الله قالب على الحلوين السنتر وهم هنا مروقين وبياكلوا
حمزة لاحظ ان سندس بتعيط
حمزة وهو بيوطى وبيعقد قدامها: مالك فيه ايه
سندس وهى بتمسح دموعها: مفيش
حمزة : مفيش ازاى وانتى بتعيطى كدا حصل حاجه وبص على سيليا: هى مالها حد ضايقك أو قالك حاجه
سندس وهى بتقوم : قولتلك مفيش حاجه يلا انا هروح
حمزة بعصبية: هو ايه اللي مفيش وعايزة اروح ما تقولى بتعيطى ليه انا مش رايق لشغل العيال دا
سندس بصوت عالى : عيال عيال انا مش عيلة انا كبيرة على فكرة وبطل بقى اسلوبك المستفز واللى بيضايق دا
حمزة بعصبية: صوتك الناس اتفرجت علينا
سندس بعياط: انا ماشية يسيليا
وكانت لسه جاية تمشى بس حمزة مسك ايدها
حمزة : استنى هوصلك

 

 

سندس: مش عايزة حد يوصلنى انا هرن على بابا يجى ياخدنى
حمزة : يبنتى انتى ليه مصرة تعصبينى
سندس : امشى يلا انا هرن على بابا وهستناه
حمزة سحبها من ايدها: يلا
سندس: سيب ايدى
سيليا: خلاص يا ابيه سيبها براحتها
حمزة بعصبية: اسكتوا انتوا الاتنين مش عايز اسمع صوت حد فيكوا وبص على سندس والله يا سندس لو ما اتظبطى وجيتى معايا لهكون شايلك وحاطك فى العربية غصبن عنك
سندس بتوهان فيه : هو انت قولت سندس مش يا صغنن
حمزة بصلها وابتسم وهو براسه بمعنى مفيش فايده فيكى
سيليا: انتى فى ايه ولا فى ايه
فى فيلا العايدى
شروق كانت معدية من قدام اوضة مروان ولاقيتها مفتوحة وبصيت فيها لاقيتها فاضية و دخلت
وفضلت تبص لكل ركن فيها بحب وفجأة خرج مروان من الحمام وكان عا’رى الصدر
شروق بخجل وهى بتودى وشها الناحية التانية: والله انا كنت مفكرك برا مكنتش اعرف انك هنا انا اسفة
مروان ببأتسامة : ولا يهمك محصلش حاجه انتى كنتى عايزة حاجة

 

 

شروق : هاا لا انا كنت دخلة اقفل الاوضة بس عشان لاقيتها مفتوحه
مروان بخبث: وانتى دخلة تقفليها من جوا
شروق بتوتر و دموع من الموقف: هاا انا خارجة
مروان لاحظ من صوتها انها بتعيط
مروان : انتى كويسة
نجمة وقتها دخلت الاوضة
نجمة : هو ايه اللى بيحصل هنا
شروق بتوتر : عن اذنكوا
نجمة وهى بتبص لمروان
مروان: انتى بتبصى كدا ليه مش اللى فى دماغك يا ماما
نجمة: اوماال هى اتوترت كدا ليه اما دخلت
مروان: مش عارف روحى اسأليها بقى
نجمة بخبث : انا فعلا عايزاها اصل مامتها بتقول جايلها عريس كويس اوى وعايزنى اقنعها
مروان بعصبية شديدة : ودا مين دا بقى أن شاء الله
نجمة : انت اتعصبت اوى كدا ليه
مروان : بحبها ما انتى عارفه يعنى مش محتاج اقولك
نجمة : طب ما تروح تتقدملها
مروان: فكرك توافق

 

 

نجمة : ليه لأ على فكرة هى كمان بتحبك
مروان بفرحة : بجد يا ماما هى قالتلك حاجه
نجمة : لا هى مقالتليش حاجه بس باين عليها جدا
مروان بفرحة: انا هروح اكلم عمو ادهم فوراً
نجمة : عمك ادهم فى الشركة وبعدين لازم تقول لى ابوك قبل ما تاخد الخطوة دى
مروان: صح معاكى حق
عند شروق راحت اوضتها وفضلت تعيط
شروق وهى بتمسح دموعها: هتفضلى تحطى نفسك فى المواقف دى كتير وهو اصلا ولا حاسس بيكى فوقى يا شروق فوقى
عند حمزة
حمزة : انزلى انتى يا سيليا وانا هوصل سندس واجاى لو حد سألك عليا
سيليا: تمام يا ابيه
حمزة وهى بيبص على سندس: انا مش سواق الهانم انزلى اقعدى قدام
سندس نزلت وقعدت قدام
بعد ربع ساعة كانوا وصلوا قدام الڤيلا بتاعت عمر
سندس كانت لسه جاية تمشى
حمزة : استنى كنتى بتعيطى ليه
سندس بتزمر طفولى: يواه بقى انا قولتلك مفيش حاجه
حمزة : والله بتعيطى من غير سبب
سندس: ااه
حمزة. : متختبريش صبرى اكتر من كدا
سندس: هو انت هتتجوز حد تانى غيرى
حمزة : مش فاهماك
سندس: انا بحبك

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية نجمة احتلت عرش قلبي 2)

اترك رد